Morgunblaðið - 27.10.2005, Side 5

MORGUNBLAÐIÐ FIMMTUDAGUR 27. OKTÓBER 2005 B 5

INNFLUTNINGSHRAÐSENDINGAR DHL
VIÐ GERUM INNFLUTNINGINN
FRÁ ASÍU SVO AUÐVELDAN
AÐ ÞÚ FERÐ AÐ TALA UM
„AUSTURLÖND MIKLU NÆR“
Kannaðu málið á dhl.is eða í síma 535 1100.
NÝTT skipurit hefur tekið gildi
hjá Samskipum á Íslandi. Sam-
kvæmt upplýsingum frá félaginu
tekur hið nýja skipurit skýrara mið
af þjónustuframboði félagsins, auk
þess sem það einfaldar skipulag og
styttir boðleiðir.
Ásbjörn Gíslason, forstjóri Sam-
skipa, segir að hið nýja skipurit fé-
lagsins endurspegli þær umfangs-
miklu breytingar sem átt hafi sér
stað hjá félaginu á undanförnum
misserum. Verið sé að skerpa enn
frekar meginlínurnar í starfsem-
inni á Íslandi með þessum breyt-
ingum.
Fimm svið
Samkvæmt hinu nýja skipuriti
Samskipa byggist rekstur félagsins
nú á fimm sviðum sem styðja og
styrkja hvert annað.
Þjónusta við viðskipavini skiptist
í þrjú meginþjónustusvið; milli-
landasvið, innanlandssvið og flutn-
ingsmiðlun, en fjármála- og upplýs-
ingasvið eru tekin til hliðar og
þjóna öllum þremur þjónustusvið-
um félagsins.
Pálmar Óli Magnússon sem verið
hefur framkvæmdastjóri rekstrar-
sviðs er framkvæmdastjóri milli-
landasviðs. Hann er jafnframt stað-
gengill forstjóra. Björgvin Jón
Bjarnason er nýr
framkvæmdastjóri
hjá innanlandssviði
Samskipa (Landflutn-
ingar-Samskip).
Kristján Pálsson er
áfram framkvæmda-
stjóri flutningsmiðl-
unar Samskipa (Jónar
Transport). Sæmund-
ur Guðlaugsson er
framkvæmdastjóri
fjármálasviðs. Ragnar
Þór Ragnarsson er
nýr framkvæmda-
stjóri upplýsingasviðs
Samskipa, en það er
nýtt svið og endur-
speglar þá auknu áherslu sem lögð
er á upplýsingatækni og þjónustu í
starfsemi félagsins.
Ragnar og Björgvin Jón hafa
jafnframt tekið sæti í fram-
kvæmdastjórn Samskipa sem skip-
uð er forstjóra og framkvæmda-
stjórum þjónustudeildanna fimm.
34)5

 )  .!A.# !   
+-0.
  

  
);6
 . 2 

 
M 
.N8.M 
.

!"
# $ %
O#6 .P
& 
$

&! "
# $ %
>0.,
@8

>0 .


$  "
'$%
.!0#

O#

Nýtt skipurit hjá Samskipum
Endurspeglar umfangsmiklar breytingar á félaginu, segir Ásbjörn
Gíslason forstjóri, en skerpa á meginlínur starfseminnar á Íslandi
Ragnar Þór Ragnarsson Björgvin Jón Bjarnason
Nýir í framkvæmdastjórn
ÖFLUN ehf., sem er með um-
boð fyrir Apple á Íslandi, hefur
keypt 37,8% hlut í norska fyr-
irtækinu Office Line ASA, sem er
skráð í kauphöllinni í Ósló. Sam-
kvæmt frétt Dagens Nyheter
borgaði Öflun 69,6 norskar krónur
á hlut, sem þýðir að heildar-
kaupverðið hefur numið um 430
milljónum íslenskra króna.
Gengi bréfa Office Line hækk-
aði mjög í kjölfar kaupa Öflunar,
og við lok viðskipta í norsku kaup-
höllinni hafði gengið hækkað um
28,95%.
Bjarni Ákason, forstjóri Öfl-
unar, segir fyrirtækið hafa verið
að skoða þennan markað und-
anfarin tvö ár. „Við erum með
verslanir í Kaupmannahöfn og
Stokkhólmi og vorum að líta í
kringum okkur á hinum Norð-
urlöndunum. Þar var Office Line
með sterka stöðu og við ákváðum
að fara þá leið að kaupa ráðandi
hlut í því fyrirtæki,“ segir Bjarni.
Við kaupin er Öflun orðin
stærsti hluthafinn í Office Line og
segist Bjarni gera ráð fyrir því að
Öflun muni fá meirihluta í stjórn
norska félagsins.
Velta upp á 4,6 milljarða
Hvað varðar breytingar á skipu-
lagi eða rekstri Office Line segir
Bjarni að farið verði varlega í
þeim efnum.
„Félagið er vel rekið og hefur
skilað góðum hagnaði. Við munum
að sjálfsögðu athuga hvort ein-
hversstaðar megi betur gera, en
almennt er fyrirtækið í góðum
málum.“
Segir Bjarni að með kaupum
Öflunar á ráðandi hlut í Office
Line styrki félagið sig verulega í
samkeppni við aðra seljendur
Apple á Norðurlöndum.
Office Line rekur sjö verslanir
og þrettán söluskrifstofur í Nor-
egi, Danmörku, Svíþjóð og Finn-
landi og segir Bjarni að ekki sé
nóg með að fyrirtækið sé stærsti
seljandi Apple-vara á Norðurlönd-
unum, heldur sé það líklega
stærsti aðilinn á Evrópumarkaði,
fyrir utan Apple fyrirtækið sjálft.
Áætluð velta Office Line á
þessu ári er um 490 milljónir
norskra króna, sem samsvarar um
4,6 milljörðum íslenskra króna.
Starfsmenn fyrirtækisins eru 140.
Stærsti söluaðili
Apple í Evrópu
Öflun ehf. kaupir ráðandi hlut í norsku fyrirtæki
Morgunblaðið/Golli
Eplin dreifast Bjarni Ákason,
framkvæmdastjóri Öflunar, Apple-
umboðsins á Íslandi, segir félagið
styrkja sig á Norðurlöndunum í
harðri samkeppni við aðra selj-
endur Apple-tölvubúnaðar.
Eftir Bjarna Ólafsson
bjarni@mbl.is