NT - 02.04.1985, Side 11

nuv? ’-rt'x - ,* v,-,V.'.f Þriðjudagur 2. apríl 1985 11
J lU Viðskiptalífið
Frestun á
vaxtalækkun
-gæti samt
orðið í apríl
■ Engarmeiriháttarbreyting-
ar urðu á inn- og útlánsvöxtum
banka og sparisjóða í gær, 1.
apríl, eins og margir áttu þó von
á, vegna lækkandi verðbólgu.
Meginástæðan fyrir þessari
frestun á vaxtalækkun er sú, að
lánskjaravísitalan hækkaði
meira nú um mánaðarmótin,
heldur en búist hafði verið við.
Lánskjaravísitalan hækkaði úr
1077 í 1106, eða um 2,69%, sem
jafngildir 37,6% á ársgrund-
velli. „Þessi hækkun er ívið'
meiri heldur en hækkunin fyrir
mánuðinn á undan, og því eru
engar almennar forsendur fyrir
vaxtalækkun núna,“ sagði
Tryggvi Pálsson, fostöðumaður
hagdeildar Landsbankans í
samtali við blaðið.
Vaxtalækkun er þó enn í
athugun hjá bönkunum. Búist
er við að hækkun lánskjaravísi-
tölunnar verði mun minni um
næstu mánaðamót, sem getur
þýtt að bankarnir kjósi að lækka
vextina fljotlega, ekki síst með
tilliti til þess að lánskjaravísi-
töluhækkun í næsta mánuði
vitnar um hækkun framfærslu-
vísitölu og byggingavísitölu í
þessum mánuði.
„Ég tel ólíklegt að mánuður-
inn líði án þess að til einhverra
atburða dragi á þessu sviði,“
sagði Jóhannes Nordal, seðla-
bankastjóri.
Seðlabankinn mun án efa
gegna lykilhlutverki við vaxta-
lækkunina, en bankinn ákveður
enn nokkra vexti, þ.álm. á
sparisjóðsbókum. Viðskipta-
■bankarnir eru tregir til að ríða á
vaðið við lækkun innlánsvaxta,
vegna þess skaða sem þeir gætu
hlotið af því í samkeppni við
aðra banka.
Lækkun Seðlabankans á
vöxtum verðtryggðra útlána
rann út um mánaðamótin, en
Jóhannes Nordal sagði að á
meðan ekki hefði verið tekin ný
ákvörðun þá stæði fyrri ákvörð-
unin. Hann kvaðst ekki reikna
með að þessir vextir yrðu hækk-
aðir aftur í bráð.
íslenskir aðilar tengj-
ast fjármála-Reuternum
■ Nokkrir íslenskir aðilar
undirbúa nú að taka upp beint
samband við fjármálafrétta-
deild Reuters. Eru samningar
Reuter við Póst og síma um
leigu á nokkrum símalínum til
þessarar fréttaþjónustu á loka-
stigi, en síðar í þessum mánuði
er vonast til að sambandið verði
komið á, og þá geti áskrifendur
fengið fjármálafréttir úr ýmsum
heimshornum, gengisskráning-
ar í ýmsum löndum og vaxtaboð
flestra banka heims beint inn á
tölvuskerm til sín hvenær sem
er sólarhringsins. Pessir aðilar
verða því í stöðugu sambandi
við það sem gerist á alþjóðleg-
um fjármagnsmörkuðum og
geta byggt ákvarðanir sínar á
ferskari upplýsingum um mark-
aðinn heldur en hingað til.
Seðlabankinn og Landsbank-
inn hafa þegar ákveðið að tengj-
ast fjármála-Reuternum. Björn
Sigurðsson, sem hefur umsjón
með erlendum viðskiptum
Landsbankans, sagði að með
þessu nýja samban’di kæmist
bankinn í miklu betri aðstöðu
en áður til þess að fylgjast
með erlenda fjármagns-
markaðnum. Nú gæti bankinn
borið betur saman það sem væri
í boði, bæði vegna eigin við-
skipta og vegna leiðbeininga til
viðskiptavina sinna, sem sumir
vildu tryggja sér gjaldeyri á
föstu verði á svokölluðum
„forward“ markaði. „Viðgetum
hugsanlega gert betri samninga
um kaup á erlendum gjaldeyri,
og einnig náð betri kjörum
vegna erlendra lántaka, með
þessum upplýsingum,“ sagði
Björn.
Bankarnir hafa hingað til
fengið fjármálafréttir á telex frá
Reuter í stuttan tíma á hverjum
degi. Peir hafa orðið að nota
síma til að kalla sérstaklega
eftir upplýsingum.
Kostnaðurinn hefur lengi
staðið í vegi fyrir því að þessu
stöðuga Reuter sambandi væri
komið á hér á landi. Porsteinn
Thorarensen, umboðsmaður
Reuter á íslandi, sagði að sér
hefði í mörg ár verið hugðarefni
að koma sambandinu á, en
símasamningurinn við Stóra
norræna hefði lengi haldið sím-
gjöldum alltof háum til þess að
grundvöllur hefði verið fyrir
sambandinu. Símgjöld hefðu
hins vegar lækkað verulega síð-
ustu árin, þannig að nú væri
loks talið mögulegt að bjóða
íslenskum aðilum þessa þjón-
ustu. Formlegt verðtilboð verð-
ur gert í næstu viku. Þorsteinn
kvaðst sannfærður um að bank-
ar og fyrirtæki gætu sparað veru-
lega fjármuni með upplýsingun-
um sem sambandið veitti.
Nú er áætlað að hver notandi
sambandsins muni þurfa að
greiða um eina milljón króna
fyrir það á ári. Gjaldið getur þó
lækkað um næstu áramót, þegar
samningurinn við Stóra norræna
rennur endanlega út.
E.t.v. bíða aðrir bankar og
fyrirtæki þangað til með að
notfæra sér þjónustuna. Búnað-
arbankinn og Útvegsbankinn
munu vera að veita málinu fyrir
sér, og Flugleiðir, Sambandið,
Eimskip og Kaupþing hafa sýnt
því áhuga.
Enn eitt atriði er rétt að
nefna: Nýja Reuter-sambandið
gefur ennfremur möguleika á
að koma upplýsingum um ís-
lenskt fjármálalíf á framfæri.
Þannig mun ætlunin að Seðla-
bankinn fái eigin „síðu“ hjá
fjármála-Reuternum, en að
henni geta fjármálastofnanir
víða um heim síðan haft
aðgang.
Hagnaðurhjá
VISA-ísland
- nú hægt að nota kortin við
áskriftakaup frá útlöndum
■ „Fyrirtækið kóm alveg
þokkalega út og skilaði hagn-
aði,“ sagði Jóhann Ágústs-
son, stjórnarformaður
VISA-ísland, í samtali við
NT í tilefni af aðalfundi fyrir-
tækisins fyrir helgina. Jó-
hann vildi ekki gefa nákvæm-
lega upp hver hagnaðurinn
varð.
í ársskýrslu Verslunar-
bankans hefur komið fram
að tap varð á rckstri höfuð-
keppinauta VISA, Kredit-
kortum, á síðasta ári. Hefur
tapið að minnsta kosti nuniið
9 milljónum króna.
J óhann Ágústsson sagði að
VISA-Island hefði nú ákveð-
ið að við kaup á tímaritum
og bókum erlendis frá gætu
VISA korthafar nú einfald-
lega gefið söluaðilanum upp
númerið á kortum sínum, og
losnað þannig við að kaupa
tékka í banka til að greiða
kaupin með.
Þá sagði Jóhann að fyrir-
tækið hefði ákveðið að hefja
viðræður við Þjóðleikhúsið
og Iðnó um að korthafar
gætu greitt aðgöngumiða í
gegnum síma með því að
gefa upp kortnúmer sín, en
svipað fyrirkomulag hefur
gilt við Hitt leikhúsið í vetur.
BNOC verður
lagt niður
■ Breska ríkisstjórnin hefur
ákveðið að leggja niður ríkis-
olíufélagið BNOC. Olíufélagið
hafði það hlutverk að sjá um
sölu á a.m.k. 51% af allri þeirri
olíu sem unnin var á bresku
yfirráðasvæði í Norðursjó. Fé-
lagið var stofnað árið 1976 til
þess að hafa áhrif á olíumarkað
heimsins og halda olíuverði
niðri. Nú hafa skyndimarkaðir
eins og Rotterdam-markaður-
inn enn styrkst, og aðgerðir
BNOC til að draga olíuverðið
niður reynst árangurslausar.
BNOC hefur á síðustu mán-
uðum verið rekið með halla,
sem ýtti undir ákvörðun stjórn-
arinnar.
Breska stjórnin hyggst koma
á nýju olíufélagi í stað BNOC,
sem þó hafi mun veigaminna
hlutverki að gegna. Þetta nýja
félag mun aðeins sjá um sölu
10% afNorðursjávarolíunni.
Verslunarbankinn
fékk mestu inn-
lánsaukninguna
■ Verslunarbankinn fékk mestu innláns-
aukningu allra viðskiptabankanna á síð-
asta ári, eða59,l% en meðal innlánsaukn-
ing bankanna var 34,5%. Hlutdeild Versl-
unarbankans í heildarinnlánum bankanna
óx úr 4,45% í 5,2% á árinu.
Þetta kom fram á nýlegum aðalfundi
bankans. Bein afleiðing af innlánsaukn-
ingunni og aðeins lægri útlánaaukningu,
56,4%, var aðeins betri lausafjárstaða í
lok ársins heldur en í byrjun þess.
Þrátt fyrir velgengnina að þessu leyti þá
varð 3,6 milljóna króna rekstrarhalli hjá
Verslunarbankanum árið 1984. Ein af
ástæðum tapsins var 3 milljóna króna
byrði af tapi Kreditkorta s.f., sem bankinn
á að einum þriðja hluta.
Aðalfundur Verslunarbankans ákvað
að efna til 100 milljón króna hlutafjárút-
boðs á árunum 1985, ’86 og ’87.
Stjórnarformaður Verslunarbankans er
Sverrir Norland, en varaformaður Leifur
Isleifsson. Aðrir í stjórn eru: Guðmundur
H. Garðarsson, Þorvaldur Guðmundsson
og Árni Gestsson.
■ Jón Baldvinsson, framkvæmdastjóri, og Linda Metsúalemsdóttir, skrifstofustjóri, skoða „state-of the-art“ hjá
Frum. NT-mynd: Ari.
Þjónustar yffir eitt
hundrað fyrirtæki
■ Sérhæfingin segir enn meira til
sín. Eftir því sem tæknin eykst, og
rekstur fyrirtækja verður í senn auð-
veldari og flóknari af hennar völdum,
þá eflast fyrirtæki sem hafa það
hlutverk að þjónusta önnur fyrirtæki.
Kaup á slíkri þjónustu geta borgað
sig. Tæknivæðingin er dýr, og tækni-
þróunin hröð; hvorugu þurfa fyrirtækin,,
sem ekki fjárfesta sjálf heldur kaupa
þjónustu annarra, að hafa áhyggjur
af. Þessi fyrirtæki geta einfaldlega
keypt þá þjónustu sem er best og
ódýrustu á hverjum tíma. En sagt
annarri upp.
Eitt þeirra fyrirtækja sem stundar
slíka fyrirtækjaþjónustu er Frum h.f.
í Sundaborg. Frum hefur vaxið hratt
á undanförnum mánuðum og þjón-
ustar nú yfir eitt hundrað fyrirtæki,
með ýmsum hætti. Fyrirtækið hefur
einbeitt sér að innflutningsverslun,
og séð meðal annars um banka og
tollmeðferð fyrir innflytjendur, en
leggur nú höfuðáherslu á ýmis konar
tölvuþjónustu.
Jón Baldvinsson, framkvæmda-
stjóri Frum, segir tölvustarfsemi fyrir-
tækisins byggjast á því að sannfæra
önnur fyrirtæki um „að reyna ekki
það sem þeir kunna ekki.“ Frum hafi
komið sér upp tveimur IBM tölvum
og margbreytilegum hugbúnaði, sem
fyrirtæki geti fengið aðgang að í
gegnum símalínur.
Ein meginforsendan fyrir slíkri
starfsemi er þróun hugbúnaðar.
Hjá Frum er hugbúnaðarþróunin
af tvennum rótum runnin. I fyrsta lagi
hefur fyrirtækið starfsfólk í þróunar-
vinnunni, en í öðru lagi nýtur fyrir-
tækið, að sögn Jóns Baldvinssonar,
góðs af viðskiptavinum sínum. Við-
skiptavinirnir koma oft hugmyndum
sínum um endurbætur og aðlögun á
hugbúnaðinum á framfæri við Frum.
Þessar hugmyndir geta að lokum
komið öllum viðskiptavinunum til
góða. Þannig streyma nýjungarnar
inn.
„Ef aðrir eru með fræðilega reynslu,
þá erum við með praktíska reynslu,“
sagði Jón Baldvinsson.
Frum hf. var stofnað árið 1976, og
er í eigu 10 fyrirtækja í Sundaborg.
Áætluð velta á þessu ári er 24 milljón-
ir. Fjöldi starfsmanna er 14. Stjórn-
arformaður er Jóhann J. Ólafsson.