Fálkinn - 11.01.1961, Blaðsíða 22

Að pressa bitxur
Áhöldin, sem nota á, þurfa að vera
í lagi. Fyrst og fremst góða undir-
breiðslu á strauborðinu; gott, stórt strau-
járn; góðan, helzt flatan bursta, og stór-
an pressuklút. Skal þess gætt, að hafa
alltaf klút á milli straujárnsins og þess,
sem pressa á. Straujárnið má aldrei
setja beint á efnið, og eins skal þess
gætt, að halda því ekki lengi kyrru á
sama stað. Straujárnið getur sett far,
sem oft er erfitt að ná burt.
Burstið fyrst allt ryk úr buxunum
og hreinsið bletti, ef þeir eru. (Mynd 1).
Fyrst er hnéfarið pressað úr buxun-
um. Önnur skálmin er lögð upp á strau-
borðið, brotið látið vera á miðju. Rak-
ur klútur lagður yfir, og hnéð pressað
þannig, að maður rennir straujárninu
inn að miðju. (Mynd 2).
Skálminni snúið, svo að brotin komi
til hliðanna. Hin skálmin vafin snyrti-
lega saman. Rakur klútur lagður yfir
og brotið pressað. (Mynd 3).
Jafnóðum og brotið er pressað, er guf-
an slegin úr efninu með bakinu á fata-
burstanum.
Buxurnar látnar hanga, svo loft leiki
um þær til næsta dags. Allt er unnið
fyrir gíg, ef farið er í þær strax.
Þurfi einnig að pressa buxurnar að
ofan, er það gert áður en brotin eru
pressuð, og þá þægilegt að notast við
ermabretti.
Fyrsta skilyrðið fyrir því, að hárið
sé fallegt, er, að það sé hreint. Þá
fyrst getur það kallazt með réttu
PRÝÐI KONUNNAR
Jú, þér gátuð yður rétt til, það er hár-
ið. En fyrsta skilyrðið fyrir því, að hár-
ið sé fallegt, er að það sé hreint — gull-
hreint. Það eru leifar af gamallri hjá-
trú, að hárið þoli ekki tíðan þvott. En
því fer víðs fjarri um heilbrigt hár, og
nauðsynlegt er að þvo það að minnsta
kosti á 10 daga fresti, ef ekki vikulega,
hafi það tilhneigingu til að verða feitt.
Auk þess fer það eftir því, við hvaða
starf er unnið. Hver húsmóðir ætti t. d.
alltaf að hlífa hárinu með hvítri hyrnu,
þegar hún steikir eða matbýr, því að
hárið, sem og ull, drekkur í sig alla lykt,
og ekki er ákjósanlegt að anga af mat-
seðli vikunnar.
Höfuðskilyrðið fyrir góðum hárþvotti
er að gott þvottaefni (shampoo) sé not-
að. Hvað hverjum og einum fellur
bezt, verður alltaf álitamál, því
að nú fást þvottaefni bæði fljótandi og
sem krem og duft. Vatnið má hvorki
vera of heitt eða kalt, og skolvatnið
borgar sig ekki að spara. Núið hársvörð-
inn vel, einkum i hnakkanum, en þar
er hárið feitast. Skolið vel. Sé sápa eft-
ir, verður hárið líflaust og eins og mött
slikja á því. Þerrið hárið lauslega og
burstið það síðan vel með bursta.
Sé hárið óeðlilega feitt á að velja
shampoo, sem ætlað er feitu hári, en
gamalt húsráð er að þvo hárið úr eggja
rauðu. Bleytið hárið; hrærið tvær eggja-
rauður út með dálitlu vatni og núið
þeim vel inn í hársvörðinn og hárið.
Eggjarauðan hreinsar undarlega vel og
hárið verður mjúkt og auðvelt viðfangs.
Ljóst hár er ágætt að skola seinast úr
kamillutei og sé dökkt hár skolað úr
því fær það gylltan blæ. Þegar leggja
á hárið, er ágætt að láta pilsner í það,
þá endist lagningin betur. Gleymið ekki
að láta klippa og þynna hárið reglulega.
En mörgum konum er illa við að láta
þynna hárið, en er nauðsynlegt, ef hár-
ið er þykkt, ef það á að geta lagzt
eðlilega.
Sé hárið mjög þurrt, verður það fölt