Atuagagdliutit - 28.09.1993, Blaðsíða 9

Aliikkusersuisoqareermat aatsaat aqqarnup eqqaani pissanganartua qaangerneqarpoq. Eller en del underholdning blev spændingen udløst ved 23-tiden. Heidi Poulsen fra Ilulissat
Heidi Poulsen Ilulissaneersoq (qiterleq) normu 3-nngorpoq, Johanne Lyberth Ammassa- (i midten) blev nummer tre, Johanne Lyberth fra Ammassalik (til venstre) blev nummer to
limmeersoq (saamerleq) normu 2-nngorpoq Marthannguaq Jakobsen-ilu (talerperleq) aju- og Marthannguaq Jakobsen (til højre) løb af med sejren,
galluni.
Sisimiuni assuffattorsuit
Nuna tamakkerlugu Sisimiuni kalaallisoorinneqqusaatsitsinermi Marthannguaq Jakobsen
Paamiuneersoq ajugaasuuvoq
Nuna tamakkerlugu kalaal-
lisoorinneqqusaatsitsinermi
oqaluttuullunilu aaqqissui-
suusoq Inger Eriksen nu-
natsinni kalaallisuut kusa-
namersaannik piginnittoq -
Marthannguaq Jakobsen
Paamiuneersoq - nunatsin-
ni kalaallisoorinnersatut su-
aarutigimmagu isiginnaar-
tut nillerrattorujussuupput.
Normu 2-nngorpoq Johan-
ne Lyberth Ammassalim-
meersoq, normu 3-nngorlu-
nilu Heidi Poulsen Ilulissa-
neersoq.
Isiginnaartut unnukkut
ariinernut timersortarfim-
mut neriartorlutik takkus-
simasut utaqqinertik pis-
sanganertillu sivisunaar-
paat, aatsaammi aqqarnup
eqqaani ajugaasoq suaaruti-
gineqarpoq. Kisiannili aju-
gaanniunnermut peqataa-
sut utaqqinertik pissanga-
nertillu sivisunaarneruaat.
Taakkumi arfininngorner-
mili Sisimiunut anngussi-
mapput. Unamminissaq sa-
pinngisamik pitsaanerpaa-
mik ingerlaniassammat pia-
reersagassanik ulikkaarsi-
mapput.
Atermik ataatsimik pui-
guilluni kukkuluttorninn-
guaq eqqaassanngikkaanni
Inger Eriksen siuttoralugu
unammersuartitsineq in-
gerlalluarpoq. Inger oqalul-
laqqissuugami oqaluttussa-
tut piukkunnarluarpoq, nu-
annersunillu oqariallaqqin-
nera pissutigalugu isigin-
naartut qiimmisaavissor-
put. Taamaannnerisalu ar-
nat kalaallisoortut kusanar-
torsuit qiimmisaaqataaler-
sippai.
Ulloq takisooq
Pingasunngornermi ullaak-
kut Narsamiit, Qeqertarsu-
armiit, Ilulissaniit, Paamiu-
niit, Maniitsumiit, Uum-
mannamiit, Qasigianngua-
niit, Ammassalimmiit, Sisi-
miuniit, Qaqortumiit,
Nuummiit, Kangerlussuar-
miit, Upernavimmiit Kan-
gaatsiamiillu peqataasussat
14-iullutik timersortarfim-
mi katersuupput.
- Ullup ingerlanerani suli-
aqalaamerput iluaqutaa-
voq. Unammersuarnissap
ingerlanissaa taamaalilluta
eqqarsaatigivallaanngilar-
put, Marthannguaq Jakobs-
en, ajugaasuusoq unammer-
suarnerup kingornatigut
oqarpoq.
Nerriviliornermik ikiuun-
nermik saniatigut unnuk-
kut pisussanik misiliitinne-
qarput. Arnat misileereera-
mik kalaallisuutik piiar-
paat, piiareermatigillu nali-
liisussat mersorneri misis-
soqqissaarpaat. Piflissami
tassani naliliisussat siani-
ginngilaat kalaallisuut ar-
laat arlaata piginerai. Ta-
matuma kingornagut arnat
kalaallisuulersoqqipput, ka-
laallisuuler so reeram illu
ataatsimoorlutik ataasiak-
kaarlutillu assiliseqattaar-
lutik.
Arnaq qasusimaqisut
siullermeerlutik sassamis-
samik tungaanut nalunaa-
quttap akunerpaalunnguini
qasuersaartinneqarput.
Suliarujussuaq
Nerisitsinermi issiavissat
200-t tamarmik ulikkaar-
put. Nerrivik nammineq
aallerfigisinnaasaq kalaalli-
minerpassuarnik ulikkaar-
poq, tassani umimmaat ne-
qaat pujukkat, eqaluit tara-
jortikkat imilitsikkallu, raa-
jat qalipaajakkat, raajat qa-
lipaajarneqanngitsut allar-
passuillu sassaalliutigine-
qarlutik.
Nerrinnerup nalaani arfi-
neq pingasut tungaanut ni-
pilersortoqarpoq. Aammat-
taaq aliikkusersuisoqarpoq,
aliikkusersuisuuppullu Ot-
to Ignatiussen aamma Rosa
Olsen. Nalunaaqutaq arfi-
neq pingasunut borgmester
Simon Olsen oqalugiarpoq,
oqalugiarnerminilu oqaati-
gaa nuna tamakkerlugu ka-
laallisoorinneqqusaatsitsi-
nerit siullersaat Sisimiuni
ingerlanneqarmat nuannaa-
rutigalugu.
- Unnuk manna iluatsit-
tumik aallartinneqarmat
nuannaarutigaara. Aaqqis-
suisut suliarujussuarmik
suliaqarsimapput, piviu-
sunngortinneqarsinnaane-
ralu upperalugu ingerlaju-
arsimapput. Tamanna taak-
kununnga qutsatigaarput.
Aaqqissuussineq manna
kulturitsinnut nukittorsaa-
taasorujussuuvoq, Simon
Olsen oqarpoq.
- Kalaallisuut uatsinnut
pingaarutilerujussuupput,
aammami suliarujussuusar-
put. Arnat kalaallisuulior-
tut kusanartumik inerne-
qarnissaat anguniarlugu
ilungersuasartorujussuup-
put. Suliarujussuisalu iner-
nerat peqqutaallutik unnuk
manna nunatsinni kalaalli-
suut kusanarnersaat ta-
maani Sisimiuni katersuut-
sinneqarsinnaasimammata
nuannaarutigaarput. - Ne-
riuppunga taamatut suli-
niuteqarnerit tamaanga
uniinnassanngitsut, ukiuni-
li tulliuttuni ingerlannaas-
sasut. Tullianik sumi nuna
tamakkerlugu unammersu-
artitsisoqassanersoq pis-
sanngatigisorujussuuara,
Simon Olsen oqarpoq.
Inuit immikkoorutillit
Takornariartitsisarnermut
pisortaq Inger Eriksen tikil-
luaqqusilluni oqalugiarami
nassuiaavoq sooq ukioq
mannarpiaq nuna tamak-
kerlugu kalaallisoorinneq-
qusaatsitsinissaq pilersaa-
rusiorlugu aallartissima-
nerluni:
- 1993 FN-ip nunat inoq-
qaavinut ukiorititaraa. Kul-
tureqarnermut naalakker-
suisup Marianne Jensen-ip
oqarfigisimavaanga ukioq
mannarpiaq nuna tamak-
kerlugu kalaallisoorinneq-
qusaatsitsisalernissap aal-
lartiffineqarnissaanut tul-
luuttuusoq. Taamaammallu
aallartissimavunga.
Inger Eriksen-ip aaqqis-
suussinerup annersarujus-
sua kisimiUluni pilersaaru-
siorsimavaa. Kisiannili oqa-
lugiaanni nangikkamiuk qa-
sujallassimaninnguamil-
luunniit malunnartoqann-
gilaq.
- Taamatut unammisitsi-
nitsinni siunertaavoq arnar-
passuit ullumikkut inuu-
niutigalugu kalaallisuulior-
tartut ataqqinninnermik
takutinneqarnissaat. Tama-
tumalu saniatigut kalaalli-
suut sumiiffinni immikkoo-
rutilinneernitsinnut Uisar-
naatigaavut. Kalaallisuutsi-
gut takuneqarsinnaavoq su-
minngaanneernersugut,
kulturimut sumut attave-
qarnersugut oqaatsinillu
sunik atuisuunersugut. Nu-
annaaraagatta, aliasukkaa-
gatta, tulluusimaaraagtatta
kalaallisuutta takutissin-
naasarpaat, Inger Eriksen
oqarpoq.
- Oqaatsigut suli pigitillu-
git kalaallisuugut pigisus-
saavagut. Arnat kalaafiisoo-
rinneqqusaatsitsinermut
peqataasut nersorniartigit
ataqqillugillu.
Ajugaasoq
Arnat 14-it kalaallisoortut
unammersuarnermut peqa-
taasut kiisami isiginnaartu-
nut takutinneqarput.
Carolina Nielsen, Retha
Jeremiassen, Heidi Poulsen,
Marthannguaq Jakobsen,
Margrethe Egede, Juliane
Mathiassen, Charlotte
Grønvold, Johanne Ly-
berth, Lotte Labansen, Pe-
trine Isbosethsen, Amalie
Josefsen, Nancy Andreas-
sen, Evnike Kristiansen,
Charlotte Olsen - tamarmik
ataasiakkaarlutik isigin-
naartunut sassarput. Ta-
marmillu sassarnerminni
isiginnaartunit pattaanne-
qarluartarput. Kisiannili
Lotte Labansen illoqarfim-
meersoq, Johanne Lyberth,
Ammassalimmeersoq aam-
ma Heidi Poulsen Ilulissa-
neersoq sassarmata pattaat-
tut ingasavipput.
Heidi Poulsen, Johanne
Lyberth aamma Lotte La-
bansen Amalie Josefsen
Nuummeersoq aamma
Marthannguaq Jakobsen
Paamiuneersoq peqatigalu-
git kusanarnernut tallima-
nut toqqarneqartunut ilaap-
put.
Pissangatitserujussuare-
erlutik unnukkut aqqarnup
eqqaani ajugaasut paasine-
qarput. Heidi Poulsen Ilulis-
saneersoq normu 3-nngor-
poq, Johanne Lyberth Am-
massalimmeersoq normu
2-nngorluni kiisalu Mart-
hannguaq Jakobsen ajugaa-
suulluni.
Kiisalu tullianik nuna ta-
makkerlugu unammersuar-
titsinissaq sumi ingerlanne-
qassanersoq nalunaarutigi-
neqanngilaq.
- Tullianik Paamiuni in-
gerlanneqarnissaa ilimagaa-
ra, ukioq manna kalaallisoo-
rinneqqusaatsitsinermik
aaqqissuussisuusoq, Inger
Eriksen oqarpoq.
Pingasunngornermi ullaakkut Narsamiit, Qeqertarsuarmiit, Ilulissaniit, Paamiuniit, Ma-
niitsumiit, Uummannamiit, Qasigiannguaniit, Ammassalimmiit, Sisimiunut, Qaqortumiit,
Nuummiit, Kangerlussuarmiit, Upernavimmiit Kangaatsiamiillu peqataasussat 14-iullutik
timersortarfimmi katersuupput.
Tidligt onsdag samledes alle de 14 deltagere fra Narsaq, Qeqertarsuaq, Ilulissat, Paamiut,
Maniitsoq, Uummannaq, Qasigiannguit, Ammassalik, Sisimiut, Qaqortoq, Nuuk, Kanger-
lussuaq, Upernavik og Kangaatsiaq i sportshallen.