Morgunblaðið - 22.09.2003, Blaðsíða 2

ÍÞRÓTTIR
2 B MÁNUDAGUR 22. SEPTEMBER 2003 MORGUNBLAÐIÐ
Ég átti alveg von á að það yrði ein-hver hrollur í mínum mönnum í
byrjun leiks enda gerði ég miklar
breytingar og gaf
yngri mönnum tæki-
færi. En einhvern
veginn náðu leik-
menn mínir ekki að
hrista úr sér hrollinn. Það dró af lið-
inu jafnt og þétt og eðlilega leið
manni ekki vel að horfa upp á þessi
ósköp. Ég fann virkilega til með
strákunum sem voru inni á vellinum.
En ég tek ekki frá FH-ingum að þeir
spiluðu leikinn hreint frábærlega.
Þeir hafa verið á miklu skriði og ég
vil nota tækifærið til að óska þeim til
hamingju með annað sætið.“
Það hlýtur að vera leiðinlegt fyrir
ykkur meistarana að skilja við tíma-
bilið með þessum hætti?
„Já, vissulega, en það er bara eitt-
hvað sem verður að lifa með. Það er
fátt sem ég get sagt og útskýrt en
þetta var ansi mikið högg. Hins veg-
ar er mikilvægt að menn haldi haus.
Nú er tímabilið að baki og við tekur
undirbúningur að nýju tímabili og ný
verkefni. Hópsins vegna held ég að
það sé ágætt að setja punktinn aftan
við i-ið og fljótlega förum við að
byggja okkur upp fyrir ný verkefni.
Hvort sem þú ert leikmaður eða
þjálfari er hægt að draga lærdóm af
svona leikjum. Mótlætið kennir
manni oft mjög mikið. Þetta er samt
ankannalegt mótlæti. Við stöndum
uppi sem Íslandsmeistarar en erum
svo sjálfir hægt og bítandi að ræna
okkur sigurgleðinni. Það sem gildir
fyrir okkur er að menn þjappi sér
saman og njóti þess að vera Íslands-
meistarar. Það alversta sem gerist
er ef menn hlaupa út undan sér en
okkar hópur er það þéttur og stend-
ur vel saman að það gerist ekki. Ég
ræddi þessa hluti við strákana inni í
klefanum þar sem við sátum af okk-
ur erfiðustu tilfinningarnar. Þegar
tímabilið er tekið saman náðum við
mjög góðum árangri. Við stóðum
uppi sem Íslandsmeistarar, urðum
meistarar meistaranna, komumst í
undanúrslit í bikarnum og unnum
„Atlantic cup“, svo uppskeran í
sjálfu sér hefur í heildina verið góð.
Það þýðir ekkert að einskorða tíma-
bilið við þessa síðustu leiki.“
Willum Þór gerði fimm ára samn-
ing við KR-inga og á nú þrjú ár eftir
af þeim samningi.
„Ég hef fullan hug á að halda
áfram. Ég hef mjög gaman af þessu
og læt þessar hrakfarir ekkert
beygja mig í burtu.“
Skynjaðir þú á æfingum eftir að
titillinn var í höfn að menn væru
orðnir mettir og hugarfar þeirra
breytt?
„Ég skynjaði hættuna á spennu-
falli, sem alltaf er hætta á undir
þessum kringumstæðum. Menn
lögðu sig hins vegar 100% fram á æf-
ingum og auðvitað var stefnt að því
að klára mótið með sæmd.“
Þú sem gamall leikmaður og þjálf-
ari Þróttar hlýtur að vera sár fyrir
þeirra hönd?
„Já. Ég vonaði innilega að Þrótt-
arar héldu sér uppi. Þeir áttu virki-
lega fína takta á mótinu en Fram-
arar hafa greinilega höndlað
spennustigið betur. Í svona baráttu
snýst allt um að hafa spennustigið
rétt og Framararnir eru orðnir mjög
sjóaðir í þessum efnum. Þróttur féll
á 22 stigum og við unnum mótið á 33
og það segir ansi mikið um mótið.“
„Mótlætið kennir manni mikið“
„ÉG held að það sé best að segja sem minnst. Ég get ekkert sagt á
þessum tímapunkti sem útskýrir þennan skell. Ég horfði einfald-
lega upp á lið mitt yfirspilað af mjög góðu FH-liði,“ sagði Willum Þór
Þórsson, þjálfari Íslandsmeistara KR-inga, við Morgunblaðið eftir
ósigurinn stóra gegn FH-ingum, 7:0.
Eftir
Guðmund
Hilmarsson
EINN mest spennandi lokaslagur í efstu deild
karla í knattspyrnu, sem hefur verið boðið upp á
hér á landi, var háður laugardaginn 20. septem-
ber 2003. Þegar flautað var til leiks kl. 14 voru
fimm lið í fallhættu – Þróttur 22 stig, Grindavík
22, KA 21, Valur 20, Fram 20. Við skulum fara
yfir fallbaráttuna.
14.11: Jóhann Hreiðarsson skorar fyrir Val
gegn Fylki í Árbænum, 1:0. Þá eru KA og Fram í
fallsætum.
14.30: Sævar Þór Gíslason jafnar fyrir Fylki,
1:1. Þá eru Valur og Fram í fallstætum. KA var í
fallsæti í 19 mín.
14.44: Kristján Brooks skorar fyrir Fram, 1:0,
og þá eru Þróttur og Valur í fallsætum.
15.10: Steinar Tenden skorar fyrir KA í
Grindavík, 1:0. Þá eru Grindvíkingar og Vals-
menn í fallsætum. Valsmenn verða undir 4:1
stuttu síðar, þannig að ljóst var að þeir voru
fallnir í þriðja skiptið á fimm árum – og á þess-
um tíma – með þeim Grindvíkingar, sem eru þeir
einu sem hafa aldrei fallið úr efstu deild síðan
þeir unnu sér sæti í deildinni. Þegar Valur féll
fyrir fimm árum voru Valsmenn þeir einu sem
höfðu leikið í efstu deild síðan deildaskipting var
tekin upp 1955.
15.40: Sinisa Kekic jafnar fyrir Grindavík þeg-
ar þrjár mín. eru til leiksloka í viðureign gegn
KA, 1:1. Þá eru Þróttur og Valur í fallsætum, KA
og Þróttur með jafn mörg stig (22), en KA með
tvö mörk í plús, Þróttur með tvö mörk í mínus.
 Spennan var geysileg. Þróttarar sóttu
grimmt gegn Fram, leikurinn í Grindavík var
búinn og Valur fallinn eftir stórt tap fyrir Fylki,
6:2. Eitt mark Þróttar hefði fellt Fram.
 Framarar náðu að halda hreinu og bjarga sér
frá falli í lokaleik fimmta árið í röð og í fjórða
skipti á Laugardalsvellinum, þar sem Fram vann
Víking 3:2 1999, gerði jafntefli við Breiðablik
2000, vann Keflavík 5:3 árið 2001. Framarar
björguðu sér frá falli á Akureyri í fyrra með því
að leggja KA að velli, 3:0.
 Án efa er þetta heimsmet hjá Fram og geysi-
legt afrek út af fyrir sig. Leikmenn Fram hafa
staðist ótrúlegt álag fimm ár í röð. Þegar Stein-
ar Þór Guðgeirsson tók við þjálfun liðsins eftir
fjórar umferðir var liðið með aðeins tvö stig.
Þegar upp er staðið eftir átján umferðir er liðið
með 23 stig.
 Gengi Fram hefur verið ótrúlegt sl. fimm ár.
Spámenn hefðu ekki fengið fullt hús stiga, ef
þeir hefðu spáð um árangur Fram. Ekkert frek-
ar en Helgi Daníelsson, Alþýðublaðinu, og síðan
Eiríkur Jónsson, DV, þegar þeir spáðu um leiki á
enska getraunaseðlinum í getraunaþáttum sín-
um – rökstuddu spá sína leik fyrir leik, og fengu
síðan ekki einn einasta leik réttan.
 Lokastaðan á botninum: Grindavík 23 stig,
Fram 23, KA 22, Þróttur 22, Valur 20.
 Þróttur og Valur unnu sér sæti í efstu deild í
fyrra, þá Símadeild, en féllu úr efstu deild ári
síðar, þá Landsbankadeild.
Sigmundur Ó. Steinarsson.
Spennandi lokabarátta
KR, FH, ÍA og Fylkir verða
fulltrúar Íslendinga á Evrópu-
mótunum í knattspyrnu á
næsta keppnistímabili.
KR-ingar taka þátt í undan-
keppni Meistaradeildarinnar,
FH-ingar og Skagamenn
skipta sitthvoru UEFA-sætinu
á milli sín, FH fyrir að ná öðru
sætinu og ÍA fyrir að komast í
bikarúrslit en þar eiga þeir í
höggi við FH-inga. Fylkismenn
taka þátt í Intertoto-keppn-
inni.
 Frá því þriggja stiga reglan
var tekin upp 1984 hefur Ís-
landsmótið í efstu deild aldrei
unnist á færri stigum. KR hlaut
33 stig í ár en KA-menn sem
áttu metið fengu 34 stig þegar
þeir urðu meistarar í fyrsta og
eina skiptið árið 1989.
 Markatala KR-inga var hag-
stæð sem munaði einu marki
og aldrei áður hefur marka-
munur meistaraliðs verið
svona lítill.
KR, FH, ÍA
og Fylkir í
Evrópu-
keppnina

DAGUR Sigurðsson, landsliðsfyr-
irliði í handknattleik, þjálfari og leik-
maður Bregenz, skoraði 2 mörk þeg-
ar liðið sigraði Bärnbach, 30:22, á
útivelli í austurrísku 1. deildinni í
handknattleik í gær. Dagur hefur
byrjað vel því liðið er í efsta sæti með
6 stig eftir þrjár umferðir.

ARON Kristjánsson, fyrrverandi
leikmaður Hauka, skoraði 2 mörk
fyrir Tvis Holstebro sem tapaði fyrir
Bjerringbro, 28:26, í dönsku 1. deild-
inni í handknattleik.

GÍSLI Kristjánsson, fyrrverandi
liðsmaður Gróttu/KR, skoraði 2
mörk í liði Fredericia sem vann
Helsinge, 33:28.

ARNAR Þór Viðarsson, Arnar
Grétarsson, Rúnar Kristinsson og
Marel Baldvinsson voru allir í byrj-
unarliði Lokeren sem tapaði fyrir
Lierse, 2:1, í belgísku 1. deildinni í
knattspyrnu í gær. Ekkert gengur
hjá Lokeren. Liðið hefur enn ekki
unnið leik og er aðeins með 2 stig eft-
ir sex umferðir. Næsti leikur hjá Ís-
lendingaliðinu er í Manchester en þá
sækir liðið Manchester City heim í
UEFA-keppninni.

INDRIÐI Sigurðsson lék ekki með
Genk sem gerði markalaust jafntefli
við Mons.

EVRÓPUKEPPNI kvennalands-
liða í körfuknattleik hófst um helgina
í Grikklandi. Evrópumeistaralið
Frakka tapaði í öðrum leik sínum
gegn Serbíu/Svartfjallalandi, 70:68,
en liðin eru í A-riðli. Frakkar höfðu
áður lagt Ísrael að velli 91:55.

TÉKKAR urðu fyrstir liða til þess
að skora yfir 100 stig í leik á þessu
móti en það gerði liðið gegn Ísrael,
104:67.

TVEIR ungir leikmenn úr körfu-
knattleiksliði Njarðvíkur eru á leið
vestur um haf þar sem þeir munu
dvelja við nám í Bandaríkjunum.
Þeir eru Jóhann Ólafsson, sem verð-
ur í Centralia skammt frá Seattle,
og Kristján Sigurðsson, sem leikur
með miðskólaliðinu Wakefield í
Virginíu sem er skammt frá Wash-
ington.

SVISSNESKUR maður hefur ver-
ið ákærður í Bandaríkjunum fyrir að
hafa boðist til þess að myrða stúlk-
una sem ákært hefur Kobe Bryant,
leikmann NBA-liðsins Los Angeles
Lakers, fyrir nauðgun. Patrick Gra-
ber vildi fá um 240 millj. ísl. kr. fyrir
verkið en þeir aðilar sem hann hafði
samband við létu lögregluna vita og
var Graber handtekinn.

LEIKSTJÓRNANDINN Kenny
Anderson hefur samið við NBA-liðið
Indiana Pacers en hann lék með
Seattle og New Orleans á síðustu
leiktíð. Anderson hóf ferilinn með
New Jersey Nets árið 1991 og komst
m.a. í Stjörnuliðið árið 1994, en hefur
farið víða á síðustu árum.
FÓLK
Ef ég á að segja alveg eins og eróraði mig ekki fyrir því að við
ættum eftir eftir að ná öðru sætinu.
Okkur gekk allt í
mót í vor en ég var
samt sallarólegur.
Ég var ekki kominn
með þá leikmenn í
vor sem ég átti eftir að fá og ég
brýndi fyrir strákunum að halda
áfram vinnu sinni hvernig svo sem
gengi inni á vellinum í undirbúnings-
leikjunum. Við vorum geysilega
heppnir að fá Danina og koma þeirra
til okkar gjörbreytti liðinu. Tommy
og Allan gáfu liðinu mikið sjálfs-
traust og þó svo að þeir eigi stærstan
þátt í velgengni liðsins má ekki
gleyma því að flestir ef ekki allir
strákarnir í liðinu hafa staðið sig
geysilega vel,“ sagði Ólafur, eftir að
FH hafði unnið stórsigur á KR, 7:0.
„Liðið er góð blanda og breiddin
hefur aukist með tilkomu yngri
strákanna. Hrakspárnar fyrir mótið
urðu bara til að efla okkur en auðvit-
að tek ég undir það að árangur okkar
er óvæntur en að sama skapi mjög
verðskuldaður. Þegar maður lítur til
baka er tapið á mót Fram í 16. um-
ferðinni sárustu vonbrigðin auk ósig-
ursins gegn þeim á heimavelli. Ef við
hefðum staðið okkur eins og menn í
leiknum í Laugardalnum hefðum við
alveg getað verið í þeim sporum í
dag að hampa Íslandsmeistaratitlin-
um,“ sagði Ólafur við Morgunblaðið
eftir stórsigurinn á KR-ingum.
Ólafur segir mikilvægt að ná sín-
um mönnum niður á jörðina sem
allra fyrst enda stórleikur á döfinni
gegn ÍA.
„Ég sagði við strákana á bekknum
þegar staðan var orðin 4:0 að nú væri
nóg komið. Það væri kannski ekki
gott að vinna stærri sigur. En auð-
vitað er betri undirbúningur fyrir
svona stórleiki að vinna en tapa. Ég
var alveg sannfærður um að við
myndum vinna þennan leik. Ég sá að
KR-ingarnir voru hættir og algjör-
lega búnir á því á sama tíma og við
vorum á mjög góðu róli. Ég fann
hversu vel mínir menn voru stemmd-
ir og tilbúnir í að enda mótið með
stæl. Það hvarflaði auðvitað ekki að
mér að við ættum eftir að vinna 7:0,
en eins og góður maður sagði vorum
við kannski klaufar að vinna ekki
með tveggja stafa tölu.“
Ólafur þjálfaði og lék með FH-ing-
um þegar þeir höfnuðu í öðru sæti
árið 1989 þar sem þeir sáu á eftir Ís-
landsmeistaratitilinum í hendur KA-
mönnum eftir ósigur í lokaumferð-
inni á móti Fylki og Ólafur var sömu-
leiðis við stjórnvölinn árið 1991
þegar FH tapaði fyrir Val í úrslita-
leik bikarkeppninnar.
„Við höfum oft verið nálægt því að
vinna stóran titil en alltaf misst af
honum. Nú fáum við tækifæri um
næstu helgi til að brjóta ísinn. Leik-
urinn á laugardaginn er einn mik-
ilvægasti leikurinn sem FH hefur
spilað og við ætlum að gera allt sem í
okkar valdi stendur til að vinna.“
Ekkert viss um að halda áfram
Ólafur og aðstoðarmaður hans,
Leifur Sigfinnur Garðarsson, sömdu
við FH út þetta tímabil. Forráða-
menn FH-inga vilja halda þeim fé-
lögum en ekki hefur verið gengið frá
þeim málum enn sem komið er.
„Við viljum klára tímabilið og sjá
svo til. Ég er ekkert viss um að halda
áfram. Ég ætlaði mér ekki að fara út
í þjálfun. Ég taldi minn tíma liðinn í
þessu en ég lét plata mig í starfið aft-
ur og auðvitað er erfitt að slíta sig frá
því þegar vel gengur. Ég held að ég
kunni þetta ágætlega ennþá en hvort
ég held áfram er svo annað mál. Ég
hef upplifað nánast allt sem þjálfari
en ég á þó eitt eftir, – að vinna titil.“
Ólafur Jóhannesson, þjálfari FH, ánægður með sína menn
Hrakspárnar urðu
til að efla okkur
ÓLAFUR Jóhannesson, þjálfari FH-inga, má vera stoltur af sínu liði
en þvert á hrakspár margra hafnaði Hafnarfjarðarliðið í öðru sæti í
efstu deild, Landsbankadeildinni, í knattspyrnu, og á möguleika á
að hampa sínum fyrsta stóra titli um næstu helgi þegar það leikur
til úrslita við Skagamenn í bikarkeppninni.
Eftir
Guðmund
Hilmarsson