Morgunblaðið - 02.07.2003, Blaðsíða 4

4 B MIÐVIKUDAGUR 2. JÚLÍ 2003 MORGUNBLAÐIÐ
bílar
V
IÐ fyrstu sýn virkar
Volkswagen Phaeton eins
og stór og uppblásinn
Passat en þegar bílunum
er stillt upp saman rjúka
slíkar samlíkingar út í veður og vind.
Phaeton er 5,05 metra langur en
hann er ekki að öskra á athyglina
með íturvöxnum línum eða tísku-
bóluútliti. Heldur dregur hann hana
fremur til sín með hægðinni eins og
náttúrulega falleg kona með sterkan
persónuleika. Það er klassísk fegurð
sem umlykur þennan bíl. Hann er
framlag Volkswagen til lúxusbíla-
flokksins þar sem fyrir eru landar
eins og Mercedes-Benz S, BMW 7 og
Audi A8. Þarna er við ramman reip
að draga og VW þarf á öllu sínu að
halda í samkeppninni, ekki síst í ljósi
þess að VW er nýr þátttakandi í
þessum slag og hefur ekki áður boðið
upp á bíla í lúxusbílaflokki.
420 hestöfl – 550 Nm
Fyrsti Phaeton sem hingað hefur
rekið á fjörur var tekinn til kostanna
í síðustu viku. Bílinn fékk Hekla að
láni frá Wolfsburg og hann er á
þýskum númerum. Ætlunin er að
kynna bílinn fyrir væntanlegum
kaupendum og það er aflmesta gerð-
in sem hingað var fengin; með tólf
strokka, w-laga vél sem skilar að há-
marki 420 hestöflum og togar mest
550 Nm. Hann er nú einnig fáanleg-
ur ytra með V10 dísilvélinni og innan
tíðar einnig með V6 vél. Með tveimur
fyrrnefndu vélunum er staðalbúnað-
ur 4Motion fjórhjóladrifskerfi VW.
Sala á bílum af þessu tagi er hverf-
andi hér á landi en þó er það alltaf
einn og einn forstjóri sem fær slíkan
bíl til umráða. Það má til dæmis geta
þess til marks um lífið á þessum
markaði að þegar síðast frétti hafði
B&L selt þrjá svokallaða „pakka“,
þ.e. Range Rover fyrir húsbóndann
og BMW 7 fyrir freyjuna.
Kæling og nudd í sætum
Phaeton er einmitt hugsaður sem
einkabíll með bílstjóra, (chauffeur
driven limousine kallast það á eng-
ilsaxnesku). Hann er þess vegna að-
eins fjögurra manna og aðbúnaður
fyrir aftursætisfarþeganna er með
miklum ágætum. Milli sætanna er
stjórnborð með skjá. Á því eru stýr-
ingar fyrir miðstöð og loftkælingu og
sömuleiðis eru þar rofar fyrir raf-
stýringar á báðum aftursætunum.
Þau eru líka með kælingu, sem kem-
ur sér vel á heitum dögum, og upp-
hitun sem kannski hentar betur hér
á landi. Þá er hægt að setja í gang
nudd fyrir mjóbakið sem er eigin-
lega nauðsynlegt á lengri leiðum.
Það er hægt að fá bílinn í annarri út-
færslu með þremur aftursætum en
þá hverfur stjórnstöðin góða.
Phaeton er að sjálfsögðu með lyk-
illausu aðgengi eins og Touareg-
jeppinn, en þessir tveir bílar marka
innreið Volkswagen í lúxusbílaflokk-
inn.
Það er ýmislegt annað í innanrým-
inu sem minnir á Touareg, eins og
t.d. fjölrofa stýrið, stór og mikil gír-
skiptingin og frágangur í kringum
hana og svo loftpúðafjöðrunin. Bíll-
inn er með fimm þrepa sjálfskipt-
ingu með handskiptivali bæði í gír-
stönginni og einnig á tveimur,
fremur grófgerðum skiptiörmum við
stýrið.
Bíllinn er að sjálfsögðu klæddur
mjúku leðri og viðarlistar eru á
mælaborði og víðar og stýrið er jafn-
framt úr viði og klætt leðri. Bæði
framsætin eru með rafstillingum og
þremur minnum en auk þess einnig
kælingu og upphitun og nuddi fyrir
mjóbakið.
Sjónvarp og skynræn skriðstilling
Eins og í öðrum bílum í þessum
klassa er mikið af stjórnrofum. Hjá
BMW kallast stjórnrofakerfið i-
Drive og Command í Mercedes
Benz. Stjórnrofarnir eru margir í
Phaeton en hann býður líka upp á
einfaldasta kerfið. Í kringum átta
tommu skjáinn eru átta takkar sem
hafa mismunandi virkni eftir því
hvaða aðalmynd er á skjánum. Auk
þess er snúningsrofi neðan við skjá-
inn sem er einfaldur í notkun. Auk
hefðbundinna aðgerða er þarna að
finna valmyndir fyrir sjónvarp, leið-
sögukerfi (sem ekki er nothæft hér-
lendis), hljómtækin o.s.frv.
Á millistokknum eru síðan hnapp-
ar sem stýra fjórum mismunandi
mýktarstigum loftpúðafjöðrunarinn-
ar, allt frá þægindum upp í sportstill-
ingu, og sömuleiðs annar hnappur
sem stillir hæð fjöðrunarinnar á tvo
vegu. Á stýrinu eru rofar fyrir
Morgunblaðið/Arnaldur
Phaeton er fyrsti lúxusfólksbíll Volkswagen.
Afl og lungamjúkur
akstur í Phaeton Það nægir að þrýsta á merkið til að
opna skottlokið.
Talsvert af krómi og tvö stór púströr.
Leður og viður og fjölrofastýri.
Vél: 12 strokkar, W-12,
5.998 rúmsentimetrar,
48 ventlar, tveir yfirliggj-
andi knastásar.
Afl: 420 hestöfl við
6.000 snúninga á mínútu.
Tog: 550 Nm við 3.000
snúninga á mínútu.
Hröðun: 6,1 sekúndu úr
kyrrstöðu í 100 km/klst,
4,4 sekúndur úr kyrr-
stöðu í 80 km/klst.
Hámarkshraði: Takmark-
aður við 250 km/klst.
Eyðsla: 23,9 lítrar innan-
bæjar, 15,6 lítrar í blönd-
uðum akstri.
Gírskipting: Fimm þrepa
sjálfskipting, tiptronic.
Drifkerfi: 4Motion
fjórhjóladrifskerfi.
Fjöðrun: Sjálfstæð fjöðrun
á öllum hjólum, loftpúðar,
rafeindastýrðir vökva-
fylltir demparar.
Dekk: 235/50 R 18.
Lengd: 5.055 mm.
Breidd: 1.903 mm.
Hæð: 1.450 mm.
Hjólhaf: 2.881 mm.
Eigin þyngd: 2.364 kg.
Verð: 11,7 milljónir kr.
Umboð: Hekla hf.
VW Phaeton
W12 4Motion
Gírskiptirinn er svipaður og í Touareg.
REYNSLUAKSTUR
VW Phaeton W12 4Motion
Guðjón Guðmundsson