Tíminn - 02.04.1987, Qupperneq 5
Fimmtudagur 2. apríl 1987
Tíminn 5
Tjóniða.m.k. 7Ömillj. kr.
Maðurfórst, samgöngur lamaðar, sambandslaustviðheilu byggðarlöginog útihúshurfu út í vind
Aftakaveður reið yfir allt Norður-
land og Austurland á þriðjudag.
Lauslega áætlað hefur hlotist tjón á
eignum fyrir a.m.k. 70 milljónir
króna. Líklegast er það þó vanreikn-
að, því hér er aðeins stiklað á stóru.
Veðri hafði að mestu slotað í gær,
en víða var ófært sökum fannfergis.
Á stöku stað á Norðurlandi fór
vindhraði í allt að 11 til 12 vindstig
og allvíða á norðausturhorninu í 10
vindstig. Á Kópaskeri mældist
vindhraði 14 vindstig þegar hann var
sem mestur. Enn eimdi eftir af
stórviðrinu á miðunum í gær út af
Norðurlandi og sendar voru út aðvar-
anir til báta á norðvesturmiðum og
miðum út af norðausturhorni
landsins.
Heilt þak af húsi
„Tjónið er talsvert þegar allt kem-
ur saman. Það skiptir einhverjum
milljónum. Hér fauk í heilu lagi þak
af húsi og endaði á blokk skammt
frá. Áður hafði það lent á bíl, sem
er gjörónýtur," sagði fsak Ólafsson,
bæjarstjóri. „Sem dæmi um átökin
og ofsann í veðrinu gekk karmur um
glugga inn heima hjá mér. Tveir
bátar slitnuðu upp í höfninni, en
þeim tókst að bjarga.“ Þegar stór-
viðrið brast á sá ekki úr augum og
bifreið sem verið var að draga ók út
af veginum og niður bakka á mótum
Hafnargötu og Suðurgötu. Bíllinn
sem dró kipptist með og lenti ofan á
hinum, sem er gjörónýtur. Engin
slys urðu á mönnum.
Fóiki hjálpað heim
Halldór Gunnlaugsson, varðstjóri
á Dalvík, segist ekki muna svo langt,
að hafa séð „aðra eins iðulausa
stórhríð og í svona langan tíma, allt
frá hádegi og fram á kvöld. Björgun-
arsveitir brugðust skjótt við að
hjálpa börnum í barnaskólanum og
barnaheimilinu til síns heima. Eins
þurfti að hjálpa fólki burt úr Stjórn-
sýsluhúsinu og frystihúsinu. Þak-
plötur fuku af einu einbýlishúsi og
barnaskólanum og brotnaði rúða.
Guðmundur Árnason, veitustjóri,
sagði mér að hann hefði á leið sinni
til að losa stíflu í veitunni af völdum
snjóflóðs þurft að skríða eftir göt-
unni í verstu hrinunum. Inn allan
fjörðinn voru 12 vindstig og meira.“
Maður ferst og
annar bjargast
Trillan Reynir EA 400 frá Ár-
skógsströnd fórst aðeins 100 metrum
frá bryggju. Fjöldi manns varð vitni
að því þegar snörp vindhviða feykti
trillunni á hlið á augabragði. Tveir
menn voru staddir í stýrishúsinu.
Bátar sigldu þegar til bjargar.
■ Maraði báturinn lengi í hálfu kafi og
virtist mönnurn heil eilífð líða, áður
en þeir yrðu nokkurs varir. Gerðar
voru tilraunir til þess að festa í
bátinn, en allt kom fyrir ekki vegna
veðurs. Skyndilega skaut þó öðrurn
bátsverja upp á yfirborðið við aftan-
verða trilluna og tókst að koma til
hans kastlínu og flækja hann í Mark-
úsarneti og hífa um borð í nærstadd-
an bát.
Hann hafði brotist úr stýrishúsinu
en ekki tekist að ná félaga sínum
með. Hann var mjög þrekaður,
þegar honum var bjargað.
Maðurinn sem fórst lætur eftir sig
eiginkonu og 6 börn. Rannsóknar-
lögreglan á Akureyri fór í gær á
vettvang, en áður höfðu verið gengn-
ar fjörur, en maðurinn ekki fundist.
Þakgluggi inn í íbúðarhús
Hjá löggæslunni á Húsavík feng-
ust þær upplýsingar, að í fárviðrinu
hefðu fokið tvö húsþök, þakplötur
og ýmislegt lauslegt, sem valdið
hefði skaða. Þak af bifreiðaaf-
greiðslu Kaupfélagsins fauk af í
heilu lagi og lenti á nærliggjandi
húsi. Þakgluggi losnaði af verkstæði
og fauk gegnum útihurð og inn í mitt
íbúðarhús og olli miklum
skemmdum. Danskt saltflutninga-
skip, 800 tonn, slitnaði upp í höfn-
inni og rak inn í krika, skentmdi þar
tvo báta og vann talsvert tjón. Skipiö
er sjálft skemmt á stýri, en var
bundið niður þar sem það var komið.
Engin slys urðu á mönnum á Húsa-
vík en geta má nærri að tjón skipti
mörgum milljónum króna.
Fjórar trillur sukku
f sveitum á Melrakkasléttu urðu
bæir illa fyrir barðinu á fárinu. Á
Kópaskeri losnuðu þakplötur af slát-
urhúsinu. Á bænum Miðtúni rifnaði
upp fjárhús og á flestum bæjum þar
gangandi gegn veðrinu á varðstof-
una.
12 milljónir út
í veður og vind
32 rafmagnsstæður í Jökulsárhlíð
undir Smjörfjöllum á línunni til
Vopnafjarðar brotnuðu niður í ofsa-
veðrinu. Eiga þær þó að þola öll
veður. Auk þess biluðu tvær, sem þó
standa enn.
„Línan brast á rúmlega 3 kíló-
mctra kafla sem liggur frá Lagarfossi
til Vopnafjarðar," sagði Erling
Garðar Jónasson, rafmagnsveitu-
stjóri á Egilsstöðuni. „Þetta er um
12 ntilljón króna tjón og það mun
taka um 10 til 14 daga að gera við
það.“ Á meðan verður Vopnafjörð-
ur að notast við vararafstöðina sem
gengur fyrir díselolíu og er rafmagn
af skornum skammti. íbúar hafa
brugðist vel við og rafmagnsnotkun
er ekki meiri en gerist um nótt.
Líklegt er þó að veröi að grípa til
rafmagnsskömmtunar innan
skamms, sérstaklega ef kólnar í
veðri.“
Bændur á þessum slóðum, þar
sem stæðurnar hrundu, eru ýmsu
vanir. Til dæmis því, aðsnúningsvél-
ar og bílar fjúki tugi metra. Geir á
Sleðbrjóti hafði á orði við Erling,
þegar hann hugði að skemmdum, að
það „hefði verið hörkuvindur og
hann fokið við á leið úr húsum".
Eiríkur í Hlíðarhúsum sagði hins-
vegar að „veður hefði verið ansi
hvasst". Þeir hafa ekki um það stóru
orðin, bændurnir fyrir austan.
„Aldrei fyrr hafa rafmagnslínur
farið svo hjá okkur áður, hvergi á
landinu," sagði Erling Garðar.
„Brak úr stæðunum, jafnvel 300 til
400 tonna járnbútar, höfðu fokið
120 metra vegalengd. Þetta var
óskaplegt veður." þj
í grenndinni urðu skemmdir á úti-
húsum. „Ég hef ekki heyrt að skepn-
ur hafi drepist eða glatast," sagði
Kristján Ármannsson, oddviti, „en
skemmur og útihús hafa bæði stór-
skemmst og horfið. Hér hefur orðið
töluvert tjón á fasteignum."
Fjórar trillur sukku við Leirhöfn.
„Tvo rak upp í fjöru og lenti annar
í grjóti og er ónýtur. Hinn slapp við
stórskemindir. Tveir bátar enn, þar
af ein smáskekta, sukku."
Tveir hætt komnir
við björgun
„Það var ekki stætt úti og menn
börðust við að bjarga bátum sínum,"
sagði Davíð Gunnarsson, lögreglu-
þjónn á Raufarhöfn. „Menn vildu
ekki hætta björgunaraðgerðum þó
sjálfir væru hætt komnir vegna vos-
búðar." Ein trilla sökk í höfninni og
tveir 10 tonna bátar í hættu, sem
voru að fara á hliðina vegna ísingar.
Menn hömuðust við að berja ísinn
af til klukkan 2 í fyrrinótt, en þá var
farið að hægjast um. Tveir menn
voru illa haldnir eftir björgunarað-
gerðir við höfnina. „Það mátti sjálf-
sagt ekki tæpara standa með annan
þeirra," sagði Davíð, „en hann
hresstist eftir að hlúð var að þeim í
saumastofu skammt frá höfninni.
Það er geysilegur snjór kominn, 6
vindstig og skafrenningur og þcss
vegna ekki fært héðan nema fyrir
fjórhjóladrifs jeppa."
Þakplötur fuku af húsum á Rauf-
arhöfn eins og annars staðar, en
símasambandslaust var þar til í gær.
Lögreglan aðstoðaði börn af dvalar-
heimilum og skólum heim til þeirra
og við það urðu lögreglumenn að
skilja bíl sinn eftir og berjast fót-
sem þig vantar
Massey-Ferguson
KAUPFÉLÖGIN OG
BÚNADARDEILD
ÁRMÚLA3 REYKJAVÍK SlMI 38900
MÖGNUÐ NÝ
M-F 3000 LÍNA
Góður - Betri - Bestur