Morgunblaðið - 04.05.2007, Síða 4

4 FÖSTUDAGUR 4. MAÍ 2007 MORGUNBLAÐIÐ
íþróttir
Vignir Svav-arsson,
landsliðsmaður í
handknattleik og
línumaður danska
úrvalsdeildarliðs-
ins Skjern, varð
markahæsti leik-
maður liðsins á
keppnistíma-
bilinu. Hann skoraði 116 mörk í 26
leikjum og varð í 16. sæti yfir marka-
hæstu leikmenn úrvalsdeildarinnar.
  
Arnór Atlason var markahæsturíslensku handknattleiksmann-
anna í dönsku úrvalsdeildinni. Hann
gerði 136 mörk í 22 leikjum fyrir
FCK Håndbold. Arnór var lengi vel
markahæstur en missti af fjórum
leikjum vegna meiðsla og það setti
strik í reikninginn.
  
Hans Lindberg, hornamaður Vi-borg og danska landsliðsins,
sem á íslenska foreldra, varð marka-
kóngur dönsku deildarinnar. Hans
skoraði 188 mörk í 26 leikjum.
  
Blackburn hefur fengið hinn 20ára Gunnar Nielsen, markvörð
frá Færeyjum, til reynslu.
  
Fabien Barthez, markvörðurinnlitríki, segist ekki vera að hætta
þó svo hann sé farinn frá franska lið-
inu Nantes. Stuðningsmenn liðsins
gerðu aðsúg að honum eftir tap fyrir
Rennes og ákvað hann að yfirgefa fé-
lagið af því tilefni. Hann segist þó
eiga minnst tvö ár eftir, finni það á
líkama sínum, og sjái því ekki ástæðu
til að hætta.
  
Pascal Cygan, miðvörður Vill-arreal, verður ekki meira með
félaginu í vetur. Hann meiddist á læri
í leik á móti Gimnastic á sunnudag-
inn var og telja læknar liðsins að
Frakkinn snjalli verði frá í eina tvo
mánuði.
  
MarcelloLippi,
þjálfari heims-
meistara Ítala,
virðist ákveðinn í
að taka sér lengra
frí frá knatt-
spyrnunni en
menn bjuggust
við. Flestir áttu
von á að hann
tæki við þjálfun einhvers félags eftir
yfirstandandi leiktíð en hann er ekki
viss. „Ég fer ekkert í sumar, ætla að
vera í fríi í fimm til sex mánuði í við-
bót í það minnsta,“ sagði Lippi í er-
indi sem hann hélt í háskóla í Mílanó í
gær og sagði að hann hefði fengið
nokkur tilboð frá félögum í Evrópu,
en engu ítölsku liði.
  
Asafa Powell, heimsmethafi í 100metra hlaupi karla, verður lík-
legast frá æfingum og keppni næstu
víkurnar vegna eymsla í hné. Powell
setti heimsmetið, 9,77 sekúndur, í
júní 2005 og hefur jafnað metið tví-
vegis og Justin Gatlin frá Bandaríkj-
unum hefur einu sinni náð sama tíma
og Jamaíkabúinn.
  
Hin fjögur fræknu í evrópskumkörfuknattleik hefst í dag í
Aþenu. Þar munu fjögur lið eigast
við, tvö frá Spáni, eitt grískt og eitt
rússneskt. Tau Ceramica og Unicaja
eru bæði frá Spáni, CSKA Moskva
kemur frá Rússlandi og Panathinai-
kos frá Grikklandi. Núverandi
meistari er CSKA Moskva, Unicaja
er í úrslitum í fyrsta sinn í 15 ára
sögu félagsins en Tau Ceramica er í
þriðja sinn í úrslitum, tapaði í úrslit-
um fyrir Maccabi Tel Aviv 2005. Þá
tapaði Panathinaikos fyrir Maccabi í
undanúrslitum en þetta er fyrsta
sinn síðan þá sem gríska liðið nær
svona langt.
Fólk sport@mbl.is
Eftir Skúla Unnar Sveinsson
skuli@mbl.is
Friðrik sagðist búast við að lítil
breyting yrði á stjórn sambandsins
þar sem engin framboð hefðu borist
nema frá þeim sem fyrir eru í
stjórninni. „Trúlega verður einhver
umræða um þá tillögu KKÍ að halda
ársþing annað hvert ár í stað þess að
halda það á hverju ári. Hvort sú til-
laga nær fram að ganga skal ósagt
látið, en hún mun altént skapa ein-
hverja umræðu og það er af hinu
góða,“ sagði Friðrik Ingi.
Hann sagði hugmyndina að þess-
ari tillögu fyrst og fremst þá að
marka stefnuna til tveggja ára og
vinna eftir henni í stað þess sem
stundum vildi gerast, að stefnu-
markandi málum væri breytt þing
eftir þing. Hann sagði að sér fyndist
nokkur umræða hafa verið um þetta
upp á síðkastið og því væri gott að fá
umræðu um þetta á þinginu.
Stjórn KKÍ leggur einnig fram
tillögu um að frá og með leiktíma-
bilinu 2008-09 verði öll lið í efstu
deild að hafa parket á sínum heima-
velli. „Þetta hefur verið rætt áður og
meðal annars var þingsályktunartil-
laga um þetta á síðasta þingi. FIBA
Europe er alltaf að pressa meira og
meira á sín aðildarsambönd að park-
et verði lögleitt sem eina tegundin af
gólfi sem leika má á í efstu deildum.
Eins vita allir hvað það er gríðar-
lega mikill munur á að hafa parket
eða dúk, ekki síst hvað varðar
meiðslahættu og álagsmeiðsli,“ seg-
ir Friðrik Ingi og bendir á að eðli-
legt geti talist að allir leikir í efstu
deild séu leiknir á samskonar gólfi.
„Það myndi sjálfsagt heyrast í ein-
hverjum ef leikir í efstu deildinni í
fótbolta færu fram á möl. Einhverjir
myndu segja að það væri meiri mun-
ur en á dúk og parketi, en ég held
það sé ekkert meiri munur en á
grasi og möl,“ sagði Friðrik Ingi.
Smávægileg breyting verður
hugsanlega gerð varðandi erlenda
leikmenn. „Það kemur tillaga frá
stjórninni um að einfalda félaga-
skiptin. Nú eru þau þannig að eftir
1. október tekur það mánuð fyrir Ís-
lending og Evrópumann að skipta
um félag, en við viljum einfalda
þetta þannig að fram til 5. febrúar
taki það bara daginn fyrir alla að
skipta um félag.
Svona er þetta víðast hvar í Evr-
ópu og við getum nefnt að Logi
Gunnarsson fékk tilboð frá Finn-
landi í október í fyrra, skrifaði undir
á fimmtudegi og var búinn að skora
yfir 30 stig í efstu deild í Finnlandi
tveimur dögum seinna. Þetta hefði
ekki verið hægt hér á landi. Ég veit
samt ekki hvort þessi tillaga fer í
gegn á þinginu þó að allir virðist
vera sammála þegar málin eru rædd
í smærri hópum,“ sagði Friðrik
Ingi.
Engin hitamál á þingi KKÍ
„ÉG á ekki von á miklu átakaþingi hjá okkur að þessu sinni, enda engin
mikil hitamál sem liggja fyrir,“ sagði Friðrik Ingi Rúnarsson, fram-
kvæmdastjóri Körfuknattleikssambands Íslands í gær, en körfuknattleiks-
menn halda 47. ársþing sitt að Flúðum um helgina.
Eftir Ívar Benediktsson
iben@mbl.is
Eins og Arnór sagði þá er óvíst hvort
hann getur tekið þátt í síðari undan-
úrslitaleik FCK og Viborg í dönsku
úrvalsdeildinni á morgun, en leikið
verður í Viborg á Jótlandi. Fjarvera
Arnórs er áfall fyrir FCK enda hefur
Arnór leikið afar vel með liðinu á
keppnistímabilinu og er markahæsti
leikmaður þess.
FCK, sem varð deildarmeistari á
dögunum, tapaði fyrri leiknum við
Viborg á heimavelli í Kaupmanna-
höfn á síðasta sunnudag, 26:29. Það
verður því við ramman reip að draga
hjá leikmönnum FCK en Arnór segir
leikmenn liðsins vera staðráðna í að
snúa taflinu sér í vil og leika til úr-
slita, annað hvort við meistaralið síð-
asta árs, Kolding, eða GOG sem eig-
ast við í hinni undanúrslitaviður-
eigninni. „Þetta verður erfiður
leikur í Viborg. Það fara fáir stuðn-
ingsmenn okkar með út á Jótland
þar sem fótboltalið FCK verður að
leika á heimavelli á sama tíma og
við,“ sagði Arnór.
Fyrst eftir að Arnór meiddist var
talið að hann yrði hálfan mánuð frá
keppni en sá tími er liðinn. „Maður
verður bara að vera þolinmóður,“
sagði Arnór.
Hinn Íslendingurinn í herbúðum
FCK, Gísli Kristjánsson, sagði að
ekkert annað en sigur kæmi til
greina gegn Viborg þótt vissulega
væri staðan erfið. „Ég vonast til að
verða danskur meistari áður en ég
fer frá FCK,“ sagði Gísli sem skrif-
aði í gær undir tveggja ára samning
við Fredericia HK, eins fram kom í
Morgunblaðinu í gær.
Morgunblaðið/Günter Schröder.
Í landsleik Arnór Atlason er hér í landsleik gegn Úkraínu.
Arnór með
gegn Viborg?
„ÉG glími enn við nárameiðslin og það er óljóst ennþá hvort ég verð tilbú-
inn í slaginn í seinni leikinn við Viborg, auðvitað vona ég það,“ sagði Arnór
Atlason, handknattleiksmaður hjá danska úrvalsdeildarliðinu FCK Hånd-
bold í samtali við Morgunblaðið. Arnór tognaði illa í nára í kappleik við
Kolding fyrir þremur vikum og hefur verið á hliðarlínunni síðan.
ÞAÐ er ljóst að þrír leikmenn hjá
Reading keppa um að verða leik-
maður ársins hjá liðinu. Valið verð-
ur kynnt um helgina.
Ívar Ingimarsson, sem hefur leik-
ið vel sem miðvörður og hefur lengi
vel verið fyrirliði liðsins, mun
keppa um nafnbótina við írska
landsliðsmanninn Stephen Hunt,
sem leikur sem miðvallarleikmaður
og vinstri bakvörðinn Nicky Sho-
rey, sem hefur leikið vel á keppn-
istímabilinu. Steve Coppell, knatt-
spyrnustjóri Reading, telur að það
eigi að velja þennan 26 ára varn-
armann í enska landsliðshópinn.
Á myndinni hér fyrir ofan má sjá
Ívar í baráttu við Shola Ameobi,
leikmann Newcastle, í leik liðanna
á Madejski Stadium í vikunni, 1:0.
Reuters
Ívar Ingimarsson leikmaður ársins hjá Reading?