24 stundir - 05.01.2008, Qupperneq 4

4 LAUGARDAGUR 5. JANÚAR 2008 24stundir
Talsverður hluti fíkniefna sem
lagt hefur verið hald á hérlendis að
undanförnu hefur komið frá Lithá-
en. Af þessum sökum er sérstök að-
gát höfð við ráðningu Litháa til fyr-
irtækja sem starfa á landamærum
Íslands, svo sem skipafyrirtækja og
póstfyrirtækja, segir stjórnandi hjá
einu slíku fyrirtæki.
Um ráðningar gilda almennt
strangar reglur. Sakavottorða er
krafist auk þess sem grunur um
fíkniefnaneyslu veldur uppsögn.
Tryggja þarf að starfsmenn noti
ekki aðstöðu fyrirtækjanna til þess
að smygla fíkniefnum. Viðmælandi
24 stunda vill þó stíga varlega til
jarðar. „Þó það eigi að vera armur
af einhverri mafíu frá Litháen hér
mega ekki allir Litháar gjalda fyrir
það.“ aak
Fíkniefnasmygl frá Litháen veldur óróa
Strangar reglur um
ráðningu Litháa
Eftir Þóru Kristínu Þórsdóttur
thorakristin@24stundir.is
Hlutfallslega fleiri Íslendingar voru
ákærðir fyrir glæpi árið 2006 en
Pólverjar búsettir hérlendis eða
0,73% íslenskra borgara á móti
0,52% fólks með pólskt ríkisfang.
Ef í fjölda ákærðra er deilt með
fjölda þeirra sem skráðir eru bú-
settir hér árið 2006 samkvæmt töl-
um Hagstofu Íslands, er hlutfall
ákærðra lægst hjá Pólverjum.
Hafa verður þó í huga að erlend-
ir ríkisborgarar sem ákærðir eru
fyrir glæpi eru sumir ferðamenn,
og því má ætla að hlutfall ákærðra
með erlendan ríkisborgararétt sem
búsettir eru hérlendis sé enn lægra.
Stéttaskipting í viðhorfum
„Það eru alltaf mestir fordómar
gagnvart þeim hópi innflytjenda
sem er mest áberandi . Fyrir nokkr-
um árum var það fólk frá Asíu en
núna hafa Pólverjarnir tekið við,“
segir Einar J. Skúlason, fram-
kvæmdastjóri Alþjóðahúss.
„Það er stéttaskipting í viðhorf-
um til útlendinga eftir því hvort
föðurlönd þeirra eru rík eða fátæk.
Það er neikvæðara viðhorf gagn-
vart fólki frá nýju ESB-löndunum,
til dæmis Póllandi, en þeim
gömlu,“ segir Amal Tamimi,
fulltrúi í fræðsludeild Alþjóðahúss-
ins.
Fjölmiðlar hafa neikvæð áhrif
Witek Bogdanski, formaður
Samtaka Pólverja á Íslandi, segir
fordóma vera að miklu leyti til-
komna vegna umfjöllunar fjöl-
miðla. „Ef maður lemur annan
mann er ekki tekið fram í fréttum
að hann sé úr Kópavogi, en ef hann
er útlendingur kemur það alltaf
fram.“
Einar bendir á rannsókn Fjöl-
miðlavaktarinnar árið 2006 sem
sýndi að hlutfall neikvæðra frétta af
fólki af erlendu bergi brotnu, t.d.
um handtökur, sé hærra en þeirra
jákvæðu í flestum fjölmiðlum.
Þjóðerni getur skipt máli
„Það er matsatriði hjá blaða-
manni hvort þjóðerni einstaklinga
skiptir máli fyrir fréttina en það
getur gert það af ýmsum ástæðum.
Mér vitanlega vanda blaðamenn
sig mikið í umfjöllun um útlend-
inga, einmitt til að ýta ekki undir
fordóma,“ segir Arna Schram, for-
maður Blaðamannafélags Íslands.
„Hins vegar verðum við að geta
treyst mati almennings, að fólk
dæmi ekki heila þjóð út frá um-
fjöllun um örfáa einstaklinga,“ seg-
ir Arna. Hún segir að á vissan hátt
sé það að skjóta sendiboðann að
kenna fjölmiðlum um. „Ef það eru
fordómar fyrir ákveðnum hópi í
samfélaginu þá á hver að líta í eigin
barm.“
Pólverjar eru
löghlýðnastir
 Hlutfall Pólverja sem ákærðir voru fyrir glæpi var lægra en hjá
öðrum þjóðernishópum, þar með töldum Íslendingum, árið 2006
➤ Af þeim sem ákærðir voru fyr-ir afbrot árið 2006 voru
92,7% Íslendingar.
➤ Í hópi ákærðra sem eru meðerlendan ríkisborgararétt eru
bæði einstaklingar búsettir
hérlendis og ferðamenn.
➤ Það voru 2095 (af 288850) Ís-lendingar ákærðir fyrir afbrot
árið 2006, 31 Pólverji (af 5914
búsettum hérlendis með
pólskan ríkisborgararétt), 21
Lithái (af 983), 11 Bretar (af
411) og 9 Danir (af 943).
ÁKÆRÐIR 2006
HLUTFALL ÁKÆRÐRA AF SKRÁÐUM RÍKISBORGURUM
Ísland Pólland Litháen Bretland Danmörk
0,5
1,0
1,5
2,0
2,5 Hlutfall ákærðra einstaklinga af þeim sem skráðir eru með þarlent ríkisfang árið 2006.
Upplýsingar úr ársskýrslu Ríkissaksóknara
og frá Hagstofu Íslands.
0,73%
0,52%
2,14%
2,68%
0,95%
Slippurinn Akureyri átti lægsta tilboð í lokaendurbætur Grímseyj-
arferjunnar. Þær fjórar skipasmíðastöðvar hér á landi sem geta tekið
ferjuna í slipp áttu kost á því að gera tilboð og gerðu það allar. Tilboð
Slippsins hljóðaði upp á 12.966.300 krónur, næstum helmingi lægra en
næstlægsta boð frá Skipasmíðastöð Njarðvíkur,upp á 22.404.000 krón-
ur. Tilboð Vélsmiðju Orms og Víglundar var hálfri milljón hærra og
tilboð Stálsmiðjunnar var 26.991.000 krónur. Gert er ráð fyrir því að
vinna geti hafist á Akureyri 15. janúar og taki þrjár vikur. ejg
Ferjan kláruð á Akureyri
Viðskiptaráðherra kynnir skýrslu
starfshóps um heimildir fjár-
málafyrirtækja til gjaldtöku næst-
komandi mánudag ásamt þeim
aðgerðum sem ráðherra mun
grípa til í kjölfar skýrslunnar.
Starfshópurinn var stofnaður í
haust til þess að gera tillögur að
úrbótum á ýmsum atriðum varð-
andi FIT-kostnað, seðilgjöld,
uppgreiðslugjöld og fleira tengt
samskiptum neytenda og fjár-
málastofnana. þkþ
Ráðherra kynnir
aðgerðir
Neytendasamtökin eru frjáls félagasamtök: stofnuð árið 1953. Þau
verja hag félagsmanna og berjast fyrir hagsmunum neytenda.
Sjá www.ns.is - netfang:ns@ns.is
Neytendasamtökin könnuðu kjör á yfirdráttarl-
ánum. Miðað er við lán til einstaklinga sem ekki
njóta neinna sérkjara. Margir ættu þó að geta samið
um betri kjör og rík ástæða til þar sem vextir á yf-
irdráttarlánum eru mjög háir.
Lægstu vextir eru hjá S24 á yfirdrætti á debetkort-
areikningi 18.70%
S24 með lægstu vextina
Brynhildur
Pétursdóttir
NEYTENDAVAKTIN
Vextir yfirdráttarlána á debetkortareikningi
Banki Vaxtaprósenta
S24 18,70 %
Netbankinn 21,70 %
Kaupþing 23,45 %
Landsbankinn 24,40 %
Sparisjóðirnir 24,40 %
Glitnir 24,45 %
Skeifunni17 • Smáralind • Akureyri • Ísafirði • Egilsstöðum
• Vestmannaeyjum • Selfossi • Hafnarfirði (Bókabúð Böðvars)
Allt fyrir skólann
undir 1 þaki