Tímarit iðnaðarmanna - 01.09.1962, Qupperneq 7
Þennan dag var konum iðnþingsfulltrúa boðið í
ferð út á Skaga og um kvöldið á kvikmyndasýningu.
Laugardagur 23. júní
Fundur hófst kl. io og lagði þá Gísli Ólafsson fram
tillögur kjörnefndar.
Or stjórn Landssambands iðnaðarmanna átti að
ganga Jón E. Ágústsson, málaram., en kjörnefnd lagði
til að hann yrði endurkjörinn. Var það samþykkt sam-
hljóða. I varastjórn voru auk þess einróma kjörnir:
Guðjón Magnússon, skósm.m., Guðmundur H. Guð-
mundsson, húsgagnasm.m., Gísli Ólafsson, bakaram.,
Siguroddur Magnússon, rafv.m. og Sigurður Kristins-
son, málaram. Endurskoðendur voru ennfremur kosnir
samhljóða: Helgi H. Eiríksson og Sigurjón Vilhjálms-
son.
I lífeyrissjóðsnefnd voru kosnir: Þórir Jónsson,
framkv.stj., Ingólfur Finnbogason, húsasm.m., Gunnar
Björnsson, bifreiðasm.m., Þorgeir Jósefsson, vélvirkja-
meistari og Eyþór Þórðarson, vélvm. og til vara Haf-
steinn Guðmundsson, prentsmiðjustjóri.
Þá tók til máls Guðmundur Halldórsson, forseti
Landssambandsins, og skýrði frá því, að stjórn sam-
bandsins legði til, að Einar Höstmark, framkvæmda-
stjóri Norska iðnaðarmannasambandsins, Guðmund-
ur H. Guðmundsson, húsgagnasmíðameistari og Tóm-
as Vigfússon, húsasmíðameistari, yrðu sæmdir heiðurs-
merki iðnaðarmanna úr gulli. Var tillaga þessi sam-
þykkt samhljóða.
Að svo búnu ávarpaði Guðmundur Halldórsson
iðnþingsfulltrúa og þakkaði þeim vel unnin störf.
Einnig þakkaði hann þingforsetum og starfsmönnum
þingsins störfin og sérstaklega iðnaðarmönnum á
Sauðárkróki fyrir ágætar móttökur.
Að svo búnu flutti Adolf Björnsson þingforseti loka-
orð. Hann þakkaði fundarmönnum ágæta samvinnu og
óskaði þeim góðrar heimferðar og heimkomu.
Risu fundarmenn þá úr sætum og sungu: Island
ögrum skorið.
Síðan var þingi slitið.
Áður en iðnþingsfulltrúar fóru frá Sauðárkróki var
haldið veglegt matarboð í boði bæjarstjórnar Sauðár-
króks. Stýrði því Guðjón Sigurðsson, forseti bæjar-
stjórnar.
Margar ræður voru haldnar í hófinu og rómuðu
allir iðnþingsfulltrúar, sem til máls tóku, frábærar mót-
tökur og gestrisni Sauðárkróksbúa.
Að loknu borðhaldi héldu flestir iðnþingsfulltrúar
heim á leið, og voru þeir, sem fóru til Reykjavíkur,
komnir suður kl. 2 um nóttina.
B. H.
FIMMTUGUR
Oigfús
SiguriSssoH
varaforseti
Landssambands
Iðnaðarmanna
Hinn 22. maí s.l. var Vigfús Sigurðsson, framkvæmda-
stjóri, Hafnarfirði, fimmtugur. Hann er ættaður frá
Suðurkoti í Grímsnesi, sonur hjónanna Ingveldar Ein-
arsdóttur og Sigurðar Jónssonar.
Vigfús fluttist til Hafnarfjarðar 1925 og hefur búið
þar síðan. Hann lærði húsasmíðaiðn hjá Þóroddi
Hreinssyni og Árna Sigurjónssyni og tók sveinspróf
árið 1934. Vann hann síðan byggingavinnu og stóð fyr-
ir byggingaframkvæmdum, var einn af stofnendum
Skipasmíðastöðvarinnar Drafnar h.f. og Byggingafé-
lagsins Þórs h.f. og hefur verið framkvæmdastjóri fyr-
irtækjanna frá 1948.
Snemma hóf Vigfús afskifti af félagsmálum, og hef-
ur hann gegnt mörgum trúnaðarstöðum í samtökum
iðnaðarmanna. Hann var í stjórn Iðnaðarmannafélags
Hafnarfjarðar 1935 til 1938 og aftur 1952 til 1961, í
stjórn Trésmiðafélags Hafnarfjarðar 1938 til 1952. Þá
var hann í stjórn Iðnráðs Hafnarfjarðar um árabil og
formaður þess um skeið. Vigfús átti mikinn þátt í
stofnun Félags ísl. dráttarbrautaeigenda og hefur stutt
að vexti og viðgangi félagsins.
Vigfús Sigurðsson var kosinn í stjórn Landssam-
bands iðnaðarmanna 1952, og varaforseti var hann
kjörinn 1960.
Auk félagsstarfa hjá iðnaðarsamtökunum hefur Vig-
fús starfað í söngfélaginu Þrestir í Hafnarfirði og hef-
ur verið þar í stjórn á annan áratug.
I síðustu bæjarstjórnarkosningum í Hafnarfirði var
Vigfús kosinn í bæjarstjórn fyrir Alþýðuflokkinn.
Þótt Vigfús Sigurðsson sé enn ungur að árum, hefur
hann eins og að framan er getið, lagt gjörva hönd á
margt, enda er hvort tveggja, að maðurinn er duglegur
og ósérhltfinn. I félagsmálastarfi er varla hægt að
hugsa sér samvinnuþýðari og tillögubetri mann.
Tímarit iðnaðarmanna sendir Vigfúsi Sigurðssyni
beztu kveðjur á þessum tímamótum með þeirri ósk, að
hann eigi fyrir höndum langt starf hjá samtökum iðn-
aðarmanna.
B. H.
TÍMARIT IÐNAÐARMANNA
99