Dagur - Tíminn Reykjavík - 26.03.1997, Blaðsíða 4
IV- Miðvikudagur 26. mars 1997
.JDagnrÁEtmmn
Skagablaðið
VESTURLAND
Tónlistarskólarnir
Skemmtanalífið
Sönglífið
Borgarbyggð
Áhaldahúsin voru sameinuð
Mikil aukning
Félagar úr karlakórnum
Söngbræðrum úr Borgar-
flrði fara í fyrramálið til
írlands til að gera strandhögg
eins og bræðurnir orða það.
Á sunnudaginn hélt kórinn
tónleika á Suðurnesjum og í
Reykjavík. Um 60 manns sóttu
tónleikana á Suðurnesnum sem
haldnir voru í Ytri-Njarðvíkur-
kirkju en rúmlega 160 sóttu
tónleikana í Reykjavík. Kórfé-
lagar voru hæstánægðir með
aðsóknina og segir Gunnar Örn
Guðmundsson formaður kórs-
ins hafa verið með ijölmenn-
ustu tónleikum kórsins frá upp-
hafi og rétt eins og Söngbræður
væru að syngja á sínum heima-
velli í Borgarfirði.
Eftir sigurför suður telja kór-
félagar ekkert því til fyrirstöðu
að halda í sigurför til írlands
yfir páskahátíðina.
Eftir tónleikana sungu Söngbræður tónleikagesti í Ytri-Njarðvíkurkirkju út með laginu „Logn og blíða, sumarsól."
Það var sannarlega viðeigandi í vorsólinni.
Mynd: Theodóra Þorsteinsdóttir.
Söngbræður í sigurför
Nemendum í tónlistarnámi
fjölgaði á Vesturlandi á árinu.
„Ég held að það sé aukning í
öllum skólunum á svæðinu,“
segir Lárus Sighvatsson skóla-
stjóri Tónlistarskóla Akraness,
en sömu sögu er að segja hjá
öðrum skólastjórum tónlistar-
skóla sem Skagablaðið-Vestur-
land hafði samband við. Hjá
Lárusi fjölgaði nemendum um
milli 20 og 30 milli ára, en
nemendur eru nú í kring um
300 í Tónlistarskóla Akraness
en kennarar 17. „Það eru þessi
hljóðfæri sem hafa verið í lægð
sem eru að koma upp, eins og
harmoníka og fiðla. Ætli ég sé
ekki með stærstu harmómku-
deild á landinu, það eru 24
nemendur í harmóníku."
Nemendum ijölgaði hjá Tón-
listarskóla Borgaríjarðar, „sér-
staklega í Suzuki-fiðludeildinni
og Söngdeildinni. Svo er alltaf
jafn góð aðsókn í píanónámið,
það er vinsælast," segir Theo-
dóra Þorsteinsdóttir skólastjóri.
Þar eru nemendur 195 en 11
kennarar.
„Það er alltaf aukning á
hverju ári,“ segir Daði Þór Ein-
arsson skólastjóri Tónlistar-
skóla Stykkishólms. „Ég er bú-
inn að vera hérna síðan 1981.
Þá voru 64 nemendur, það eru
133 nemendur á þessari önn og
fjölgunin hefur skapast vegna
aukins framboðs kennara.
Alltaf þegar við höfum fengið
kennara þá hefur verið nóg eft-
irspurn. Síðan hefur orðið að
fylgja því eftir þegar viðkom-
andi kennari hefur flutt í burtu,
þá hefur orðið að halda því
gangandi sem orðið er. Þannig
að þetta hefur undið upp á sig í
rólegheitum.“ Sjö kennarar eru
við skólann.
Daði segir það viðvarandi
vandamál að fá tónlistarkenn-
ara til starfa út á land. „Ég fékk
nú skrítin augu frá kollegum í
Reykjavík einu sinni á skóla-
stjórafundi þegar ég lagði til að
það útskrifaðist enginn kennari
úr kennaradeild nema vera bú-
inn að taka æfingakennslu úti á
landi. Ég er alveg klár á því að
það eru öll sveitarfélög og skól-
ar tilbúin að taka á móti kenn-
urum og hjálpa þeim. Þeir eru
þá að hjálpa í staðinn alveg
heilmikið. Þannig víkkar sjón-
deildarhringurinn hjá þessu
fólki. Þau sjá ekkert nema bara
út í Garðabæ eða upp í Mos-
fellsbæ. í mesta lagi upp á
Akranes.“
Frá sameiginlegum tónleikum tónlistarskólanna á Vesturlandi (TónVest) sem í vetur voru haldnir í Borgarnes-
kirkju. Á myndinni er Þjóðlagasveit TónVest að leika undir stjórn Fanneyjar Karlsdóttur. Þjóðlagasveitin er skipuð
nemendum og kennurum frá öllum tónlistarskólunum á Vesturlandi. Mynd: ohr
Nýr veitingastaður
Nýr veitingastaður opnar í
kvöld í elsta uppistand-
andi húsinu í Borgarnesi.
Undanfarna mánuði hefur verið
unnið hörðum höndum að því
að gera gamla verslunarhúsið
undir Búðarkletti upp innan-
dyra og eru salir þess orðnir
hinir glæsilegustu. Það var
verslunarmaðurinn Akra-Jón
sem lét byggja húsið 1878, en
smiðurinn var kallaður ÓU
norski.
Það er óhætt að fullyrða að
veitingastaðurinn er með þeim
glæsilegustu á landinu. Upphaf-
legir viðir hússins voru látnir
halda sér og mikil vinna lögð í
að hreinsa gólf og slípa. Það
kemur ekki til með að væsa um
þá sem leggja leið sína undir
Búðaklett, hvort heldur að er í
þeim tilgangi að borða veislu-
mat, eða væta kverkarnar. Á
efstu hæðinni er koníaksstofa
og bar og munu munir úr sögu
byggðarinnar skreyta salinn.
Veitingasalur og bar er á mið-
hæðinni, en salernisaðstaða og
eldhús í kjallaranum.
í húsinu verður aðstaða fyrir
fundi og félagsstarf og sagðist
Bjarni Steinarsson, einn eig-
endanna, vonast til að húsið
yrði félagsmiðstöð fullorðna
fólksins í Borgarnesi. Það fer
ekki milli mála að endurbæt-
urnar hafa kostað stórfé. Eig-
endurnir vildu ekkert láta upp-
skátt um kostnað en sögðust
vona að bæjarbúar kynnu að
meta það sem gert hefði verið
fyrir húsið.
Verslunarhúsið hefur staðið
autt í allmörg ár eða allt frá því
þar var rekin blikksmiðja.
Borgarnesbær eignaðist húsið
og gerði það upp utandyra í
upprunalegri mynd. Hugmyndir
voru uppi um að Tónlistarskóli
Borgarfjarðar fengi það til af-
nota, en niðurstaðan varð sú að
núverandi eigendur keyptu
húsið.
Ilúsið opnar kl. 19:00 í kvöld
og verður einvörðungu opið
boðsgestum þar til það opnar
almenningi um klukkan 22.
Opið verður til kl. 1 eftir mið-
nætti.
Þeir Guðjón Guð-
laugsson og Þórð-
ur Þorsteinsson
unnu hörðum
höndum að frá-
gangi þegar
Skagablaðið-Vest-
urland leit við á
dögunum.
Myndir: ohr
I kvöld opnar
glæsilegur veit-
ingastaður í gamla
Verslunarhúsinu
undir Búðarkletti í
Borgarnesi sem
Akra-Jón lét
byggja árið 1878.
að hefur verið farið eftir
þessari áætlun og áhalda-
húsin voru sameinuð í
áhaldahúsi Hitaveitu Borgar-
ness,“ sagði Óli Jón Gunnarsson
bæjarstjóri Borgarbyggðar í sam-
tali við Skagablaðið-Vesturland,
aðspurður um stöðu mála varð-
andi áhaldahúsin.
Töluverð óánægja varð með
þá ákvörðun bæjarstjórnar að
sameina áhaldahús Borgarbyggð-
ar og áhaldahús Hitaveitu Borg-
arbyggðar. Starfsmönnum
áhaldahúss bæjarins var sagt upp
störfum og til stóð að tveir fengju
starf við sameiginlegt áhaldahús,
en þegar til kom neituðu allir
endurráðningu. Þetta mál var ein
af ástæðum þess að slitnaði upp
úr meirihlutasamstarfi Fram-
sóknarflokks og Alþýðubandalags
í Borgarbyggð.
Hjá áhaldahúsi Hitaveitu
Borgarbyggðar voru fjórir starfs-
menn en bætt var við tveimur
eins og til stóð, „þannig að það
verða tveir starfsmenn eftir.“
Aðspurður hvort meiri áhersla
verði lögð á útboð í t.d. snjó-
mokstri svarar Óli Jón: „Við ljúk-
um þessu til vors með hefð-
bundnum hætti. Síðan geri ég ráð
fyrir að við gerum þjónustusamn-
ing um það.“
Útboð á verkefnum hafa auk-
ist hjá bænum á undanförnum
árum, m.a. sjá verktakar um slátt
og garðyrkju. „Það hefur gefið
ágæta raun og við höldum áfram
á þeim nótum,“ segir Óli Jón bæj-
arstjóri.