Sjómannablaðið Víkingur - 01.07.1992, Page 32

V I K I N G U R
BESTU SÝNENDUR Á BELLA
CENTER
Á alþjóðlegu sjávarútvegssýning-
unni í Bella Center í Kaupmanna-
höf'n var sýningarbás Islands út-
nefndur sem besti sameiginlegi bás
sýningarinnar. Verðlaun fyrir bestan
bás einstaks fyrirtækis féllu hins
vegar í hlut Alfa-Laval.
Útflutningsráð skipulagði íslenska
básinn sem sýnendur héðan samein-
uðust um. Þetta var í fimmta sinn
sem slík sýning fór fram í Bella Cent-
er og voru sýningargestir yfir átta
þúsund frá unt 60 löndum. Yfir 400
fyrirtæki frá 24 löndum kynntu
þarna framleiðslu sína.
VILJA JAFNSTÖÐUAFLA
Mjög er rætt um tillögur Hafrann-
sóknastofnunar um að skerða þorsk-
veiðiaflann dl muna eða úr 265
þúsund tonnum niður í 190 þúsund
tonn á næsta fiskveiðiári og síðan
niður í 175 þúsund tonn næstu tvö
fiskveiðiár. Flestir stjórnmálaforingj-
ar og margir hagsmunaaðilar í sjáv-
arútvegi telja óhjákvæmilegt að fylgja
þessum tillögum. En Einar Oddur
Kristjánsson vill gjalda varhug við
tillögum fiskifræðinga og segir að
hann og fjölmargir útgerðarmenn
vestra telji hvorki að aðferðir fiski-
fræðinga séu réttar né nokkur trygg-
ing sé fyrir því að þorskstofninn vaxi
þótt farið verði eftir tillögunum.
„Við höfum fyrir löngu lagt til að
hér sé jafnstöðuafli. Það að veiða 250
þúsund tonn á síðasta ári er rétt um
60% af því sem við höfum veitt síð-
ustu 70 árin. Okkur finnst eðlilegt að
það verði gert áfram," segir Einar
Oddur í Mogganum.
HAFNFIRÐINGAR SPÁ í
TOGARA
Umsvif Fiskmarkaðarins hf. í
Hafnarfirði hafa dregist saman,
meðal annars vegna fjölgunar mark-
aða í landinu. Hafa Hafnfirðingar
haft af þessu nokkrar áhyggjur enda
nokkurt atvinnuleysi í Firðinunt.
Óformlegar þreifingar hafa átt sér
stað um stofnun hlutafélags í þeint
tilgangi að kaupa togara til bæjarins
sem landaði afla sínum þar. Hefur
Verkamannafélagið Hlíf meðal ann-
ars hvatt til þess að Hafnarfjarðar-
bær stuðli að togarakaupum. Sam-
kvæmt þeim upplýsingum sem Vík-
ingur hefur aflað sér hafa
bæjaryfirvöld samþykkt að leggja
fram samtals 10 milljónir króna í
hlutafé til togarakaupa ef hlutafélag
verður stofnað í þeim tilgangi.
Kæmu þá fimm milljónir úr bæjar-
sjóði og sarna upphæð úr hafnar-
sjóði.
32