Vikan - 19.06.1941, Síða 9
VIKAN, nr. 25, 1941
9
Þessi laglega stúlka er prestsdóttir frá Kanada
og heitir Elaine Bassett. Henni hefir orðið svo
vel ■ ágengt að afla sjálfboðaliða handa her
Kanada, að Bandaríkin hafa fengið hana til
sömu starfa í von um jafn góðan árangur.
Bætt hefir verið við nýrri deild í her Banda-
ríkjanna og eru það fallhlífarhermenn. Mynd-
in er af manninum, sem er yfirforingi þessarar
deildar, og heitir hann William C. Lee ofursti.
Hinn fjörugi borgarstjóri New York borgar, Fiorello La-
Guardia, sézt hér á myndinni vera að selja grænmeti. Hann
hefir komið á nýju fyrirkomulagi á sölu á matvælaafgöngum
frá matarkaupmönnum og grænmetissölum. Þetta fyrirkomu-
lag hefir náð miklum vinsældum og er þaö mest að þakka
ötulli framgöngu LaGuardia.
Öll framleiðsla er nú aukin allt hvað af tekur og Skjalda vildi
ekki vera eftirbátur annarra í því efni. Hún fæddi því þríbura
nú fyrir skömmu og lifa þeir allir góðu lífi. Skjalda er á
mjólkurbúi í Bandaríkjunum og er þetta að því er menn
bezt vita i fyrsta skipti, sem kýr á þríbura þar, er allir lifa.
Tízkudrottning. Jo Caldwell, stúdent frá Phila-
delpia-háskólanum, sést hér á myndinni, þegar
nýbúið er að kjósa hana sem tízkudrottningu
fyrir árið 1941. Amerískir dömuklæðskerar,
forystumenn tízkunnar nú, stóðu fyrir valinu.
Þessi maður heitir O. K. Armstrong og var
formaður i amerísku félagi, sem berst gegn
því að Ameríka fari i stríð í Ameriku. Hann
hefir nú skipt um skoðun og sagt af sér for-
mannsstarfinu og berst hatramlega fyrir auk-
inni aðstoð Bandaríkjanna til handa Englandi.