Atuagagdliutit - 20.02.1985, Page 6

Aasiaat:
Politiit suliassatik
angumerineq
saperpaat
Aasianni politiit piffissaqanngillat angallannikkut
kukkuluttuutit annikinnerusut paasiniaaviginissaannut
aammalu pinerluttuliat mikinerusut
nalunaarutigineqartut misissuiffiginissaannut
Aasiaat politeeqarfiat innuttaasut
amerlassusiannut naleqqiullugu
Kalaallit Nunaanni pinerluttulior-
fiunerpaavoq. Taamaallaat Nuum-
mi nalunaarutigineqartartut Aasi-
anninngarnit amerlanerupput, pi-
nerlunniartarnerilli amerliartorput
sakkortusiartorlutillu. Aasiaat
kommunalbestyrelsiata sapaatip
akunnerani kingullermi ataatsimi-
inneranni ajornartorsiutinik ta-
makkuninnga saqqummiussisuu-
voq politeeqarfiup pisortaa Preben
Hansen.
Aasiaat politeeqarfianni ajor-
nartorsiutit annertungaarmata
kommuni aalajangersimavoq inat-
sisinik atortitsinermut ministeri E-
rik Ninn-Hansen naalagaaffimmilu
politiit qullersaat ataatsimeeqatise-
riumallugit, Aasiaat politeeqarfi-
anni politiit ikippallaarneratigut
pissutsit ajorluinnartut pilersima-
nerat oqaloqatiginnissutigiumallu-
gu.
Allakkap taassumap assilinera
nassiussorneqarpoq ukununnga
naalakkersuisut siulittaasuat Jona-
than Motzfeldt, Kalaallit Nunaan-
nut ministeri Tom Høyem, Kalaal-
lit Nunaanni politimesteri kiisalu
KANUKOKA.
Pinerlunniarfiunerpaaq
Aasiaat politeeqarfiannut ilaavoq
Kangaatsiaq, 1984-imilu politee-
qarfimmi tassani pinerluttuliorner-
mut inatsit unioqqutinneqarsima-
voq 866-eriarluni. Tassalu 1983-i-
mut naleqqiullugu 30 procentinik
amerlanerusunik, taamanikkut pi-
nerlunniarnerit 654-iusimagamik.
Kisitsitigut paasissutissani 1983-
imeersuni allassimavoq Nuummi
inatsisinik unioqqutitsinerit 1.431-
iusimasut, 1983-imilu illoqarfinnit
taanna Aasiannit amerlanerusorta-
tuaavoq. Pinerlunniartarnerulli an-
nertussusia innuttaasut amerlassu-
siannut sanilliukkaanni taava Aasi-
aat 1983-imili Nuummit qaffasin-
neroreerput.
Aasiaat politeeqarfianni pisor-
taasoq Preben Hansen oqarpoq
Aasianni 1984-imi pinerlunniarsi-
maneq Avannaani tamarmi tassa
Qasigiannguaniit Qaanaamut pi-
nerlunniarsimanermit annertune-
rusoq, tamannalu pisimasoq poli-
teeqarfimmi arfineq-pingasuinnar-
nik politiilimmi.
Preben Hansen oqarpoq pi-
ngaartumik tillinniartarnerit
1983-imiit 1984-imut amerleriarsi-
masut. Tillinniarnerit 446-iusimap-
put, aserorterinerit 141-iullutik. to-
qutsinerit toqutseriarnerillu sisa-
maallutik annersaanerillu 57-iullu-
tik.
Tamakkulu saniatigut aamma
aqqusinertigut angallannermut i-
natsit, akileraåtutinut inatsit, ikia-
roornartunullu inatsit unioqqutin-
neqarsimapput 129-eriarlugit. Aa-
lakoorlutillu biilertut 25-it tigusari-
neqarsimapput.
Paasineqartartut amerlaqisut
Naak pinerlunniartartut amerlaga-
luaqisut taamaattoq aamma paasil-
luinnartakkavut amerlaqaat. Tassa
70 procentii paasisarsimagatsigit.
Annilaanngatigaarpulli taamaattu-
aannarsinnaassanata, ikippallaar-
nerpummi pissutigalugu suliassat
tamaasa sukumiisumik suliarisin-
naajunnaartaratsigit, Preben Han-
sen oqarpoq.
Politeeqarfik suliassarpassua-
qaannarani aammali sullivissaa an-
nertuupilorujussuuvoq tassami
Kangaatsiap kommunia ilanngullu-
gu suliffigineqartussaammat. Taa-
maattumik angalangaatsiartarput.
Politiillumi tikeqqatuppallaarnerat
Kangaatsiap maalaarutigereerni-
kuuaa.
Preben Hansenip nassuerutigaa
politiit Kangaatsialianngippallaar-
tartut, kisianniligooq 1984-imi
upernarneraniilli akuttunngitsu-
mik Kangaatsialiartalerput.
Namminneq politeeqalerumapput
Kangaatsiap kommuniata inatsisi-
nik atortitsinermut ministerimut
namminnerisaminnik politeeqaler-
nissartik qinnuteqatigisimavaa.
Qinnuteqaalli taanna ministereqar-
fiup itigartitsissutigisimavaa inut-
tassaqarniarneq eqqarsaatigalugu.
Preben Hansen tassunga tunnga-
tillugu oqarpoq politeeqarfiup suli-
assaanut oqilisaataassagaluaqisoq
Kangaatsiaq namminerisaminik
politeeqalersuugaluarpat.
Aasiaat politeeqarfianni sulias-
saqarpallaalertarnermut pissutaa-
voq suliassat iternga tikillugu sulia-
rinissaannut piffissaqartannginne-
ra.
Sukkavallaartumik ingerlapput
Kommunalbestyrelsip politeeqarfi-
up pisortaanik oqaloqatiginnikku-
maneranut pissutaavoq illoqarfim-
mi biilertut sukkavallaamik inger-
lasarnerat, politiillu tamatumun-
nga qanoq iliuuseqartariaqarnerat.
Manna tikillugu politiit imatut
nalunaartarsimapput, »politiit taa-
ma ikitsigigallartillugit illoqarfim-
mi pinerlunniartarneq pingaarner-
paatillugu sammineqartariaqar-
poq, aqqusinernilu angallannermi
inatsimmik unioqqutitsineq ajora-
luartumik pingaarnerutinneqan-
ngitsut ilagaat«.
Tamanna pissutigalugu Preben
Hansen aggeqquneqarsimavoq
kommunalbestyrelsimut nassuiaa-
teqaqqullugu. Paasinarsivorlu
kommunalbestyrelsimi ilaasortat
paasisimanngikkaat politiit qanoq
suliassaqartiginerat.
Pinerlunniarnerit sakkortuut
Preben Hansenillu kommunalbe-
styrelsimut ilisimatitsissutigaa pi-
nerlunniartarnerit amerliinnarsi-
manngitsut, kisiannili aamma pi-
nerlunniartarnerit sakkortuneru-
lersimasut. Taamaattumik isertitsi-
sarfimmiititsigallarnerit 1983-imiit
1984-imut marloriaatinngorsimap-
put. Isertitsisarfimmiititsigallarne-
rit 1983-imi 14-iinnaasimagaluartut
1984-imi 33-inut amerleriarsimap-
put.
Oqaatigineqareersutullu sulias-
saqarpallaalerneq suliassanut alla-
nut kinguneqarnerluttarpoq, Pre-
ben Hansen oqarpoq. Tamatuma
kingunerisaanik inuit allatut ajor-
nartumik nammineertariaqalersar-
put, naatsorsuutigiuaannarsinnaa-
junnaaramikku politiit qangatut
kalerriinnarlugit aggertassasut iki-
uukkiartorlutik.
Tassani Preben Hansenip pi-
ngaartumik angerlarsimaffinni eq-
qissi viilliortarnerit eqqarsaatigai,
kisiannili aamma aqqusinertigut
angallannermut inatsisinik unioq-
qutitsinerit pinerlunniarnerillu an-
nertunnginnerisut inuit politiinut
saaffiginnissutigisartagaat, politiil-
lu allatut ajornartumik unitsiinnar-
tariaqartagaat.
— Allatut ajornartumik suliassat
amerligaluttuinnartut unitsiinnar-
tariaqartarpagut, tamannalu ajuu-
saarnarluinnartuuvoq.
Preben Hansenilli ajuusaarner-
paajusoraa pinerluttalernaveer-
saartitsiniarluni suliniarnerup su-
miginnagaarnera.
Assersuutitullu taavaa politiit
atuarfinnukarlutik pinerlunnerup
ajussisianik paasisitsiniaanissa-
minnulluunniit piffissaarussima-
sut.
— Ajornartorsiutimmi saqqum-
merartut maannakkorpiarlu qanoq
iliuuseqarfigisariaqartakkavut saq-
qummerartut amerlangaarmata
taamaaliornissatsinnuliuunniit pif-
fissaarussimavugut, Preben Han-
sen naggasiivoq.
Justitsminister
ataatsimeeqatigiumavaat
Aasianni kommunalbestyrelsip —
borgmester Edvard Møller pisorta-
ralugu — inatsisinik atortitsiner-
mut ministeri Erik Ninn-Hansen
naalagaaffimmilu politiit quller-
saat allaffigisimavaat qinnuvigalu-
git ataatsimeeqatigiumallugit Aasi-
anni pinerlunniartarnerup alliga-
luttuinnartup qaangerniarneqar-
nissaa pillugu oqaloqatigiumallu-
git.
Borgmester Edvard Møller inat-
sisinik atortitsinermut ministeri-
mut allappoq Aasianni politiit ullu-
mikkut taama ikitsigalutik sulias-
sarpassuatik tamaasa naammagi-
nartumik naammassisinnaanngik-
kaat.
— Tamanna pissutaalluni iloqar-
fimmi innuttaasut naammaginartu-
mik toqqissisimanassusilinnik atu-
gassaqartitaanngillat, Edvard Møl-
ler Ninn-Hansenimut allappoq.
Allassimappullu pinerlunniar-
tarnerup millisarnissaanut kommu-
nalbestyrelsi periarfissaqanngim-
mat aammalu politiit tungaanniit
erseqqissarneqartareermat pisin-
naasartik tamaat iliortaraluartik,
taamaattumik aalajangersimallu-
tik Aasianni politiit amerlineqar-
nissaat namminneerlutik sulissuti-
giumallugu
Paasisitsiniaaneq
Aasiaat borgmesteriat Edvard Møl-
ler pinerlunniartarnerup millisar-
neqarnissaa pillugu siunnersuiso-
qatigiinnut Danmarkimiittunut aa-
lagaqarsimavoq Aasianni pinerlun-
niartarneq pillugu paasisitsiniutis-
samik sanaqqullugit.
Taamatut qinnuteqarnermi
tunngavigineqarpoq Aasianni eq-
qaanilu pinerlunniartarnerup alli-
galuttuinnarnera.
— Pinerluutigineqartartut sak-
kortusiartuinnavipput inuusuttu-
aqqallu 15-it inorlugit ukiullit pi-
nerlunniartartut malunnartumik
amerliartupiloorlutik.
Kommunalbestyrelsillu piner-
lunniartarnerup millisarneqarnis-
saa pillugu siunnersuisoqatigiinnut
erseqqissarpaa Aasianni politiit ul-
lumikkutut ikitsigigallartillutik su-
lisaat politiinut suliassiissutigine-
qartartut tamaasa naammaginartu-
mik naammassisinnaasangikkaat.
Pinerlunnaveersaartitsiniarneq eq-
qarsaatigalugu inuusuttuaqqat atu-
arfinni sunngiffimmilu isersimaar-
tarfinni suliffigineqarnissaannut
piffissaqanngilaq, naak tamanna
pisariaqarluinnaraluartoq pingaar-
tumik inuusunnerusut pinerlunni-
artarnerat millisarneqassappat.
Kangaatsiaq ilannguteqquaat
Kangaatsiamittaaq kommunalbe-
styrelsi allaffigineqarsimavoq ape-
ralugu inatsisinik atortitsinermut
ministerip Erik Ninn-Hansenip
naalagaaffimmilu politiit quller-
saata ataatsimeeqatigineqarnis-
saanni peqataajumasinnaanersoq.
Kangaatsiammi kommunia Aasi-
aat politeeqarfiannut ilaavoq aam-
malu 1984-imili qinuteqarsimaga-
luarluni namminerisaminik politee-
qalernissaminik, itigartinneqarsi-
mallunili. Taamaattumik Aasiaat
Kangaatsiaq aperisimavaat inatsisi-
nik atortitsinermut ministerip
ataatsimeeqatigiuneqarnissaani pe-
qataajumasinnaanersoq taamaali-
ornikkummi politeeqarfimmi tas-
sani sulisuusut amerlineqarsinnaas-
sammata.
Penneveninde
Frisk fyr i moden alder med sun-
de gode interesser søger penne-
veninde, har du lyst og interes-
se, så fat pennen og skriv til mig.
Venlig hilsen
Heinrich S. Petersen
Sankt Annae Gade 35.1
1416 København K.
6 NR. 8 1985
A.TUAGAGDLXUTIX