Morgunblaðið - 27.10.2004, Qupperneq 9

MORGUNBLAÐIÐ MIÐVIKUDAGUR 27. OKTÓBER 2004 9
FRÉTTIR
„ÞAÐ verður fljótlega sem ég
byrja að reka inn nefið,“ segir
Sölvi Sveinsson, skólameistari
Fjölbrautaskólans við Ármúla sem
hefur verið ráðinn í starf skóla-
stjóra Verslunarskóla Íslands.
Sölvi tekur við starfinu næsta
haust en mun í vetur setja sig inn í
rekstur skólans auk þess sem hann
mun vinna með afmælisnefnd skól-
ans sem nú er að hefja störf vegna
100 ára afmælis VÍ á næsta ári.
Þorvarður Elíasson, skólastjóri
VÍ, lætur af störfum í ágúst á
næsta ári eftir aldarfjórðungsstarf
við skólann. Ekki er enn ljóst hve-
nær Sölvi lýkur störfum við Fjöl-
brautaskólann við Ármúla (FÁ),
um það á hann eftir að semja við
menntamálaráðherra. Það verður
þó líklega fljótlega.
Sölvi Sveinsson fæddist 10. maí
1950 á Sauðárkróki. Hann lauk
stúdentsprófi frá Menntaskólanum
á Akureyri árið 1970 og BA-prófi í
íslensku og sögu frá Háskóla Ís-
lands 1975. Þá lauk hann cand.
mag.-prófi í sögu 1980 frá HÍ og
uppeldis- og kennslufræði frá
sama skóla.
Hann starfaði hjá Alþingi og síð-
an við kennslu í Hagaskóla, Lauga-
lækjarskóla og Fjölbrautaskólan-
um við Ármúla frá stofnun hans og
hefur verið skólameistari þar frá
árinu 1998.
„Ég er búinn að vera í þessum
skóla í 25 ár. Ég verð 55 ára á
næsta ári og ef maður ætlar að
skipta um starf þá er það núna.
Síðan eru spennandi tímar fram-
undan sem er stytting framhalds-
skólanáms. Mér finnst ögrandi að
takast á við það á nýjum vett-
vangi,“ segir Sölvi þegar hann er
spurður að því hvers vegna hann
sótti um starfið. Það hafi þó verið
erfið ákvörðun enda böndin við FÁ
sterk.
Sölvi Sveinsson ráðinn skólastjóri Verslunarskóla Íslands
„Það eru spennandi
tímar framundan“
Sölvi Sveinsson, skólameistari Fjölbrautaskólans við Ármúla.
HALLDÓR Ásgrímsson forsætis-
ráðherra og Þórólfur Árnason
borgarstjóri áttu fund í Ráðhúsi
Reykjavíkur í gær, þar sem þeir
ræddu ýmis samskiptamál ríkis og
borgar. Nú stendur yfir kjördæma-
vika Alþingis en forsætisráðherra,
sem jafnframt er þingmaður Reyk-
víkinga, átti frumkvæði að fund-
inum. Þeir ræddu m.a. fjárhagsleg
samskipti ríkis og sveitarfélaga en
ekki síður einstök sameiginleg
verkefni. Má þar nefna byggingu
Tónlistar- og ráðstefnuhúss, sam-
göngumál, samstarf í ferðamálum,
uppbyggingu hjúkrunarheimila og
málefni Landsvirkjunar en ríki og
borg eiga samtals um 95% í fyrir-
tækinu. „Þetta var afar jákvæður
fundur,“ sagði Þórólfur Árnason
borgarstjóri eftir fundinn, „enda
mikilvægt að samskipti ríkisvalds-
ins og höfuðborgarinnar séu sem
allra best.“
Morgunblaðið/Golli
Ræddu samskipti ríkis og borgar
UMBOÐSMAÐUR Alþingis hefur
mælst til að Tryggingastofnun ríkis-
ins (TR) taki mál konu fyrir að nýju
vegna eingreiðslu örorkubóta sem
TR reiknaði henni.
Í kjölfar aðgerðar sem konan
gekkst undir sótti hún um bætur
vegna örorku sem hún taldi sig hafa
orðið fyrir. TR samþykkti bótaskyldu
og mat örorku konnunar vera 49%. Sé
örorka metin minni en 50% er TR
heimilt að greiða í einu lagi örorku-
bætur sem þá jafngilda lífeyri við-
komandi um tiltekið árabil.
6% afvöxtun framtíðarbóta
Þetta gerði TR í máli konunnar og
miðaði við 71 árs lífslíkur og 6% af-
vöxtunarhlutfall [því hærri sem af-
vöxtunarstuðullinn er því lægri verð-
ur eingreiðslan]. Samkvæmt þeim
útreikningi nam eingreiðslan til kon-
unnar 1.7188 þúsund krónum og innti
TR hana af hendi.
Konan kærði ákvörðun TR til úr-
skurðarnefndar almannatrygginga
og krafðist þess að henni yrðu greidd-
ar fullar og óskertar bætur. Byggði
hún kæruna á því að ekki væri fyrir
hendi lagaheimild til þess að skerða
bætur með þessum hætti. Umboðs-
maður telur að afvöxtunarstuðullinn,
6%, sem TR notaði hafi ekki verið í
samræmi við lög og beinir þeim til-
mælum til úrskurðarnefndarinnar að
hún taki mál konunnar fyrir að nýju.
Jafnframt beinir hann þeim tilmæl-
um til heilbrigðisráðherra að hann
meti hvort ástæða sé til þess að taka
ákvæði reglna um eingreiðslu til end-
urskoðunar með það í huga hvort fyr-
irmæli um 6% vaxtafót (afvöxtunar-
stuðul) séu þar sett fram með of
fortakslausum hætti.
Málið mun nú vera til skoðunar hjá
heilbrigðisráðuneytinu.
Gerir at-
hugasemd
við af-
greiðslu TR
AÐGANGUR á Netinu að gömlum
eintökum Morgunblaðsins, frá 1913
fram á mitt ár 1964, er öllum opinn
og hægt að fara í gagnasafn Morg-
unblaðsins, www.mbl.is/gagnasafn,
og smella á fyrstu forsíðu blaðsins
sem birtist vinstra megin á síðunni. Í
framhaldi er hægt að velja tímabil og
einnig er hægt að slá inn leitarorð til
að þrengja leitina frekar. Einnig er
hægt að skoða gömul eintök á vefn-
um hvar.is.
Til að skoða gömul blöð þurfa not-
endur að hlaða niður forritinu DjVu.
Sú þjónusta er boðin í fyrsta sinn
sem smellt er á fundna síðu. Að inn-
setningu lokinni nægir að loka og
opna vafrann að nýju og þá er hægt
að skoða síðurnar að vild.
Hægt að
skoða gömul
blöð á Netinu
Fréttasíminn
904 1100
♦♦♦
♦♦♦
NÍTJÁN ára piltur var í gær
dæmdur í þriggja mánaða skilorðs-
bundið fangelsi fyrir ýmsa þjófnaði
í borginni.
Eitt desemberkvöld í fyrra
braust hann ásamt öðrum félaga
sínum inn í tíu bíla sem stóðu í bif-
reiðageymslu við Engjasel. Með
brotunum rauf hann skilorð vegna
dóms sem hann hlaut vegna þjófn-
aðar og fíkniefnabrota. Pilturinn
játaði brot sín greiðlega og tók
héraðsdómur tillit til þess, sem og
ungs aldurs, þegar refsingin var
ákveðin.
Ingveldur Einarsdóttir kvað upp
dóminn. Kári Hrafn Kjartansson
sótti málið f.h. lögreglustjórans í
Reykjavík.
Braust inn í
tíu bíla sömu
nóttina
Borgartúni 28 • símar 520 7901 & 520 7900
Draumavél
heimilanna!
Vegleg brúðargjöf!
Ísaumuð svunta
með nöfnum og
brúðkaupsdegi fylgir!
ARTISAN
5 gerðir - 7 litir
stærri skál, hveitibraut fylgir
Yfir 60 ára frábær reynsla
Mynd, Hafnarfirði s. 565 4207
Ljósmyndastofa Kópavogs sími 554 3020
www.ljósmynd.is
Tilboðsmyndatökur
Jólamyndatökur
Hefðbundnar myndatökur
Barnamyndatökur
Verslið við fagmenn
Str. 36-44
www.feminin.is
Bæjarlind 12, Kópavogi • sími 544 2222
Opið virka daga kl. 11-18, lau. kl. 10-16.
Töff föt
30% kynningarafsláttur
frá 27. okt. - 3. nóv.
Súrefnistæmdar umbúðir til að
næringarefnin varðveitist.
Fæst í apótekum
Yfirburðagæði
og styrkleiki
Þú finnur muninn!
Vottað lífræ
nt