Æskan - 01.12.1985, Qupperneq 46

ifCagnvegir
(
Guörún Sigurðardótirfœddist 25.
september 1893 á Ásmundarstöðum í
Asahreppi íÁrnessýslu. Foreldrar
hennar voru Sigrún Guðmundsdóttir
og Sigurður Sigurðarson. Guðgeir
Jónsson fœddist 25. apríl 1893 að
Digranesi íKópavogi. Foreldrar hans
voru Ásbjörg Þorláksdóttir og Jón
Magnússon. Þau Guðrún og Guðgeir
giftust 21. október 1916 og hafa alla
tíð átt heima íReykjavík. Þau eignuð-
ust og ólu upp sjö börn. Einnig hafa
margir aðrir dvalist á heimili þeirra í
lengri eða skemmri tíma. Bœði hafa
þau starfað mikið að félagsmálum,
m.a. innan Góðtemplarareglunnar.
Ragnheiður J óna Ármannsdóttir 16
ára, barnabarnabarn þeirra, rabbaði
viðþau fyrir Gagnvegi. Samtaliðfer
hér á eftir:
83 ár I stúku
Rætt við hjónin Guðrúnu Sigurðardóttur og Guðgeir Jónsson
Ragnheiður: Hvernig vai aðstaðan
þar sem þið ólust upp?
Guðrún: Hún var ágæt. Ég var eigin-
lega eina barnið. Ég var 7 ára þegar
ég eignaðist bróður. Við vorum bara
tvö.
Guðgeir: Nú svona venjulegar að-
stæður í sveit á þessum tíma.
Ragnheiður: Hvernig var með skóla-
göngu?
Guðrún: Skólaganga, það var nú lít-
ið um hana. Það var barnaskóli á
Eyrarbakka og svo aftur hér þegar ég
kom suður.
Guðgeir: Ég var nú fjóra vetur í
barnaskóla en sitt árið í hverjum
skóla. Það hittist þannig á.
Ragnheiður: Nú ert þú bókbindari.
Hvenær lærðirðu þá iðn?
Guðgeir: Ég lærði í Félagsbókband-
inu 1909-1913. En lengst af starfaði
ég í Gutenberg eða 47 ár, þar af 15 ár
hálfan daginn.
Ragnheiður: Hvernig líst þér á þær
breytingar sem orðið hafa í Kópa-
vogi síðan þú ólst þar upp?
Guðgeir: Það var nú bærinn Kópa-
vogur, sem var sveitabýli, og Digra-
nes sem líka var sveitabýli og þar
fæddist ég. Faðir minn dó þegar ég
var fjögurra ára og þá fór ég til afa
míns og ömmu sem bjuggu í Fífu-
hvammi rétt á móti. Þetta voru nú
bæirnir sem maður sá. Þannig að það
hafa orðið miklar breytingar. Bæirn-
ir tilheyrðu þá Seltjarnarneshreppi
en nú eru tveir kaupstaðir, Kópavog-
ur og Seltjarnarnes, þar sem áður
voru sveitabýli.
Ragnheiður: Hvenær genguð þið í
barnastúku?
Guðrún: Ég var 7 ára. Stúkan hét
Gleymmérei og var á Eyrarbakka.
Þegar ég kom suður gekk ég í
Æskuna nr. 1.
Guðgeir: Ég var síðasta veturinn
fyrir fermingu í skóla Ásgríms Magn-
ússonar að Bergstaðastræti 3. Hann
var þá annar tveggja gæslumanna
barnastúkunnar Unnar nr. 38 og við
gengum í Unni nokkur sem í skólan-
um vorum fyrir jólin 1906.
Ragnheiður: Hvernig var starfið í
barnastúkunum þá?
Guðrún: Það var nú ósköp svipað og
núna finnst mér. Það var bæði sung-
ið, lesið og ýmislegt haft til skemmt-
unar. Einu sinni á vetri var haldinn
afmæiisfundur.
Ragnheiður: Hvað hafið þið starfað
lengi í Góðtemplarareglunni?
Guðrún: Ef ég tel barnastúkuna með
er ég búin að vera með frá 7 ára aldri
eða 83 ár.
Guðgeir: Frá 1906 eða 77 ár.
Ragnheiður: í _ hvaða stúku genguð
þið svo?
46