Tíminn - 05.08.1987, Síða 6

6 Tíminn
Miðvikudagur 5. ágúst 1987
Dóms og framkvæmdavald skilið í sundur:
Rífandi gangur í
Á fyrsta starfsdegi Jóns Sigurðs-
sonar, dómsmálaráðherra, fól hann
starfsmönnum þar að leggja drög að
erindisbréfi fyrir þann eða þá aðila
sem eiga að gera tillögur um fullan
aðskilnað dóms- og framkvæmda-
valds í landinu, svo sem kveðið er á
um í stjórnarsáttmálanum og kæra
Jóns Kristinssonar til mannrétt-
indanefndarinnar í Strassburg fjallar
öðru fremur um. „Þetta var áður en
mér var kunnugt um að mannrétt-
indanefndin myndi taka fyrir mál
Jóns Kristinssonar. Ég geri þó engan
veginn lítið úr því máli“ sagði Jón
Sigurðsson. „Þar er hreyft þörfum
hlut. Yfirlýsingin í stjórnarsáttmál-
anum cr að mínum dómi mjög
mikilvæg. Á undanförnum árum hef-
ur hið íslenska réttarkerfi verið að
þróast í átt til aðskilnaðar dóms- og
framkvæmdavalds. En málið má
rekja allt til ársins 1916, þegarsamið
var merkt nefndarálit um aðskilnað
þessa, enda hefur það sennilega þá
verið á dagskrá á Norðurlöndum.
Þetta er því ekki nýtt mál, en nú tel
ég mikilvægt að stjórnin vinni að því
á sínum starfstíma að koma þessu í
framkvæmd."
Ráðherra gerir ráð fyrir að fá
menn til ráðagerða um þetta verk-
efni strax í sumar og haust, en enn
þá er ekki víst hvort skipuð verði
nefnd í málið, samkvæmt hefðbund-
inni aðferð. Málflutningur í máli
Jóns Kristinssonar hefst í Strassburg
hinn 13. október nk.
Enn er ólokið skilgreiningu á
verkefni dómsmálaráðuneytisins að
skilja að dóms- og framkvæmdavald
í landinu og þess vegna óvíst hvernig
því verður hrundið í framkvæmd.
„Ég segi eingöngu að vinna verði að
þessu af einurð en einnig hagsýni.
Það er ekki hægt að segja um það
fyrirfram hvort þessu fylgir aukinn
kostnaður við það sem nú er eða
hvernig því verði best fyrir komið.
Ég vil ekki vera með neinar spásagn-
ir, en það liggur í augum uppi að
tillögur um aðgreiningu dóms- og
framkvæmdavalds fælust ekki síst í
því að héraðsdómstólar utan Reykj-
avíkur yrðu sjálfstæðir og þá væntan-
lega í stærri héruðum en nú eru.“
Jón Sigurðsson sagðist að lokum
hafa fullan hug á því að koma þessu
máli fram með góðra manna hjálp.
Þj
Framsóknarfélögin í Reykjavík:
Sumarferð að
fjallabaki
Laugardaginn 8. ágúst n.k. fara
Framsóknarfélögin í Reykjavík í
hina árlegu sumarferð sína. Ferðir
þessar njóta mikilla vinsælda, enda
oftast farið utan alfaravega. Að
þessu sinni er ferðinni heitið um
Fjallabaksleið syðri. Reyndar
verður ekki farin öll fjallabaksleið-
in, heldur upp úr Fljótshlíð, en
með réttu ætti að fara upp frá
Keldum. Sá hluti leiðarinnar sem
sleppt er verður sjaldan eða aldrei
fær rútum. Auk þess eru því tak-
mörk sett hversu langt er hægt að
aka á einum degi.
Til gamans má geta þess að leið
þessi var lengi aðeins kölluð Fjalla-
baksleið, en þegar menn fóru að
kalla Landmannaleið Fjallabaks-
leið nyrðri var þessi kölluð syðri til
aðgreiningar. Leiðin hefur einnig
verið kölluð Miðleið. Þeim sem
vilja fræðast nánar um leiðina er
bent á Árbækur Ferðafélags ís-
lands 1966 og 76. Þá hafa Land-
mælingar íslands nýlega gefið út
sérkort yfir Þórsmörk/Land-
mannalaugar og er sá hluti leiðar-
innar, sem er ofan byggða á því
korti.
í ár verður Þórarinn Sigurjóns-
son frá Laugardælum aðalfarar-
stjóri. Eins og venjulega verður
fararstjóri í hverjum bíl. Meðal
þeirra er Þorsteinn Oddsson á
Heiði, en hann er einn þeirra er
gerst þekkja Ieiðina og m.a. aðal
heimildarmaður Árna Böðvars-
sonar, er hann skrifaði um leiðina
í Árbók F.í. 1976. En það verða
fleiri en einn bíll og fleiri en einn
kunnugur staðháttum.
Flugáhugamenn um verslunarmannahelgina
Fjölmenni á
„flugkomu"
við Múlakot

Fjöldi flugáhugamanna mætti á
„flugkomuna" sem haldin var um
verslunarmannahelgina, við Múla-
kot í Fljótshlíð. Sífelldur straumur
flugvéla var um svæðið og sýndu
menn þar listir sínar. Listflugmenn
og vélar þeirra settu svip sinn á
samkomuna, svo og aðrir vélknúnir
farkostir sem ferðast ofar skýjum.
Fallhlífastökkvarar stukku til
jarðar á milli þess sem grillað var og
menn ræddu málin. Umfcrðin var
svo mikil um flugvöllinn um tíma að
tveir menn urðu að vcra við stjórn
til þess að allt gengi áfallalaust fyrir
stflugvélaflotinn, allur saman-
uninii á einum stað. Það er ekki
t sem allar þessar vélar sjást í einu
i gestir “flugkomunnar“ gátu fylgst
eð þeim öllum yfir helgina þar sem
jgmenn og eigendur þeirra sýndu
;tir sýnar.
sig. Um hundrað og fimmtíu manns
tjölduðu og dvöldu mest alla helgina
á „flugkomunni“.
Öðruvísi mér áður brá. Flugvélin við hústjaldið og búið er að leysa
vandamálið sem löngum hefur fylgt helginni stóru. Ekkert þjóðvegaryk og
engir umferðarhnútar. Bara svífa niður þar sem slétt cr fyrir flugvélina og
tjaldið. TF-UFO svífur fyrir ofan gestina, á hvolfi að sjálfsögðu eins og
listflugvélum ber. Tímamyndir Eggert.
Sumarmót:
Norrænn sumar-
háskóli að Hvann-
Noröurland:
„Naumar“ fjárveitingar
til hafnarframkvæmda
HIÁ - Akureyri
Samkvæmt upplýsingum vita og
hafnamálastjórnar er áætlað heild-
arframkvæmdafé til hafna á
Norðurlandi eystra árið 1987,
112,5 milljónir króna. Samkvæmt
gildandi reglum um greiðsluskipt-
ingu ríkis og sveitarfélaga ætti
hlutur ríkisins í framkvæmdunum
að vera 84,4 milljónir króna. Fjár-
veiting ríkisins fyrir árið 1987
hljóðar hins vegar uppá 55,7 mili-
jónir króna. Þar af voru strax
klipnar 18 milljónir króna upp í
eldri framkvæmd. Eftirstanda 37,7
milljónir að frádregnum 13,7 mill-
jónum í óuppgerðar framkvæmdir
síðasta árs. 24 milljónir króna
virðast því vera til ráðstöfunar,
sem þýðir að 60,5 milljónir vantar
uppá að framkvæmdaáætlun nái að
standast.
Samkvæmt áætluninni átti að
verja 30,3 milljónum í Akureyrar-
höfn, 29,7 milljónum í höfnina á
Raufarhöfn 28,5 milljónum í höfn-
ina á Árskógssandi og 18 milljón-
um í Ólafsfjarðarhöfn. Minni
framkvæmdir eru við aðrar hafnir
á Norðurlandi. Það ber að hafa í
huga að þetta eru áætlaðar tölur
sem geta breyst. Það er þó hins
vegar ljóst að breytingarnar verða
aldrei það miklar að þær 24 mill-
jónir sem eftir standa af fjárveit-
ingu ríkisins nægi til mikilla fram-
kvæmda við 4 hafnir auk minni-
háttar viðgerða. Hugsanlega væri
hægt að treina það til framkvæmda
við eina höfn.
Þess má að lokum geta að heild-
arfjárveiting til almennra hafna
árið 1987 var um 218 milljónir
króna og átti það fjármagn að
nægja til að gera upp eldri fram-
kvæmdir og til nýframkvæmda.
eyri í ágúst
Dagana l.ágúst til 8. ágúst verður
haldið hér á landi, að Bændaskólan-
um á Hvanneyri sumarmót Norræna
Sumarháskólans. Mótin eru haldin
ár hvert til skiptis á Norðurlöndun-
um en þó einungis í annað hvert
skipti á íslandi, eða 9. hvert ár.
Síðast var mótið haldið hérlendis á
Laugarvatni 1978. Um 170 þátttak-
endur frá öllum Norðurlöndunum
eru væntanlegir á mótið. Norræni
sumarháskólinn er háskóli sem var
stofnaður af Norðurlandaráði árið
1951 og dregur nafn sitt af sumar-
mótunum. Uppistaðan í starfsemi
skólans eru hins vegar vinnuhópar
sem starfa allan ársins hring víðsvegar
um Norðurlöndin, en nú eru 150
hópar starfandi á 21 stað. NSU er
frábrugðinn öðrum háskólum að því
leyti að hann er opinn öllum. í starfi
hans taka þátt jafnt fólk sem starfar
við rannsóknir og nemendur og fólk
á vinnumarkaðnum. Markmið skól-
ans er að skapa tengsl á milli Norður-
landabúa sem fást við svipuð verk-
efni í daglegu lífi. Lögð er áhersla á
að starfið sé þverfaglegt og að það
samtvinni fræðimennsku og verksvit
á viðkomandi sviði. Efnin eru hins
vegar breytileg og er hverju verkefni
sinnt að meðaltali í þrjú ár. Reynt er
að haga verkefnavali þannig að feng-
ist sé við ný vandamál og nýjar
aðferðir sem enn hafa ekki brotið
sér braut inn í viðurkenndar stofnan-
ir nema að litlu leyti. Jafnvel þó að
hóparnir beri hver um sig ákveðna
yfirskrift sem afmarkar það efni sem
þar á að fjalla um, þá þykir það
æskilegt að þátttakendur hópanna
komi úr sem flestum áttum þannig
að umræðan verði sem þverfagleg-
ust.Nú eru alls 11 hópar starf-
andi.Auk starfsemi hópanna fara
ýmis stjórnunarstörf fram á sumar-
mótunum og fjölbreytt menningar-
dagskrá fer þar fram á kvöldin.
íslensku undirbúningsnefndina er að
finna í síma 93-70006 á milli kl.
12-14 og 16-18.