Morgunblaðið - 20.12.2004, Qupperneq 7

MORGUNBLAÐIÐ MÁNUDAGUR 20. DESEMBER 2004 7
FRÉTTIR
BRESKA leikkonan Vanessa
Redgrave og Nína Dögg Filipp-
usdóttir hylla hér hvor aðra á
sviðinu að lokinni sýningu á Róm-
eó og Júlíu í Playhouse-leikhús-
inu á West End í Lundúnum í
fyrrakvöld.
Leikkonan heimskunna var þá
sérstakur gestur Vesturports í
sýningunni, fór með lokaorðin./34
Vanessa
Redgrave
og Júlía
Ljósmynd/Daniel Sambraus
KJARTAN Magnússon, borgar-
fulltrúi Sjálfstæðisflokksins, gagn-
rýnir yfirlýsingar fulltrúa R-listans
um rekstur spor-
vagna í Reykjavík.
Kjartan bendir á
að skv. skýrslu
VSÍ ráðgjafar um
kostnað og mat á
eftirspurn hugsan-
legs reksturs spor-
vagna, komi fram
að stofnkostnaður
við sporvagnakerfi
yrði að lágmarki
22–25 milljarðar
króna. Til samanburðar sé endur-
stofnverð strætisvagnakerfisins um
2,7 milljarðar króna.
R-listinn dregur athyglina
frá slælegri frammistöðu
Kjartan segir að fulltrúar R-listans
hafi boðað að þörf sé á lestarsam-
göngum í borginni. Hafi tugum millj-
óna og miklum tíma verið varið af
hálfu borgaryfirvalda til að skoða
sporvagna og aðrar sporbundnar
samgöngur og m.a. fór samgöngu-
nefnd Reykjavíkur ásamt hópi emb-
ættismanna í sérstaka ferð til Þýska-
lands til að kynna sér sporvagna.
Sjálfstæðismenn hafi hins vegar bent
á að óraunhæft væri að koma á nýju
kerfi sporvagna í borginni. Stofn-
kostnaður hlypi á tugum milljarða
króna og byggð í borginni væri of
dreifð til að kerfið væri raunhæfur
valkostur.
Kjartan segir að miklu nær væri að
styrkja fremur það kerfi almennings-
samgangna sem fyrir er í borginni og
sé stórlega vannýtt, þ.e. strætisvagn-
ana, þar sem sætanýting sé í kringum
10%. „Fyrir vextina af þessari stóru
fjárfestingarupphæð sem um væri að
ræða með sporvagnakerfi, gætum við
keypt tvöfalt fleiri strætisvagna en
við erum með í dag, rekið þá árið um
kring og tvöfaldað tíðnina,“ segir
Kjartan.
„R-listinn er að draga athyglina frá
slælegri frammistöðu í málefnum al-
menningssamgangna síðustu tíu árin
með því að láta í veðri vaka að fram-
undan sé stórkostlegt átak í þessum
málaflokki með uppsetningu spor-
vagnakerfis,“ segir hann.
Kjartan Magnússon
gagnrýnir hugmyndir
R-listans um sporvagna
Nærtækara
að styrkja
núverandi
kerfi stræt-
isvagna
Kjartan
Magnússon
SAMKVÆMT nýrri reglugerð sam-
gönguráðuneytisins um ökuferilsskrá
og punktakerfi vegna umferðarlaga-
brota hafa refsingar við því að tala í
farsíma í akstri án handfrjáls búnaðar
verið hertar. Auk sekta má nú dæma
ökumönnum punkta í ökuferilsskrá
vegna brota hvað þetta varðar. Fá
menn einn punkt fyrir brot á þessum
reglum. Ríkislögreglustjóri og Sam-
band íslenskra tryggingafélaga fóru
fram á þessa breytingu.
Þá hefur tekið gildi ný reglugerð
um viðurlög vegna umferðarbrota þar
sem kveðið er á um heimild lögreglu-
stjóra til að ljúka málum sem varða
sektum allt að 300 þúsund krónum án
þess málið fari fyrir dóm. Reglugerð-
arákvæðið leysir af hólmi ákvæði um
að lögreglustjórar verði að senda all-
ar sektir yfir 100 þúsund krónum í
dómsmeðferð. Tilgangur þessarar
breytingar er að auðvelda lögreglu-
stjórum, og ökumönnum, sem brotið
hafa umferðarlög, að ljúka málinu
með lögreglustjórasátt.
Refsing hert
við farsíma-
notkun í bílum
♦♦♦