Sunnudagsblaðið - 25.11.1962, Blaðsíða 12

í FRAKKLANDI gerðist nýlega atburður,
sem vakti hcimsathygli. Fjörutíu og sjö ára
kona og tuttugu og sjö ára maður gengu í hjóna
band. Það var þó ekki aldursmunurinn, sem
vakti athygli fólks á atburðinum, heldur hitt,
að brúðurin var hin heimsfræga söngkona
Edith Piaf, sem Frakkar hafa livað eftir annað
afskrifað sem dauðans eign — en hefur jafn-
harðan risið af beði sínum og sungið sinni hásu
rödd, svo að áheyrendur hafa fallið í stafi.
Meira en 200 lögreglumenn voru á verði við
kirkjuna, þegar athöfnin fór fram og dugði
vart til, því að þrátt fyrir varúðarráðstafanir lá
við að altarið í kirkjunni félli, er aðdáendur
frú Piaf réðust inn til að votta lienni liollustu.
Ektamakinn, var fyrir giftinguna lengst af
hárgreiðslumaður, en gerðist einkaritari Edith
Piaf fyrir nokkrum mánuðum — nú og af því
eru nú afleiðingarnar komnar í Ijós. Á mynd-
inni sjást þau hjónin frammi fyrir biskupi við
athöfnina í grísk-kaþólsku kirkjunni í París.
ÞAÐ VIRÐIST ekki mikil ástæða til mynda-
töku, þó að lítill drengur tali í síma, en að þessu
sinni er þó svo.
Drengurinn á myndinni Micliael hefur verið
mállaus allt frá fæðingu. Fjölmargar tilraun-
ir hafa verið gerðar til að hjálpa drengnum,
en allt virtist vonlaust. Málleysi drengsins hafði
mikil áhrif á líf fjölskyldunnar og hans eigið
Iíf var óhamingjusamt, hann varð innhverfur
og einrænn. Loks frétti fjölskyldan um danska
lækninn Christian A. Volf, sem getið hefur sér
mikið orð í Bandaríkjunum fyrir lækningar á
mállausum börnum.
Drengurinn var sendur til hans og nú er
svo komiö að hann getur talað — ekki vel en
svo, að fjölskylda hans á auðvelt með að skilja
hann. Og víst má telja, að hann muni ná fullri
færni.
Á myndinni er drengurinn að tala við móður
sína í síma — hann hefur aidrei talað í síma
fyrr.
;oa
12 SUNNUDAGSBLAÐ - ALÞÝÐUBLAÐIÐ