Atuagagdliutit - 09.05.1984, Page 20

Juuserfeeraq utoqqaat
illuanni najugaqarpoq
Josef Kleist »Juuserfeeraq« 69-nik
ukioqarpoq. Nuleerneruvoq. U-
kioq ataaseq sinnilaarlugu utoq-
qaat illuanni najugaqartuusima-
voq. Nuup kangerluani qangali i-
nuerunnermi Uummannami inun-
ngorsimavoq. Tallimanik meera-
qarpoq, ernutaqarluni 15-nit, sisa-
manillu ernutaqqiuteqarluni.
Juuserfeeraq ilaquttanilu Nuum-
mut pinngikkallaramik Nuup pigi-
saani Neriunami Kapisilinniittumi
savaateqarfimmi ilinniartuusima-
galuarpoq. Arlalinnik savaateqar-
simagaluarpoq inuussutaasinnaan-
ngimmatali imminullu akilersin-
naanngimmat 50-ikkut nalaanni
Nuummut nuuginnartariaqarsi-
mapput. Nuummut peqqaaramik
G.T.O.-mi atorfeqarluni paaviaa-
suusimagaluarpoq kingornalu
namminersortumut nuussimalluni.
Juuserfeeraq siornaak utoqqaat
illuannut nuukkami suli sulisartuu-
simagaluarpoq. Namminerli piu-
masarisaminik sivitsunngitsoq taa-
maatiinnarsimavoq utoqqaat il-
luanni ulluinnarni pisartut malin-
naaffigerusuummeramigit.
Sinniisuuvoq
Siorna utoqqaat illuanni bestyrelsi-
mut qinersineqarmat utoqqaqataa-
sa Juuserfeeraq sinniisussamittut
qinersimavaat. Bestyrelsimi ataat-
simiittarnerni kvartalikkuutaartu-
mi utoqqaat illuanni pissutsit eq-
qartorneqartarput iluarsisassaqa-
riaraangallu qullersanut ingerlateq-
qinneqartarlutik.
J.K.: Utoqqaat illuanni amigaa-
teqartoqarpat piumasaqarsinnaa-
vugut. Assersuutigiinnarlugu si-
laannarissartarfeqanngilaq. Iga-
laat ammangikkaanni silaannalus-
sinnaavoq, pingaartumik issitsillu-
gu igalaat ammassallugit kajumin-
narneq ajorpoq. Tassa tamakku
saqqummiussinnaavagut.
Ilaquttat
Juuserfeeqqap ilaqutai pingaartu-
mik meerai utoqqaat illuannut qa-
nittumi najugaqaraluartut narami-
neq ornissallugit ungasigilersima-
vai.
Taamaakkaluartorli ilaquttami-
nik maqaasiuitsuuvoq ullut tamak-
kiangaj allugit pulaarneqartartuu-
gami.
Nuannarisarpaa ernutaqqiutaa-
sa pulaaraangamik arpallutik aa-
taqqeertuutigalutik naapigiartar-
manni.
Utoqqaat illuanni
Juuserfeeraq ukioq sinnilaarlugu
utoqqaat illuanniissimavoq. Utoq-
qaat illuanniinnini eqqissisimanar-
nerarpaa nipaaqimmat tujormi-
nartoqaranilu.
Aallaqqaammut ikittuinnarnik i-
lisarisimasaqarsimavoq illoqatinili
sungiutilertorsimavai. Minnerun-
ngitsumik sulisut utoqqarnut ataq-
qinninneri nuannaraa.
Assassorissat
Utoqqaat illuarmiut ullaakkut arfi-
nernut itersartittarput naak ilaat i-
laannikkut nammineq makereersi-
masaraluarlutik. Juuserfeeraq as-
sassortarfimmiigajuttuuvoq. Pi-
sinnaanerusut ullut tamaasa assas-
sortitsisartumik siunnersorteqarlu-
tik assassortinneqartarput. Nater-
suaaraliornerit, sapangaaqqerine-
rit, nuersaanerit ammerinerit allal-
lu suliaalluagaasaqaat.
Suliaat Nuummi tuniniarneqar-
tarput. Assassorissanik sanaassat
Qallunaat Nunaanni pisiarineqar-
tarput tamannarpiarlu pissutaallu-
ni suliaat tunineqarnermikkut aki-
tigut allanut naleqqiukkuminaap-
put.
Utoqqaat assassortinneqartartut
akissarsitinneqartarput. Akissar-
siaalli annertunaveersaartinneqar-
tarput aningaasarsiat utoqqaliner-
siutillu kattunnerisigut akileraaru-
tinut akiliinissaq pinngitsoortin-
niarlugu.
Sukisaarsaatit ilagaat ataasin-
ngornerit tamaasa videomik filmer-
titsineq utoqqaat nuannersaatigisa-
qisaannik.
Ullutsinni
Juuserfeeraq isumaqarpoq ullu-
mikkut inuusuttut angummanniar-
tuusariaqartut. Atuakkat tungaati-
gut piumaffigineqarneq oqimaas-
sangatippaa kisianni neriuppoq
siunissaq eqqarsaatigalugu inuu-
suttut ilungersorniartariaqartut.
Ullutsinni meeqqat ullaamit a-
ngajoqqaat soraarnissaasa tu-
ngaannut paaqqinnittarfimmiitit-
tariaqarnerinut isumasiorneqarami
Juuserfeeraq isumaqarpoq sooru-
nami pitsaanerusinnaagaluartoq.
Meeqqat peroriartornermi ulluin-
narni ingerlaatsinut malinnaaqqu'
naqaat, tassamigooq inuunerilet'
sussaammassuk.
Nunatsinni ingammik illoqarfin-
ni anginerusuni paaqqinnittarfis-
saaleqineq tunngavigalugu aperine-
qarami utoqqaat paarsisorineqar-
sinnaasuuppata qanoq isumaqar-
nersoq akivoq isuma kusagalugu-
Utoqqaat ilaat namminerisaminnik
ineqartut paarsisussiatut piukkup'
pai. Utoqqaat inuunerminni mist-
littagaqqortunerat meeqqanut ilua-
qutissaqarnarsoraa. Aammattaaq
utoqqaat inuunerat meeqqanik
paarsaqarnertigut imaqarneruler-
sinnaalluni.
Juuserfeeqqap assassortitsisarfimmi suliarisimasaasa ilaat natersuaaraQ-
Tunineqaruni 2000,00 kr. -nit missaani akeqassaaq. (ass.: — maaq)-
Juuserfeeraq utoqqaat illuannut nuukkamisuliffeqarsimagaluarpoq utoq-
qaalli illuanni pissutsinik malinnaarusuummernermi kingorna soraagin-
narsimalluni. (ass.: — maaq).
OLVO
Marinemotorer
Reservedele
Tilbehør
Ring eller skriv efter
brochure/prisliste.
07 - 52 25 55
Lager dir.: 07 - 52 23 18
clahl pedcrscn
Viborgvej - 7800 Skive
db
BRØYT
SALG
SERVICE
RESERVEDELE
ENTREPBEN8RMASKIHER A/S
Importør af Brøyt
Skovbovej 1 - 4632 Bjæverskov
Telefon 03-67 10 10
Telex 43 519 bryma dk
Aften & weekend:
Telefon 03-67 09 83
20 NR. 19 1984
ATUAGAGDLIUTIT