Morgunblaðið - 07.09.2001, Qupperneq 2

ÍÞRÓTTIR
2 C FÖSTUDAGUR 7. SEPTEMBER 2001 MORGUNBLAÐIÐ
ÚRSLIT
Ég sé fyrir mér að Magdeburg,Lemgo, Kiel, Flenburg, Essen,
Wallau Massenheim og Nordhorn
komi öll til með að slást um titilinn.
Flest þessara liða hafa styrkt sig og
það verður ekki auðvelt fyrir okkur
að verja titilinn,“ sagði Alfreð í sam-
tali við Morgunblaðið í gær en
keppni í þýsku úrvalsdeildinni hefst
á morgun og hefur Magdeburg tit-
ilvörn sína á útivelli á móti Eisenach.
Ellefu af átján fyrirliðum spá
Lemgo titlinum. Hvað segir þú um
þessa spádóma?
„Ég er bara mjög ánægður með
þessa spá og get vel skilið að menn
hafi trú á Lemgo. Liðið hefur fengið
þrjá sterka leikmenn, Christian Ra-
mota frá Grosswallstadt, Markus
Baur frá Wetzla og Christian
Schwarzer frá Barcelona, og er kom-
ið með mjög öflugan mannskap.
Sjálfsagt kemur Lemgo til með að
veita okkur harðasta keppni en fimm
til sex önnur lið geta örugglega
blandað sér í toppbaráttuna.“
Síðasta tímabil var eftirminnilegt
hjá Alfreð og lærisveinum hans. Þeir
hömpuðu Þýskalandsmeistaratitlin-
um og báru sigur úr býtum í EHF-
keppninni. Í fyrrakvöld tryggði svo
Magdeburg sér sigur á móti Bad
Schwartau í árlegum leik meistar-
anna gegn meisturunum.
„Ég var hundfúll með spila-
mennsku minna manna og það eina
jákvæða við leikinn var að vinna
þennan bikar sem var í boði. Menn
voru óeinbeittir og kærulausir og
fyrir vikið var leikurinn mun jafnari
en hann hefði átt að vera. Markmiðið
er að sjálfögðu að verja titilinn og ég
tel liðið vera sterkara núna en á síð-
ustu leiktíð. Við höfum fengið Nen-
and Perunicic frá Kiel og hann á
örugglega eftir að styrkja liðið þó svo
að hann hafi ekki fallið nægilega vel
inn í liðið í undirbúningsleikjunum.
Spilið er hægara í kringum hann en
við erum vanir en hann hefur verið
að jafna sig eftir meiðsli og á því von-
andi eftir að komast í betra leikform.
Við höfum misst leikstjórnandann
Oleg Kuleschov frá í fjóra mánuði
vegna uppskurðar á hné og til að
leysa stöðu hans á meðan höfum við
fengið Rússann Stanislaw Kulintsc-
henko frá Celje í Slóveníu. Við þurf-
um örugglega að hafa vel fyrir öllum
sigrum okkar enda vilja allir leggja
meistarana,“ sagði Alfreð.
Patrekur spáir því að Magde-
burg verji meistaratitilinn
Ellefu af átján fyrirliðum liðanna í
þýsku úrvalsdeildinni í handknatt-
leik spá Lemgo sigri í deildakeppn-
inni sem hefst um helgina en þýski
netmiðilinn Sport 1 spurði fyrirlið-
ana átján hvaða lið þeir teldu að
mundi hampa titlinum næsta vor.
Sex fyrirliðar spá meisturum
Magdeburg titlinum en Steffen
Stibler, fyrirliði Magdeburg, vill ekki
nefna líklega kandítata. Magdeburg
varð meistari á síðustu leiktíð eftir
harða keppni við Lemgo en hand-
boltaspekingar spá því að slagurinn
um titilinn komi til með að standa á
milli þessara tveggja liða ásamt Kiel,
Flensburg og Wallau Massenheim.
Meðal þeirra fyrirliða sem spá
Lemgo titlinum er sænski landsliðs-
maðurinn Stefan Lövgren hjá Kiel,
landi hans, Ola Lindgren, fyrirliði
Nordhorn, Daninn Jan Fegter hjá
Flensburg og Ulrich Wolf, fyrirliði
bikarmeistara Bad Schwartau.
Patrekur Jóhannesson, fyrirliði
Essen, er einn þeirra sem tippa á að
Alfreð Gíslason og Ólafur Stefánsson
hjá Magdeburg verji meistaratitilinn
og risinn Volker Zerbe, fyrirliði
Lemgo, gerir slíkt hið sama.
Alfreð Gíslason, þjálfari Þýskalandsmeistara Magdeburg
Fleiri lið en áður
í toppbaráttunni
ALFREÐ Gíslason, þjálfari Magdeburg, reiknar með mjög spenn-
andi keppni í þýsku úrvalsdeildinni í vetur og segir að fleiri lið en
áður eigi eftir að blanda sér í baráttuna um meistaratitilinn.
Guðmundur Rúnar Hallg
stigam
PETE Sampras frá Bandaríkjunum er
kominn í undanúrslit á opna bandaríska
meistaramótinu í tennis eftir sigur á
landa sínum, Andre Agassi, í æsispenn-
andi leik í 8manna úrslitunum í fyrri-
nótt. Sampras hafði betur, 6:7, 7:6, 7:6
og 7:6 og eins og tölurnar gefa til kynna
var um jafna og spennandi viðureign að
ræða og segja fróðir menn að þetta sé
jafnasti tennisleikur sem fram hefur
farið á stórmóti í tennis en hann tók
þrjár klukkustundir og 32 mínútur.
Sampras, sem fjórum sinnum hefur
borið sigur úr býtum á opna bandaríska
meistaramótinu, er þar með kominn í
undanúrslit í áttunda sinn á glæsilegum
ferli sínum.
„Ég held að ég geti sagt með vissu að
þetta hafi verið frábær tennisleikur og
sigurinn hefði hæglega getað fallið
Agassi í skaut. Agassi er ótrúlegur spil-
ari og og sá besti sem ég hef mætt í
gegnum árin,“ sagði Sampras eftir sig-
urinn. Andstæðingur Sampras í undan-
úrslitunum verður Rússinn Marat Safin
sem sigraði á mótinu í fyrra en í gær-
kvöldi var ekki vitað hverjir mætast
hinni undanúrslitaviðureigninni.
Í kvennaflokki komst Jennifer Capr-
iati frá Bandaríkjunum í undanúrslitin
og mætir þar löndu sinni Venus Wil-
lams. Capriati vann nokkuð auðveldan
sigur á Amelie Mauresmo frá Frakk-
landi, 6:3 og 6:4. Williams átti ekki í
vandræðum með andstæðing sinn en
hún hafði betur á móti Kim Clijsters frá
Belgíu, 6:3 og 6:1
Jennifer Caprati frá Bandaríkjunum
tryggði sér í gær sæti í undanúrslitum
kvennakeppninnar og mætir þar löndu
sinni Venus Williams en systir hennar
Serena mætir Martinu Hingis frá Sviss í
hinum undanúrslitaleiknum.
Sampras
lagði
Agassi
í frábær-
um leik
Á DÖGUNUM kepptu Ágúst
Kvaran og Sigurður Gunn-
steinsson í alþjóðlegu 100 km
ofurmaraþonhlaupi í Frakk-
landi. Hlaupið hófst og endaði í
bænum Cleder á Bretagne-
skaga og voru keppendur rúm-
lega 1.800 frá 36 þjóðum.
Hlaupaleiðin samanstóð af
tveimur 50 km hringjum þar
sem farið var um sveitavegi og
vegatroðninga á öldóttu lands-
lagi. Keppendum var gert að
klára hlaupið á skemmri tíma
en 16 klukkustundum og voru
þeir félagar ekki í vandræðum
með það því Ágúst, sem er 49
ára, hljóp hringina tvo á tæpum
9 klukkustundum og Sigurður,
sem stendur á sextugu, hljóp á
rúmlega 11 og hálfri klukku-
stund. Tími Ágústs dugði hon-
um í 250. sæti í mótinu en Sig-
urður hafnaði í 894. sæti.
Sigurvegari mótsins var Japan-
inn Mikami Yasufumi sem
hljóp á tímanum 6 klst. og 33
mín.
Ágúst og
Sigurður
hlupu
100 km
Íslendingar unnu 10 gullverðlaun,jafnmörg silfurverðlaun og 6
bronsverðlaun á Norðurlandmóti
öldunga í frjálsíþróttum sem haldið
var í Eskilstuna í Svíþjóð á dög-
unum. Keppendur voru 720 frá öll-
um Norðurlöndunum og þar af 14
frá Íslandi. Unnur Sigurðardóttir,
FH, sem keppir í 35 ára flokki,
sigraði í þremur greinum og varð
önnur í einni. Hún sigraði í spjót-
kasti, lóðkasti og sleggju, en varð
önnur í kringlukasti. Daníel Smári
Guðmundsson, ÍR, sigraði í 3.000
m hindrunarhlaupi og 1.500 m
hlaupi og varð svo annar í 800 m
hlaupi í 40 ára flokki. Þá varð Sig-
urjón Sigurbjörnsson, ÍR, fyrstur í
1.500 m hlaupi í flokki 45 ára og
annar í 800 m hlaupi.
Jón H. Magnússon, ÍR, sem
keppir í 65 ára flokki sigraði í lóð-
kasti og varð annar í sleggjukasti.
Hrönn Edvinsdóttir, Víði Garði,
sem keppir í 45 ára flokki, sigraði í
spjótkasti og varð þriðja í sleggju-
kasti, lóðkasti og kringlukasti.
Anna Magnúsdóttir, HSS, keppir í
55 ára flokki og hún vann í kúlu-
varpi, varð önnur í lóðkasti og
kringlukasti og varð síðan þriðja í
sleggjukasti. Kristján Gissurarson,
FH, sigraði í stangarstökki í flokki
45 ára og var svo þriðji í 100 m
hlaupi. Árný Heiðarsdóttir, Óðni,
varð önnur í þremur greinum þ.e.
langstökki, þrístökki og sleggju-
kasti. Árný keppti í 45 ára flokki.
Trausti Sveinbjörnsson, FH, sem
keppti í 55 ára flokki, varð annar í
300 m grindahlaupi.
Kristofer Jónasson, HSH, náði
þriðja sætinu í þrístökki, en hann
keppir í 65 ára flokki.
Íslenska keppnisliðið á Norðurlandamóti öldunga í frjálsíþrótt-
um. Aftari röð f.v. Sigurður Haraldsson, Bogi Sigurðsson, Björn
Jóhannsson, Árný Heiðarsdóttir, Anna Magnúsdóttir, Hrönn
Edwinsdóttir, Unnur Sigurðardóttir, Kristján Gissurarson, Jón
H. Magnússon. Fremri röð f.v. Sigurjón Sigurbjörnsson, Ólafur
J. Þórðarson, Trausti Sveinbjörnsson, Kristófer Jónasson,
Daníel Smári Guðmundsson.
26 verðlaun á
NM öldunga
KÖRFUKNATTLEIKUR
Valsmótið, Hlíðarenda:
Stjarnan - Grindavík ..................................17
Hamar - Valur.............................................18
Tindastóll - Haukar....................................19
Keflavík - KFÍ ............................................20
Þór - ÍR........................................................21
HANDKNATTLEIKUR
Ragnarsmótið á Selfossi:
HK - FH .................................................18.15
Selfoss - Afturelding .............................20.15
Í KVÖLD
FÉLAGSLÍF
Dómaranámskeið
Dómaranámskeið verður haldið á vegum
KKÍ og HSK dagana 17., 18. og 20.
september nk. Námskeiðið verður haldið í
Tíbrá, félagsheimili Umf. Selfoss og hefst
umrædda daga kl. 18:30.
Námskeiðinu lýkur með skriflegu prófi og
þeir sem standast það fá fullgilt dómara-
skírteini. Þau félög sem taka þátt í Íslands-
mótum og héraðsmótum verða að hafa
dómara í sínum röðum með próf og því er
nauðsynlegt að félögin sendi fólk á nám-
skeiðið. Umsjónarmenn með námskeiðinu
af hálfu KKÍ verða úrvaldsdeildardómar-
arnir Jón Bender og Rúnar Gíslason. Þátt-
tökugjald verður kr. 4.000 á mann
KNATTSPYRNA
Úrslitakeppni 3. deildar, undanúrslit, síð-
ari leikir
KFS – HK...................................................1:5
Magnús Steindórsson – Pétur Geir Svav-
arsson 4, Ólafur V. Júlíusson.
HK vann fyrri leik liðana 5:0, og samanlagt,
10:1
Völsungur – Njarðvík ..............................0:0
Völsungur vann á mörkum skoruðum á úti-
velli, 2:2, samanlagt.

HK og Völsungur hafa tryggt sér sæti í 2.
deild og leika til úrslita um sigurinn í 3.
deild á sunnudaginn en KFS og Njarðvík
leika um þriðja sætið.
Undankeppni EM
U-19 ára landslið kvenna
Búlgaría - Ísland.......................................0:7
Dóra María Lárusdóttir 2, Elfa Ásdís
Ólafsdóttir, Margrét Lára Viðarsdóttir,
Sólveig Þórarinsdóttir, Dóra Stefánsdóttir
og Kristín Ýr Bjarnadóttir.
Svíþjóð
Úrvalsdeild
Djurgården - Örebro.................................2:0
KÖRFUKNATTLEIKUR
Valsmótið:
Haukar – Valur......................................47:35
Njarðvík – Breiðablik ...........................60:32
Badminton
Evrópukeppni félagsliða, Uppsala í Sví-
þjóð:
TBR – Grafityp (Belg.)............................6:1.

Njörður Ludvigsson og Magnús Helga-
son unnu tvíliðaleik karla 2:7, 7:0, 7:0 og
7:2.

Ragna Ingólfsdóttir og Katrín Atladóttir
unnu tvíliðaleik kvenna 7:3, 7:5 og 7:5.

Helgi Jóhannesson tapaði einliðaleik
karla 2:7, 3:7 og 5:7.

Ragna Ingólfsdóttir sigraði í einliðaleik
kvenna 7:5, 7:3 og 7:1.

Njörður Ludvigsson sigraði einliðaleik
karla 7:5, 7:4 og 8:6.

Sara Jónsdóttir sigraði í einliðaleik
kvenna 7:0, 7:0 og 7:0.

Helgi Jóhannesson og Sara Jónsdóttir
sigruðu í tvenndarleik 7:3, 7:0 og 7:1.

TBR leikur í dag við spænskt lið.