Atuagagdliutit - 20.02.1985, Síða 5

Kalaallit Nunaat
erfalasortaarpoq
Imaanngilarli erfalasoq Dannebrog
taamaatinneqassasoq, amuneqartuassaarmi nutaaq
junip 21-ianni inuiaqatigiittut ullorsiornermi
atoqqaarneqartussaq peqatigalugu.
Nunatta erfalasussaanik eqqarsaat
saqqummiunneqarmat ukiut 12
qaangiuttullu namminersorneru-
lernerup erfalasussaa piviusun-
ngortinneqarpoq sapaatip akunne-
rani kingullermi. Tamanna pivoq
Landstingimi isertortumik allakka-
tigut siunnersuutit marluk taasissu-
tigineqarmata, tassa sanningasor-
talik sanningasortaqanngitsorlu.
Sanningasortalik qorsummik toq-
qavilik qaqortumillu sanningasor-
talik ajorsarpoq sanningasorta-
qanngitsumut, ajugaasoq 14-init
taaneqarluni ajorsartorlu 11-init.
Taasineq pivoq partiilersornani,
massa taasinerit 11-14 isumaqaler-
sitsinnaagaluartut kikkut qanoq
taasisimanerannik, tassami partiit
saamilliunerusut taasineq sioqqul-
lugu oqaaseqarmata sanningasor-
taqanngitsoq illersorlugu.
Erfasortaap atulersinneqarnis-
saa ima ingerlassaaq Landstingi
Folketingimut qinnuteqassalluni
inatsiliornissamut pisinnaatitaanis-
samik. Tamanna pereerpat erfala-
soq nutaaq atorneqartarnissaalu
pillugit Landstingi inatsiliussaaq,
taavalu Dronningi qinnuvigineqas-
saaq erfalasortaap atorneqarnis-
saanik.
AG-imi aallarnerpoq
Nunatta erfalasussaanik eqqarsaat
saqqummeqqaarpoq AG-imi. Ul-
loq inatsisitaarfimmi tassa junip
5-ianni 1973 Thorshavnimi tike-
raartillutik nunatta erfalasoqaler-
nissaanik siunnersuuteqarput inuit
tallimat ukuusut: Aqigssiaq Møl-
ler, Leif Aidt, Erik Hammeken, Pe-
ter Fr. Rosing aamma Finn Lynge,
siunnersuutertillu AG-imut nassi-
ullugu. Nunatta erfalasussaatut si-
unnersuutaat tassa qorsummik toq-
qavilik qaqortumik sanningasorta-
lik, sanningasortaa tungujortumik
sinaakkuteqarluni.
Siunnersuutaat qalipaaserlugu
ilanngupparput AG-imi, siunner-
suuteqartullu erfalasumik mersuk-
kamik nassippaatigut anginngitsu-
mik taanalu sivisumik pigaarput
aqqissuisoqar fimmi.
Siunnersuut assut pileritsatsitsi-
voq erfalasortaarnissamik, AG-imi
nr. 9-imi 28. februar 1974 saqqum-
mersumi saqqaani ilanngupparput
AG-ip erfalasussanik unammisitsi-
nerata inernera piukkunneqarneru-
sut 11-it qalipaaserlugit takusassia-
ralugit. Taamani tupaallannartu-
mik Dannebrog ajugaavoq 107-init
taaneqarluni.
Ukiut tallimat matuma siornagut
Henrik Nielsen Landstingimi siun-
nersuuteqarpoq nunatta nammine-
risaminik erfalasoqalernissaanik,
Namminersornerullutillu Oqartus-
sat nuna tamakkerlugu unammisit-
sipput erfalasussamik, siunnersuu-
tillu nasiunneqartut 620-upput. Er-
falasortaarnissaq pillugu udvalgi-
mut ilaasortat ukuusut: Niels Carlo
Heilmann, Otto Steenholdt, Hen-
rik Nielsen, Jens Geisler siulittaasu-
allu Jonathan Motzfeldt taava si-
unnersuuteerpassuit akornannit pi-
ukkunnarnerusorisaminnik mar-
lunnik toqqaapput. Toqqagaallu
tassa sanningasortalik erfalasut ilu-
riinik paasisimannittup Svend Tito
Achenip siorna Politikenime siun-
nersuutigisaatut ittoq aapaalu tassa
kultureqarnikkut atuartitsinikkul-
lu naalakkersuisuusimasup siun-
nersuutaa.
Siunnersuut taaneqartoq kingul-
leq taanna ajugaavoq, taannalu nu-
natta erfalasortaaraa.
Aalajangiineq ajornarnerpaaq
Naaiakkersuisoq Lars Emil Johan-
sen oqarpoq erfalasussamik toq-
qaaniarneq tassaasoq aalajangerni-
arneq ajornarnerpaaq ukiut poli-
tikkikkut suliffigisimasamini siu-
morsimasani. Passinarsivorlumi
tamanna ilumoortoq. Erfalasussa-
mik udvalgi massa ikiorteqarsima-
galuartoq erfalasut ilusiinik paasi-
simannittumik Jan Kanstrupimik,
eqqumiitsuliornikkullu paasisi-
mannittumik Ejnar Heilmannimik,
taamaattoq aalajangiiniarneq inat-
sisartut assut ajornakusoortippaat.
Ataatsimiineq marloriarluni ki-
pitinneqartariaqarpoq ilaasortat
oqaloqatigiiniassammata qanoq ili-
orniarnerminnik. Siumukkut akor-
nanni ilalerneqaraluarpoq Lands-
tingip katersuunnerata naalernera-
ni aatsaat aalajangiinissaq, inuit
periarfissinniarlugit kissaatiminnik
siunnersuutiminnillu erfalasussaq
pillugu udvalgimut saaffiginnittar-
nissamut.
Siullermilli eqqarsaatigineqarsi-
magaluartoq tassa inunnik taasisit-
sinissaq Siumut akuersorsinnaan-
ngilaa assortuunnermik angisuu-
mik pilersoqarqunagu. Ilungersuu-
tileriallarlugulu Landstingimi
isumqatigiineqarpoq malinneqas-
sasoq Otto Steenholdtip siunner-
suutaa tassa isertortumik nalunaa-
qutsiinikkut aalajangiinissamik.
Dannebrog erfalasut
kusanarnerpaartaat
Tamannali sioqqullugu soqutigi-
nartumik oqallinneqarpoq kalaallit
immikkut erfalasoqalernissaannik
kisaatigisap tunngavia pillugu. Ta-
matumani naaiakkersuisoq Lars
Emil Johansen oqarpoq Danne-
brog tassaasoq silarsuarmi erfala-
sut kusanarnerpaartaat, assilinias-
sallugu ajornakusoortoq. Oqarpoq
nunatta erfalasortaarniarneratigut
naalagaaffeqatigiinneq taamaatin-
niarneqanngitsoq nunattalu nam-
minersortunngornera malunnar-
tinniarneqarani. Erfasortaarneq
ima paasineqassanngilaq tassa
Dannebrog taamaatinneqassasoq.
Taannami amuneqartuassaaq erfa-
lasortaaq peqatigalugu.
Taamaakkaluartorli nunatta im-
mikkut erfalasussaa pisariaqartin-
neqarpoq, namminerlu iluarineru-
nerarpaa Thue Christiansenip siun-
nersuutaa, taasuma ersersitaa seqi-
neq aappillersimasoq nunatsinni
takusassat kusanarnerpaat ilagim-
massuk. Aappalaartoq asanninne-
rup qalipaatigaa neriunnerup qali-
paataanit qorsummit inornerun-
ngitsoq. Oqarporli Erik Aappa-
laartoq nunalu qorsuk atsigaa uteq-
qiaffigissagaanni saneqqutsival-
laarnerunavianngitsoq qalipaat
aappalaartoq atussallugu. Thuillu
siunnersuutaa qalipaateqarpoq
Dannebrogip qalipaataasa assingi-
nik.
Sanningasortalik Kalaallit
Nunaallu
Otto Steenholdtip inassutigaa erfa-
sussatut siunnersuut sanningasor-
talik qorsummik toqqavilik, ta-
mannalu pissuteqartippa erfalasu-
mut sanningasortalimmut kristu-
miussutsip nalunaaqutaanut ka-
laallit asanninnerannik, taannami
kalaallini inuianni itisuumik sorla-
nissimammat,
Inuunermi pisartuni assiginngit-
sorpassuarni ukiut 260-it sinneqar-
tut ingerlaneranni kalaallit kater-
suuffigisimavaat erfalasoq sanni-
ngasortalik, kalaallinik qallunaa-
nillu kattutitsisoq peqatigiinermillu
kusanarnerpaamik ersersitsisoq.
Pissusissamisoorpoq nammineq
erfalasoqarneq
Henrik Nielsen oqarpoq siunner-
suutit 500-it sinneqartut nassiunne-
qarsimasut ukiut tallimat qaangiut-
tut nunatta nangmineq erfalasus-
saanik siunnersuuteqarnermi ki-
ngorna. Tamanna ersiutaanerar-
paa namminerisamik erfalasoqaru-
manermut. Maanna namminersor-
nerulerpugut, avammut nioqqusi-
orneq tiguneqarpoq, nunattalu
imartaani nammineq oqartussaaf-
figilerpai. Taamaammat pissusissa-
misoorpoq nunarput namminerisa-
minik erfalasoqalissalluni.
Thue Christiansenip siunnersuu-
taata takutippai nunatta qalipaa-
tai, aput, sikut sermerlu seqinerlu
aappilliuttoq. Siuunersuut inuiati-
giittut ilisarnaatinik peqarpoq
paatsuugassanngitsunik. Taanalu
piuminarneruvoq Europap avan-
naani nunat erfalasuisa assigiiaaqi-
sut immikkoortikkuminaatsullu as-
siliniarnerannit.
Henrik Nielsen oqarpoq Dan-
nebrogip- nunatsinni taamaatinne-
qarnissaa annilaanngatigisaria-
qanngitsoq. Amuneqartuartas-
saarmi. Savalimmiut aallaqqaam-
mut erfalasortaartik atorpiarsi-
manngilaat, ukiorpassuilli qaangi-
ummata aatsaat atugarinerulerlu-
gu. Nunatsinnilu aamma taamaas-
sasimavoq.
Officielt
Under 23. januar 1985 er der i aktiesel-
skabs-registeret, Afdelingen for Anparts-
selskaber, optaget følgende ændringer
vedrørende »POUL P. PEDERSEN ApS
I LIKVIDATION« af Julianehåb:
Selskabets likvidator Carl Evald Eriksen
Toft er afgået ved døden. Til likvidator er
valgt: Advokat Jakob Skjoldan Petersen,
Box 59, Mangua 60, 3900 Godthåb,
Grønland.
POLITIMESTEREN I GRØNLAND
Godthåb, den 12. februar 1985.
Otto Steenholdt oqaluttoq sanningasortalik illersorlugu.
Otto Steenholdt forsvarer korsbanneret.
ATUAGAGDLIUT1T
NR. 8 1985 5