Morgunblaðið - 11.10.2003, Blaðsíða 4
BÖRN
4 C LAUGARDAGUR 11. OKTÓBER 2003 MORGUNBLAÐIÐ
SKURÐLÆKNAR í Tyrklandi urðu
heldur betur undrandi þegar þeir
fundu heil tvö kíló af hári í maga á 17
ára stelpu. Stelpan leitaði til læknis af
því að henni var svo oft illt í mag-
anum. Það kom í ljós að þegar hún
var lítil hafði hún oft borðað hár og
það festist í maganum. Læknarnir
telja að hárið hafi verið í maganum á
stelpunni í 15 ár.
Með tvö kíló af
hári í maganum
MÖRG okkar tengja kirkjur við há-
tíðlegar messur þar sem það getur
kannski verið erfitt að skilja allt
sem presturinn segir. Í langflestum
kirkjum á Íslandi er hins vegar
mikið barna- og unglingastarf þar
sem krakkar koma saman og gera
eitthvað skemmtilegt. Barnablaðið
leit í heimsókn í Háteigskirkju en
þar er TTT (tíu til tólf ára) starfið
komið í fullan gang eftir sumarfríið.
Krakkarnir byrjuðu stundina á
því að syngja en svo voru þau á leið
í ratleik.
Bergsteinn Már (12 ára) og Guð-
rún Elín (11 ára) eru bæði í Há-
teigsskóla og taka þátt í kirkjustarf-
inu í Háteigskirkju. Bergsteinn er
nýbyrjaður en Guðrún Elín hefur
verið með í TTT áður.
Skutlukeppni og föndur
Þeim finnst báðum mjög gaman í
kirkjustarfinu enda finnst þeim fé-
lagsskapurinn góður. „Við gerum
ýmislegt. Við syngjum eiginlega
alltaf. Svo höfum við farið í skutlu-
keppni, föndrað og á einum fundi
fórum við upp í kirkjuturninn og
skoðuðum útsýnið,“ segir Berg-
steinn og Guðrún bætir við að hún
hafi einu sinni farið í ferðalag með
starfinu og að það verði vonandi aft-
ur. „Mér finnst þetta eiginlega allt
skemmtilegt. Núna erum við að fara
í ratleik sem ég held að verði mjög
gaman,“ segir Guðrún.
Bergsteinn og Guðrún fara bæði í
messur af og til en finnst það ekk-
ert sérlega skemmtilegt. „Ég held
að það væri alveg hægt að gera
messurnar skemmtilegri, til dæmis
með því að fara í leiki,“ segir Guð-
rún og Bergsteinn skýtur inn í að
það væri líka hægt að segja brand-
ara. „En TTT kemur eiginlega bara
í staðinn fyrir messur,“ segir Guð-
rún.
Þau segjast bæði hafa nóg að
gera í sínum frítíma. „Ég er í skák
og fótbolta og svo læri ég á píanó,“
segir Bergsteinn. „Ég spila líka fót-
bolta og læri á píanó. Svo á ég hesta
og er nýbúin að eignast lítið systk-
ini,“ segir Guðrún.
Krakkar í TTT-starfi
Kemur í staðinn fyrir messur
Morgunblaðið/Jim Smart
T.T.T. (tíu til tólf ára) krakkar í Háteigskirkju syngja oftast nokkur lög á fundum.
Guðrún ElínBergsteinn Már
SINDRI Karl er 7 ára strákur í
Mýrarhúsaskóla. Hann teikn-
aði þessa skemmtilegu mynd
af vélmenni og sendi okkur.
Vélmenni
TÓLF ára stelpa í Bandaríkjunum, Brianna LaHara, þarf að borga
160.000 krónur í sekt fyrir að stela tónlist af Netinu. Brianna hlóð niður
um 600 lögum með uppáhalds poppstjörnunum sínum. Eins og svo mörg
önnur börn, og reyndar fullorðnir líka, hélt hún að það væri löglegt að ná
sér í ókeypis tónlist á Netinu en raunin er önnur.
Sektuð fyrir að ná
sér í tónlist á Netinu
Uppáhalds blómið
SIGRÍÐUR Stella Gunnarsdóttir, 5 ára, sendi okkur
þessa mynd af fallegu blómi. Fyrirmyndin fylgdi jafn-
framt með en að sögn Siggu Stellu er þetta uppá-
haldsblómið hennar þar sem það er bleikt að lit.
MYNDIRNAR virðast í fljótu bragði vera alveg nákvæmlega
eins en þegar vel er að gáð kemur í ljós ákveðinn munur. Ef
þú skoðar myndirnar gaumgæfilega ættirðu að geta fundið
tíu villur.
Finndu tíu villur