Morgunblaðið - 08.12.2007, Qupperneq 27

MORGUNBLAÐIÐ LAUGARDAGUR 8. DESEMBER 2007 27
AKUREYRI
ÁRLEGIR Aðventutónleikar Sin-
fóníuhljómsveitar Norðurlands
verða í Íþróttahöllinni í dag, laug-
ardag, kl. 18. Einsöngvari með
hljómsveitinni að þessu sinni er
Garðar Thór Cortes. Með hljóm-
sveitinni koma einnig fram Söng-
félagið Sálubót og Lára Sóley Jó-
hannsdóttir sem leikur einleik á
fiðlu. Stjórnandi er Guðmundur
Óli Gunnarsson.
Á efnisskránni er jóla- og að-
ventutónlist, m.a. eftir Antonio
Vivaldi, Ottorino Respighi, Leroy
Anderson, og útsetningar á jóla-
tónlist eftir Óskar Einarsson og
Guðmund Óla Gunnarsson svo eitt-
hvað sé nefnt.
Garðar Thór Cortes er einn af
fremstu söngvurum Íslands. Hann
lærði söng við Söngskólann í
Reykjavík og fór þaðan til fram-
haldsnáms í Austurríki en síðan
fór hann til Kaupmannahafnar þar
sem hann stundaði næstu árin nám
hjá Andrei Orlowitz. Síðar stund-
aði hann nám við óperudeildina í
Royal Academy of Music. Árið
1999 urðu straumhvörf á ferli hans
þegar honum bauðst aðalhlutverk-
ið í Phantom of the Opera í Kon-
unglega leikhúsinu í West End í
London. Hann hefur komið fram
víða um heiminn, sungið með
þekktum söngvurum, m.a. Kiri Te
Kanawa og Natasha Marsh. Hann
gaf út hljómplötu sína Cortes í
Bretlandi í vor og fór hún beint í
fyrsta sæti klassíska sölulistans í
þar. Eftir tónleikana hér fer Garð-
ar til Bretlands að syngja við sjó-
setningu Queen Victoriaen. At-
höfnin fer fram í Brighton að
viðstaddri bresku konungsfjöl-
skyldunni.
Lára Sóley Jóhannsdóttir nam
fiðluleik við Tónlistarskólann á
Húsavík og Tónlistarskólann á Ak-
ureyri. Árið 2002 hóf hún nám við
The Royal Welsh College of Music
and Drama og lauk þaðan B.Mus.
Honours-gráðu sumarið 2006.
Lára var konsertmeistari sinfóníu-
og óperuhljómsveitar skólans sum-
arið 2006 og lék einnig einleik með
strengjasveitinni. Hún var valin til
að vera fulltrúi skólans í sam-
starfsverkefni í Singapúr við Nan-
yang tónlistarháskólann vorið
2005. Lára lék í þrjú ár með Sin-
fonia Cymru sem skipuð er nem-
endum úr öllum helstu tónlistarhá-
skólum Bretlands og hefur leikið
með fjölda kammerhópa. Lára Sól-
ey starfar nú sem fiðlukennari við
Tónlistarskólann á Akureyri.
Í HNOTSKURN
»Söngfélagið Sálubót, semstofnað var 1993, er bland-
aður kór sem starfar í Suður-
Þingeyjarsýslu. Kórfélagar eru
um fimmtíu og búa flestir í Þing-
eyjarsveit auk nokkurra sem búa
á Húsavík, í Mývatnssveit og á
Akureyri. Stjórnandi kórsins er
Eistlendingurinn Jaan Alavere.
Lára Sóley
Jóhannsdóttir
Garðar Thór
Cortes
Garðar Thór og
Sinfó í Höllinni
UPPSKERUHÁTÍÐ Evrópuárs jafnra tækifæra í skólum Akureyrarbæjar verður haldin 19. desember. Undan-
farnar vikur hafa nemendur í 7. bekk Lundarskóla rætt og ritað um mannréttindi og sáttmálann um réttindi
barnsins. Þar fengu þeir, m.a. þessar stúlkur, Mannréttindabókina að gjöf frá Rauða krossinum.
Morgunblaðið/Skapti Hallgrímsson
Fræðast um mannréttindi
MÁLÞING verður haldið á mánu-
daginn í Ketilhúsinu á vegum Há-
skólans á Akureyri og Utanrík-
isráðuneytisins. Yfirskriftin er
„Mannréttindi í utanríkisstefnu Ís-
lands - Hvers vegna?“
Meðal framsögumanna eru Ingi-
björg Sólrún Gísladóttir utanrík-
isráðherra, Guðmundur Alfreðsson
prófessor og Árni Snævarr fulltrúi
á upplýsingaskrifstofu Sameinuðu
þjóðanna í Evrópu. Málþingið verð-
ur kl. 14-16 og er öllum opið.
Mannréttindi í
utanríkisstefnu
Í TENGSLUM við 16 daga átak
gegn kynbundnu ofbeldi efna Leik-
félag Akureyrar og Jafnréttisstofa
til sérstakrar aukasýningar á leik-
ritinu Ökutímum á morgun, sunnu-
dag, kl. 20. Á eftir verða umræður
sérfræðinga, leikhúsfólks og horf-
enda. Meðal þátttakenda eru Krist-
ín Ástgeirsdóttir, framkvæmda-
stýra Jafnréttisstofu, Sigrún
Sigurðardóttir hjúkrunarfræð-
ingur, María Reyndal leikstjóri og
allur leikhópurinn.
Umræður
eftir sýningu
LEIKRITIÐ Óvitar víkur senn fyrir
Fló á skinni þrátt fyrir að uppselt
sé á allar sýningar LA á verkinu.
Fló á skinni verður frumsýnd í
Samkomuhúsinu eftir áramót og
síðustu sýningar á Óvitum verða
því um áramótin. Að sögn leik-
hússtjórans, Magnúsar Geirs Þórð-
arsonar, er ljóst að færri munu
komast að en vilja og er þess vegna
unnið að því þessa dagana að Óvit-
ar geti snúið aftur á svið eftir tæpt
ár, í september 2008.
Óvitar víkja
fyrir Flónni
20 mínútur og því verður ekki löng
bið eftir að komast að. Fólk er
hvatt til að mæta og kynna sér
þessa miklu framkvæmd,“ segir í
fréttinni.
Hof til sýnis almenningi
Arkþing
HIÐ nýja menningarhús
Hof á Akureyri verður
til sýnis fyrir almenn-
ing sunnudaginn 9.
desember klukkan 13-
15. Mögulegt verður
að ganga um fyrstu
hæðina og líta inn í að-
alsal hússins sem kemur til með að
rúma 500 manns í sæti. Þannig
gefst tækifæri til að kynna sér þá
gífurlegu möguleika sem í húsinu
felast og kynnast byggingunni af
eigin raun, segir í frétt frá bænum.
„Af öryggisástæðum verður far-
ið inn í bygginguna í 30-40 manna
hópum og fær hver hópur leiðsögn
um húsið. Hver ferð tekur um 15-
PLÚSFERÐIR – Lágmúla 4 – 105 Reykjavík - Sími 535 2100
Bókaðu strax á www.plusferdir.is
Gefðu
sólargjöf...
Ferðaskrifstofa
Jólapakki 1 - Kanarí
4. janúar til 26. febrúar
39.900* kr.
Verð frá:
Verð frá 39.900 kr. á mann m.v. 2 í gistingu á Paraiso,
Las Tartanas eða sambærilegri gistingu í 7 nætur.
Aukavika: 15.000 kr. á mann, bókast á skrifstofu.
Jólapakki 2 - Kanarí
4. janúar til 26. febrúar
44.900* kr.
Verð frá:
Verð frá 44.900 kr. á mann m.v. 2 í gistingu á Roque Nublo,
Montemar eða sambærilegri gistingu í 7 nætur.
Aukavika: 18.000 kr á mann, bókast á skrifstofu.
*Gisting getur verið íbúð, stúdíó, smáhýsi eða hótelherbergi.
Takmarkað sætaframboð og gisting í boði í hverja brottför
- fyrstur kemur fyrstur fær.