Tímarit iðnaðarmanna - 01.09.1962, Síða 9

þinghalds, bæði hvað snerti fundarboðun og einnig
var gengið frá málaskrá, en hún var í 7 liðum og á
þessa leið:
1. Sölufyrirkomulag á innlendri framleiðslu innan
lands.
2. Skólamál - fræðslumál.
3. Tollamál.
4. Iðnaðarlöggjöfin.
5. Skipulagsmál.
6. Stofnun nýrra iðnfyrirtækja.
7. Gjaldeyrisverzlun og iðnaður.
Þetta fyrsta Iðnþing er svo sett í Baðstofu iðnaðar-
manna, laugardaginn 18. júní 1932 af formanni Iðnráðs
Reykjavíkur, Helga H. Eiríkssyni, skólastjóra iðnskól-
ans í Reykjavík.
Fulltrúar á þessu fyrsta Iðnþingi voru 51 talsins og
þeir voru frá Akureyri, Hafnarfirði, Reykjavík, Siglu-
firði og Vestmannaeyjum.
Starfsmenn fyrsta Iðnþingsins voru þessir: forseti
Helgi H. Eiríksson, fyrsti varaforseti Einar Jóhanns-
son, múrarameistari, Akureyri, annar varaforseti Ás-
geir G. Stefánsson, húsasmíðam., Hafnarfirði. Ritarar:
Sveinbjörn Jónsson, byggingameistari, Akureyri og Ár-
sæll Árnason, bókbandsmeistari, Reykjavík.
Fastanefndir þingsins voru þessar:
Skólamálanefnd (5 menn).
Verzlunar- og tollamálanefnd (7 menn).
Sölufyrirkomulagsnefnd (5 menn).
Iðnlöggjafarnefnd (7 menn).
Skipulagsnefnd (7 menn).
Ný iðnfyrirtæki (5 menn). - Alls 6 nefndir.
Á 5. þingfundi, þriðjudaginn, 21. júní 1932 eru svo
bornar fram og samþykktar eftirfarandi tillögur:
1. Þingið ákveður að stofna Landssamband fyrir
iðnaðarmenn og kýs í því skyni bráðabyrgðastjórn, er
skipuð sé 5 fulltrúum og séu þeir búsettir í Reykjavík
Frá vinstri: Guðtn. Halldórsson, núevrandi forseti L. i., Helgi H.
Eiríksson og Björgvin Frederiksen, fyrrv. forsetar L. i.
Forseti Landssambandsins Guðmundur Halldórsson á miðri mynd-
inni ásamt Guðmundi H. Guðmundssyni og Tómasi Vigfússyni, en
þeir voru sæmdir heiðursmerki iðnaðarmanna úr gulli.
og Hafnarfirði. Fulltrúar og ráðgjafar sambandsstjórn-
arinnar í öðrum kaupstöðum landsins séu formenn
iðnaðarmannafélaganna, þar sem iðnráð eru ekki til.
2. Bráðabyrgðastjórnin hefur fullt framkvæmdarvald
til næsta Iðnþings og óskorað umboð þess þings til að
flytja mál þess, tillögur og áskoranir fyrir Alþingi Is-
lendinga og landsstjórn.
3. Bráðabyrgðastjórnin leggi fyrir næsta Iðnþing
frumvarp að lögum og fundarsköpum fyrir skipulags-
bundið samband milli allra iðnaðarmannafélaga og
iðnfélaga (sérfélaga) á landinu.
4. Iðnráð, iðnaðarmannafélög og iðnfélög á öllu
landinu sendi bráðabyrgðastjórninni öll þau mál, er
þau vilja að verði lögð fyrir næsta Iðnþing, og skal
hún sjá um, að þau verði vel og rækilega undirbúin.
5. Bráðabyrgðarstjórnin kalli saman næsta Iðnþing
með hæfilegum fyrirvara á tímabilinu frá 5. maí til 20.
júlí 1933, og skal það háð í Reykjavík. Stjórnin kalli
saman Iðnþingið eftir sömu reglum og þetta þing hef-
ur verið boðað.
6. Loks skorar þingið á ríkisstjórn og Alþingi að
veita Landssambandinu hæfilegt fé til skrifstofuhalds
í Reykjavík.
í bráðabyrgðarstjórn fyrir Landssambandið voru
kosnir:
Helgi H. Eiríksson, skólastjóri, Reykjavík, Emil
Jónsson, bæjarstjóri, Hafnarfirði, Ásgeir G. Stefánsson,
húsasm.m., Hafnarfirði, Þorleifur Gunnarsson, bók-
bandsm., Reykjavík, Einar Gíslason.málaram., Reykja-
vík.
Þetta var síðasta mál þingsins, en það stóð í 4 daga
og hélt 5 fundi. Og þar með var lokið einum allra
merkasta fundi, sem haldinn hefur verið um mál iðn-
aðar á íslandi.
TÍMARIT IÐNAÐARMANNA
IOI