Tíminn - 10.03.1983, Síða 5

FIMMTUDAGUR 10. MARS 1983
■ Þór Magnússon þjóðminjavörður tekur við gjöflnni af Ásbirni Sigurjónssyni.
Sonur Ásbjarnar, Sigurjón fylgist með. Tímamynd GE
Sögufraegur bátur afhentur
Þ jódm in jasaf n i
„FflÐIR MINN
SAGÐI MÉR
AÐSEUfl
HANN ALDREI”
— segir gefandinn, Ásbjörn
Sigurjónsson
■ „Faðir minn keypti þennan bát t
Englandi á sínum tíma og reri honum
oft, enda var hann mikiil íþróttamaður.
Hann gaf mér hann síðan árið 1936 með
þeim orðum að ég skyldi fara vel með
hann og aldrei selja hann frá mér. Eg
reri honum dálítið á mínum ungu árum,
en síðan 1946 hefur hann verið geymdur
í minni umsjá og ekki hreyfður."
Svo sagðist Ásbirni Sigurjónssyni í
Álafossi frá í gær er hann afhenti
Þjóðminjasafni íslands að gjöf frægan
bát, sem kom við sögu á sérkennilegan
hátt í sjálfstæðisbaráttunni. Þetta er lítill
kappróðrabátur, sá hinn sami og Einar
Pétursson fyrrum kaupmaður í Reykja-
vík og bróðir Sigurjóns Pétussonar í
Álafossi reri út á Reykjavíkurhöfn með
bláhvítan fána, hvítbláinn við hún þann
12. júní 1913. Um þær mundir var mikil
hreyfing fyrir því að gera hvítbláinn að
þjóðfána íslendinga, enda vakti tiltæki
Einars hörð viðbrögð Dana. Skipherra
varðskipsins Islands Falk. sem lá þá á
höfninni lét gera út bát og taka Einar
fastan. Síðan fór skipherrann upp í
stjórnarráð og mótmælti því að íslenskir
bátar reru með þennan fána við hún.
Reykvíkingar létu í ljós álit sitt með því
að draga hvítbláinn að húni víða um
borgina og margir reru út að varðskipinu
með fánann uppi, m.a. Sigurjón Péturs-
son á sama bátnum og Einar fyrr um
morguninn og þeim sama og Ásbjörn
sonur hans hefur nú afhent Þjóðminja-
safninu til eignar og varðveislu.
Báturinn stendur nú í anddyri Þjóð-
minjasafnsins með hvítbláinn við hún og
verður þar til sýnis næstu vikur. Síðan
verður hann væntanlega til sýnis í
sjóminjadeild Þjóðminjasafnsins. Bátur-
inn er afar vel til hafður og ber umhirðu
fyrri eigenda sinna fagurt vitni.
Gjöfin er gefin safninu nú í tilefni af
afmæli Sigurjóns Péturssonar, en hann
hefði orðið 95 ára í gær ef hann hefði
lifað.
JGK
■ Mynd frá hinum sögulega atburði árið 1913. Bátar frá danska varðskipinu Islands
Falk hafa umkringt Einar Pétursson á kappróðrarbátnum, sem nú hefur verið
afhcntur Þjóðminjasafninu tii eignar.
„Ekkert óeðlilegt
við uppsagnirnar”
— segir starfsmannastjóri SS
Tónleikar
á
Ðorginni
■ í kvöld verður konsert á Borginni
frá kl. 9 til 1 og koma fram hijómsveit-
irnar Hazk, Iss og HAUGUR. Hazk
hefur komið fram einu sinni áður á
rokkhátíðinni í MS, Iss er nýja hljóm-
sveitin sem Einar Örn fyrrum söngvari
í Purrkk Pillnikk hefur stofnað og
HAUGUR eru gífurlega efnilegir
náungar, helmingur þeirra er úr Jonee
Jonee sálugu sem hafa fengið til liðs
við sig hljómborðsleikara frá Húsavík,
Helga Pétursson og gítarleikarann
Einar Pálsson.
Forsala aðgöngumiða í STUÐ-búð-
inni.
■ „Það er ekkert óeðlilegt við þessar
uppsagnir. Fyrst og fremst er þetta í
garnahreinsunardeildinni, þar sem
vinna er tímabundin og fólki hefur
undanfarin ár verið sagt upp með bréfi
um þetta leyti, að vísu heldur fyrr nú en
venjulega. Vinnan verður nú búin um
miðjan apríl en hefur verið út apríl eða
fram í maí nú síðustu 4-5 árin. En fólkið
sem þarna ér um að ræða veit það í
upphafi ráðningar að vinnan er ekki
lengri en þetta," sagði Teitur Lárusson,
starfsmannastjóri Sláturfélags Suður-
lands er hann var spurður um ástæður
uppsagna um 30 starfsmanna hjá SS á
Selfossi, sem Tíminn greindi frá í gær.
Aðspurður kvað hann einnig um ein-
hverja fækkun að ræða í kjötskurðar-
deildinni, vegna mikillar birgðasöfnun-
ar. Þar sé um það að ræða að of mikill
mannskapur hafi verið ráðinn seinni-
partinn í vetur. „Og það er bara verið að
fækka þar aftur,“ sagði Teitur.
- HEI
Náðirðu öllu þessu?
. Þó nýja MAMIYA U sé, eins og þú sérð, ótrúlega fyrirferðar-
lítil, er hún samt meðal fullkomnustu 35 mm myndavéla á
markaðnum. Enda má segja að fæðing hennar hafi gengið
framar vonum í alla staði.
Hún er hlaðin tækninýjungum þó hún beri það ekki utan á
sér. Engu var til sparað svo þessi knáa myndavél yrði eins
auðveld í meðförum og skilaði jafn frábærum myndum og raun
ber vitni um.
1 Mjög fullkominn Ijósmælir vinnur með lokaranum sem stillir á réttan
hraða og Ijósop eftir birtuskilyrðum hverju sinni allt frá f. 2,8 á hraða 1 /8 úr sek.
til f. 16 á hraða 1/500 úr sek
2. Þegar hraðinn fer niður fyrir 1/30 sek. lætur vélin vita að nota þurfi þrífót
eða flass með því að gefa frá sér bæði hljóð (bíííb) og Ijósmerki.
3. Mjúkur afsmellari kemur í veg fyrir að vélin hreyfist þegar smellt er af og
gefur því skarpari myndir.
4. Innbyggt lok fyrir linsuna. Ef lokið er fyrir er ekki hægt að smella af.
5. Sjálftakari. 6.Verö frá kr. 3.540—3.650
I UIAMIYA U - TEKUR ALLT NEMA PLÁSS.
HflNS PETERSEN HF
BANKASTRÆTI GLÆSIBÆR AUSTURVER UMBOÐSMENN
S. 20313 S. 82590 S. 36161 UMALLTLAND
MAMIYA U ER FÆDD.
HUN ER 35MM,
11,5CM Á BREIDD, 6.5CM Á HÆÐ,
VEGUR 230G OG SEGIR BÍÍÍB!