Morgunblaðið - 12.02.2005, Blaðsíða 11
MORGUNBLAÐIÐ LAUGARDAGUR 12. FEBRÚAR 2005 11
FRÉTTIR
Opið mánudaga - föstudaga
frá kl. 12-18 og laugardaga frá kl. 12-15
Skólavörðustíg 2 – sími 544 8880.
Enn er vetur
Vinsælu loðhúfurnar eru
komnar aftur
!" # $%
&
tölulið 1. mgr. 17. gr. laga um vernd,
friðun og veiðar á villtum fuglum og
villtum spendýrum að gert er ráð
fyrir að heimilt sé að skjóta hrafn
allt árið um kring. Nú vill svo til að
hrafn er helgur fugl hjá heiðnum
mönnum, ásatrúarmönnum. Ég vil
spyrja háttvirtan þingmann hvort
hann telji að þetta ákvæði beri að
fella á brott?“ Sigurjón svaraði stutt
og laggott: „Ég tel svo ekki vera.“
Halldór kom hins vegar aftur upp
og sagði: „Hæstvirtur forseti. Í ljósi
Íslendingasagna, Snorra-Eddu og
samkvæmt öðrum heimildum – ef
við veltum því einnig fyrir okkur og
rifjum það upp – og að Huginn og
Muninn voru hrafnar Óðins þá kem-
ur mér nokkuð á óvart að háttvirtur
þingmaður skuli telja hrafna rétt-
dræpa allt árið um kring.“
Sigurjón kom aftur í pontu og
sagði: „Frú forseti. Ég get nú svar-
að þessu með annarri spurningu.
Það væri fróðlegt að vita hvort hinn
kristni leiðtogi þingsins, hæstvirtur
forseti þingsins Halldór Blöndal,
borði dúfur og hvort það gangi gegn
hans siðferðisvitund og trúarsann-
færingu.“ Þegar hér var komið við
sögu, var tími Halldórs til andsvara
liðinn, og fékk þingmaðurinn því
ekki svar við spurningunni.
Skeytin gengu líka á víxl í um-ræðum um Íraksmálið, semÖssur Skarphéðinsson, for-
maður Samfylkingarinnar, tók upp
á Alþingi í lok vikunnar. Stjórn-
arliðar gáfu lítið fyrir þá skýringu
Össurar að eitthvað nýtt hefði kom-
ið fram í málinu og sögðu um-
ræðuna frekar bera keim „af hinum
illvígu innanflokksátökum í Sam-
fylkingunni,“ eins og það var orðað.
Hvað sem því líður er líklegt að þau
átök eigi eftir að lita störf Alþingis á
næstu vikum, með einum eða öðrum
hætti.
haarde.is?
arna@mbl.is
STEINGRÍMUR J. Sigfússon, for-
maður Vinstrihreyfingarinnar –
græns framboðs, gagnrýndi harð-
lega stóriðju- og skattastefnu rík-
isstjórnarinnar í umræðu utan dag-
skrár á Alþingi á fimmtudag.
„Varla líður sá dagur að ekki ber-
ist fréttir af erfiðleikum í rekstri út-
flutnings- og samkeppnisfyrir-
tækja,“ sagði Steingrímur, sem var
málshefjandi umræðunnar.
Hann vitnaði í nýlegar fréttir um
uppsagnir starfsfólks m.a. á Hofs-
ósi, á Stöðvarfirði og á Þorlákshöfn
og sagði að forsvarsmenn viðkom-
andi fyrirtækja hefðu tilgreint hátt
raungengi krónunnar sem eina af
aðalástæðu erfiðleikanna.
„Allir eru sammála um að því
lengur sem þetta ástand varir, þeim
mun harkalegra verður bakslagið,
þeim mun meiri verður blóðtakan
fyrir útflutnings- og samkeppnis-
greinarnar og því meiri hætta verð-
ur á verðbólguhrinu og yfirskoti í
genginu þegar skriðan fer af stað.“
Steingrímur sagði að útflutnings-
og samkeppnisgreinarnar í landinu
væru að greiða herkostnaðinn af
stóriðju- og skattastefnu ríkis-
stjórnarinnar. Síðan spurði hann:
„Á áfram að skipta út störfum í iðn-
aði, fiskvinnslu og ferðaþjónustu
fyrir kínverskar og portúgalskar
hendur á fjöllum uppi?“
Tímabundið ástand
Halldór Ásgrímsson forsætisráð-
herra, sem var til andsvara, sagði
að staða efnahagsmála hér á landi
væri mjög traust. Hagvöxtur væri
meiri en annars staðar og atvinnu-
leysi minna. Auðvitað væri þó ekki
hægt að horfa framhjá því að verð-
bólgan hefði færst í aukana upp á
síðkastið. Viðskiptahallinn sömu-
leiðis. Þetta væri þó tímabundið
ástand sem m.a. mætti rekja til
stóriðjuframkvæmdanna og þeirra
miklu umskipta sem hefðu orðið á
íbúðalánamarkaði.
Halldór sagðist ekki vilja gera lít-
ið úr því að sterkt gengi krónunnar
gæti haft neikvæð áhrif á afkomu
ýmissa útflutningsgreina. Hins veg-
ar þyrfti að horfa á heildarmyndina.
Samkvæmt áætlunum fjármála-
ráðuneytisins, sem ekki hefðu verið
dregnar í efa, væri staða sjávarút-
vegsins í heild talin mjög góð um
þessar mundir. Ein af ástæðunum
væri sú mikla hagræðing sem hefði
átt sér stað á undanförnum árum
t.d. með sameiningu fyrirtækja.
Þannig væru þau stærri og öflugri
og betur í stakk búin til að mæta
tímabundnum erfiðleikum.
Halldór sagði einnig að stjórnvöld
hefðu lagt sitt af mörkum til að
halda aftur af þensluáhrifum stór-
iðjuframkvæmdanna með því að
draga úr opinberum framkvæmdum
um sinn. Jafnframt hefði Seðlabanki
Íslands hækkað vexti til að halda
aftur af verðbólgu. Ítrekaði hann að
þetta ástand væri tímabundið og að
verðbólgan myndi hjaðna og við-
skiptahallinn minnka. Það myndi til
lengri tíma litið hafa áhrif á gengi
krónunnar.
Störfum skipt
út fyrir erlenda
verkamenn?
Morgunblaðið/Ásdís
„Allir eru sammála um að því lengur sem þetta ástand varir, þeim mun
harkalegra verður bakslagið,“ sagði Steingrímur J. Sigfússon.
UMHVERFISRÁÐHERRA, Sigríð-
ur Anna Þórðardóttir, opnaði í gær
aðgengi almennings að bráða-
viðvörunarkerfi Veðurstofu Íslands
um jarðvá. Markmið kerfisins er að
gera eftirlit með jörðinni virkara
þannig að draga megi úr tjóni
vegna jarðskjálfta og eldgosa.
Með bráðaviðvörun er átt við al-
hliða viðvörun og upplýsingar sem
komið er á framfæri frá þeim tíma
sem vart verður við að hamfarir
séu að hefjast eða líkur eru á að
þær séu yfirvofandi.
Kerfið er þegar nýtt til þessara
þarfa í daglegu starfi Veðurstof-
unnar. Það byggist annars vegar á
samtímaeftirliti með jarðskjálftum
og jarðskorpuhreyfingum og hins
vegar á því að gera alla tiltæka
þekkingu, sem komið getur að not-
um við gerð bráðaviðvarana, að-
gengilega á fljótvirkan hátt.
Í tilkynningu frá Veðurstofunni
segir að markmið kerfisins sé jafn-
framt að bæta upplýsingaflæði til
almennings um hvers konar jarð-
skorpuhreyfingar, þess hluta sem
opnaður hefur verið nú, en almenn-
ingur hefur til þessa getað fylgst
með jarðskjálftamælingum á vef
Veðurstofunnar. www.vedur.is.
Auk Veðurstofunnar unnu Kerf-
isverkfræðistofa Verkfræðistofn-
unar Háskóla Íslands og Stefja hf.
að þróun kerfisins. Verkefnið var
styrkt af RANNÍS og Viðlagatrygg-
ingu Íslands, auk framlaga frá rík-
inu gegnum Íslenska upplýsinga-
samfélagið.
Bráðaviðvörunarkerfi
opnað almenningi
Morgunblaðið/Árni Torfason
TENGLAR
.....................................................
www.vedur.is
SAMKVÆMT nýju deiliskipulagi er
heimilað að rífa 25 hús sem byggð
voru fyrir 1918 við Laugaveg í
Reykjavík. Hefur steinbærinn
Laugavegur 22A frá árinu 1892 þeg-
ar verið rifinn. Þetta kom fram á
fundi borgarráðs þar sem lagt var
fram svar sviðsstjóra skipulagssviðs
við fyrirspurn Ólafs F. Magnússon-
ar, borgarfulltrúa F-listans.
Ólafur lét bóka á fundinum að
engum ætti að dyljast, að í uppsigl-
ingu sé allt of mikil röskun á bygg-
ingarsögu og heildstæðri götumynd
Laugavegarins. Endurskoða þurfi
deiliskipulag Laugavegarins á
svæðinu frá Laugavegi 1–73 og
skoða málið heildstætt. Ekki verði
unað við þá niðurstöðu, sem starfs-
hópur um endurskipulagningu
Laugavegarins komst að fyrir
nokkrum árum, en þar var lagt til
mun meira niðurrif gamalla húsa við
Laugaveg en áður hafði verið talið
verjandi.
Byggir á áliti vinnuhóps
Fulltrúar Reykjavíkurlistans í
borgarráði létu bóka, að í bókun
Ólafs kæmi fram ákveðinn misskiln-
ingur. Mikil áhersla hafi verið lögð á
það við deiliskipulag Laugavegar að
tryggja nauðsynlega uppbyggingu
nýs verslunar- og atvinnuhúsnæðis
en tryggja í leiðinni að yfirbragð og
karakter gömlu húsanna við Lauga-
veg haldi sér. Til að tryggja nauð-
synlega sátt þessara sjónarmiða
hafi verið settur á laggirnar vinnu-
hópur með sérfræðingum minja-
verndarinnar, rekstraraðilum á
svæðinu, kjörnum fulltrúum og
arkitektum frá skipulagssviði. Sá
vinnuhópur hafi skilað niðurstöðum
sem skipulagið byggist á.
Segir í bókuninni, að nú sé lokið
miklu átaksverkefni varðandi deili-
skipulag á Laugavegi sem tryggi
nauðsynlegt jafnvægi verndunar og
uppbyggingar. Allt tal um annað sé
fyrst og fremst til þess fallið að slá
ryki í augu fólks.
Fram kemur í svari skipulags-
sviðs, að húsin, sem heimilað hefur
verið að rífa, eru númer 4, 5, 6, 11,
12B, 17, 19, 20, 20A, 21, 22A, 23, 27,
28B, 29, 33, 35, 38, 41, 45, 55, 65, 67,
69 og 73 við Laugaveg.
Leyft að rífa 25
hús við LaugavegSÍMINN hefur sent frá sér yfirlýs-ingu vegna heilsíðuauglýsingar um
grunnnet Símans frá fjarskiptafyrir-
tækinu Og Vodafone sem birtist í
dagblöðum í gær.
„Í auglýsingunni eru birtar stað-
hæfingar sem ekki standast.
Síminn getur ekki tafið umsóknir
keppinauta sinna um aðgang þeirra
að grunnnetinu. Um grunnnetið gilda
ákveðnar reglur sem samþykktar eru
af Póst- og fjarskiptastofnun og stofn-
unin hefur eftirlit með. Þar eru
ákvæði um afgreiðslutíma umsókna
og sérstaklega er kveðið á um að eng-
inn mismunur sé á afgreiðslu um-
sókna hvort sem þær komi frá Síman-
um eða samkeppnisaðila hans.
Síminn hefur enga möguleika á því
að verðleggja keppinauta sína út af
markaðnum. Póst- og fjarskiptastofn-
un ákveður verð fyrir aðgang að
grunnnetinu og greiða allir sama verð
hvort sem um er að ræða Símann, Og
Vodafeone eða aðra samkeppnisaðila.
Síminn fær ekki óeðlilegar upplýs-
ingar um markaðsáform keppinauta
sinna. Í fjarskiptalögum er sérstakt
ákvæði sem kemur í veg fyrir að
beiðnir um aðgang að grunnnetinu og
ástæður fyrir þeim berist til annarra
en aðganginn veita. Þetta hefur Sím-
inn ávallt virt.
Síminn hefur ávallt lagt áherslu á
að vinna samkvæmt gildandi lögum
og leggur ekki stein í götu keppinauta
sinna. Það hafa aftur á móti aðrir gert
en skemmst er að minnast þess er
Póst- og fjarskiptastofnun tók bráða-
birgðaákvörðun í máli Símans gegn
Og Vodafone í apríl síðastliðnum,
þegar stór viðskiptavinur Og Voda-
fone ákvað að færa sig yfir til Símans.
Þá var Og Vodafone gert að flytja
símanúmeraröð fyrirtækisins til Sím-
ans eða greiða dagsektir ella.
Tugir þúsunda notenda hafa nú
þegar verið fluttir á milli fyrirtækj-
anna og nær allir án vandkvæða og
mun Síminn áfram sinna þeirri
skyldu sinni.“
Yfirlýsing
frá Símanum
Morgunblaðinu hefur borist eftirfar-
andi yfirlýsing frá Haraldi Sturlaugs-
syni, stjórnarmanni í HB Granda.
„Vegna ónákvæmra frétta í kjölfar
tilkynningar HB Granda hf. um
skipulagsbreytingar vil ég undirritað-
ur, Haraldur Sturlaugsson, stjórnar-
maður í HB Granda hf., taka fram að
þær breytingar sem kynntar hafa
verið á yfirstjórn félagsins voru tekn-
ar utan stjórnarfundar af meirihluta
stjórnar án minnar aðkomu eða þátt-
töku. Nauðsynlegt er að þetta komi
fram.“
Yfirlýsing
♦♦♦