Vikan - 19.06.1975, Blaðsíða 13

LIGNANO
Gullna ströndin við Adríahaf
Á BÖKKUM GARDAVATNS
Náttúrufegurð og friður
upp með fjölskyldur sínar. Matsölustaðir eru margir og góðir og
skemmtanalíf fjörugt bæði um daga og kvöld. Þar við bætist, að
Lignano er tilvalin miðstöð fyrir ferðir í allar áttir, þar sem lands-
lag er með fjölbreytilegasta hætti á tiltölulega litlu svæði. Þaðan
er t. d. aðeins smáspölur til Júgóslavíu og fyrsta borgin ,sem
verður fyrir mönnum þar, er Trieste, sem er með sterkum ítölskum
svip.
Þá er ekki heldur langt norður til Alpafjalla — bæði þeirra, sem
kenndir eru við Feneyjar og Austurríki, að ógleymdum Dólómíta-
fjöllum, sem eru ýkjulaust með fegurstu fjallgörðum Evrópu. Fen-
eyja hefur þegar verið getið og þarf ekki að fræða íslendinga
nánar um svo sögufræga og sérkennilega borg. En byggingar-
svæði Feneyja hefur óhjákvæmliega í för með sér, að borgarlíf
þar sem með öðrum hætti en í öllum öðrum borgum.
Skrifstofa og fararstjórar SUNNU í Lignano verða farþegum
vitanlega innan handar ( öllum efnum og skipuleggja fjölbreytileg-
ar ferðir.
Á BÖKKUM GARDAVATNS.
Náttúrufegurð og friður.
„Við fjallavötnin fagurblá" hefur Frónbúinn löngum sungið, og
hann getur svo sannarlega hafið þann söng, þegar hann er stadd-'
ur á bökkum Gardavatns í suðurhlíðum Alpafjalla og nyrst á
Italíu.
Hér býður SUNNA upp á sumardvöl, sem er ólík því, sem gerist
yfirleitt í Suðurlandaferðum, því að við höfum valið sem dvalar-
stað samnefnda smáborg við suðurenda vatnsins í heillandi um-
hverfi. I bröttum hlíðunum í kring, þar sem tré og margvíslegur
annar gróður skiptist á, rísa þorp, sem eru með sama svip og
fyrir mörgum öldum, og sama máli gegnir um byggðina á sjálfum
vatnsbakkanum, þótt þar beri meira á þróuninni í mynd glæsilegra
hótela og annarra nútíma mannvirkja.
Náttúrufegurð við Gardavatn er svo sérstæð og mikil, að henni
verður ekki með orðum lýst, svo að hér verður sjón sögu ríkari
eins og víðar. Það munu og þeir finna, sem fara með SUNNU
þangað suður, búa þar í góðum hótelum með sundlaugum, þar
sem fólk getur fengið sér sundsprett milli þess, sem það bregður
sér t. d. í ferð um vatnið.
Frá Garda er stutt að fara til margra fornfrægra staða, í ýmsum
áttum. Einna skemmst er að fara til Verona — þar sem Rómeo og
Júlía elskuðust forðum — en stutt er líka að skreppa til Feneyja.
Lengra er að aka til Flórens, en sú borg býr yfir slíkum listager-
semum, að enginn telur eftir sér langa ferð til slíks staðar. En
þeir, sem hyggja ekki á slíka langferð á vit horfinna kynslóða,
geta ekið allt í kringum Gardavatn eða brugðið sér norður yfir
Brennerskarð til Austurríkis, t. d. til Innsbruck, Salzburg, Zell am
See og fleiri staða.
Garda er góð miðstöð, þegar SUNNUfarþegar vilja sjá sérkenni-
lega staði.