NT - 02.03.1985, Page 2

Laugardagur 2. mars 1985
Idnrekendur með sjálfskoðun:
Minni verðbólga kom
fyrirtækjunum best
■ Minni verðbólga, stnðugt
gengi og lægri launakostnaður.
Þessi þrjú atriði eru efst á lista
þeirra, sem iðnrekendur telja
að hafi verið jákvæðust fyrir
rekstur fyrirtækja þeirra, vegna
breyttrar efnahags- og atvinnu-
stefnu ríkisstjórnarinnar, sem
hófst með efnahagsaðgerðunum
í maí 1983, þegar vísitölubind-
ing launa var afnumin og samn-
ingsréttur verkalýðsfélaga
skertur.
Þetta kemurfram í niðurstöð-
um könnunar, sem Fclag ís-
lenskra iðnrekenda gerði meðal
félagsmanna sinna á síðasta ári
og skýrt er frá í fréttabréfi FÍI,
sem nýkomið er út.
Þau þrjú atriði, sent iðnrek-
endur telja neikvæðust eru vit-
laust gengisvægi, óstöðugt at-
vinnuástand og versnandi sam-
keppnisaðstaða.
Svör fyrirtækjanna eru nokk-
uð mismunandi eftir iðngrein-
Norðurlandaráðsþing æskunnar:
um. Þannig álíta þau fyrirtæki
innan plastiðnaðarins, sem hafa
92,9% starfsmanna greinarinn-
ar, að minni verðbólga hafi
verið jákvæð fyrir reksturinn, á
meðan fyrirtæki með 41%
mannaflans innan efnaiðnaðar-
ins nefna sama atriði. Aftur á
móti telja fyrirtæki í efniðnaði
með 77% mannaflans innan
efnaiðnaðarins nefna sama at-
riði. Aftur á móti'telja fyrirtæki
í efnaiðnaði með 77% mann-
afla, að stöðugt gengi hafi verið
jákvætt, en aðeins fyrirtæki með
14,3% mannaflans í plastiðnaði
nefna þetta atriði.
Fyrirtæki í málmiðnaði, sem
hafa 57,3% starfsmanna nefna
vitlaust gengisvægi sem nei-
kvætt atriði, en ekkert fyrirtæki
í rafiðnmaði. Hins vegar nefna
fyrirtæki í rafiðnaði með 65,6%
mannaflans versnandi sam-
keppnisstöðu, en í málmiðnaði
eru það fyrirtæki með aðeins
9,2% mannaflans, sem telja
versnandi samkeppnisaðstöðu
neikvæða.
Þátttaka
þróun
friður
■ Klukkan 9 í dag hefst á
Hótcl Loftleiðum Norðurlanda-
ráðsþing æskunnar. Vegna árs
æskunnar er þetta þing nú mun
fjölmennara en venjulega og
sitja þingfulltrúar Norðurlanda-
ráðsþing sem áheyrnarfulltrúar.
Umræðucfni þingsins veröur
„þátttaka, þróun, friður". Vig-
dís Finnbogadóttir forseti Is-
lands og Páll Pétursson formað-
ur forsætisnefndar Norðurlanda-
ráðs og næsti forseti ráðsins
flytja ávarp við setningu
þingsins.
■ Á Norðurlandi þykir það tíðindum sæta þegar veðurbiíðan er slík á þorra eða í góubyrjun að í stað
þess að standa í snjóinokstri skuli unnt að vinna við vega- eða gatnaviðgerðir. í Skagafirði hefur veður
verið sérlega hlýtt og gott að undanförnu. Þessi mynd var tekin á Sauðárkróki fyrir nokkrum dögum
þegar starfsmenn bæjarins unnu við lagfæringar á aðalgötu Sauðárkróks. Ni-mynd: ö™ Þómrínsson.
Kaupfélagid
borgar DV
■ „Greiða úr reikningunum
rafmagnið, Tímann og
símann, viðkvæðið hjá bænd-
um þegar kom að skuldadög-
um og allt tekið út hjá Kaupfé-
laginu. Og enn er það svo
víðast um land að Kaupfélagið
sér um fjárniál bænda, geymir
peningana þeirra og greiðir
reikninga.
Nú er samt öldin önnur. í
staðinn fyrir Tírnann er komið
NT og ekki nóg með það.
Hermann Hansson, kaupfé-
lagsstjóri KASK, upplýsti NT
um það nú orðið tækju þeir
líka að sér að greiða DV og
Moggann. Og neituðu aldrei
að borga þá reikninga.
Kennsla fyrir
Sólrúnu
og Indriða
■ Meirihluti framhaldsskóia-
kennara landsins hefur nú tek-
ið hatt sinn og staf og hætt
störfum vegna lélegra launa.
Skólastjórar standa því frammi
fyrir miklum vanda og vita vart
enn hvernig bre-gðast eigi við
nýjum aðstæðum. Ekki munu
þeir þó ætla að ráða forfalla-
kennara, þar sem nemendur
hafa lýst því yfir, að komi
slíkir menn til kennslu, muni
verða skrópað í tímum hjá
þeim. Við höfum þó heyrt af
einum skólastjóra framhalds-
skóla, sem hefur boðið tveimur
gömlum kennurum forfalla-
kennslu. Ogþessirtveirfyrrum
kennarar eru ekki af verri
endanum, Sólrún B. Jensdótt-
ir, skrifstofustjóri mennta-
málaráðuneytisins, og Indriði
H. Þorláksson, forstöðumaður
launadeildar fjármálaráðu-
neytisins. En eins og nærri má
geta, mæðir mál þetta mjög á’
þeim þessa dagana.
..Ýmsar verða
óléttar
■ Lesandi hringdi og vildi
koma eftirfarand vísu á fram-
færi. Hugmyndin að vísunni
varð til við frétt útvarpsins í
fyrrakvöld um lögreglukonuna
sem varð að ganga milli deilda
í kerfinu vegna þess að hún
varð „ólétt innan gæsalappa".
Kvenréttindakonurnar
um kerfið mega vappa
því ýmsar verða óléttar
innan gæsalappa.
Heyrðu Snati minn, er þetta skattalögreglan eða hundafangarinn?
Sjálfsbjörg, lands-
samband fatlaðra:
Hjólastóla-
rall í Laug-
ardalshöll!
—til að vekja athygli á
vanda hreyfihamlaðra
■ Keppni í hjólastólaakstri fer
fram í Laugardalshöllinni á
sunnudaginn á vegum Sjálfs-
bjargar, landssambands fatl-
aðra, og verður keppt í þrem
hópum, hópi stjórnmálamanna,
hópi íþróttamanna og hópi
hjólastólanotenda.
Áreiðanlega verðurgaman að
fylgjast með akstrinum og
spurningin er hvort Þorsteino
fari fram úr Svavari eða hvort
Halldór slái þeim báðum við.
Hvort er betra að vera kraftlyft-
ingamaður og sterkasti maður í
heimi eða íþróttafréttaritari til
að ná árangri í þessari grein eða
hefur fatlaður maður sem alla
jafna situr í hjólastól, forskot
fram yfir stjórnmálamanninn og
íþróttamanninn?
Þessar vangaveltur kalla á þá
spurningu hvernig er að upplifa
heiminn í hjólastól og er það
tilgangur keppninnar að sýna
fram á við hvaða erfiðleika
fatlað fólk á við að glíma í hinu
daglega lífi við að komast áfram
í hjólastólum, en alls staðar eru
hindranir á vegi þess sem við
sem ekki erum hreyfihömluð
gerum okkur ekki grein fyrir.
Þessu vill Sjálfsbjörg breyta og
sú breyting hefst með því að
breyta viðhorfum almennings.
Fjársvikamálið:
Lausn mál-
sinsá
næsta leiti
■ Rannókn vegna meintra
fjársvika eiganda og tveggja
starfsmanna GT-Húsgagna
miðar nú mjög vel áfram, að
sögn Erlu Jónsdóttur, deildar-
stjóra hjá RLR.
I gær var einn maður látinn
laus úr gæsluvarðhaldi, en þá
hafa tveir menn verið látnir laus-
ir af þeim þremur sem úr-
skurðaðir hafa verið í varðhald
vegna málsins.
Erla vildi ekki tjá sig um það
hvort einhverjar játningarlægju
fyrir í málinu, en sagði að
rannsóknarhagsmunir krefðust
þess ekki að halda manninum
lengur í gæslu. Þetta er mjög
umfangsmikið mál í rannsókn,
að sögn Erlu, en eins og fyrr
sagði, þá miðar rannsókn vel.
Samið við
starfsfóik á
Sólheimum
■ Ófaglært starfsfólk vist-
heimilisins að Sólheimum í
Grímsnesi, sem hefur verið í
verkfalli síðan á mánudag,
greiðir atkvæði í dag um sam-
komulag, sem náðist í deilu
þess hjá ríkissáttasemjara í
fyrrinótt.
Verkfallið náði til 15 starfs-
manna og vegna þess varð að
senda 22 af 40 vistmönnum heim.
Þrátt fyrir að verkfalli hafi veriö
frestað í gær. verða vist-
mennirnir ekki kallaðir aftur að
Sólheimum fyrr en ljóst veður
að starfsfólk hafi staðfest sam-
komulagið.