Tíminn - 28.05.1988, Blaðsíða 13
Laugardagur 28. maí 1988
Tíminn 13
MINNING ii
llllli
Helga Olafsdóttir
á Höllustöðum
Fædd 30. október 1937
Dáin 23. maí 1988
í dag er Helga Ólafsdóttir hús-
freyja á Höllustöðum kvödd hinstu
kveðju frá sóknarkirkju sinni að
Svínavatni. Við sviplegt fráfall
hennar verður syrgjendumogvinum
stirt um stef, enda þótt helfregnin
hafi ekki komið á óvart. Við undr-
umst enn þau örlög, sem því fólki
eru sköpuð, sem hrifið er burt í
blóma lífsins frá hálfnuðu verki. En
í eftirsjá okkar eftir þeirri samveru,
sem við fórum á mis við, er þó gott
að eiga einungis bjartar minningar
um þá konu, sem háði sitt erfiða
dauðastríð af sömu reisn og ein-
kenndi hana alla ævi.
Helga Ólafsdóttir átti því láni að
fagna að flytjast úr föðurgarði með
betra veganesti en almennt gerist. í
ljúfum uppvexti mótaðist jákvæð
lífsafstaða hennar, siðferðisþrek og
sjálfstraust, sem gerði henni kleift
að gefa af sjáifri sér og eiga farsæl og
frjó samskipti við annað fólk. Hún
ólst upp á menningarheimili, sem á
allan hátt var veitandi gagnvart um-
hverfi sínu. Hún naut góðrar
menntunar og ræktaði strax með sér
þá innri menningu, sem best dugði á
vegferð hennar.
Að afloknu stúdentsprófi voru
henni allir vegir færir og hún átti á
flestu völ. Hún kaus að ganga á vit
ævintýrsins gegn ríkjandi hefðum og
venjum þess tíma. Ásamt brúðguma
sínum valdi hún að ævistarfi atvinnu-
grein, sem þá þegar þótti dauða-
dæmd, en hefur samt sem áður verið
fýsilegur kostur þeim, sem ekki
sækjast eftir verðmætum, er mölur
og ryð fá grandað. Með þeirri
ákvörðun sýndi hún kjark og sjálf-
stæði, sem ávallt átti eftir að ein-
kenna hana.
Við komu hennar þótti mér sem
Blöndudalur víkkaði og breytti um
svip. Hún tókst á við verkefni sín af
dirfsku og dugnaði og ræktaði sinn
garð af stakri ábyrgðartilfinningu.
Fyrstu árin helgaði hún heimilinu
alla krafta sína og uppskar að laun-
um farsælt fjölskyldulíf og bamalán.
Hún sigraðist á öllum erfiðleikum
með þrautseigju og hugkvæmni og
óx af hverri raun. Hún hafði farsæla
umgengnishæfileika og persónu-
töfra, sem gerðu hana eftirsótta í
hverjum félagsskap. Hún átti jafn
auðvelt með að blanda geði við
landfeður sem almúgafólk og ekki
varð séð, að hún gerði sér manna-
mun í því sambandi. Sakir réttlætis-
tilfinningar sinnar hafði hún þó af-
dráttarlausar skoðanir á mönnum og
málefnum og átti kjark og hrein-
skilni til að láta þær í ljósi. Auk for-
ystuhæfileika hafði hún einnig til að
beraauðmýkt gagnvart almættinu og
ræktarsemi, sem ljóslega birtist í
starfi hennar í sóknamefnd.
Vart miðaldra stóð hún aftur
frammi fyrir vali, er bóndi hennar
var að hefja stjórnmálaferil sinn.
Hún kaus að hvetja hann til dáða og
greiða veg hans, enda þótt það hefði
í för með sér fjarvistir hans frá bú-
inu, sem hún veitti forstöðu langtím-
um saman. Ötul gekk hún í þau erf-
iðisverk, sem hvað minnst em metin
á íslandi, og sinnti þeim af sömu
reisn sem öllu öðru, því þetta var
hennar val. í mótvindi sem meðbyr
varð hún bónda sínum sá bakhjarl
sem mest og best dugði honum.
Og nú er hún horfin úr vorum
hópi. í hljóðri þökk er gott að geta
tekið undir bróðurkveðju Heiðreks
Guðmundssonar:
Oftast fórstu í fararbroddi,
flóknar þrautir gastu leyst.
Sjálfum þér með hug og höndum
hefur þú minnisvarða reist.
Par er stíllinn stór í sniðum,
stafagerðin skýr og hrein.
- Pví er ekki á þínu leiði
þörf að reisa bautastein.
Pétur Pétursson.
öllu er afmörkuð stund, og sér-
hver hlutur undir himninum hefur
sinn tíma. Að fæðast hefur sinn
tíma, og að deyja hefur sinn tíma.
Að gráta hefur sinn tíma, og að
hlæja hefur sinn tíma.
Helga á Höllustöðum, ein úr 30
ára stúdentshópnum frá Mennta-
skólanum á Akureyri 1958, er horfin
úr þessum heimi. Mikill harmur er
kveðinn að bónda hennar, Páli
skólabróður okkar, því samfylgd
þeirra var orðin löng, allt frá fyrstu
árunum í MA, auk þess sem þau
hjón voru samrýnd og samtaka, þótt
bæði hefðu þau skoðanir sem þau
létu í ljós óhikað. Það var engin
hálfvelgja á hlutunum á Höllustöð-
um frekar en kaffinu hennar Helgu.
Gott var að koma að Höllustöðum
og eiga þau að vinum, og þangað
höfum við átt marga ferðina.
Helga Ólafsdóttir er fædd 30.
október 1937, einkadóttir hjónanna
Ólafs Þorsteinssonar yfirlæknis og
Kristínar Þorsteinsson hjúkrunar-
konu, fæddri Glatvedt-Prahl frá Al-
versund á Hörðalandi í Noregi, sem
bæði lifa dóttur sína. Yngri er Hákon
verkfræðingur í Reykjavík. Helga
gekk í Menntaskólann á Akureyri
og lauk þaðan stúdentsprófi 17. júní
1958. 26. júlí 1959 gekk hún að eiga
Pál Pétursson, bónda á Höllustöðum
í Blöndudal, þar sem þau hafa síðan
búið af dugnaði og myndarskap.
Helga og Páll eiga þrjú mannvænleg
börn, Kristínu, bónda á Höllustöð-
um, sem fædd er 1960, Ólaf Pétur
verkfræðing, sem stundar fram-
haldsnám í Kaupmannahöfn, fædd-
an 1962, og Pál Gunnar, sem stundar
háskólanám og fæddur er 1967.
Fyrst komum við að Höllustöðum
sumarið 1959. Þá var Páll bóndi að
byggja þeim bæ. Stðan höfum við
komið að Höllustöðum marga ferð-
ina. Undir haust 1973 komum við
þangað sem oftar. Við höfðum það
á orði við Helgu og Pál, hvort þau
vantaði ekki kaupamann. Undir vor
hringdi Helga til Akureyrar og
spurði, hvort kaupamaðurinn gæti
ekki komið í sauðburð þá um vorið.
Eggert, sonur okkar, var síðan á
Höllustöðum átta sumur samfleytt.
Segir það meira en mörg orð um
heimilið á Höllustöðum.
Öll vor í maí fórum við að Höllu-
stöðum og áðum í Bólugili, og í
septemberlok sóttum við kaupa-
manninn í Blöndudalinn. Iðulega
þess á milli lá leiðin til Höllustaða til
i Helgu og Páls. Gott var þar að koma
og gaman að ræða við þau hjón um
menn og málefni. Þetta var ekki
þegjandalegur hópur, og ekkert
mannlegt var okkur óviðkomandi.
Gamansemi var Helgu eðlileg, og tal
hennar var laust við allt víl. Hún var
mikill uppalandi og hafði gott lag á
börnum, aðsópsmikil og bjó yfir
reisn alla tíð. Það er styrkur fyrir Pál
að eiga nú mannvænleg börn og
Helga Pál, son Kristínar, sem hann
sjálfur kallaði ljós í húsi.
Síðasti fundur okkar með þeim
Helgu og Páli var í marsmánuði í
Osló, þar sem þá var haldið þing
Norðurlandaráðs, en á þau þing var
Helga vön að fylgja manni sínum.
Engan bilbug var á Helgu að finna.
Hún tók þátt í öllu til jafns við aðra.
En vegir guðs eru órannsakanlegir.
Helga hefur orðið að lúta í lægra
haldi fyrir þeim sjúkdómi sem eng-
um eirir. En kjarkur hennar var
mikill. Hún var hetja til hinstu
stundar.
Helga var vinur vina sinna, og gott
var að eiga hana að vini. Við þökk-
um þrjátíu ára vináttu og sendum
Páli, börnunum, Ólafi og Kristine
og Huldu, húsfreyju á Höllustöðum,
kveðjur og vottum þeim dýpstu
samúð okkar.
Kaupmannahöfn, 25. maí 1988
Gréta og Tryggvi.
Lát hennar barst norður, þegar
hvítasunnuhátíð var að ljúka og
Siglfirðingar að ljúka fyrsta hluta 70
ára afmælishátíðar kaupstaðarins.
Það fór ekki framhjá nágrönnum
foreldra Helgu, heiðurshjónanna
Kristine og Ólafs Þ. Þorsteinssonar,
að stundin óumflýjanlega var
skammt undan. Þau héldu til Höllu-
staða til að vera hjá barnabörnum
sínum.
Helga fæddist á Siglufirði 30. 10.
1937. Hún ólst upp hér ásamt Há-
koni bróður sínum á sérstöku menn-
ingarheimili foreldra sinna, sem í
margra huga er hluti af Siglufirði.
Ólafur faðir hennar var við fram-
haldsnám í skurðlækningum í Nor-
egi og kynntist hann þar sinni ágætu
konu Kristine sem við hlið hans
byggði hið fallega menningarheimili,
mótað af víðsýni, menntun og
þroska. Ólafur var yfirlæknir Sjúkra-
húss Siglufjarðar frá 1942 til 1976
eða tæp 35 ár. Bæjarstjórn Siglu-
fjarðar samþykkti á fundi 29. októ-
ber 1976 að gera hann að heiðurs-
borgara fyrir frábær störf í þágu
bæjarfélagsins.
Kristine Þorsteinsson lét félags-
mál mikið til sín taka og þótt hún
væri norsk fædd er hún hinn mætasti
Siglfirðingur, var m.a. ein duglegasta
driffjöðurin í Kvenfélagi Sjúkra-
hússins og mörgum öðrum félögum.
Málefni Siglufjarðarkirkju lét hún
sig líka miklu varða og var formaður
sóknarnefndar í mörg ár. Þetta
heimili sem ég hef lftillega lýst
mótaði Helgu í æsku.
Sagt er að umhverfið móti
manninn. Siglufjörður er umlukinn
fjöllum á þrjá vegu, en opinn til hafs
í norðurátt. Oft blæs köld norðanátt-
in inn fjörðinn okkar og andstæða
hennar er hlýr samhugur fólksins
sem byggir bæinn, þátttaka í gleði og
sorg hver annars.
Eftir að Helga lauk skólanámi á
Siglufirði, fór hún í Menntaskólann
á Akureyri eins og svo mörg önnur
ungmenni gerðu frá Siglufirði, og
lauk þaðan stúdentsprófi 1957.
í skólanum á Akureyri kynnist
hún Páli Péturssyni frá Höllustöðum
í Húnavatnssýslu, þau hófu strax
búskap, byggðu nýbýli á Höllustöð-
um og giftu sig 1959. Páll og Helga
eignuðust þrjú mannvænleg börn,
Kristínu 6.08. 1960, Ólaf Pétur
12.03. 1962 og Pál Gunnar 15.09.
1967.
Fljótlega hlóðust mörg trúnaðar-
störf í sveitinni á Pál Pétursson og
síðan 1974 hefur hann setið á Al-
þingi. Má nærri geta að oft hefur
starfsdagur Helgu verið langur við
umsjón bús og barna þegar heimilis-
faðirinn var fjarri. Seinni árin hafa
þau einnig haldið heimili í Reykja-
vík um þingtímann. Bústörfin á
Höllustöðum hefur Kristín tekið að
sér, þar sem hún býr með syni sínum
Helga Páli. Ólafur Pétur og Páll
Gunnar fóru í Menntaskólann á
Akureyri og si'ðan í háskólanám.
Það varð hlutskipti Helgu að eiga
mann sem kallaður var til ábyrgðar-
starfa fyrir land og þjóð. Þeim
konum sem slíkt hlutskipti fá verða
seint þökkuð þeirra störf. Ég veit að
ég mæli fyrir munn margra þegar ég
þakka fyrir fórnfús störf Helgu
vegna ábyrgðarstarfa Páls.
Á þessari sorgarstundu mega fá-
tækleg orð sín lítils, en mér koma í
hug orð Björns Halldórssonar:
Já, sefist sorg og tregi,
þér saknendur við gröf,
því týnd er yður eigi
hin yndislega gjöf:
Hún hvarf frá synd og heimi
til himins - fagnið því, -
svo hana Guð þar geymi
og gefi fegri á ný.
Útför Helgu verður í dag frá
Svínavatnskirkju, þar sem Helga
var í sóknarnefnd.
Megi algóður Guð á þessari
stundu styrkja ástvini hennar, sem
við sendum innilegar samúðarkveðj-
ur.
Auður og Sverrir Sveinsson
Frá menntamálaráðuneytinu:
Lausar stöður við grunnskóla
Norðurlandsumdæmi vestra:
Stöður skólastjóra við grunnskólana Hólum í Hjaltadal og Akra-
hreppi.
Stöður sérkennara í fræðsluumdæminu.
Stöður grunnskólakennara við grunnskólana: Siglufirði, meðal
kennslugreina íþróttir drengja, raungreinar, samfélagsfræði, erlend
mál og sérkennsla, Sauðárkróki, meðal kennslugreina danska og
tónmennt, Staðarhreppi V.-Hún, Rípurhreppi, Haganeshreppi,
Biönduósi, meðal kennslugreina kennsla yngri barna, tónmennt,
mynd- og handmennt, Höfðakaupstað, meðal kennslugreina íþróttir,
Hofsósi, meðal kennslugreina mynd- og handmennt, íþróttir, danska
og kennsla yngri barna, ódýrt húsnæði í boði, Laugarbakkaskóia,
meðal kennslugreina hannyrðir og íþróttir, ódýrt húsnæði í boði,
Vesturhópsskóla, meðal kennslugreina smíðar og handmennt,
Húnavallaskóla, meðal kennslugreina stærðfræði og raungreinar,
Steinsstaðaskóla.
Norðurlandsumdæmi eystra:
Stöður skólastjóra við grunnskólana: Hrísey, Lundi Úxarf. og
Svalbarðshreppi.
Stöður grunnskólakennara við grunnskólana: Akureyri, meðal
kennslugreina íslenska, stærðfræði, danska, enska, íþróttir, samfé-
lagsfræði, raungreinar, hand- og myndmennt, tónmennt, heimilis-
fræði, sérkennsla, Húsavík, meðal kennslugreina sérkennsla,
Dalvík, meðal kennslugreina danska, Grímsey, Hrísey, Saurbæjar-
hreppi, Svalbarðsströnd, meðal kennslugreina iþróttir, Bárðardal,
Lundi öxarfirði, Raufarhöfn, meðal kennslugreina íþróttir,
Þórshöfn, meðal kennslugreina íþróttir, handmennt, raungreinar,
Árskógarskóla, Þelamerkurskóla, meðal kennslugreina heimilis-
fræði, íþróttir, mynd- og handmennt, Grenivíkurskóla, meðal
kennslugreina íþróttir.
Útboð
Innkaupastofnun Reykjavíkurborgar f.h. Borgar-
spítalans í Reykjavíkóskareftirtilboðum í eldvarn-
arhurðir, um er að ræða hurðir af gerðunum A-60,
F-30 og B-30. Gert er ráð fyrir að bjóðendur leggi
til allt efni og alla vinnu, sjái um máltöku, uppsetn-
ingu, flutning, frágang og þéttingu. Gera má tilboð
í verkið í heild eða hluta þess.
Útboðsgögn eru afhent á skrifstofu vorri að Frí-
kirkjuvegi 3, Reykjavík gegn kr. 5.000 skilatrygg-
ingu.
Tilboðin verða opnuð á sama stað fimmtudaginn
30. júní kl. 11.00.
INNKAUPASTOFNUN REYKJAVIKURBORGAR
Frikirkjuvegi 3 - Simi 25800
Veiðileyfi
Veiðivötn í Landmannaafrétti verða opnuð mið-
vikudaginn 22. júní kl. 15.00.
Sala og pöntun veiðileyfa í Skarði Landmanna-
hreppi sími 99-5580 frá kl. 11 - 19.
Stjórnin.