Morgunblaðið - 01.11.2003, Blaðsíða 2
SYSTKININ Magnús og Hulda Guð-
mundarbörn, sem eru átta og fimm-
tán ára, fóru í vikunni að sjá myndina
Tristan og Ísold.
Hvernig fannst ykkur myndin?
Hulda: „Mér fannst þetta mjög fín
mynd fyrir krakka á hans aldri.“
Magnús: „Já, mér fannst hún fynd-
in og skemmtileg og spennandi.“
Um hvað fjallar hún?
Magnús: „Hún er um strák og
stelpu sem eru vinir en strákurinn
lýgur að stelpunni og segir henni að
hann sé einhver annar en hann er.
Svo sér hún sverðið hans og kemst að
því að það var hann sem barðist við
frænda hennar.“
Endaði hún vel?
Magnús: „Já, endirinn var bara
venjulegur eins og hann er alltaf í
barnamyndum.“
Hulda: „Hann var svolítið ósenni-
legur eins og oft í barnamyndum.
Það var samt svolítið annar stíll á
myndinni en á Disney-myndunum.
Brandararnir voru svolítið öðruvísi og
það var meiri stíll á teikningunum en í
þeim teiknimyndunum sem maður er
vanur.“
Krakkarýni:
Tristan og Ísold
Morgunblaðið/Kristinn
Öðruvísi
myndir og
brandarar
2 C LAUGARDAGUR 1. NÓVEMBER 2003 MORGUNBLAÐIÐ
JÆJA, þá er komið að því! Við
ætlum að halda æsispennandi
mynda- og sögusamkeppni hér í
blaðinu og efnið verður að sjálf-
sögðu gæludýr.
Reglurnar í keppninni eru þær
að þið eigið annað hvort að
teikna
mynd eða
taka ljós-
mynd af
gæludýri
og senda
okkur með
frásögn af
dýrinu.
Dýrin mega
þó alveg
eins vera ímynduð og frásagn-
irnar mega bæði vera stuttar og
langar.
Þið hafið þrjár vikur til stefnu
en ættuð þó strax að fara að
undirbúa ykkur þar sem það eru
stórglæsileg verðlaun í boði.
Þrír heppnir vinningshafar fá
nefnilega nýju Hundabókina sem
kemur út hjá Eddu í desember.
Í bókinni eru myndir af næst-
um 300 hundategundum og
mikill fróðleikur um hunda bæði
fyrir þá sem eru að hugsa um að
fá sér sinn fyrsta hund og einnig
fyrir þá sem hafa hundabakteríu
á háu stigi.
Myndirnar þurfa að berast til
okkar fyrir 22. nóvember en
vinningshafarnir munu fá bókina
um leið og hún kemur út.
Heimilisfangið er:
Morgunblaðið/Börn
Kringlunni 1
104 Reykjavík.
Verðlauna-
leikur
Spurninga- og orðaleikur
Svör:
1. hundar
2. úlfar
3. refir
4. hvolpar
5. tík
6. urra
7. loppa
8. seppi
SVARIÐ spurningunum hér að neðan og leitið síðan
að svörunum í orðasúpunni:
1. Minnstu hundar í heimi eru kallaðir dverg....
2. Hvaða dýr eru forfeður hunda?
3. Hvaða villtu dýr á Íslandi
eru náskyld hundum?
4. Hvað heita afkvæmi hunda?
5. Hvað heitir kvenkyns hundur?
6. Hvað gera hundar þegar þeir eru reiðir?
7. Hvað heitir löpp á hundi?
8. Finndu gamalt gæluorð fyrir hund.
TALIÐ er að hundar hafi verið jafnlengi á Íslandi
og mannfólkið þar sem landnámsmaðurinn Ingólfur
Arnarson og félagar hans hafi komið með fyrstu ís-
lensku fjárhundana hingað til lands á landnámsöld.
Síðan hefur hundurinn fylgt okkur og fram á síð-
ustu öld hafa örugglega flestir íslenskir krakkar
leikið sér við hunda þar sem það hafa verið hundar á
flestum sveitabæjum á Íslandi.
Það er þó ekki bara hér á landi sem hundurinn
hefur fylgt manninum svo lengi sem vitað er. Við
vitum nefnilega að veiðimenn í Evrópu notuðu
hunda við veiðar fyrir 17 þúsund árum, þar sem það
hafa fundist gamlar myndir af veiðimönnum með
hunda í hellum í Frakklandi.
Í Odysseifskviðu, sem er fræg bók sem var skrif-
uð um 850 árum fyrir Krist, er hundurinn kallaður
tryggasti vinur mannsins en auk þess sem hundar
hafa veitt mönnum félagsskap í gegnum aldirnar
hafa þeir verið notaðir til margra starfa. Þannig
hafa hundar til dæmis verið notaðir sem varð-
hundar, leitarhundar og smalahundar og í Kína
hafa lifandi hundar jafnvel verið notaðir sem vett-
lingar.
Það hversu vel hundum og mönnum kemur sam-
an má sennilega rekja til þess að rándýrseðli hunda
sé ekki jafnsterkt og margra annarra rándýra.
Flestar villtar hundategundir lifa líka í hópum þar
sem skýr virðingarröð ríkir. Þetta gerir það að
verkum að hundar
eiga auðveldara með að
venjast því að hlýða
mönnum en flest önnur dýr. Í
villtum hundahópum er einn
hundurinn leiðtogi hópsins og hinir
hundarnir hafa allir ákveðna stöðu í
hópnum og vita hvaða hundum þeir þurfa
að hlýða og hvaða hundar verða að hlýða þeim.
Tamdir hundar líta því á alla á heimili sínu sem
hópinn sinn og raða þeim í virðingaröð.
Stórt skref að fá sér hund
Það er mikil ábyrgð og binding að eiga hund og
áður en maður tekur að sér hund þarf maður helst
að hugsa langt fram í tímann. Hundar geta nefni-
lega orðið tólf til sautján ára gamlir og það er sko
ekki gaman að þurfa að láta frá sér hund sem manni
er farið að þykja vænt um og sem farið er að þykja
vænt um mann.
Hundar eru líka mjög misjafnir eftir tegundum
og því er mikilvægt að kynna sér vel eðli hverrar
tegundar áður en maður ákveður hvernig hund
maður ætlar að fá sér.
Það er sem sagt ekki nóg að velja hundinn eftir
því hvaða manni finnst fallegast eða flottast.
Sumir hundar þurfa til dæmis mikla hreyfingu,
aðrir eru lítið fyrir að láta hnoðast með sig
og enn aðrir þurfa mikla umhirðu eins og til
dæmis púðluhundar, sem þurfa sífellt að
vera í hárgreiðslu til að líta sem best út út.
Það flækir líka málin að það sést ekki
endilega á hundunum hvernig umönnun
þeir þurfa. Það fer til dæmis ekki endi-
lega eftir stærð þeirra hversu mikla
hreyfingu þeir þurfa eða hvað þeir gelta mikið
en það eru oft minnstu hundarnir sem eru hávaða-
samastir.
Mörg hundruð tegundir
Það eru til mörg hundruð tegundir af hreinrækt-
uðum hundum, stórum sem smáum, auk þess sem
óteljandi afbrigði af blendingum eru til.
Margar þessara tegunda eru mjög ólíkar eins og
til dæmis hinn frægi sankti bernharðs-hundur og
dvergundurinn chiuhuahua, sem er minnsti hundur
í heimi. Bernharðs-hundurinn er oft kallaður „góði
risinn“ af því að hann er svo risastór og ljúfur í lund
en chiuhuahua er svo lítill að hann er alltaf innan við
eitt kíló að þyngd.
Þið sjáið því að það er ýmsu að hyggja áður en
maður velur sér hund og að það borgar sig að kanna
málið vel áður en maður ákveður sig.
Upplýsingar og myndir eru úr Hundabókinni
sem kemur út á íslensku hjá Eddu í desember.
Besti vinur
mannsins
HULDU Lilju Hannesdóttur,
sem er 9 ára, finnst gaman að
semja ljóð. Hún samdi þetta ljóð
um dverghamsturinn sinn sem
heitir Trítla.
Trítla er góð og dáldið fróð.
Ekki blanda þér í þetta.
Æ passaðu þig þú ert að detta.
Trítla hleypur hratt.
Þó að það sé bratt.
Ég heppinn er.
Að hún borði ekki ber.
Þú heldur oft á henni.
Vona að þetta þér kenni.
Ég er hissa/
að hún skuli pissa/
svo mikið.
Ljóð um hamsturinn Trítlu
Morgunblaðið/Árni Sæberg
ÞAÐ geta verið nokkrir keppendur í þessum einfalda og skemmtilega leik en
einn þarf þó að fylgjast með og dæma úrslitin.
Þið byrjið á því að afhenda öllum keppendum jafn langa bandspotta sem
þeir binda öðrum megin í eldspýtustokk og hinum megin í blýant.
Síðan setja þeir eldspýtustokkinn á gólfið og kartöflu ofan á hann.
Þegar dómarinn segir til draga keppendurnir spottann að sér með því að
snúa upp á blýantinn en þeir verða þó að gæta þess að gera það ekki af svo
miklum krafti að kartaflan detti af eldspýtustokknum.
Sá sem er fyrstur að draga stokkinn til sín vinnur leikinn.
Kartöfluveiðar
BÖRN
m h u n d a r
l v l o p p a
a o f u r r a
s l a s t í k
k p r e f i r
b a s p a b i
d r u p p l a
s m u i l m a