Vesturland - 14.06.1951, Blaðsíða 2

2
VESTURLAND
1
Ritstjóri og ábyrgðarmaður: Sigurður Bjamason frá Vigur
Skrifstofa Uppsölum, sími 193
Afgreiðsla og auglýsingar: Engilbert Ingvarsson, Hafnar-
stræti 12 (Uppsalir). — Verð árgangsins krónur 20,00.
_______L_____________________________________________________i
Sjálfstæði íslands.
Þann 17. júní n.k. eru liðin 140 ár frá fæðingu Jóns Sigurðssonar,
mannsins, sem við Islendingar eigum mest að þakka, mannsins, sem
fómaði öllu ævistarfi sínu einvörðungu til þess að frelsa þjóð sína,
leysa hana úr viðjum harðstjómar danskra einvaldskonunga, reisa
hana upp úr fátækt og eymd og geía henni nýja von og trú á sjálfa sig
og land sitt.
Þessa manns ber okkur að minnast með þakklátum huga og gæta
þess vandlega, að ekki falli hinn minnsti blettur eða skuggi á minningu
hans. Það er í samræmi við hina djúpu virðingu okkar fyrir minningu
þessa þjóðarhöfðingja að velja einmitt fæðingardag hans, 17. júní,
þess að stíga lokaskrefið í frelsisbaráttu okkar með stofnun hins ís-
lenzka lýðveldis á Þingvöllum 1944, og um leið og við höldum há-
tíðlegt 7 ára afmæli Lýðveldisins ísland heiðrum við minningu hans
bezt með því að strengja þess heit að standa fast saman um þjóðemi
okkar og tungu og hin fornu, helgu mannréttindi okkar, sem eru
grundvöllurinn fyrir lýðræðinu og frelsi þjóðanna.
Frá fornu fari hefur verið fastmótuð í þjóðarvitund okkar djúp
virðing fyrir lýðræðinu. Forfeður okkar flýðu undan harðræði Haraldar
hárfagra og stofnuðu hér sitt eigið ríki. Þeir þoldu ekki ofríki ein-
' valdans.
Nú á þessum tímum höfum við skipað okkur í raðir hinna vest-
rænu lýðræðisríkja, sem eru staðráðin í því að standa vörð um lýð-
ræðið og frelsið í heiminum, og við höfum tekið á okkur þær skyldur,
sem því em samfara. Þjóðskipulag okkar er byggt á lýðræði, og á
þeim grundvelli viljum við, að það hvíli framvegis. Því miður eru
samt til þeir íslendingar, sem eru annarar skoðunar í þessum málum.
Þeir vilja lýðræðið feigt. Þeir vilja afnám almennra, frjálsra kosninga
og alræði hins rússneska einvalda, sem einn er óskeikull og hans skoð-
anir því þær einu réttu, og að þeirra áliti er það glæpur að hafa aðra
skoðun, þótt um mestu smámuni sé að ræða. 1 Verkalýðsblaðinu, sem
gefið var út af kommúnistum, standa þessi orð í 23. tbl. 1932: „En
þegar búið er að taka ákvarðanir verða allir að fylgja þeim fram sem
einn maður. Og þess er ekki aðeins krafist, að ákvörðununum sé fylgt
í orði kveðnu, heldur verða menn að starfa jafn ötuliega, þótt þeir séu
á öðru máli.“
Þannig lýsa kommúnistarnir skoðanafrelsinu innan flokks þeirra,
skoðanir flokksstjórnarinnar eru þær einu réttu, og þar, sem þeir ráða
ríkjum, gildir hið sama um skoðanir þjóðarinnar og einvaldans.
Markmið kommúnista er að koma hér á rússnesku lepp-ríki, enda
hafa þeir stundum ekki farið neitt dult með það. Jóhannes úr Kötlum
byrjar t.d. þannig eitt kvæði sitt: „Sovét-lsland, óskalandið, hvenær
kemur þú?“ og H. K. Laxness segir í Þjóðviljanum 27. september 1939,
þegar Rússar hernámu hálft Pólland: „Ég skil ekki almennilega, hvernig
bolsévikar ættu að sjá nokkurt hneyksli í því, að 15 milljónir manna
eru þegjandi og hljóðalaust innlimaðir undir bolsévismann. Mér skilst,
að slíkt hljóti að vera bolsévikum fremur fagnaðarefni en ástæða til
hneykslunar.“ Myndi það síður vera fagnaðarefni fyrir hann og fylgi-
fiska hans, ef við, innan við 15 tugi þúsunda, værum innlimaðir inn
í „paradísina“ ?
Að þessu markmiði, Sovét-íslandi, vinna þeir samkvæmt hinni ill-
ræmdu reglu Jesúítanna: „Tilgangurinn helgar meðalið".
Þessvegna saurga þeir nú nafn frelsishetju okkar, Jóns Sigurðs-
sonar, er þeir beita því fyrir sig í landráðaáróðri sínum. Nú telja þeir
vænlegt til vinsælda að hampa nafni hans og hrópa hátt úti á torgum
og gatnamótum um innilega ættjarðarást sína og fórnarlund fyrir föður-
landið, sem sífellt sé verið að selja. En úlfshárin gægjast alls staðar
undan sauðargærunni, og þjóðin lætur ekki blekkjast af hræsni þeirra.
Hún man, að þessir sömu menn, sem nú standa með vot augu af
krókódílatárum, er þeir sjá íslenzka fánann dreginn að hún, sögðu áður:
„Þjóðfáninn er hermerki auðvaldsins.“ og hún man einnig, að sömu
mennirnir, sem nú standa og drúpa höfði í lotningarfullri ,auðmýkt
yfirdrepsskaparins og skinhelginnar, er þeir hlusta á þjóðsönginn, sögðu
áður: „Hver, sem stendur upp eða tekur ofan, er þjóðsöngurinn er
TILKYNNING
Nr. 18/1951.
Fjárhagsráð hefur ákveðið eftirfarandi hámarksverð á brenndu og
möluðu kaffi frá innlendum kaffibrennslum:
Heildsöluverð án söluskatts...... kr. 34,67 pr. kg.
Heildsöluverð með söluskatti..... — 35,74 — —
Smásöluverð án söluskatts ......... — 38,42 — —
Smásöluverð með söluskatti....... — 39,20 — —
Sé kaffi ópakkað, skcd það vera kr. 0,40 ódýrara hvert kíló.
Reykjavík, 16. maí 1951,
VERÐLAGSSKKIFSTOFAN.
TILKYNNING.
Nr. 19/1951.
Fjárhagsráð hefur ákveðið nýtt hámarksverð á smjörlíki sem hér
segir:
N iðurgreitt: Óniðurgreitt:
Heildsöluverð án söluskatts......... kr. 7,32 kr. 13,14 pr. kg.
Heildsöluverð með söluskatti
Smásöluverð án söluskatts .
Smásöluverð með söluskatti .
.... — 7,73 — 13,55 -----
.... — 8,43 — 14,31------
.... — 8,60 — 14,60 -----
Reykjavík, 16. maí 1951,
VERÐLAGSSKEIFSTOFAN.
Ú ts var Sg jaldendur
eru hér með alvarlega áminntir um að greiða bæjarsjóði Isafjarðar nú
þegar þann liluta útsvarsins fyrir 1951, sem fallinn er í gjalddaga lögum
samkvæmt, en sá hluti nemur nú % hlutum af útsvari þeirra fyrir s.l. ár.
Kaupgreiðendum ber að skila nú þegar, og ávallt jafnóðum, útsvörum
sem þeir hafa innheimt hjá verkamönnum, sjómönnum og öðru starfs-
fólki.
Skorað er á gjaldendur, sem eiga kröfur á bæjarsjóð, eða aðrar stofn-
anir bæjarins, er þeir hafa hugsað sér að láta mæta útsvarsskuldum
sínum, að gefa bæjargjaldkera nú þegar upp allar slíkar kröfur.
Isafirði, 17. maí 1951.
BÆJARSTJÓRI.
TILKYNNING
frá stjórn íþróttavallarins.
Að gefnu tilefni tilkynnist, að öll not íþróttavallarins til kappleikja,
eða annarar íþróttastarfsemi, er óheimil nema með leyfi vallarstjórnar
hverju sinni.
DANIEL SIGMUNDSSON
(form. vallarstjórnar)
Tvö herbergi og eldhús til leigu á Hlíðarvegi 24.
LAXVEIÐIÁ TIL LEIGU.
Laugardalsá í Ögurhreppi er til leigu í sumar — einstaklingi eða
félagi. Upplýsingar gefur
SAMCEL GUÐMUNDSSON
HRAFNABJÖRGUM
sunginn, er þýlynt yfirstéttarelement." Hún man feril þessara manna,
og sporin hræða sannarlega.
íslendingar, höldum því uppi merki Jóns Sigurðssonar, „Eigi að
víkja“, og berjumst ótrauðir fyrir hugsjónum hans, hugsjónum lýð-
ræðisins, og vísum á bug landráðastefnu kommúnista. Þá er sjálfstæði
íslands borgið.