Alþýðumaðurinn - 15.10.1963, Page 2

2
RITSTJÓRI: BRAGI SIGURJÓNSSON . BJARKARSTÍG 7 . SÍM! 1604
ÚTGEFANDI: ALÞÝÐUFLOKKSFÉLAG AKUREYRAR . VERÐ KR.
70.00 Á ÁRI . LAUSASALA KR. 2.00 BLAÐIÐ . SETNING OG
PRENTUN: PRENTSMIÐJA BJÖRNS JÓNSSONAR H.F. . AKUREYRI
1
Nývirkjun á Laxá
orðin aðkallandi
í ályktun nýhaldins ársfundar kjördæmisráðs Alþýðu-
flokksins í Norðurlandskjördæmi eystra, birtri á öðrum stað
hér í blaðinu, er vakin athygli á, að þegar sé að komast í
eindaga að ákveða og koma fram aukinni virkjun á Laxá í
S.-Þing.
Nývirkjun í Laxá hefur verið til athugunar undanfarin
ár, en áætlanir um hinar mismunandi virkjunargerðir hafa
gengið seint og meðan þær liggja ekki fullgerðar fyrir, er
varla von, að framkvæmdarákvörðun sé tekin. En hvert ár,
sem líður án aðgerða, verður okkur Norðlendingum dýrt
og getur hvað úr hverju valdið óbætanlegu tjóni.
Sérfræðingar Laxárvirkjunarstjórnar telja, að núverandi
Laxárrafmagn muni fullnægja orkuveitusvæði Laxár til
1968, svo fremi að toppstöðin hér á Akureyri verði aukin í
4000 kw, sem og ráðgert er á sumri komanda.
Við eigum með öðrum orðum ekki nema 3—4 ár upp á
að hlaupa til að ákveða, hvers konar Laxárvirkjun skuli
ráðast í, fá fullkomnar teikningar og áætlanir yfir hið
ákveðna verk og loks fá það unnið. Mun engum dyljast, að
tíminn er orðinn mjög naumur, og sannarlega ekki vanþörf
á, að allir Norðlendingar standi fast saman að baki þeirri
kröfu, að nú verði hafðar hraðar hendur á um þetta mikla
hagsmunamál okkar. Aukning Laxárvirkjana táknar sem sé
stóraukið og stórbætt rafmagn fyrir allt Norðurland og jafn-
vel Austurland, því að í kjölfar nývirkjunar eða strax sam-
hliða henni, hlýtur allt virkjunarkerfi Norðurlands að verða
samtengt, og eigi ósennilega Austurlands líka.
Tæpt hefur verið á þeirri hugmynd að láta nývirkjun við
Laxá bíða og leiða heldur rafmagn norður um land frá hugs-
anlegri Þjórsárvirkjun við Búrfell.
Norðlendingar eiga ekki að dómi þess, er þetta ritar, að
ljá máls á því að gera héruð sín og bæi að annexíum frá
virkjun sunnanlands, það yrði okkur aldrei jafnhagfellt né
öruggt eins og stórvirkjun í heimaám okkar, sem þá líka eru
kjörnar til virkjunar.
Kjörorð okkar skal vera allra sem eins:
Ný og myndarleg virkjun Laxár sem fyrst!
Kjördæmisráð Alþýðnflokksins
(Framhald af bls. 1).
verði því bezta í þeim efnum á
Norðurlöndum.
%
Tryggingamál
Kjördæmisráð fagnar þeim
endurbótum, sem síðasta alþingi
gerði á lögum um almannatrygg-
ingar, og þeim auknu réttindum,
er þær endurbætur veita, en skor-
ar jafnframt á komandi alþingi að
hækka núverandi bætur frá 1.
júlí s.l. til samræmis við þær
launahækkanir, sem orðið hafa á
árinu og venja hefur verið að
miða við.
Vinnulöggjöfin
endurskoðuð
Kjördæmisráð mælir eindregið
með, að vinnulöggj öfin verði
endurskoðuð hið fyrsta, þar sem
m. a. yrðu sett skýrari ákvæði um
réttindi og skyldur verkalýðsfé-
laga, kjörskrár og kjörgengi og
hvernig standa beri að verkföllum,
svo að tryggara verði, að þau
verði eigi notuð í flokkspólitísku
skyni verkalýðnum til óþurftar.
Efnahagsmál
Kjördæmisráð Alþýðuflokks-
ins í Norðurlandskjördæmi
eystra lýsir yfir, að það telur
reynsluna hafa sýnt, að efnahags-
ráðstafanir núverandi ríkisstjórn-
ar hafi í meginatriðum stefnt í
rétta átt:
* Gert ísl. mynt gjaldgenga á
alþ jóð avettvangi.
* SJcapað þjóðinni gjaldeyris-
varasjóð.
* Stuðlað að aukinni sparifjár-
myndun.
* Orvað stórlega athafnalíf í
landinu.
* Aukið verzlunarfrelsi og vöru-
val.
Það hefur hins vegar sýnt sig,
að við þær áköfu verðbólgutil-
hneigingar, sem þjóðlíf okkar —
sem og raunar flestra þjóða nú á
tímum — hefur verið og er gegn-
sýrt af, hafa fyrrgreindar efna-
hagsráðstafanir ekki reynzt þess
megnugar að ná varanlegum
stöðvunartökum á verðbólguþró-
uninni í efnahagslífi landsmanna,
enda stjórnarandstaðan unnið
gegn því, svo sem hún hefur
framast mátt.
Að dómi kjördæmisráðs eru
verð- og launahækkanir orðnar
meiri en almenningi og þjóðar-
búinu í heild hefur reynzt hag-
fellt, svo að sú þróun ógnar nú
efnahagslífi landsmanna nema
bráður bugur verði unninn að
úrbótum.
Kjördæmisráð telur þó, að fyrr
verði að ganga frá bættum kjör-
um til handa verka- og iðnverka-
fólki, verzlunarfólki og togara-
sjómönnum, en að þeim samning-
um loknum beri gaumgæfilega að
athuga, hvort nú sé ekki tímabært
að reyna niðurfærsluleiðina, sem
gaf góða raun 1959, og þá við
erfiðari aðstæður á ýmsa lund
en nú.
Áfengissalan
(Framhald af bls. 1).
mennafélaganna áður í bindindis-
málum. Nú virtist þróttur þeirra
á þrotum, en nýtt og öflugt æsku-
lýðsstarf yrði að koma — og að
sínum dómi a. m. k. sums staðar
— væri að koma í staðinn..Hann
taldi mikilsvert að fylgja fast
fram aldurstakmörkunum varð-
andi vínveitingar.
Eiríkur Sigurðsson, skólastjóri
Oddeyrarskólans, vildi telja, að
aukin tóbaksnautn ryddi iðulega
brautina fyrir áfengisneyzlu, og
því lengur sem hægt væri að aftra
unglingum frá tóbaksneyzlu því
betra.
Hannes J. Magnússon, skóla-
stjóri Barnaskóla Akureyrar,
kvaðst telja, að gott fordæmi full-
orðinna væri ungmennum í bind-
indismálum sem öðru traustasta
veganestið, en væri það ekki veitt,
þyrftum við þá hin eldri að vænta
góðs?
Þórarinn Bj örnsson, skóla-
meistari, kvaðst vissulega játa,
að drykkjuskapur væri mikill og
útbreiddur. Hinu skyldum við
ekki gleyma, að meðal náms-
manna hefði hann oft fyrr verið
enn hörmulegri. Áður hefði t. d.
fjöldi ísl. námsmanna erlendis
ekki lokið prófi vegna drykkju-
skapar, jafnvel drukkið sig í hel.
Félag verzlunar og skrifstofufólks, Ákureyri
Allsherjorathvaeðoirdislii
um heimild til handa stjórn F.V.S.A. til vinnustöðvunar fer
fram n.k. laugardag og sunnudag 19. og 20. okt. 1963 í
Verkalýðshúsinu við Strandgötu 7, kl. 10—22 báða dagana.
Stjórnin.
TínKlundo -
búðin
Ákureyri
Nýkomið allar stærðir
af TÁGUM
Mikið úrval af BÁSTI
og GRINDUM t. d.:
Loftljós — Veggljós
Standlampar — Borð-
lampar og skálar.
PÓSTSEN DUM
Ákureyri
Sími 2925.
Nú væri slíkt varla eða ekki til.
Háskinn nú væri, að drykkju-
skapur væri orðinn miklu almenn-
ari en fyrr og m. a. tekinn að
herja meðal kvenþjóðarinnar,
sem lengi var varla eða ekki. Slíkt
bæri allt átakanlega vitni um los
og kj ölfestuleysi í siðferði þjóð-
arinnar.
En æskan, sagði skólameistari,
hefur þann skemmtilega eigin-
leika — sem að vísu leiðir hana
stundum á villigötur, en stundum
og kannske oftar á nýja gagnvegi
— að vilja skapa sér nýja siðu og
háttu. Nú um sinn hefði drykkju-
skapur verið nánast í tízku. Mætti
ekki vona, að það yrði æskan,
sem ryddi þessum ófögnuði brott,
skapaði nýj a tízku, færi nýj a leið,
leið hófsemi og bindindis?
Sverrir Pálsson, settur skóla-
stjóri Gagnfræðaskólans, sagðist
vilja nota tækifærið og benda á,
að alrangt væri að velta þungri
sök á skólana varðandi áfengis-
nautn ungmenna, svo sem nokkur
tilhneiging ýmsra væri. Hér væru
svo mörg samverkandi öfl að
verki, að gjörsamlega vonlaust
verk væri fyrir skólana eina að
reisa varnarvirkin. Heimilin
mættu ekki vanrækja sinn hlut,
en hver væri hann, ef báðir for-
eldrar ynnu úti og börnin ættu
tæpast athvarf heima? Kirkjan og
æskulýðsstarfsemin yrðu og að
ganga á vörð í þessum efnum og
persónulega kvaðst hann hafa
mikla trú á því, að aukið tóm-
stundastarf unglinga undir hand-
leiðslu ötulla og vel menntaðra
æskulýðsforingja mundi orka
miklu til úrbóta.