Vikan - 13.08.1942, Qupperneq 2

■
2
VIKAN, nr. 28, 1942
Pósturinn
Svar til „lslenzk stúlka":
Sigrirn Magnúsdóttir er frá Isa-
firði, en starfar nú í Reykjavík. Hún
er ógift og býr nú á Hverfisgötu 28.
Höfum því miður ekki getað aflað
okkur upplýsingar um hina spum-
ingu yðar.
Svar til „G. B. J.“:
Þvi miður getum við ekki orðið
við beiðni yðar um að birta kvæðið,
þar eð við hefðum þurft að fá leyfi
höfundarins, en höfum ekki getað
náð í hann, og auk þess höfum við
ekki rúm fyrir það i blaðinu.
Svar til Ernu:
1. Nú nýlega var auglýst eftir
stúlku til þess að gegna blaða-
mennskustarfi, en sennilega er nú
búið að fá stúlku í það starf. Þér
ættuð að vera á varðbergi, ef þér
sæuð í blöðunum slíkar auglýsingar,
einnig gætuð þér sjálfar sett auglýs-
ingu í blöðin. Við flest slík störf er
tungumálakunnátta nauðsynleg og
væri því ekki úr vegi, að þér legðuð
yður nú þegar eftir því að læra
tungumál, ef það er einlægur ásetn-
ingur yðar að verða blaðamaður, því
að það kæmi sér betur fyrir yður að
vera búin að læra áður en þér fáið
starf, heldur en eftir á, og eru einnig
meiri möguleikar fyrir yður til þess
að fá það, ef þér getið strax sagt, að
þér hafið nokkra málakunnáttu.
2. Efsti maður á lista Þjóðveldis-
manna heitir Bjarni Bjamason, Jóns-
sonar frá Vogi. Hann er fulltrúi lög-
manns og er kvæntur.
Svar tU „D5 & B6“:
Eyjan Mön er sérstakt konungsríki,
er lýtur Bretakonungi. Landsstjóri
þar er Granville jari, enskir titlar
hans eru: Lieutenant Governor, Vice
Admiral Earl Granville. — Eyjan
Wight er hluti úr greifadæminu
Hampshire, og er þar því enginn sér-
stakur landsstjóri.
Svar til „Þrír fóstbræður“:
Charles Langhton lék bæði í kvik-
myndinni „Hringjarinn frá Notre
Dame" og ,,Jamaica-kráin“.
Kæra Vika.
Er myndin „Lady Hamilton", sem
nú er sýnd í Tjarnarbíó, sögulega
sönn? Geturðu sagt okkur eitthvað
frekar um Lady Hamilton?
Tvær forvitnar.
•
Svar: Myndin er að mestu leyti
sönn, en er fegruð smávegis eins og
slikar myndir em alltaf. Lady Emma
Harte Hamilton (1761—1815) hét
eiginlega Amy Lyon og var af fátæku
fólki komin. Hún var mjög falleg og
annáluð fyrir léttúð sína. Hún var um
tíma ástmær Paynes höfuðsmanns,
eignaðist barn árið 1780, varð ást-
mær Charles Greville lávarðar 1781.
Þá bar hún nafnið Harte og var fræg
fyrir fegurð sína. Máluðu margir
málarar myndir af henni, meðal ann-
arra hinn frægi málari Romney. 1784
kynntist hún Sir Will. Hamilton, hann
bauð henni til Neapel, þar sem hann
var sendiherra. Hún varð ástmey
hans, en giftist honum svo 1791. Hún
var kynnt við hirðina í Neapel og
vann sér vináttu drottningarinnar.
Hún starfaði dálítið fyrir hagsmuni
Englands, en ýkti það mjög í eigin
frásögn. Nelson varð mjög hrifinn af
henni og fór með hana til Englands
árið 1800. Eftir dauða Nelson 1805
komst hún í vandræði, því að enska
stjómin neitaði henni um aðstoð og
hún var búin að eyða öllum eignum
sinum. 1813 var hún tekin föst fyrir
skuldir, en flýði til Calais og dó
þar.
Um borð í brezka flugvélamóðurskipinu „IIlustrious“.
'x
Brezka flugvélamóðurskipið „Illustrious‘“, sem er 23.000 smálesta varð
fyrir skemmdum í bardaga við óvinaskip, en var svo gert við það i amerisk-
um og brezkum skipasmiðastöðvum. A skipinu eru nú mjög fullkomnar
orrustuflugvélar af amerískri gerð. Á myndinni sést flugvél vera að lenda
á þilfari skipsins, og vísar aðstoðarmaðurinn flugmanninum leið með
ljósmerkjum.

Allir, sem hafa ánægju af
leiklist, þurfa að lesa og eiga Skrúðbóndann,

hið nýja leikrit Björgvins
-*• Guðmundssonar, sem allir
• •* ljúka lofsorði á.
' - -i-. ■ ‘ Fæst hjá bóksölum.
AUGLÝSIÐ
* I VIKUNNI.
Erla og
unnust-
inn.
Erla: En hvað mér þykir leiðinlegt, að þú skulir ekki geta farið
með mér á dansleikinn í kvöld, ástin mín. Ég var farin að hlakka
svo mikið til þess.
Oddur: Ég veit það, elskan mín. En forstjórinn vill endilega, að ég
vinni í kvöld, þú veizt, hve hann treystir mér, svo að ég get ekki
svikið hann. Þetta er einn ókosturinn við að vera svona mikill kaup-
sýslumaður eins og ég er.
Oddur: Mikið er ég feginn, að ég skyldi losna við
þetta. Mér hundleiðist að fara á böll, þar sem ég
kann ekki að dansa. Aumingja litla Erla, henni
hefði þótt gaman að fara, hún vildi endilgga, a.ð
ég kæmi með sér.
Palli: Heyrðu, Oddur. Geturðu ekki lánað mér samkvæmis-
fötin þin í kvöld, fyrst þú ætlar ekki að nota þau.
Oddur: Jú, sjálfsagt, Palli. Þau eru í skápnum mínum. En
þú verður að skila þeim aftur á morgun.
Um kvöldið:
Oddur: Ég ætla að hringja til Erlu.
Auminginn litli, hún hlýtur að vera ein-
mana. Hún situr líklega ein heima og
hugsar um mig. — Halló!
Oddur: Hvað segið þér? Fór hún á
dansleikinn? Hver? Fór Palli með
henni?
p
i
Utgefandi: VIKAN H.F., Reykjavík. — Ritstjóri og ábyrgðarmaður: Jón H. Guðmundsson, Kirkjustræti 4, sími 5004, pósthólf 365.