Tímarit lögfræðinga - 01.10.1979, Blaðsíða 6
bækur, ef svo má að orði komast. Lagabækur, Ijóðmæli, heimspekirit og
eldhúsrómanar, allt var lesið. Þetta leiddi til bess, að starfstíminn nýttist
stundum ekki svo vel sem skyldi. Hins vegar var Bjarni hafsjór af fróðleik.
Tímaskorðuð skrifstofuvinna var honum ekki að skapi. Þetta hafði í för með
sér, að hæfileikar hans, gáfur og bekking nýttust þjóðfélaginu eigi svo vel
sem vonir stóðu til.
Bjarni var vinsæll af samstarfsmönnum sínum og þeim, er við hann skiptu,
enda brást honum ekki kurteisin, en gat þó verið spaugsamur og hnyttinn
í svörum ef slíkt átti við.
í einkalífi sínu var Bjarni hamingjusamur og frú Jóhanna studdi hann bæði
í meðbyr og mótvindi af sama kærleika.
Um leið og ég færi frú Jóhönnu og börnum þeirra hjóna samúðarkveðjur
mínar, kveð ég þennan forna félaga minn.
Benedikt Sigurjónsson.
JÓHANN GUNNAR ÓLAFSSON
Laugardaginn 1. september s.l. lést Jóhann
Gunnar Ólafsson fyrrv. bæjarfógeti og sýslu-
maður á ísafirði á 77. aldursári. Hann hafði um
langt skeið átt við alvarlega vanheilsu að
stríða.
Jóhann Gunnar var fæddur 19. nóvember
1902 í Vík í Mýrdal. Foreldrar hans voru hjón-
in Ólafur Arinbjarnarson Ólafssonar bónda og
útgerðarmanns í Tjarnarkoti í Njarðvíkum og
Sigríður Eyþórsdóttir Felixsonar kaupmanns í
Reykjavík.
Jóhann Gunnar lauk stúdentsprófi við
Menntaskólann í Reykjavík 1923 og kandi-
datsprófi í lögfræði við Háskóla íslands 1927.
Að námi loknu lagði hann stund á ýmis
lögfræðistörf. Hann var um skeið fulltrúi bæj-
arfógeta og sýslumanns á Seyðisfirði, í Hafnarfirði og í Rangárvallasýslu
og gegndi oft embættum í forföllum hinna reglulegu embættismanna. Hann
var settur sýslumaður Skagafjarðarsýslu janúar—maí 1939. Fékkst um tíma
við lögfræðistörf í Vestmannaeyjum. Hann var bæjarstjóri í Vestmannaeyjum
frá 1. jan. 1929 til 1. mars 1938. Hann var skipaður sýslumaður Isafjarðar-
sýslna og bæjarfógeti á ísafirði 2. sept. 1943. Því embætti gegndi hann í 25
ár, frá 1. okt. 1943 til 1. okt. 1968. Síðan fluttist hann til Reykjavíkur og gerðist
hæstaréttarmálaflutningsmaður þar 19.des. 1968.
Jóhann Gunnar Ólafsson kvæntist Rögnu Haraldsdóttur trésmiðs i Vest-
mannaeyjum Sigurðssonar og Kristínar Ingvarsdóttur. Konu sína missti Jóhann
Gunnar 11. maí 1966. Hún var fædd 24. september 1905. Var sambúð þeirra
með ágætum. Þau eignuðust fimm syni. Eru fjórir þeirra á lífi. Næst yngsti
100