Morgunblaðið - 08.12.2007, Qupperneq 35

MORGUNBLAÐIÐ LAUGARDAGUR 8. DESEMBER 2007 35
B O Ð S K O R T
Þér er boðið á 2. uppboð okkar þann
9. desember í IÐNÓ við tjörnina í Reykjavik.
Dagskrá:
Kl. 14.00 Frímerki.
Kl. 15.30 Póstkort og mynt.
Kl. 16.30 Listmunir, handverk og fágætar bækur.
Forsýning verður á Austurströnd 1,
Seltjarnarnesi þann 8 des. frá kl 11-18.
Heitt á könnunni og meðlæti á staðnum.
Einning er hægt að skoða uppboðshluti
á netinu, www.aa-auctions.is.
M
bl
9
45
43
1
Hættumat fyrir
Tálknafjörð
Hættumatsnefnd Tálknafjarðarhrepps
Í samræmi við ákvæði laga nr. 49/1997 og reglugerðar nr. 505/2000 hefur
verið unnin tillaga að hættumati vegna ofanflóða fyrir Tálknafjörð. Tillagan
liggur nú frammi til kynningar á skrifstofu Tálknafjarðarhrepps. Athugasemdum
skal skilað til Tálknafjarðarhrepps í síðasta lagi 11. janúar 2008.
Bak við klæðninguna leynist
ótrúlegt geymslurými. Þó er erfitt
að gera sér grein fyrir því, þar sem
engir húnar eru á hurðunum, að-
eins smellulæsingar svo nóg er að
þrýsta á hurðina til þess að hún
opnist. „Með því að klæða gólf og
vegg á þennan hátt sýnist gólfflöt-
urinn miklu stærri,“ segir eigin-
maðurinn. „Og þarna er líka súðin
sem mér finnst svo notaleg,“ segir
frúin. „Gamla íbúðin mín var undir
súð svo þetta er ekki fyrsta íbúðin
með súð sem ég hef búið í.“
Risarennihurðir
Í þessu athyglisverða alrými á
efri hæðinni, sem meira að segja
svefnherbergi hjónanna tilheyrir að
hluta til, a.m.k. þegar plexigler-
hurðin er ekki dregin fyrir, er sjón-
varpshorn og auk þess vinnuhorn
fjölskyldunnar með tölvu og til-
heyrandi, eins og gerist og gengur
á íslenskum heimilum. Þarna geta
allir látið fara vel um sig og nóg
pláss er fyrir synina vilji þeir leika
sér smávegis í návist foreldranna,
sama hvort þau eru við tölvuna eða
að horfa á sjónvarpið.
„Við fjölskyldan eigum margar
góðar samverustundir á efri hæð-
inni. Eini ókosturinn við þetta rými
er að ekki er hægt að opna nógu
marga glugga,“ segja hjónin.
„Reyndar bara tvo. Á sumrin er
stundum svo heitt hér að við verð-
um að vera með viftu.“ Trúlega er
þó ekkert að vandbúnaði að setja
fleiri opnanleg fög í gluggana, enda
mun það vart vera sýnileg útlits-
breyting á húsinu sem slíku en
gera lífið bærilegra á stöðugt heit-
ari íslenskum sumardögum og nótt-
um.
Mikið jólabarn
Nú þegar jólin eru að nálgast er
gaman að fá að vita hvernig þau
birtast á svona mínimalisku heimili.
Er leyfilegt að hengja upp jóla-
skraut?
„Manninum mínum finnst ég
stundum ofgera þegar kemur að
skreytingunum. En það er nú ekki
svo mikið sem bætist við, finnst
mér, enda er ég mikið jólabarn.
Auðvitað verður að vera jólatré og
stjörnur í gluggunum og síðan set
ég grenigreinar á handriðið og
skreyti með kúlum. Ég reyni að
gera umhverfið jólalegt fyrir strák-
ana og jólabarnið sjálfa mig.“
Ég bendi á að hjónin geti auðvit-
að horfið til einfaldleikans aftur
þegar börnin eru farin að heiman.
Þau samþykkja það. Annars er
ljóst að lengi býr að fyrstu gerð því
eiginmaðurinn er alinn upp í skand-
inavísku umhverfi en eiginkonan
segir: „Þegar við vorum að kynnast
var ég miklu meira í Laura Ashley-
stílnum. Ég var hrifin af íbúðum
undir súð og leitaði sérstaklega að
slíkri íbúð þegar við vorum að
kaupa á sínum tíma. Mér finnst
þær alltaf svo „kósí“ og huggu-
legar. Þessi notalegheit kalla ég nú
orðið fram með kertunum og fal-
legum smáhlutum. Og það fyrsta
sem ég geri þegar ég kem heim er
að kveikja á kertum. Ég hugsa að
ég myndi kannski ekki fara aftur í
Lauru Asley-stílinn, og þó, kannski
ef komin væri pínulítil stelpa! Her-
bergið hennar yrði kannski í slíkum
stíl og eiginmaðurinn fengi þar
engu um ráðið.“
í skandinavískan einfaldleika
Norræn hönnun Mest ber á skandínavískum húsgögnum á þessu fallega heimili. Borðið fyrir
framan sófann hannaði Ólöf Jakobína Erludóttir. Hreindýrið hefur tekið sér stöðu fyrir jólin.
Létt yfir öllu Á veggjunum eru hvítar Montana hillur sem flestar eru lokaðar. Yfir hillunum í
stofunni hanga myndir eftir Hildi Pálu, vinkonu húsmóðurinnar.
Rúmt við borðstofuborðið Á borðstofuveggnum hangir málverk eftir Sossu og ljósið sem
hangir yfir borðstofuborðinu er danskt PH ljós.
Parket upp á vegg Þessi aðferð við að leggja parketið stækkar gólfflötinn, sjónrænt a.m.k.
Bak við parketlagða veggina leynist ótrúlega mikið geymslupláss.