Tíminn - 05.08.1987, Side 5

Miðvikudagur 5. ágúst 1987
Tíminn 5
Gífurleg ölvun einkenndi útihát-
íðarhöld að Húsafelli um verslun-
armannahelgina. Um 9000 manns
sóttu hátíðina sem fór vel fram
þrátt fyrir mikla ölvun. Engin veru-
leg slys urðu á fólki fyrir utan þessi
venjulegu útihátíðaspor sem tveir
læknar og hjúkrunarkonur unnu
við að sauma á meðan á mótinu
stóð. Að sögn Stefáns Kjartansson-
ar gjaldkera Félags Orlofshúsaeig-
enda að Húsafelli héldu unglin-
garnir sig innan mótsvæðisins svo
engar skemmdir urðu á gróðri utan
þess. Mótshaldarar lögðu sig alla
fram við að forða sumarhúsum í
nágrenninu úr hættu og tókst það
mjög vel að sögn Stefáns. Hins
vegar fannst honum undarlegt að
ellefu til þrettán ára börn fengju að
reika um svæðið dauðadrukkin á
meðan lögreglumenn snéru sér t
hina áttina. „ Þessir litlu krakkar
neittu áfengisins og veifuðu
flöskunum framan í löggæslumenn
án þess að þeir aðhæfust nokkuð,“
sagði Stefán.
Kristleifur Þorsteinsson hrepp-
stjóri sagði að mjög vel hefði verið
staðið að mótinu. „ Björgunar-
sveitirnar stóðu sig mjög vel og
gerðu allt sem í þeirra valdi stóð til
að bjarga drukknum krökkum auk
þess sem löggæslan var að vissu
marki góð“ sagði Kristleifur. „Það
sem er slæmt um þetta að
segja“,bætti Kristleifur við „er
drykkjuskapur kornungs fólks.
Hann var svo hryllilegur að vart er
hægt að tala um það.“ Kristleifur
sagði að hroðalegt hefði verið um
að litast á svæðinu. Unglingar lágu
sem hráviði um svæðið, ælandi og
ömurleg á að líta. Ekkert var að sjá
annað en þjáningar og eymd, að
sögn Kristleifs. Hann bætti við að
stjórnvöld og tíðarandinn bæru
Frá Húsafelli.
Horft í hina áttina.
Tímamynd: Pjetur.
ábyrgð á því, að ungir krakkar
fengju að fara með þrjár til sex
flöskur af áfengi inn á slíkt mót án
þess að nokkuð væri aðhafst.
IDS
Gaukurinn gól
í hinsta sinn
Áætlað var að um það bil 3000
manns myndu eyða verslunar-
mannahelginni á útihátíð Ung-
mennasambandsins Skarphéðins á
Gauknum í Þjórsárdal. Á föstu-
dagskvöld voru hins vegar aðeins
örfáir mættir og þótti þá orðið ljóst
að landsmenn höfðu greinilega
ekki hugsað sér að dvelja þar yfir
helgina svo ekki var um annað að
ræða en að aflýsa hátíðinni. Sú
ákvörðun hafði íförmeð séru.þ.b.
tveggja milljóna króna tap fyrir
aðstandendur mótsins svo mjög
ólíklegt þykir að útihátíð verði í
Pjórsárdalnum á næstunni. Að
sögn Þóris Haraldssonar hjá Ung-
mennasambandinu Skarphéðni
áttu Stuðmenn stóran þátt í að svo
fór sem fór, þar sem þeirra stefna
var að koma í veg fyrir allar aðrar
útihátíðir en í Húsafelli. „Stuð-
menn ætluðu sér að vera með alla
stærstu skemmtikraftana og borg-
uðu þeim því fyrir að vera ekki
annars staðar en í Húsafelli. Ung-
mennasambandið Skarphéðinn var
búið að gera samning við Stuð-
kompaníið frá Akureyri, en viku
eftir að þeir sjálfir höfðu sent frá
sér fréttatilkynningu um að þeir
ætluðu að spila á Gauknum hættu
þeir við og ákváðu að skemmta í
Húsafelli, sem vissulega er mjög
skrýtið" sagði Þórir. Hann sagði
jafnframt að fréttaflutningur út-
varpsins hefði átt sök á því hvernig
fór. „Ríkisútvarpið var lágmark
annan hvern dag með einhverjar
fréttir um Húsafellshátíðina. Hins
vegar þegar aðstandendur útihá-
tíðarinnar í Þjórsárdal reyndu að
koma að fréttum var lokað á þá og
þeim sagt að þetta væru auglýsing-
ar. Stuðmenn létu síðan taka viðtal
við sig ýmist út af einhverjum
keppnum, plötum eða útihátíðinni
svo það var ekkert skrýtið að við
fengjum ekki fólk,“ sagði Þórir að
lokum.
IDS
Fíkniefnalögreglan tók sjö menn:
Fíkniefni á
þjóðhátíð
Lögreglan í Vestmannaeyjum sagði ástand í Herjólfsdal á þjóðhátíð
hafa verið þolanlegt. Minna hafi verið af umkomulausum unglingum
á mótinu og undanfarin ár, en ölvun hafi að venju verið mikil og
almenn. Lögreglan varð að hafa afskipti af ölvuðum ökumönnum,
m.a. einum sent ók á umferðarskilti og slasaðist lítillega.
Fangageymslur í Vestmannaeyjum fylltust oft um verslunar mann-
ahelgina, enda pústrar, slagsmál og óspektir tíðar. Sem undanfarnar
þjóðhátíðir voru starfsmenn fíkniefnadeildar lögreglunnar til aðstoðar
heimalögreglu og bar rannsókn þeirra þann ávöxt að fíkniefni, hass
og amfetamín, fannst á sjö af fjölda manns sem leitað var á.
Veður var nokkuð gott, þó ekki hlýtt, en gróður í dalnum er
ósærður. þj
AFVELTA UNGLINGAR
í HÚSAFELLSVEISLU