Morgunblaðið - 25.09.2007, Síða 19

úr bæjarlífinu
MORGUNBLAÐIÐ ÞRIÐJUDAGUR 25. SEPTEMBER 2007 19
Haustlegur blær hefur verið yfir
bæjarlífinu á Þórshöfn síðustu vikur,
rysjótt veðrátta og kuldalegt. Vetur
konungur minnti á sig óþarflega
snemma en Öxarfjarðarheiðin lok-
aðist vegna snjóa strax um miðjan
september. Þykir fólki það heldur
snemmt því heiðin styttir leiðina til
Akureyrar um eina 70 kílómetra.
Það er þó bót í máli að loksins fara
að hefjast framkvæmdir við Hóla-
heiðarveg, sem leysir þá Öxarfjarð-
arheiði af hólmi en byrjað verður á
verkinu nú í haust.
  
Á köldum haustdögum er sumarauki
í suðurlöndum vel þeginn og sam-
félagið hérna ber þess vel merki
þessa dagana því um 30% fólks á
vinnumarkaðnum brugðu sér út í
sólina til Tyrklands. Það er starfs-
fólk Hraðfrystistöðvar Þórshafnar
og þeirra fólk sem nýtur hins ljúfa
lífs þar en einnig eru í sólarlöndum
áhafnir og annað starfsfólk skipanna
Júpíters og Geirs. Á meðan norpa
hin sjötíu prósentin heima í rigning-
arslyddu og roki.
  
Lokið er fyrstu smölun haustsins á
heiðalöndum en veður var heldur
óhagstætt, þoka og slyddubleyta og í
Álandstungu var snjór í innheiði,
sem tafði smölun. Eitt af mörgum
haustverkum bænda er að velja líf-
lömbin en leið lambanna sem ekki
hljóta náð fyrir augum bænda liggur
beint í sláturhúsið. Bændur nýta sér
nú tæknina við þetta vandasama val
en nánast á hverjum bæ fer valið eft-
ir niðurstöðum mælinga úr ómsjá.
Ráðunautur mætir í fjárhúsin með
ómsjá og í sónarskoðuninni er mæld
fita lambanna en einnig þykkt og
lögun bakvöðvans. Mælingar eru ná-
kvæmar og þykkur bakvöðvi eftir-
sóknarverður ræktunareiginleiki. Í
Þistilfirði stendur fjárrækt á göml-
um merg og lengi hafa verið stund-
aðar kynbætur á fé en eitt elsta fjár-
ræktarfélag landsins er Þistill.
Ræktun hefur vissulega skilað ár-
angri en í mælingu nú á dögunum
mældist bakvöðvi veturgamals hrúts
á Gunnarsstöðum 48 mm sem er
með því þykkara sem mælst hefur.
  
Þetta árið virðast ómsjármælingar
koma heldur lakar út en undanfarin
ár og giska menn helst á þurrka
sumarsins sem ástæðu þess. Hrútar
koma almennt verr út úr ómmæl-
ingu en gimbrarnar og því má velta
fyrir sér hvort karlkynið almennt
þoli mótlætið verr heldur en hið
„veikara“ kyn. Í sláturhúsi Fjalla-
lambs virðist vigtin í lægri kantinum
við fyrstu sýn, miðað við fyrri ár,
þótt ekki sé hægt að fullyrða það
fyrr en slátrun lýkur.
ÞÓRSHÖFN
LÍNEY SIGURÐARDÓTTIR
Morgunblaðið/ Líney Sigurðardóttir
Mælingar Val líflamba fer að mestu fram eftir niðurstöðum mælinga úr
ómsjá og er þykkur bakvöðvi eftirsóknarverður eiginleiki.
Fjeritigi kringlur í Rússlandi“er yfirskrift limru Heimis
Pálssonar í tilefni af umfjöllun í
Morgunblaðinu um íslenskan
auðmann í Rússlandi.
Ég hef andstyggð á þessu auðmagni
sem æðir um heiminn á nauðvagni
þeirra sem eiga
ekkert né mega;
ég óttast það verði að dauðmagni.
Heimir auglýsti jafnframt eftir
fleiri rímorðum á móti auðmagni.
Davíð Hjálmar Haraldsson brást
skjótt við:
Af naglanum súpuna sauð Magni,
hún sýndist með tasverðu
frauðmagni,
og glundrið bauð falt,
það var görótt og salt
svo Vilko hann bætt’í og brauðmagni.
Og Ármann Þorgrímsson:
Ýmsir þó vaxandi auð fagni
og engu það skipti þó nauð magni
Það kemur að því
að kolunum í
kviknar og för hefst með dauðvagni.
Þá Hálfdan Ármann Björnsson:
„Gott er að beita brauðagni
og búa um vel á króknum,“
skelmirinn mælti, skauðlagni,
og skákaði svo með hróknum.
Hreiðar Karlsson furðar sig á
„trúlausri“ hjónavígslu
Siðmenntar í Fríkirkjunni.
Margt er í kýrhausnum undarlegt enn,
örðugt að skilja hvað gerist þar.
Troðast í kirkjuna trúlausir menn
til þess að njóta blessunar.
Á bloggsíðu Hallmundar
Kristinssonar, hallkri.blog.is, er
stutt haustvísa:
Mér finnst komið muni haust.
Mjög er kalt á fótum.
Ekki get ég endalaust
ort á léttum nótum.
VÍSNAHORNIÐ
Af auð-
magni og
limrum
pebl@mbl.is
og fagnar því ummæl-
um Páls Magnússonar
í grein hans hér í
Morgunblaðinu sl.
fimmtudag þar sem
hann biðst ekki sér-
staklega afsökunar á
beinum útsendingum
frá tveimur lands-
leikjum fyrr í mán-
uðinum. Þetta er fram-
för, Páll.
Að sama skapi furð-
ar Víkverji sig á því að
Salvör skuli í grein í
blaðinu í gær líta á það
sem fagnaðaefni að
hlutur íþrótta á kjör-
tíma fari minnkandi.
Hvers vegna er óæskilegt að sýna
íþróttir á kjörtíma? Er nokkuð bet-
ur til þess fallið að sameina þessa
þjóð en einmitt íþróttir? Það höfum
við upplifað aftur og aftur á stór-
mótum í handbolta. Og hvað ef
knattspyrnulandslið, kvenna eða
karla, tæki loksins þátt í lokakeppni
stórmóts? Víkverji fullyrðir að ekki
yrði um annað talað í landinu á
meðan – nema kannski heima hjá
Salvöru Nordal.
x x x
Það er tímaskekkja að stillamenningu og íþróttum upp
sem keppinautum. Þetta tvennt get-
ur hæglega unnið saman og bætt
hvað annað upp. Það veit Víkverji.
Vonandi veit útvarpsstjóri það líka.
Víkverji er áhuga-maður um menn-
ingu og listir. Hann er
líka áhugamaður um
íþróttir og á vont með
að skilja hvers vegna
fólk hefur tilhneigingu
til að stilla þessu
tvennu upp sem and-
stæðum.
x x x
Tilefni þess að Vík-verji vekur máls á
þessu nú er ágrein-
ingur Páls Magnús-
sonar útvarpsstjóra og
Salvarar Nordal,
heimspekings og sjón-
varpsáhorfanda, sem skipst hafa á
greinum í Morgunblaðinu und-
anfarna daga. Salvör sakar Sjón-
varpið um þjónkun við íþróttaefni á
kostnað menningar og lista en Páll
segir tímasetningu þeirrar at-
hugasemdar óheppilega í ljósi þess
að sjaldan hafi hlutur íþrótta á kjör-
tíma Sjónvarpsins verið jafn lítill og
núna – og fari minnkandi – og að
sama skapi hafi hlutur menningar-
efnis sjaldan eða aldrei verið jafn
stór og núna – og fari vaxandi.
x x x
Víkverji lýsti í pistli fyrir hálfummánuði vonbrigðum sínum
með þann ósið Sjónvarpsins að láta
alltaf hrekja sig í vörn vegna beinna
útsendinga frá knattspyrnuleikjum
 


   
 víkverji skrifar | vikverji@mbl.is
ÞAÐ er ekki hægt
annað en að segja að
augnaráð þessarar
kisu sé fullt tortryggni
í garð ljósmyndarans.
Kötturinn sem er af
tegundinni kandaískur
sphinx var myndaður
á alþjóðlegu dýrasýn-
ingunni Pet Expo í
Ríga í Lettlandi um
helgina. Reuters
Ertu að
horfa
á mig?
Fréttir í tölvupósti
Af hverju að bíða og bíða eftir stóra vinningnum þegar þú getur unnið
fyrir öllu sem þig langar að eignast? Það eina sem þú þarft að gera
er að bera út blöð í 1-3 tíma á dag.
Besta aukavinna sem þú getur fundið og góð hreyfing í þokkabót!
Hringdu núna og sæktu um í síma 569 1440 eða á mbl.is!
Sæktu um blaðberastarf
– alvörupeningar í boði!
Helgistundir í Bahá’í Miðstöðinni
Bæna- og helgistundir eru haldnar öll miðvikudagskvöld,
kl. 20.15 í Bahá’í miðstöðinni, Öldugötu 2, Reykjavík.
Húsið opnað kl. 19.45. Allir velkomnir.
Bænir og ritningar allra trúarbragða.
Bahá’í samfélagið í Reykjavík • www.bahai.is