Morgunblaðið - 25.08.2005, Blaðsíða 46
46 FIMMTUDAGUR 25. ÁGÚST 2005 MORGUNBLAÐIÐ
Sýnd kl. 6
Miðasala opnar kl. 15.00
Sýnd kl. 8
Sýnd kl. 10.30 B.i 16 ára
kl. 3.20 og 5.40
kl. 3.40 og 5.50 Í þrívídd
VINCE VAUGHN OWEN WILSONVINCE VAUGHN OWEN WILSON
Sýnd kl. 5.20, 8 og 10.30
Sýnd kl. 8 og 10.20Sýnd kl. 5.50, 8 og 10.10 B.i 10 ára
KVIKMYNDIR.IS
I I .I
OFURHETJURNAR ERU MÆTTAR
Í EINNI STÆRSTU MYND ÁRSINS
WWW. XY. IS
WWW. XY. IS
OFURHETJURNAR ERU MÆTTAR
Í EINNI STÆRSTU MYND ÁRSINS
Sýnd kl. 3.20, 4.20, 5.40, 6.40, 8 og 10.20 B.i 10 árawww.borgarbio.is
Sími 564 0000
KVIKMYNDIR.COM
RÁS 2 Ó.H.T
S.K. DV
KVIKMYNDIR.IS
KVIKMYNDIR.COM
S.K. DV
BESTA GRÍNMYND SUMARSINS
„FGG“ FBL.
BESTA GRÍNMYND
SUMARSINS
„FGG“ FBL.
kl. 8 og 10.30
H.J. / Mbl.. . l.
H.J. / Mbl.. . l.
FÓR BEINT Á TOPPINN Í USA OG ÍSLANDI
ROB Schneider er ekki hávaxinn
maður, rétt yfir 1.60 á hæð en hann
ber sig eins og hann sé tröll að
vexti. Þegar undirrituðum var
hleypt inn í leikmyndina sem hafði
verið byggð utan um viðtalið, stóð
hann fyrir framan nuddpott og
kjaftaði við þrjár íslenskar stúlkur
sem í pottinum sátu. Það varð
snemma ljóst að samtal við blaða-
mann var ekki efst á hans baugi og
hver getur svo sem álásað honum –
stúlkurnar voru eins og klipptar út
úr karlatímariti, í efnislitlum baðföt-
um einum klæða og hlógu skrækum
hlátri eins og þær fengju borgað
fyrir það – sem var líklega raunin.
Hann settist þó að lokum niður og
viðtalið gat hafist.
Mig langaði að spyrja þig út í
muninn á grínleikara og drama-
tískum leikara?
„Það er enginn munur. Þetta er
sami hluturinn. Líttu bara á grím-
urnar sem eru tákn leiklistarinnar.
Önnur er brosandi en hin er hnugg-
in á svip. Ef alvarleikinn er sneydd-
ur húmor er hann leiðinlegur og ef
húmorinn er sneyddur alvarleika er
hann líka leiðinlegur. Marlon
Brando sagði eitt sinn: „Fólk í dag
telur að vændi sé elsta starfsgrein
siðmenningarinnar. Það er rangt.
Leiklistin er elsta starfgreinin!“ Ég
er sammála honum.
Ef þetta er sami hluturinn, af
hverju hefurðu ekki leikið í fleiri
dramatískum kvikmyndum?
„Af því að grínleikur er erf-
iðari … Hvað ertu eiginlega að gefa
í skyn? Ertu að segja að grínleikur
sé einfaldari?“
Nei, nei…
„Spyrðu hvaða leikara sem er og
hann mun segja þér að grínleikur sé
erfiðastur.“
Eru það ekki aðallega grínleik-
ararnir sem halda því fram?
„Nei, grínleikarar gera það ekki,
það eru drama-leikarar sem segja
það! Horfðu á grínmynd með Al
Pacino og þá kemstu í skilning um
hversu erfitt það er. Marlon Brando
er besti leikari hvíta tjaldsins en
hann gat ekkert í gamanleik. Ekk-
ert!“
Heldurðu að þetta sé meðfæddur
hæfileiki?
„Ég veit það ekki. Ég held að
þetta sé spurning um smekk. Ann-
aðhvort færðu fólk til að hlæja eða
ekki. En grínleikur er erfiðastur.
Tökum Óskarsverðlaunin sem
dæmi; Hvað vilja þeir sem taka á
móti verðlaunum gera? Þeir vilja
koma fólki til að hlæja. Gamanleik-
urinn er æðstur allra leikgerða.“
Stefndirðu alltaf á leiklist-
arbrautina?
„Nei, ég hef samt alltaf haft
áhuga á grínleik. Mínar hetjur eru
Gene Wilder, Woody Allen, Peter
Sellers, Mel Brooks, Richard Pryor
og ég lít svo á að ég sé að halda
merki þeirra áfram með mínum
gamanleik. Ég byrjaði nefnilega að
koma fram ungur að árum… og þó
að mér takist ennþá að búa til
grín… það eru mjög fáar brjálaðar
myndir eins og þessi [Deuce Biga-
low European Gigolo] sem fást
gerðar, en það er keypt dýru verði.“
Hvað meinarðu?
„Það er keypt dýru verði! Ef þú
ert tilbúinn til að fíflast og gera
brjálaða hluti, þá muntu ganga fram
af fólki. Það er ekkert sem reitir
fólk jafnmikið til reiði og gam-
anmyndir. Ég hef þurft að takast á
við þetta í Bandaríkjunum í sam-
bandi við gagnrýni. Hins vegar bý
ég ekki til myndir fyrir gagnrýn-
endur, ég bý þær til fyrir fólk og
einu gagnrýnendurnir sem ég tek
mark á, eru þeir sem borga sig inn
á myndirnar mínar.“
Voru foreldrar þínir leikarar?
„Nei!“
Einhver í fjölskyldunni?
„Nei, ég er ekki hluti af neinni
leikarahefð.“
Ég veit að þú ert frá San Franc-
isco. Hvernig var að alast þar upp?
„San Francisco er mjög frjálslynd
borg en Bandaríkin eru mjög
íhaldssöm. Ég er ennþá að bíða eftir
því að pendúllinn sveiflist til baka…
en… listrænt séð er ég barn átt-
unda áratugarins, þegar þjóðfélagið
var opnara, frjálsara og fjöl-
þjóðlegra. Í þá daga voru margir
grínleikarar sem komu fram á sjón-
arsviðið og þeir opnuðu mín augu
fyrir leiklistinni. Ég kem sjálfur úr
fjölþjóðlegu fjölskyldumynstri;
mamma mín er filippeysk og pabbi
minn er hálfur Rússi og hálfur Þjóð-
verji. Ég mæli samt ekki með þess-
ari genablöndu stefnirðu á frama í
körfubolta – eða í annarri íþrótt, ef
því er að skipta. GÆTI ÉG FENG-
IÐ MEIRA TE!? Afsakið.“
Ekkert mál. Þú varst bæði hand-
ritshöfundur og leikari í Saturday
Night Live þáttunum. Segðu mér
aðeins frá þeim tíma.
„Mér fannst frábært að skrifa og
satt að segja held ég að ég muni
láta nokkrar myndir í viðbót nægja
áður en ég sný mér alfarið að skrift-
um og leikstjórn. Mér finnst gaman
að gera kvikmyndir en ég er ekki
viss um að mig langi til að gera þær
á jafn líkamlegan hátt og ég hef áð-
ur gert – þú veist – halda mér í
formi og að þurfa svo að vera upp á
náð og miskunn heimskra gagnrýn-
enda. Ég er í raun spenntari fyrir
mínum eigin ferli núna en ég hef áð-
ur verið. Ég sé fram á frjálsari og
sjálfstæðari tíma.
Í sambandi við SNL skrifaði mað-
ur brandara á þriðjudegi og komst
svo að því hvort hann var fyndinn á
laugardeginum. Mér fannst það frá-
bært. Ég virti það alltaf að vettugi
hvort ég væri að móðga fólk. Maður
verður að vera óttalaus í húm-
ornum, annars fer illa fyrir manni.“
Saknarðu þess að leika fyrir lif-
andi áhorfendur?
„Nei, ég sakna þess ekki. Ég hef
meira gaman af því að fullkomna
það sem ég geri. En ég sakna inni-
leikans sem oft kom fram í SNL.
Ég held að í veröld þar sem allir eru
hræddir við að mistakast sé það
unga fólkið sem skaðist mest á því.
Þess vegna vona ég að fólk komi á
myndina og njóti hennar. Hún er
ekki fullkomin en það eru atriði í
henni sem eru fyndin og brjáluð.“
Hvað finnst þér um SNL í dag?
„Ég horfi ekki á þættina.“
Af hverju ekki?
„Ég hef engan tíma til þess. Mér
finnst þeir ekki vera eins góðir og
þeir voru.“
Þú hefur starfað sem leikari í
rúm fimmtán ár…
„Ég held að það sé nær tuttugu
árum!“
Tuttugu ár, afsakið… af hverju
ertu stoltastur á ferlinum?
„Uuu, þegar fólk kemur upp að
mér og þakkar mér af öllu hjarta
fyrir að kæta það og hlæja. Að hitta
fólk sem sá fyrstu Deuce Bigalow á
stefnumóti og er gift í dag. John
Cleese líkaði fyrri Bigalow-myndin
og Quentin Tarantino finnst Hot
Chick frábær og ég met það mikils.
Ég var mjög stoltur af því að fá að
halda ræðu þegar Adam Sandler
fékk handaförin sín í gangstéttina
fyrir utan Chinese Mans Theatre.
Að vera kistuberi í jarðarför Rod-
neys Dangerfield… það var heiður
sem ég met meira en nokkur Óskar
sem ég mun, eða mun ekki, fá.
Ókei, vinur. Þetta er komið.“
Já, er það?
„Var það eitthvað fleira?“
Mér fannst nú við hæfi að spyrja
þig eitthvað út í myndina.
„Ókei, skjóttu!“
Hver er munurinn á evrópskum
og bandarískum konum?
„Evrópskar konur vaxa sig en
bandarískar konur raka sig. Margar
evrópskar konur eru líka með eins-
konar flugbraut fyrir neðan naflann.
Ég er af gamla skólanum og kann
betur að meta það þegar hlutum er
leyft að vaxa frjálsum. Ókei?“
Kvikmyndir | Rob Schneider kemur alltaf fyndinn til dyranna
Grínleikurinn æðstur lista
Grínleikarinn Rob
Schneider er staddur
hér á landi þessa dag-
ana til að kynna grín-
myndina Deuce Biga-
low European Gigolo.
Rob hefur leikið í á
fjórða tug bíómynda
en það er einungis á
undanförnum árum
sem stjarna þessa
grínleikara hefur risið
að ráði. Höskuldur
Ólafsson ræddi við
leikarann innan um fá-
klæddar stelpur og
frumskógardýr.
Deuce Bigalow European Gigolo
verður frumsýnd föstudaginn 9.
september í Smárabíói, Regnbog-
anum, Laugarásbíói og Borgarbíói
Akureyri.
hoskuldur@mbl.is
Morgunblaðið/Kristinn
Leikarinn grét það ekki að ræða við stúlkurnar í heita pottinum.
Morgunblaðið/Kristinn
Rob Schneider var viðstaddur forsýningu myndar sinnar í gær.