Morgunblaðið - 17.06.2001, Blaðsíða 12

12 B SUNNUDAGUR 17. JÚNÍ 2001 MORGUNBLAÐIÐ
ferðalög
Á NÆSTU vikum verður opnuð
gamaldags krambúð í Byggðasafni
Austur-Skaftafellssýslu sem er á
Höfn í Hornafirði.
Björn Arnarson safnvörður seg-
ir að þar verði seldur brjóstsykur í
kramarhúsi, ýmsir minjagripir og í
framtíðinni verði eflaust hægt að
kaupa þar kaffisopa og vöfflur.
Það á vel við að hafa krambúð í
safninu því það er í elsta húsi
Hafnar, Gömlubúð, sem var upp-
runalega reist sem verslunarhús.
Safnið hýsir aðallega muni úr
sýslunni og eru einkum til sýnis
hlutir sem tengjast landbúnaði og
heimilishaldi, enda var landbúnað-
ur aðalatvinnuvegur sýslubúa fram
á þessa öld. Björn segir að munum
á náttúrugripasafni byggðasafns-
ins fari sífellt fjölgandi. Þegar eru
þar ýmsar fuglategundir, egg,
steinar, refir, minkur, selir, risa-
skjaldbaka og skordýrasafn. Á
þessu ári bættust í safnið um þús-
und steinar frá Elínborgu Páls-
dóttur og Benedikt Þorsteinssyni
á Höfn sem flestir eru fundnir í
byggðarlaginu.
Þá hefur Björn unnið ötullega
að því að koma upp myndarlegu
búvélasafni. Nú þegar á safnið
orðið á milli 40 og 50 vélar og
hann gerir þær flestar upp sjálfur.
Margt er þar fágætra muna m.a.
rófnaupptökuvél frá Brekku í Lóni
sem smíðuð var upp úr 1951 Þá
eru þar til sýnis Lúðvíksherfi sem
voru á sínum tíma fjöldaframleidd
í Danmörku. Björn segir að fólk í
sveitinni sé viljugt að láta hann fá
gamlar búvélar á safnið og á næst-
unni á hann von á heyhleðsluvél
frá bæ úr sveitinni.
Byggðasafn Austur-Skaftafellssýslu á Höfn í Hornafirði
Krambúð í
gömlu versl-
unarhúsnæði
Morgunblaðið/Guðbjörg R. Guðmundsd.
Til stendur að opna krambúð í Byggðasafni Austur-Skaftafellssýslu á Höfn í
Hornafirði. Björn Arnarson safnvörður hefur staðið í ströngu við undirbúning
síðustu vikurnar.

Byggðasafn Austur- Skafta-
fellssýslu er opið frá klukkan 13-
18 frá 20. maí-1. júlí og frá 1.
ágúst-15. september. Í júlí er
safnið opið frá 13-21 . Að undanförnu hefur verið unnið að því að koma upp búvélasafni í Byggðasafni
Austur-Skaftafellssýslu. Þegar á safnið orðið 40-50 vélar.
SKOTTÚR yfir til Malmö er góð hug-
mynd fyrir þá sem langar að breyta
aðeins til í Kaupmannahafnartúrnum
og sjá svart á hvítu hve mikill munur
er á borgunum tveimur þótt aðeins 35
mínútna lestarferð skilji þær að.
Listunnendur ættu ekki síst að
grípa tækifærið en mörg góð listasöfn
eru í Malmö. Þá stendur í allt sumar
yfir afar athyglisverð sýning, Bo01,
þar sem nýbyggt hverfi í höfninni er
til sýnis, að utan og innan.
Bo01-hverfið er til sýnis fram í
miðjan september og getur þar að líta
allt það nýjasta í arkitektúr og innan-
hússhönnun. Yfirskriftin er „Fram-
tíðarborgin í lífrænt sjálfbæru upp-
lýsinga- og velferðarsamfélagi“ en
engin ástæða er til að láta hana fæla
sig frá. Hægt er að skoða tæplega 700
íbúðir, verslanir, skrifstofur, veitinga-
staði o.s.frv. sem margir þekktir arki-
tektar hafa teiknað. Þá eru sýningar
við ýmis þemu og hefur „Framtíðar-
heimilið“ sem er unnið í samvinnu við
NASA vakið mikla athygli.
Fjölmörg listasöfn og gallerí í Malmö
Malmö konstall býður upp á spenn-
andi sýningar, fram í ágúst er t.d.
skemmtileg sýning á skúlptúrum eftir
Bretann Tony Gregg. Foreldrum er
ráðlagt að gæta vel að börnum sínum.
Malmö Museum sýnir einkum
sænska list í sumar, m.a. yfirlitssýn-
ingu á sænskum verkum. Í Rooseum
verður sýning í tengslum við endur-
byggingu safnsins. Unnendum góðr-
ar hönnunar og handverks skal enn
fremur bent á Form/Design Center.
Tónlistarunnendum er ráðlagt að
kynna sér hvað er á seyði á hverjum
tíma, vefsíðan www.alltom-
malmo.tv4.se hefur að geyma upplýs-
ingar um allt á milli himins og jarðar,
þar á meðal tónlist.
Unnendur góðs matar ættu að
finna nóg við sitt hæfi enda hefur orð-
ið gjörbylting í sænskri matargerð og
eru sænskir matreiðslumenn í
fremstu röð. Of langt er að telja upp
góða veitingastaði í Malmö en þó má
benda á einn þann besta (og jafnframt
dýrasta), Petri Pumpa, sem er ör-
skammt frá aðalbrautarstöðinni. Yfir
sumarið er ráðlegt að doka við þar til
rökkvar því á hverjum degi fram í
september verða settar upp ljósasýn-
ingar í og við vatnið í Malmö. Á
Skeppsbroen kl. 21, 22 og 23 og í Pil-
dammsparken er sýnt ljósa-, vatns-
og tónlistarverk kl. 21:30 og 22:30.
Gengi sænsku krónunnar er tals-
vert lægra en þeirrar dönsku, hún er
á um 80 danska aura. Margir Danir
hugsa sér því gott til glóðarinnar að
versla í Svíþjóð, matur er ódýrari og
ýmislegt annað. Verslanir eru enn-
fremur í mörgum tilvikum opnar á
sunnudögum kl. 12–16 en slíkt er
bannað með lögum í Danmörku.
Margar verslanir og veitingastaðir
taka við dönskum krónum en slíkt
borgar sig yfirleitt ekki þar sem
gengið er stundum 1:1.
Skotist yfir til Malmö frá Kaupmannahöfn
Ljósasýningar í rökkrinu
Gengi sænsku krónunnar er talsvert lægra en þeirrar dönsku, hún er á um 80
danska aura. Margir Danir hugsa sér því gott til glóðarinnar að gera innkaupin í
Svíþjóð, matur er ódýrari og ýmislegt annað.

Lestir ganga á milli aðaljárn-
brautarstöðvanna í Kaup-
mannahöfn og Malmö á 20
mínútna fresti fram til mið-
nættis og á klukkustundarfresti
eftir það. Kostar miði fram og
til baka 120 dkr, um 1.400 íkr.
Flugbátarnir fara einu sinni á
klukkustund fram að miðnætti
og kostar miðinn 100 dkr fram
og til baka, um 1.160 íkr. Sé um
einsdagsmiða að ræða kostar
hann 85 kr., rétt um 1.000 íkr.

Endastöðvar lesta og báta
eru 5 mínútna gang frá mið-
bænum. Skoðunarferð um
Malmö er t.d. hægt að fara með
því að taka einn hring í stræt-
isvagni nr. 20 eða með því að
kaupa sér skoðunarferð í yf-
irbyggðum báti.

Upplýsingar fyrir ferðamenn
eru á aðalbrautarstöðinni og
skammt frá flugbátunum Þá er
ráðlegt að kíkja á vefsíðurnar
www.malmo.se/turist og
www.alltommalmo.tv4.se.
Þeim sem læsir eru á sænsku
er eindregið ráðlagt að líta á þá
síðarnefndu, hún er hafsjór af
upplýsingum.
SKÓGARHLAUP Útilífsmiðstöðv-
arinnar Húsafelli og Íslenskra
ævintýraferða verður haldið í
fyrsta skipti laugardaginn 21. júlí
næstkomandi. Keppnin, sem er sú
fyrsta sinnar tegundar hérlendis,
felst í því að keppendur þurfa að
komast yfir ákveðið landsvæði á
sem skemmstum tíma og á leiðinni
eiga þeir að yfirstíga ýmsar hindr-
anir. Keppt verður í fjögurra
manna liðum og skulu liðsmenn
vera af báðum kynjum. Til að
ljúka keppni þurfa liðin að reiða
sig á samstöðu hópsins í heild
jafnt sem frumkvæði einstaklings-
ins. Keppninni er stillt upp sem
áskorendakeppni fyrirtækja en
þau fyrirtæki sem senda lið til
þátttöku öðlast rétt til að skora á
önnur fyrirtæki að mæta sér í
keppninni.
Brautin verður kynnt þremur
dögum fyrir keppni en lögð er
áhersla á að hún verði fjölbreytt
og skemmtileg. Sem dæmi má
nefna fara keppendur fótgangandi
og þurfa að klífa lítið fjall, vaða
bergvatnsár og stökkva fram af
litlum fossum. Á leiðinni eru
ákveðnar stöðvar þar sem liðin
eiga að gefa sig fram til að fá að
halda áfram keppni.
Skógarhlaup
í Húsafelli

Allar frekari upplýsingar eru
veittar í síma 577-5500 og
slóðinni www.strik.is/
skogarhlaupid/. Einnig er hægt
að fá upplýsingar á vefsíðu Ís-
lenskra ævintýraferða: www.ae-
vintyraferdir.is.
Dreifing: S. Gunnbjörnsson ehf. Sími 565 6317
Vatnsþynnanlegt vax- og
hitatæki til háreyðingar. Vaxið
má einnig hita í örbylgjuofni.
Einnig háreyðingarkrem,
„roll-on“ eða borið á
með spaða frá
Útsölustaðir: Snyrtivöruverslunin Nana, Rvík, Líbía, Mjódd, Hringbrautar Apótek, Rima Apótek,
Grafarvogs Apótek, Lyf & heilsa, Álfabakka, Lyf & heilsa, Háteigsvegi 1, Borgarapótek, Álftamýri, Fína
Mosfellsbæ, Gallerí Förðun, Keflavík, Sauðárkróks Apótek, Stykkishólms Apótek, Árnesapótek, Selfossi.
Hafnarapótek, Höfn, Hornafirði, Lyfsalan Hólmavík.
Háreyðingarvörur
Frábærar vörur á frábæru verði
Gerið verðsamanburð