Dagblað - 23.12.1925, Blaðsíða 2
2
DAGBLAÐ
vott um ágætar gáfur og glögt
hugTÍt, sem hefði mátt glæða
og festa með góðri mentun, svo
hann hefði notið sín og orðið
frægur maður.
Hann fór að visu utan með
uppfundningar sínar og naut til
þess nokkurs styrks úr lands-
sjóði. Fékk hann þá einkaleyfi
fyrir dælu, er þótti bera af öðr-
um. Kyntist hann þá ýmsum
merkum hugvitsmönnum, eink-
um i Danmörku og luku þeir
allir lofsorði áverk hans. — En
vegna þess, að hann vantaði
nægilegt fjármagn varð hann að
hverfa frá þessu áhugastarfi sínu
1907 og fór nú að versla sjálf-
ur með ýmsar járnvörur og hélt
því starfi til dauðadags. Jafn-
framt vann hann sjálfur að inn-
lagningu miðstöðva hér og úti
um land. Var hann á Hólum i
Hjaltadal í sumar, og var á leið
þaðan heim er hann varð úti í
ofveðrinu 8. þ. m.
Ólafur kvæntist 14, april 1898
og er kona hans Anna Ólöf
Auðunsdóttir héðan úr Reykja-
vik. Áttu þau engin börn og
lifir hún mann sinn.
Trúhneigður var Ólafur á
sína vísu og frjálslyndur í skoð-
unum. Gaf hann sig litt að op-
inberum máium, en hugsaði
þess gleggra og dýpra um þau
málin sem mestu varða í lífinu,
og var þar frumlegur og fór
sínar leiðir sem annarstaðar.
Ólafur var raungóður maður
og frændrækinn, og sannur vin-
ur vina sinna, og þeirra, er
störfuðu með honum og fyrir
hann. Er þvi þungur harmur
kveðinn nú við fráfall hans
konu, bræðrum, ættingjum og
vinum öllum Qær og nær.
Merkileg bók.
Fyrir stuttu er komin út ein-
kennileg og merkileg bók um
sékennilegt efni. Er það mynda-
safn at listaverkum Einars Jóns-
sonar frá Galtafelli ásamt ítar-
legri greinargerð eftir dr. Guð-
mund Finnbogason iandsbóka-
vörð. Að öllu leyti er bókin
hin prýðilegasta og svo til
hennar vandað, að slíks munu
ekki dæmi hér á landi, enda
mun útgáfan hafa verið dýr.
Er hún óneitanlega samboðin
verkum listamannsins og hlýtur
að vera einkum kærkomin öllum
bókavinum og listelskum mönn-
um. — Hennar verður ræki-
legar getið siðar.
Ljósmyndasýning.
Margir hafa staðnæmst við
Bankastræti 7 undanfarna daga
og litið á myndirnar sem sýnd-
ar hafa vsrið í gluggum »Mál-
aransa. Mannfleira mundi samt
hafa verið þar að staðaldri ef
veðurhefði verið mildara. Mynd-
irnar sem þar hafa verið til
sýnis eru einhverjar þær falleg-
ustu sem hér hafa sézt, fer þar
saman listrænt myndval og snild-
arleg útfærzla. Myndirnar eru
flestar af sérkennilegum stöðum
og margar þeirra innan úr
óbygðum landsins. Er þar opn-
aður nýr heimur sem ílestum er
ókunnur, en undra fagurt um
að lítast.
Þeir Osvald Knudsen og Jón
Kaldal hafa þarna lagt saman
listhæfileika sina og árangurinn
orðið þannig að báðum er til
mikils sóma.
Fessi myndasýning er þess
eðlis, að hún verðskuldar að
rækilega sé um hana ritað og
verður það væntanlega gert síð-
ar. En í þetta sinn er aðeins
tækifæri til að minnast lauslega
á hana því sem fæstum má hún
fara fram bjá. Er vert að benda
fólki á að myndirnar eru sér-
staklega heppilegar til jólagjafa
og einhver ákjósanlegasta hý-
býlaprýði sem hér er völ á.
G. P.
Borgin.
Nætnrlæknlr. Gunnlaugur Einars-
son, Stýrimannastig 7. Sími 1693.
Nætnrvörðnr í Laugavegs Apóteki.
Nic. Bjarnason. barst fjöldi heilla-
óskaskcyta í gær í tilefni af 65 ára
afmæli hans.
Bifreiðar sækja nú daglega mjólk
og rjóma austur yfir fjall. Aldrei er
mjólkin of mikil fyrir jólin.
£)ag6íað.
Bæjarmálablað. Fréttablnð.
Ritstjóri: G. Kr. Guðmundsson,
Lækjartorg 2. Simar 744 og 445.
Prentsmiðjan Gutenberg, h.f.
La France, sem flulti skipverjana
af Ásu til hafnarfjarðar kom hing-
að í gær og tekur fisk fyrir Proppér
bræður.
Nova kom hingað i morgun vest^
an og norðan um land, með fjölda
farþega.
Myndarieg g-jöf. H P. Duus hefir
gefið Hjálpræðishernum 10 smál. af
kolum til úthlutunar fyrir jóliu
meðal fátæklinga. Verður kolunum
skift milli 64 heimila 1 skpd. i bvern
stað og mun mörgum koma það
vel núna í kuldanum.
Ritsjá.
Jén Sveinsson: Nonni og
Manni. — Bókav. Ársæls
í*etta er 4. bókin eftir hinn
fræga landa vorn Jón Sveins-
son, sem kemur út á 3 árum.
Fyrst kom Nonni, þá Borgin
við sundið, svo Sólskinsdagar,
og nú siðast Nonni og Manni.
Ársæll Árnason hefir gefið þær
allar út og ekkert sparað til út-
gáfunnar. Hafði lengi verið um
það talað, að við þyrftum að
eignast þessar marg-umtöluöu
bækur á íslensku, en enginn
hafði þar framtak um, fyr en Ár-
sæll reið á vaðið, og á hann
þakkir skilið fyrir.
Nonni og Manni er með sama
snildarstíl og sérkennum höf-
undar eins og aðrar bækur
hans, og ekki hafa þýðend-
urnir aflagað þær í meðförun-
um. — Nafn Jóns Sveinssonar
er fyrir löngu þekt í hinnm
mentaða umheimi, og fer orðs-
týr hans sívaxandi.
Nú höfum við hér heima
einnig fengið að kynnast hon-
um gegnum sögurnar, og flestir
munu vera ánægðir með þá við-
kynningu, sem bækur hans hafa
veitt. Sérstaklega eru þær vel
fallnar til lesturs fyrir börn og
unglinga, en allir geta samt haft
þeirra full not og baft ó-
blandna ánægjuaf lestrinum.