Morgunblaðið - 09.07.2003, Blaðsíða 6
RENAULT bregst þannig við samkeppni frá
sjö sæta minni fjölnotabílum að bjóða Scenic II,
aðra kynslóð þessa þekkta fjölnotabíls, í styttri
og lengri gerð – fimm sæta og sjö sæta. Fyrstur
á markaðinn verður fimm sæta bíllinn sem próf-
aður var í síðustu viku í Svíþjóð. Þótt hann telj-
ist minni en sjö sæta bíllinn er hann engu að síð-
ur rúmgóður og státar enn af þeim hagnýtu
lausnum sem gerðu hann að vinsælasta kost-
inum í þessum flokki bíla strax og hann kom á
markað 1996. Hann er líka 8 cm lengri en núver-
andi gerð og hjólhafið lengist um 10 cm, sem
gerir hann að talsvert betri akstursbíl en áður.
Það fannst líka gjörla í reynsluakstrinum í
Svíþjóð að Scenic hefur aksturseiginleika eins
og venjulegur fólksbíll – hann er rásfastur og
hljóðlátur, vel einangraður frá vegi og vél. Scen-
ic er með stýri með rafmótor sem dregur úr
bensíneyðslu en gerir stýrið jafnframt loðnara í
svörun. Rafmagnsstýri er þó að verða stöðugt
algengara í venjulegum fólksbílum.
Mikill búnaður – en hvað fylgir?
Blaðamanni er jafnan vandi á höndum þegar
bíl er reynsluekið í útlöndum. Framleiðandi
býður þar upp á bíla með toppútbúnaði – græj-
um sem ósennilega eiga eftir að sjást í bílum hér
á landi. Í reynsluakstursbílunum var t.a.m. að
finna leiðsögukerfi, sem leiðir mann næstum
blindandi um hraðbrautir og sveitavegi og
krákustigu borga og bæja, þarna var líka finna
sjálfvirka handbremsu sem gerir óþarfa hina
hefðbundnu handbremsustöng á milli sætanna
og sparar því mikið pláss; regnskynjari í fram-
rúðu, fjarlægðarskynjari í afturstuðara, sóllúga
og glerþak o.s.frv. Þegar svo bílarnir koma í
sölu hér á landi sést sjaldnast nokkuð af þessum
aukabúnaði. Samkvæmt upplýsingum frá B&L,
umboðsaðila Renault, verður bíllinn boðinn í
tveimur útbúnaðarútfærslum, þ.e. Comfort og
Dynamique, og verður fyrrnefnda útgáfan með
6 öryggispúðum, Isofix-barnabílstólsfestingu,
velti- og aðdráttarstýri, fjarstýrðum samlæs-
ingum með ræsivörn, lykilkorti, aksturstölvu,
rafdrifnum útispeglum, hæðarstillingum á
framsætum, færanlegum miðjustokki með
armpúðum, geislaspilara og útvarpi og sjálf-
virkri handbremsu. Í Dynamique-útgáfunni
bætist að auki við loftþrýstinemar í hjólbörðum,
handfrjálst lykilkort, xenon-ljós, skriðstillir með
hraðatakmarkara, 16" álfelgur og hitastýrð mið-
stöð með loftkælingu.
Margar breytingar hafa verið gerðar á Scenic
en útlitsbreytingar að utan eru vitaskuld fyr-
irferðarmestar. Að aftan er bíllinn kominn með
sama lag og hlaðbakurinn – kúpta afturrúð,
stórar lugtir og rúður – afar keimlíkt bygging-
arlag og á hlaðbaknum að því undanskildu að
bíllinn er með mun hærra þaki. Þetta nýtist að
sjálfsögðu að innan þar sem sætastaða er há,
jafnt í framsætum sem aftursætum.
Margar hagnýtar breytingar hafa verið gerð-
ar á innanrýminu en þær stærstu eru í mæla-
borðinu. Það er komið nýtt lag á það og gír-
stöngin er sem fyrr felld inn í það. Allir
stjórnrofar leika í höndum ökumanns og óhætt
að segja að vinnuvistfræðin, ergónómían, hafi
verið höfð að leiðarljósi við hönnunina. Stýrið er
með veltu og aðdrætti og stjórnrofar fyrir
hljómtæki eru á stýrissúlunni hægra megin en
vinstra megin er ný gerð hraðastillingar með
hraðatakmarkara.
91 lítra lítil geymsluhólf
Eins og Laguna og Mégane hlaðbakurinn
fæst Scenic með lyklalausu aðgengi. Það nægir
að hafa lykilkortið á sér til þess að dyrnar opn-
ist. Síðan nægir að þrýsta á start-hnappinn til að
ræsa bílinn. Milli framsætanna, sem eru með
hæðarstillingu auk hallastillingar og setustill-
ingar, er 15 lítrahirsla, þ.e.a.s. ef bíllinn er með
sjálfvirku handbremsunni, sem er færanleg og
kæling er í 17 lítra hanskahólfi fyrir drykki.
Eins og í fyrri gerðinni er hvarvetna að finna lít-
il geymsluhólf og samtals taka þau 91 lítra. Aft-
ursætin eru á sleða þannig að hægt er að renna
þeim fram eða aftur eftir þörfum en einfalt er
líka að kippa þeim úr bílnum ef þörf er á meira
flutningsrými. Þá er hægt að halla sætisbökum í
aftursætum meira en í fyrri gerðinni.
Í farangursrýminu, sem er mjög drjúgt, er
hægt að hafa pakkahillu í þremur mismunandi
hæðum og auk þess er hægt að opna afturhlera-
rúðu sjálfstætt. Það er því sami hagnýti fjöl-
notapakkinn við nýju Scenic-gerðina og menn
kannast við úr fyrirrennaranum.
Frábær dísilvél
Bíllinn var prófaður með þremur gerðum
véla, þ.e. 1,9 lítra dísilvélinni, sem er togmeiri en
áður, 2,0 lítra bensínvél og 1,6 lítra bensínvél.
Fyrst nefnda vélin er þeirra skemmtilegust.
Viðbragðið er meira en menn eiga að venjast frá
dísilvél en það er togið sem gefur henni karakt-
ereinkennin. Með þessari vél er Scenic
skemmtilegur ferðabíll en því miður virðist það
eiga að vera hlutskipti Íslendinga á tímum
tæknibyltingarinnar evrópsku í dísilvélatækni
að sitja hjá vegna óréttláts og úr sér gengins
þungaskattskerfis. Þegar þungaskattskerfinu
var lýst í stuttu máli fyrir forsvarsmönnum
Renault í Stokkhólmi hristu þeir höfuð í for-
undran og spurðu hvort ráðamenn á Íslandi
gerðu sér ekki grein fyrir þjóðhagslegum ávinn-
ingi af dísilvélanotkun. Og hvað er til svara? Ol-
íufélögin stjórna því hvaða orkugjafa Íslending-
ar nota?
Tveggja lítra bensínvélin, sem afkastar 136
hestöflum, passar þessum bíl líka vel en báðar
þessar vélar koma með sex gíra handskiptum
gírkassa en 1,6 lítra bensínvélin ásamt 1,4 lítra
bensínvélinni og 1,5 lítra dísilvélinni, sem vænt-
anlega koma ekki hingað til lands, með fimm
gíra handskiptingu. Sjálfskipting verður fáan-
leg á næsta ári. Renault Scenic II kemur á
markað á Íslandi í september næstkomandi.
Ekki liggur ljóst fyrir hvert verðið á bílnum
verður en líklegt má telja að verðið hækki í takt
við stærri og betur búinn bíl.
Renault Scenic II – 5 og 7 sæta
Morgunblaðið/Guðjón Guðmundsson
Scenic II er væntanlegur hingað til lands í september.
REYNSLUAKSTUR
Renault Scenic II
Guðjón Guðmundsson
6 B MIÐVIKUDAGUR 9. JÚLÍ 2003 MORGUNBLAÐIÐ
bílar
RENAULT kynnti nýja gerð Scenic fyrir blaðamönnum í Stokkhólmi í síðustu viku. Þetta
er önnur kynslóðbílsins en hann var frumkynntur árið 1996 og þar með varð til nýr
flokkur lítilla fjölnotabíla. Síðan hafa komið á markað keppinautar frá mörgum öðrum
framleiðendum, þar á meðal Opel Zafira, Citroën Picasso, Toyota Verso, Nissan Tino og
nú síðast, VW Touran. Opel Zafira var strax boðinn sjö sæta og VW Touran er einnig sjö
sæta og fáanlegur fimm sæta. Scenic verður hins vegar framleiddur í tveimur gerðum og
verður lengri gerðin, sem kemur á markað á næsta ári sjö sæta.
Scenic II, eins og nýja gerðin kallast, er hluti af nýju Megane-línunni frá Renault en
þar trónir fremstur hlaðbakurinn sem valinn var bíll ársins í Evrópu 2003. Þrátt fyrir að
vera á síðasta ári í framleiðslu var Scenic mest seldi bíllinn í sínum flokki í Evrópu med
25,9% markaðshlutdeild. Þar næst kom Zafira með 20,9%, Picasso með 18,6%, Verso
með 3,5% og Nissan Tino með3,1%.
Nýr jepplingur í stað RX
Á blaðamannafundi sem Renault hélt í tengslum við kynninguna kom fram að mark-
mið fyrirtækisins er að Scenic verði áfram mest seldi bíllinn í sínum flokki í álfunni. Sjö
sæta gerð bílsins á að höfða til fjölskyldufólks og fimm sæta bíllinn til 1–2 barna fjöl-
skyldna sem ekki vilja of langa bíla. Sjö sæta bíllinn verður nefnilega 23 cm lengri en hin
hefðbundna gerð, sem samt er 8 cm lengri en fyrirrennarinn og með 10 cm lengra hjól-
hafi. Þetta var gert á grunni markaðsrannsókna Renault sem leiddu í ljós að Scenic-
eigendur voru ánægðir með hönnun bílsins og innanrýmið en kusu helst að aksturseigin-
leikar hans yrðu bættir. Með lengra hjólhafi fæst stöðugri akstur og meira veggrip en
ella.
Scenic verður framleiddur í sömu verksmiðju Renault í Frakklandi og Mégane hlaðbak-
urinn og kúpubakurinn eru framleiddir og verður framleiðslugetan um 2.500 bílar á dag.
Á blaðamannafundinum kom fram að Scenic verður ekki framleiddur í RX-gerð með
fjórhjóladrifi. Þess í stað kemur sérstakur jepplingur sem ekki verður byggður á Scenic
II, bíll sem á að keppa við Nissan X-Trail, einhvern tíma á næstu árum.
Önnur kynslóð
brautryðjendabíls
gugu@mbl.is