Morgunblaðið - 22.01.2002, Blaðsíða 5

KNATTSPYRNA
MORGUNBLAÐIÐ ÞRIÐJUDAGUR 22. JANÚAR 2002 B 5

JUAN Sebastian Veron segir það
ekki koma til greina af sinni hálfu að
yfirgefa Manchester United í lok
leiktíðarinnar og fara á ný til Lazio
eins og fjölmiðlar á Ítalíu fullyrtu í
vikunni. „Mér dettur ekki í hug að
fara frá Manchester, ég vil bara að
það sé á hreinu. Ég gerði fimm ára
samning við félagið og ætla að gera
mitt besta til að standa við hann,“
sagði Veron um helgina í samtali við
Manchester Evening News.

VERON viðurkenndi hins vegar
að það hefði tekið sig lengri tíma að
venjast ensku knattspyrnunni en
hann hefði vonað. Það breytti þó
ekki þeirri staðreynd að hann ætlaði
að halda sig hjá Manchester-liðinu.

LES Ferdinand meiddist í leik
Tottenham og Everton á laugardag-
inn. Hann hafði rétt skorað eina
mark Tottenham í leiknum, sem
endaði með jafntefli, þegar hann
fékk þungt högg á höfuðið og varð að
fara af leikvelli. Líkur eru á því að
Ferdinand leiki ekki með Totten-
ham í síðari leiknum við Chelsea í
undanúrslitum deildabikarkeppn-
innar, en hann er ráðgerður á White
Hart Lane annað kvöld. Ferdinand
skoraði eina mark Tottenham í fyrri
leiknum, sem Chelsea vann, 2:1.

GERARD Houllier hefur gríðar-
legan áhuga á að fá Hollendinginn,
Patrick Kluivert til Liverpool fyrir
næstu leiktíð. Fregnir frá Englandi
herma að Liverpool sé þegar komið í
viðræður við Barcelona og Kluivert
vegna málsins og að Houllier sé
reiðbúinn að greiða fyrir hann sem
nemur þremur milljörðum króna.

STEVEN Gerrard, Vladimir
Smicer og Chris Kirkland þykja
ósennilegir til að leika með Liver-
pool gegn Manchester United á Old
Trafford í kvöld. Gerrard fór af leik-
velli á 33. mínútur gegn Southamp-
ton um helgina vegna meiðsla í lær-
vöðva. Smicer kom í hans stað en var
aðeins á leikvellinum í 26 mínútur.
Þá fékk hann högg á annað hnéð og
varð að láta staðar numið þar með.
Kirkland er meiddur á ökkla.

DAVID Pleat stjórnarmaður
Tottenham Hotspur var staddur í
Þýskalandi í sl. viku þar sem hann
var í viðræðum við forráðamenn
Bayern München. Markmiðið með
ferðinni var að krækja í framherjann
Carsten Jancker en Tottenham hef-
ur áhuga á að leigja hann frá Bayern
út leiktíðina. Í síðustu viku benti allt
til þess að Jancker færi til Herthu
Berlín en á síðustu stundu slitnaði
uppúr samningaviðræðum.

BRASILÍSKI knattspyrnusnill-
ingurinn Vava (Edvaldo Izidio
Netto), sem varð heimsmeistari 1958
í Svíþjóð og 1962 í Chile, er látinn.
Vava, sem skoraði tvö mörk í úr-
slitaleiknum gegn Svíum 1958, 5:2,
var afar leikinn innherji og vinnu-
samur. Eftir HM í Svíþjóð fór hann
til Spánar og lék um tíma með Atlet-
ico Madrid.

MARK Viduka, framherji Leeds,
gæti átt yfir höfði sér leikbann, en
Martin Keown, varnarmaður Arsen-
al, segir hann hafa gefið sér oln-
bogaskot í leik liðanna í gær. Atvikið
mun hafa gerst þegar boltinn var
víðsfjarri og fullyrðir Keown að at-
vikið muni sjást á myndbandsupp-
töku. Fyrir leikinn fullvissaði David
O’Leary, knattspyrnustjóri Leeds,
almenning um, að ef einhver leik-
manna hans yrði uppvís að óviðeig-
andi framkomu, innan vallar eða ut-
an, færi sá hinn sami umsvifalaust á
sölulista.

MÁLIÐ er sérstakt í ljósi þess að
Martin Keown fékk eins leiks bann
eftir að myndbandsupptaka sýndi
hann gefa Mark Viduka olnbogaskot
í leik liðanna á Highbury á síðstu
leiktíð. „Ég veit ekki hvort þetta var
viljandi eður ei, en það er kaldhæðn-
islegt að sami leikmaður og sama lið
skuli eiga í hlut og þegar ég fékk
mína refsingu á síðasta tímabili,“
sagði Keown í viðtali við BBC.
FÓLK
náð Manchester United að stigum
þótt þrjú stig fáist úr þeim leik.
Martin Keown, varnarmaður Ars-
enal, var sáttur við eitt stig í heim-
sókn sinn á Elland Road. „Þetta
voru ágæt úrslit fyrir okkur. Það eru
ekki mörg lið sem fara héðan með
eitt stig,“ sagði hann í leikslok. „Það
er ekki heiglum hent að jafna gegn
Leeds á heimavelli eftir að hafa lent
undir og því tel ég okkur hafa gert
vel. Að mínu mati þá sýndum við
þann styrk að þessu sinni sem á þarf
að halda til þess að vinna sigur í
deildinni. Á undanförnum vikum
höfum við leikið gegn efstu liðunum
og náð fínum árangri gegn þeim, tel
okkur frekar hafa verið betri en þeir
þegar á heildina er litið,“ sagði
Keown.
„Þetta voru sanngjörn úrslit,“
sagði O’Leary. Starfsbróðir hans hjá
Arsenal, Arsene Wenger, var ekki
eins sáttur við stigið, sagði það þó
skárra en ekkert. „Við þurftum þrjú
stig en fengum aðeins eitt, því mið-
ur. Niðurstaða helgarinnar var
Manchester United hagstæð. Úrslit-
in voru ef til vill sanngjörn því þetta
var erfiður leikur. Manchester-liðið
á eftir að koma í heimsókn á Elland
Road síðar á leiktíðinni og það verð-
ur fróðlegt að sjá hvernig því vegn-
ar,“ sagði Wenger sem tók undir
með starfsbróður sínum hjá Leeds
að leikmenn beggja liða hefðu hagað
sér vel, ólíkt því sem oft hefði verið í
viðureignum þessara liða á undan-
gengnum misserum.
Robson var óhress
Hinn þrautreyndi knattspyrnu-
stjóri Newcastle, Bobby Robson, var
ekkert að skafa utan af því eftir jafn-
tefli við neðsta lið deildarinnar,
Leicester. Sagði hann sitt lið hafa
leikið hræðilega illa. Sérstaklega var
fyrri hálfleikurinn dapur, hreinlega
sá slakasti sem liðið hefur leikið á
keppnistímabilinu að mati Robsons.
Markalaust jafntefli liðanna á St.
James’ Park gerði að verkum að
Manchester náði tveggja stiga for-
skoti á Newcastle í efsta sæti. „Við
getum þakkað fyrir að hafa ekki ver-
ið undir í hálfleik,“ sagði Robson.
„Við lékum betur í síðari hálfleik,
fengum nokkur færi en gekk ekki að
nýta þau og því fór sem fór. Sér-
staklega var sárt að sjá Alan Shea-
rer fara illa að ráði sínu í góðum fær-
um sem hann alla jafna nýtir,“ sagði
Robson sem þrátt fyrir allt lítur
björtum augum fram á veginn.
„Framundan eru nokkrir leikir sem
við eigum að vinna og því tel ég okk-
ur eiga góða möguleika á að halda
áfram í toppbaráttunni, en þá er
einnig ljóst að við verðum að leika
betur en að þessu sinni,“ sagði Rob-
son.
Færin vantaði ekki
Liverpool-liðið heldur áfram að
valda stuðningsmönnum sínum von-
brigðum. Nú náði liðið aðeins jafn-
tefli á móti Southampton, sem einnig
hefur verið í basli upp á síðkastið.
Ekki vantaði þó að Liverpool fengi
færin í leiknum, einkum framan af,
en illa gekk að nýta þau. Michael
Owen skoraði snemma leiks en það
reyndist eina mark liðsins. Emile
Heskey var í sókninni með Owen en
honum féll allur ketill í eld. Frakk-
inn Nicolas Anelka kom inn á sem
varamaður eftir um stundarfjórð-
ungs leik í síðari hálfleik en náði ekki
að setja mark sitt á leikinn. Kevin
Davies jafnaði metin fyrir gestina á
fyrstu mínútu síðari hálfleiks og þar
við sat. Bæði lið fengu færi á að
hirða sigurinn en allt kom fyrir ekki.
„Við leikum einfaldlega illa um
þessar mundir, það þýðir ekkert að
draga fjöður yfir það, eða bera á
borð afsakanir,“ sagði Phil Thomp-
sons, starfandi knattspyrnustjóri
Liverpool, eftir leikinn. „Eina lausn-
in er að gera eitthvað í málinu, sem
sagt leita lausna á þeim vanda sem
við erum í. Það þarf að gerast hratt,
annars heltumst við úr lestinni í
keppninni um meistaratitilinn. Að
þessu sinni byrjuðum við vel og síð-
an datt botninn úr þegar á leið,“
sagði Thompson sem þarf að mæta
með sveit sína á Old Trafford í kvöld.
Gordon Strachan var hins vegar
mjög ánægður með framgöngu
sinna manna og annað stigið á An-
field. „Eftir tapið fyrir Rotherham í
bikarnum í vikunni er ég mjög stolt-
ur af því hvernig mínir menn léku
gegn Liverpool, því tapið á miðviku-
daginn var virkilega sárt.“
nafn sitt í sögubækur ensku úrvalsdeildarinnar
AP
Gianfranco Zola, Frank Lampard, með hendur á lofti, Eiður Smári Guðjohnsen og Emmanuel Petit fagna Jimmy Floyd Hasselbaink,
eftir að hann skoraði sitt annað mark gegn West Ham, Mario Stanic er á leið til þeirra til að taka þátt í fögnuðinum.
HECTOR Cuper þjálfari Inter kom
knattspyrnuáhugamönnum á Ítalíu í
opna skjöldu um helgina þar sem
hann notaði fjóra framherja frá
upphafi gegn Parma á San Siro-
leikvanginum. Cuper hefur hingað
til verið þekktari fyrir ofuráherslu á
varnarleik en hann sagði eftir 2:0
sigur liðsins að það væri hægt að
nota margar mismunandi aðferðir
til að sigra. „Ég taldi að okkur tæk-
ist að halda boltanum betur innan
liðsins með þessari leikaðferð og við
fengum fleiri marktækifæri en áð-
ur,“ sagði Cuper en Inter velti Róma
úr efsta sætinu og er nú með 41 stig,
einu meira en Róma. Vieri skoraði
annað mark Inter, með skoti af 25 m
færi.
Fabio Capello máttu sætta sig við
að horfa upp á leikmenn Róma gera
1:1 jafntefli á útivelli gegn Udinese.
Gabriel Batistuta skoraði mark
Róma á 83. mínútu en Muzzi misnot-
aði vítaspyrnu fyrir Udinese á 88.
mínútu. Francesco Totti lék ekki
með Róma vegna meiðsla en Capp-
ello sagði að Róma ætti að geta lifað
það af að leikmenn liðsins væru
meiddir. „Auðvitað er betra að hafa
Totti í okkar liði en leikmannahópur
Róma er það öflugur að við eigum
að falla saman þótt einn leikmaður
sé meiddur,“ sagði Cappello.
Franski landsliðsframherjinn
David Trezeguet fékk mikið lof frá
Marcello Lippi þjálfara Juventus
eftir 3:0 sigur liðsins gegn Atalanta.
Juventus er aðeins fjórum stigum á
eftir Inter en Trezeguet skoraði eitt
mark í hvorum hálfleik. „David er
einstakur framherji, frábær leik-
maður,“ sagði Lippi.
„Bakaraliðið“ Chievo er aðeins að
missa flugið eftir að hafa verið í
efsta sæti deildarinnar framan af
vetri. Chievo tapaði 3:1 á útivelli
gegn Bologna en liðið er í 5. sæti
með 33 stig, einu meira en AC Milan.
Sókndirfska
Cupers
skilaði Inter
í efsta sætið
Reuters
Christian Vieri fagnar eftir
að hafa skorað fyrir Inter
gegn Parma.