Hænir - 01.10.1927, Side 2

H ÆN I R
BCc>®xs><aacs)e3cs><aazK2X5)®c2X5><2X5x2x®<aacQ)<2ac5><23C5)c5aa'
VERZLUNIN ST.TH. JÓNSSON *
hefir umboð fyrir:
Brunaábyrgðarfélagið „Nye Danske"
Lífsábyrgðarfélagið „Danmark"
Sjóvátryggingafélagið „Danske Lloyd“
— Munið eftir að tryggja bæði líf og eignir. —
Innilegt þakklæti vottum viö öllum þeim, sem sýndu okkur
samúð og hluttekningu við fráfall og jarðarför okkar hjartkæru dótt-
ur, Oddnýjar Stefanfu.
Sveinrún Jónsdóttir. Andrés Rasmussen.
Hveiti
Hrísgrjón
Sagógrjón
Kartöflumjöl
Haframjöl
Seyðisfirði
hafa fyrirliggjandi:
Rúsínur Reyktóbak, 4 teg.
Sveskjur Cigarettur:
Epli, þurkuð „Goid Flak“
Apricosur, þurk. „Camell“
Gráfíkjur Rjól
Hænsnafóður bl.
Hænsnamaís
Döðlur
Ferskjur niðurs.
Skraa
Eldspítur
heilbrigði, en einnig nauðsynleg
undirstaða undir frekara íþrótta-
nám.
Það væri óskandi, að nýmæli
þessu verði vel tekið, enda er hér
ágætt tækifæri fyrir hvern sem er,
víðsvegar um land, gamla menn
jafnt sem unga, að afla sér all-
rækilegrar kenslu í þessum efnum
gegn mjög lágu verði. Mun Jón
þorsteinsson fúslega svara öllum
fyrirspurnum í þessa átt, og ættu
væntanlegir nemendur því að leita
til hans sem allra fyrst.
Helgi Valtýsson.
Skýrsla um Alþýðuskdlann á
Eiðum 1926—1927 er nýprentuð
hér í prentsmiðju Sig. þ. Guð-
mundssonar. Hin auknu og bættu
húsakynni skólans báru þegar á
þessu skólaári sýnilegan ávöxt, og
voru nemendur mun fleiri en áð-
ur, alls 44. þar af 5 í framhalds-
deild, 15 í annari deild og 24 í
fyrstu deild. Fastir kennarar voru
hinir sömu og áður, og fekk Bald-
ur Andrésson veitingu fyrir embætti
sínu 21. sept. Sigríður Magnús-
dóttir frá Gilsbakka varð aðstoð-
arkennari í hannyrðum og vefnaði
í byrjun janúarmán. 17 námsgreinir
voru kendar í skólanum. Við skóla-
uppsögn útskrifuðust 11 nemendur.
Verkleg námsskeið, búnaðarnáms-
skeið og vefnaðarnámsskeið, voru
haldin að vorinu. Kennari við bún-
aðarnámsskeiðið var Einar Stef-
ánsson, búfræðingur frá Mýrum í
Skriðdal, en nemendur ekki nema
2, en nemendur á vefnaðarnáms-
skeiði 5 stúlkur. — Víðboðstækj-
um hefir verið komið upp í skól-
anum með fjársöfnun innan skól-
kns og gjöfum frá kennurum, nem-
endum og öðrum vinum skólans.
— Samkomur voru nokkrar haldn-
ar og sjónleikur sýndur, „Æfintýri
á gönguför“. Virðist skýrslan bera
með sér, að skólalífið hafi verið
vel vakandi. — Allur kostnaður
við fæði og þjónustu um skólaáríð
varð að meðaltali fyrir pilta 444
kr., en fyrir stúlkur 366 kr.
Skýrsla um Gagnfræöaskdlann
í Flensborg skdlaárið 1926—1927,
er fyrir skömmu komin. Nemendur
voru alls 68, 27 í 1. bekk, 24 í 2.
bekk og 17 í 3. bekk. Burtfarar-
prófi luku 16 nemendur, og gengu
3 þeirra upp í 4. bekk Mentaskól-
ans og fengu 1. einkunn. Kennar-
ar hinir sömu og áður, kendar 11
námsgreinir.
Heimavist var við skólann eins
og að undanförnu. Voru í henni
að jafnaði 18 utanbæjarnemendur.
Fæði, þjónusta og hitun varð 60
kr. 17 aurar á mánuði.
Athyglisvert er þetta, sem skóla-
stjóri segir í skólaskýrslunni um
undirbúning ungmenna ogfræðslu
samkv. reynslu síðustu ára:
„í inntökuskilyrðum skólans er
það tekið fram: að nemandi hafi
lært svo vel þær námsgreinir, sem
heimtað er í fræðslulögunum að
14 ára unglingur hafi numið. Á
þessu hefir orðið mikill misbrest-
ur, einkum á síðari árum, ung-
mennin, mörg af þeim, hafa ekki
lært það, sern 14 ára ungmenni
eiga að kunna. Hefir kunnáttunni
oft verið ábótavant í sjálfri undir-
stöðunni, lestrinum, jafnvel þó
meðalgreind sé. En út yfir tekur
með kunnáttu í reikningi, sumt
sveitafólk, sem komið hefir í skól-
ann, hefir ekki kunnað fjórar höf-
uðgreinir, og þetta hefir farið
versnandi sfðustu ár. Það gefur að
skilja, hvílíkri töf og erfiðleikum
þetta veldur, og hinsvegar ekki
gott að vísa unglingum heim aftur,
sem langt eru að komnir og standa
einir síns liðs, þó líklega reki að
því ef að þessu heldur áfram.
Undantekningar e'ru þó frá þessu,
börn, sem hafa verið í barnaskóla
Hafnarfjarðar og notið hafa þar
kenslu lögboðinn tíma, eru und-
antekningarlítið vel að sér“.
Skyldu þeir hafa rétt fyrir sér,
sem álíta að barna- og unglinga-
fræðslu hraki víðsvegar á Iandinu?
Eftirtektarverðari er framanskráð
umsögn fyrir þá sök, að hún er
frá einum elzta og mikilhæfasta
alþýðukennara landsins.
Gunnlaugur Óskar Schewing
málari, ætlar að halda málverka-
sýningu hér í bænum undir næstu
helgi. Hefir hann stundað nám á
Listaskólanum í Kaupmannahöfn,
og fer utan aftur undir miðjan
mánuðinn til framhaldsnáms. Er
þetta í fyrsta sinn sem hann sýn-
ir hér málverk sín. Er hann álit-
inn mjög efnilegur í sinni list.
Undirréttarddmur er nýlega
fallinn í máli því, er Sigurður
Magnússon læknir höfðaði á sín-
um tíma gegn bæjarstjórninni hér,
út af því að hún réðist í að fela
aöstoðarlækni héraöslæknis með-
ferð ljóslækningatækjanna í sjúkra-
húsinu, en ekki honum, sem þó
hafði komið til mála að gera, og
tillaga náð samþykki um „þar til
öðruvísi yrði tilskipað". Dóm-
urinn féll þannig, að Sigurði
Magnússyni voru dæmdar 1170 kr.
skaðabætur með 5% vöxtum frá
14. maí 1926 og 228 kr. í máls-
kostnað.
Árekstur. Togari frá Grímsby,
nr. 991, silgdi í gær á færeysku
skútuna, „Riddarin", þar sem hún
lá við bæjarbryggjuna og laskað-
ist hún talsvert. Skipið er eign
Mortensens í Trangisvogi.
Jaröarför hinna færeysku sjó-
manna mun fara fram um miðja
viku, sennilega á miðvikudag.
Vatnleiðsla bæjarins fær nú
miklar endurbætur, vatnsmagn
aukið að þrónni sunnan megin ár,
og tengsli sett í ána við leiðsluna
norðanmegin. Einnig stendur til að
leiða vatn frá bæjarleiðslunni í
sjúkrahúsið, því sú varð reyndin á
í sumar, að vatn þraut í vatns-
leiðslu sjúkrahússins, sem hingað
til hefir verið sérstök, gerð löngu
áöur en aðalleiðsla bæjarins. Enn-
fremur er ný leiðsla lögð frá
bæjarleiðslunni að Járnhúsinu og
húsunum þar f grend.
Guðm. G. Hagalín rithöfundur
hélt hér fyrirlestra tvö kvöld í röð
í vikunni. Var það fyrir fórgöngu
félagsins „Bjólfur“, sem hafði
fengið hann til að koma hingað í
þessum erindum. Fyrra kvöldið
talaði hann um „Skin og skugga
í þjóðlífi Norðmanna“, og hið
síðara um „Öndvegishölda norskra
bókmenta“. Voru bæði erindin
fróðleg og flutt af fjöri og fyrir-
lestraleikni. Fjölorðastur var hann
síðara kvöldið um forsvarsmenn
landsmálsins norska. Hagalín er
fjölfróður um bókmentir og þjóð-
líf Norðmanna, og kom víða við
bæði kvöldin.
Þá las hann einnig bæði kvöld-
in kafla úr sögu eftir sig, sem nú
er í prentun og nefnist „Brennu-
menn“. Kennir þar ýmsra póli-
tískra grasa.
Séra Friörik Friðriksson frá
Rvík messað.i hér í kirkjunni á
fimtudagskvöldið.
Ungfrú Helga Bjarnadóttir, frá
Húsavík, heldur söngskemtun á
morgun hér í Barnaskólanum kl.
5 sd. — Helga hefir stundað
söngnám í Kaupmannahöfn öðru
ivoru nokkur undan farin ár, en
ekki getað sökum efnaskorts og
erfiðileika haldið því stöðugt á-
fram. Fyrst nam hún hjá herra
Hans Hey kammersöngvara, en
síðar hjá mikilsmetinni söngkonu,
frú Brian-Schwarck. Meðmæli hef-
ir hún hlotið hin beztu frá kenn-
urum sínum, bæði fyrir sönghæfni
og námsástundun, og urðu þau til
þess, að hún varð nokkurs styrks-
aðnjótandi úr Sáttmálasjóði.
Árið 1922 söng hún á Akureyri
og fékk góða dóma. Ætlar hún
nú að syngja á nokkrum stöðum
kring um landið, og fara síðan
utan og halda áfram námi.
Á söngskránni hefir hún meiri
hluta íslanzkra laga, en nokkur
erlend.
Frú Margarethe Juul leikur und-
ir á hljóðfærið þegar Helga syngur
hér.
Togarinn „Austri", sem sagt
var frá í síðasta blaði að hefði
strandað á Húnaflóa, ónýttist í
brimróti. Var hann sem kunnugt
er, eign Kárafélagsins, en forstjóri
þess er nú Ólafur Gíslason, fyrr-
um verzlunarstjóri. Hafði skipið
fiskað ágætlega í sumar. Vátrygt
var það í „Samtryggingu ísl. botn-
vörpúnga" fyrir 15000 sterlings-
pund (rúml. 330 þús. kr.)
100 ára gömuf varð kona á
Sv^astöðum í Skagafirði 12. f. m.,
og heitir Rannveig Þorkelsdóttir.
Er hún fædd á sama bæ og hefir
lifað þar öll æfiár sín. Sögð er
hún ern mjög, vinnur ýms létt-
ari hannyrðaverk og les gler-
augnalaust. Sagt er að margt af
ættfólki hennar hafi náð háum
aldri og systir eigi hún, sem sé
97 ára. Faðir hennar varð 95 ára
og einnig föðuramma. — Síðast
varð, á undan henni, lOOára, kona
að Merkigili í Skagafj.sýslu. Hún
dó á 101. árunu árið 1907.
Séra Björn Þorláksson kvað
hafa verið af stjórninni1 skipaður
til að hafa eftirlit með skýrslum
um lyfjasöfu — líklega sérstaklega
áfengis. í hvorugu mun hann þó
sérfræðingur.
Óþurkaveðrátta hefir verið hér
á Austurlandi um langan tíma,
rignt mikiö og snjóað í fjöll, upp-
stytta sjaldan og örfáir sólskins-
dagar — einn og einn. Varð sök-
um hretviðra að færa fyrsta fjall-
göngudag yfir á hinn næsta. Kemur
þessi óþurkatíö sér sérstaklega illa
vegna þess hve mikið menn eiga