Tíminn - 08.10.1971, Blaðsíða 3

FÖSTUDAGUR 8. október 1971
TÍMINN
15
EDWARD ALBEE
Þjóðleikhúsið:
Nýtt leikrit
eftir Albee
Þann 15. þ.m. frumsýnir Þjóð-
leikhúsið nýtt leikrii eftir banda-
ríska leikritaskáldið Edward Al-
bee. Leikurinn heitir Allt í garð-
inum og er Baldvin Halldórsson
leikstjóri. ÞVðing leiksins er gcrð
af Óskari Ingimarssyni, en Gunn-
ar Bjarnason er leikmynda- og
búningateiknari.
Höfundur leiksins, Edward Al-
bee, er íslenzkum leikhúsgestum
að góðu kunnur. Árið 1965 sýndi
Þjóðleikhúsið hið stórbrotna leik-
rit Albees Hver er hræddur við
Virginíu Woolf, undir leikstjóm
Baldvins Halldórssonar. Sýning
þessi hlaut frábæra dóma allra,
sem hana sáu, en sýningar urðu
alls 71 á leikritinu. Árið 1967
sýndi Þjóðleikhúsið Dauði Bessie
Smith eftir Albee og Leikfélag
Reykjavíkur hefur ennfremur
sýnt leikrit hans Saga í dýragarði.
Allt í garðinum er því fjórða leik-
ritið, sem sýnt er hér á landi
eftir þennan höfund.
Edward Albee er fæddur í Was-
hington árið 1928. Hann byrjaði
ungur að fást við skriftir — fyrsta
leikrit sitt samdi hann 11 ára
að eigin sögn. Hann var þó kom-
inn um þrítugt þegar hann kvaddi
sér hljóðs sem meiri háttar rit-
höfundur með leiknum Saga úr
dýragarði. Þá komu leikimir
Dauði Bessie Smith, Sandkassinn
og Ameríski draumurinn. En það
er leikritið Hver er hræddur yið
Virginíu Woolf, sem skipar hon-
um í sess með helztu leikritaskáld
um stmtímans, og seinni leikrit
hans staðfesta það álit leikhús-
manna.
Hér verða talin nokkur af þeim
leikritum, sem hann hefur skrif-
að, eftir að hann lauk við Virginíu
Woolf. The Ballad of the Sad
Café, 1963, Tiny Alice, 1964, Mal-
colm, 1965, A Delicate Balance,
1966. Allt í garðinn er eitt af síð-
ustu leikritum hans. Það var
frumsýnt í Plymouth Theatre í
New York 16. nóvember árið
1967 og hlaut hástemmt lof gagn-
rýnenda strax í upphafi. Clive
Barnec skrifar meðal anpars eftir-
farandi um leikinn í New York
Times: „Edward Albee er ekki
AUSTURSTRÆTI
aðeins sá leikritahöfundur okkar,
sem við væntum mest af, sá leik-
ritahöfundur okkar, sem mestu
lofar, sá leikritahöfundur sem á-
hugaverðastur er, — hann er ein-
faldlega okkar bezti leikritahöf-
undur.“ Margir amerískir gagnrýn
endur hafa skrifað álíka hástemm/
lof um þennan leik og höfund
hans.
Leikritið Allt í garðinum ger-
ist á vorum dögum og fjallar nm
vandamál í nægtaþjóðfélagi. Leik
endur eru alls 11. Aðalhlutverkin
eru leikin af Þóru Friðriksdóttur
og Gunnari Eyjólfssyni, en auk
þess fara leikararnir Guðbjörg
Þorbjarnardóttir og Erlinjfur
Gíslason með stór hlutverk í
leiknum. Leikritið Allt í garðin-
um var nærri fuliæft s.l., vor og
eins og fyrr segir verður frum-
sýning á leiknum þann 15. þessa
mánaðar. Myndin er af höfundi.
Tilkynning
til eigenda lands á HellisheiSi
VegagerS ríkisins er að leggja hraðbraut yfir
Hellisheiði, úr Hveradölum í Kamba. Mest af hrað-
brautinni liggur á öðrum stað en núverandi þjóð-
vegur.
Þar sem ekki er fullljóst, hverjir eigá land það,
sem undir hraðbrautina fer, er þeim tilmælum
beint til þeirra, sem telja sig eigendur að því, að
tilkynna undirrituðum skriflega, eig’ síðar en
10. nóv. n.k., hvar land þeirra liggur.
Vegamálastjóri.
i