Tíminn - 16.12.1986, Side 7

Tíminn 7
Þriðjudagur 16. desember 1986.
Kína:
Tréspíritus
í víni
veldurdauða
Pekíng - Reuter
Rúmlega hundrað manneskjur
hafa látið lífið síðustu tvö árin í Kína
eftir að hafa drukkið vín eitrað af
tréspíritus (methanól). Þetta kom
fram í frétt Kínverska dagblaðsins
sem bætti við að þúsundir manna
hefðu veikst eftir að hafa neytt slíks
víns.
Dagblaðið sagði að í ágústmánuði
einum hefðu 36 manns látist, níu
orðið blindir og þúsundir veikst eftir
að hafa drukkið eitrað vín.
í einu tilvikanna var 500 sinnum
meira magn af tréspíritus í víninu en
leyfilegt er.
Framleiðendur og seljendur víns
þar eystra, sumir stunda þann ósið að
hella aukamagni af tréspíritus í vínið
til að minnka kostnað og bæta
bragðið.
Belgía:
Hæggengir
landsmenn
Brussel-Reuter
Þrír af hverjum fimm Belgíu-
mönnum vilja ekki að hraðlestir
keyri í gegnum land sitt. Þetta kom
fram í niðurstöðum skoðanak-
önnunar sem birtar voru í gær.
Könnun þessi sýndi að meirihluti
Belgíumanna er á því að stjórn sín
hætti við áætlanir um að taka þátt í
norður-evrópsku hraðlestakerfi.
Járnbrautarkerfi þetta yrði fram-
lenging á franska TGV hraðlesta-
kerfinu.
Það var dagblaðið Libre Belgique
sem birti niðurstöðurnar og kom þar
fram að 59% Belga vildu ekkert
hraðlestakerfi í landi sínu. Hinsveg-
ar sögðust 39% aðspurðra vilja belg-
ískar hraðlestir en 5% höfðu enga
skoðun á málinu.
Stjórnvöld í Belgíu, Frakklandi,
Hollandi og Vestur-Þýskalandi hafa
að undanförnu unnið að áætlun um
að framlengja franska hraðlestakerf-
inu til áðurnefndra landa.
England:
Meirihluti
með prest-
vígslu kvenna
Lundúnir-Reuter
Samkvæmt niðurstöðum skoðana-i
könnunar sem birtust í gær er
mikill meirihluti presta og leik-
manna innan ensku biskupa-
kirkjunnar sannfærður um að prest-
vígsla kvenna sé óhjákvæmileg,
hverjar sem skoðanir manna eru á
þessu deilumáli.
Það var dagblaðið The Independ-
ent sem gekkst fyrir könnun þessari
er þátt tóku í henni um þúsund
leikmenn innan kirkjunnar og nokk-
ur hundruð klerkar, allt frá venjuleg-
um sveitaprestum til biskupa.
Aðeins 4% aðspurðra í hópunum
tveimur voru á þeirri skoðun að
konur myndu aldrei fá að vígjast til
prests. Aðrir töldu slíkt vera óhjá-
kvæmilegt.
Margir voru hinsvegar andvígir
því að prestvígsla yrði heimil báðum
kynjum. Einn af hverjum þremur
prestum hafði þessa persónulegu
skoðun og einn af hverjum fimm
leikmönnum.
Englandskirkja er miðstöð bisk-
upakirkjunnar sem telur um 70 millj-
ónir manna út um allan heirn. Erki-
biskupinn af Kantaraborg er andleg-
ur leiðtogi þessa safnaðar.
Morðið á Palme:
Handtaka Kúrda beinir
grun að samtökum þeirra
Hans Holmer, yfirmaður Stokkhólmslögreglunnar og sá sem stjórnar rannsókninni á morðinu á Olof Palme,
veifar hér Smith & Wesson skammbyssum en slík byssa var notuð til að skjóta Palme til bana. Voru kúrdísk
samtök þar að verki?
Stokkhólmur-Rcutcr
Sænskir leynilögreglumenn sem
leita nú morðingja Olofs Palme
forsætisráðherra handtóku um
helgina tvo Kúrda. Þeir voru teknir
höndum eftir skotbardaga í miðbæ
Stokkhólms og síðar úrskurðaðir í
gæsluvarðhald.
Lögreglan í Svíþjóð neitaði að
gefa nánari upplýsingar um menn-
ina tvo en ríkisútvarpið sagði þá
vera meðlimi Kúrdíska verka-
mannaflokksins (PKK), öfgasinn-
aðra samtaka sem berjast fyrir
aðskilnaði við Tyrkland og sjálf-
stæðu ríki Kúrda.
Báðir mennirnir voru handtekn-
ir eftir að deilur í næturklúbbi
höfðu leitt til skotbardaga við lög-
reglu.
Palme var skotinn til bana þann
28. febrúar á þessu ári.
Handtökurnar um helgina eru
þær fyrstu síðan hægrisinnaður
öfgamaður var handtekinn
skömmu fyrir jarðarför Palmes
þann 15. mars. Honum var sleppt
er sannanir sem nota átti gegn
honum reyndust ekki á rökum
reistar.
Það var sænska blaðið Expressen
sem fyrr á árinu kom fyrst með
fréttir þess efnis að lögreglan grun-
aði öfgafulla Kúrda um að standa
að baki morðinu á Palme. Aðrir
fjölmiðlar hafa einnig komið með
fréttir sama efnis og handtaka
Kúrdanna tveggja og yfirheyrslur
sem nú standa yfir virðast enn
renna stoðum undir þessar fréttir.
Sænska leyniþjónustan birti
skýrslu árið 1984 þar sem haldið
var fram að liðsmenn PKK hygðu
á hefndir gegn Palmestjórninni eft-
ir að einum leiðtoga þeirra var
neitað um pólitískt hæli í Svíþjóð.
Það sama ár var orðið „hryðju-
verkamaður“ stimplað á vegabréf
níu meðlima samtakanna. Þeim
var hinsvegar ekki vísað úr landi
vegna þess að þeir hefðu orðið að
koma fyrir herdómstól í heima-
landi sínu, Tyrklandi.
Þessum aðgerðum sænskra yfir-
valda var harðlega mótmælt af
liðsmönnum PKK samtakanna sem
talin eru hafa um þrjátíu virka
einstaklinga innan sinna banda í
Svíþjóð. Samtökin sökuðu sænsk
stjórnvöld á þessum tíma að starfa
með tyrkneskum yfirvöldum gegn
sér.
Œýóé oa d /an^u Jeid
ENDURMINNINGAR
PABLO
CASALS
Endurminningar Pablo Casals
eru skrásettar af Albert E. Kahn
og þýddar af Grímhildi Braga-
dóttur. Bókin greinir frá ævi og
starfi þessa fræga tónlistarsnill-
ings og mannvinar.
Casals var fæddur og uppalinn
í San Salvador á Spáni á síð-
asta fjórðungi 19. aldar. Hann
bjó og starfaði í París í byrjun
þessarar aldar, en hvarf aftur til
Spánar, til Barcelona, í lok fyrri
heimsstyrjaldarinnar. Þar starf-
aði Casals að tónlistarmálum,
þar til hann flúði land í lok
spænska borgarastríðsins og
settist þá að í Frakklandi á nýj-
an leik. i lok sjötta áratugarins
giftist Casals ungri stúlku frá
Puerto Rico, að nafni Martita,
og settust þau að þar.
(bókinni greinir Casalsfrá tónlistar-
starfi sínu, tónleikaferðum og sam-
tíðarmönnum sínum í tónlistinni,
sem hann ætíð hafði náin samskipti
við. Frásögnin spannar tímabilið
frá því skömmu fyrir síðustu alda-
mót fram á 8. áratug þessarar aldar.
Vert er að benda á að þessi bók er
ekki aðeins fróðleg og hrífandi
lesning fyrir tónlistarfólk. Casals
gerir sér far um að greina frá mis-
munandi umhverfi og aðstæðum
sem hann bjó og starfaði við, eink-
um meðan á borgarastríðinu á
Spáni stóð, og baráttu sinni við
spænsku fasistana.
PABLO CASALS
Sfókaútgáfan ftóösaga
Þingholtsstræti 27, sími 91-13510