Tíðindablaðið - 14.02.1975, Side 8
Síða 8
TÍÐINDABLAÐIÐ fríggjadagin 14. februar 1975
Yvirskegg
Eg eri ein ung genta upp
á 16 ár, sum havi ein
trupulleika. Eg havi
fingið «yvirskegg», altso
nógv hár rundan um
munnin, og tá eg ikki
veit, hvussu eg skal fáa
tey burtur aftur, havi eg
roytt tey av. Tey koma
tó altíð aftur, og nú eru
tey blivin heilt grov og
long. Eg vil tí biðja
tygum um eitt gott ráð
fyri at fáa tey heilt vekk.
Tann unga
Tað kann vera ættar-
breðgi, at tygum hava
hár í andlitinum, og tá
hevur tað als onki at
týða, og eg haldi, at
tygum skulu halda á-
fram við at hála tey út.
Tey verða ikki longri ella
grovari av tí.
Um tygum hava fingið
hár eisini aðrastaðni, har
tey ikki eiga at vera hjá
konufólki, so eiga tygum
at fara til lækna og
kanska verða kannað,
men eru bløðingarnar
hjá tygum heilt normal-
ar, og tygum annars eru
ein normal ung kvinna,
so hava hesi hár helst
onki at týða.
MS
Epilepsi
Eg havi tikið Difhydan i
23 ár. Tey seinastu 13
árini havi eg tikið 4 tabl-
ettir um dagin, 'og tær
halda anføllunum burt-
uri. Eg havi havt gott
minni og fatað alt skjótt,
men fyri nøkrum árum
síðani broyttist alt hetta
og fari eg seint í song
okkurt kvøldið, so sovi
eg so fast, at eg vakni
ikki av vekkara. Halda
tygum, at hesar tablett-
irnar eru orsøkin til
hetta?
Er tað neyðugt at
undirsøkja eyguni, tá nú
anføllini verða hildin
burturi? um so er, hví?
Eg havi tvey bøm og eri
40 ár.
Epileptikkari
Hjá tygum, sum eru epi-
leptikkari, fer minnið við
aldrinum eins og hjá øð-
rum, men kanska tað fer
eitt sindur meira hjá
tygum, tí tygum hava
hesa sjúku og taka nógv-
an heilivág.
Eg skilji ikki, hvat
tygum meina við at
SPYRJIÐ
L/EKNAN
Marner Simonsen, yvir-
lækni, svarar
kannaeyguni, tað skuldi
ikki havt beinleiðis sam-
band við sjúkuna, men
kundu tygum fingið
kannað, hvussu nógv av
heilivágnum er í blóði
tygara.
MS
Forboð
Maður mín er 38 ára
gamal og hevur havt
gulsótt. Tá hann varð
útskrivaður av sjúkra-
húsi, fekk hann boð um,
at hann mátti ikki
drekka spiritus ta fyrstu
tíðina. Tá vit koma út og
hann fær nakað boðið
dugir hann ikki at halda
sær. Hvussu strangt
skal forboðið yvirhald-
ast, og er nakar vandi
fyri, at hann verður
sjúkur aftur?
S.M.
Tygum upplýsa onki
um, hvat orsøkin til gul-
sóttina var. Um tað var
sjálv livurin, sum var
sjúk, so er tað hættisligt
at njóta alkohol, tí hetta
evni kann bert niður-
brótast í livrini, og tí er
umráðandi at halda seg
burtur frá hesum í rætt-
uliga langa tíð, aftan á
at ein hevur verið sjúk-
ur. Men um gulsóttin
stendst av gallsteini ella
øðrum í gallinum, so er
tað kanska ikki so hætt-
isligt at njóta alkohol.
Men tá tað er sagt við
hann, at hann skal halda
seg burtur frá alkohol,
so má tað vera ógvuliga
umráðandi, at hann fylg-
ir hesum ráðum.
MS
Skal giftast
Eg eri ein 25 ára gamal
maður, sum á ungum ár-
um var fyri tí óhappi at
fáa gonorre. Nú er mein-
ingin hjá mær at giftast,
og snýr spumingurin seg
um, hvussu stórar møg-
uleikin er fyri, at eg eri
sterilur. í hvørjum stad-
ium er talan um henda
møguleika? Hvat sigur
statistikkurin um kyns-
sjúkur, era tær vaksandi
aftan á seinna heims-
kriggj?
x
'Tað er bert møguleiki
fýri, at tygum eru steril-
ur. um gonorresjúkan
hevur breitt seg oman
móti steinunum. Um
sjúkan bert hevur verið í
vatnrásini, so verður ein
ikki sterilur.
Undir seinna heims-
bardaga var ógvuliga
nógv til av teimum ym-
isku kynssjúkunum,
men tað minkaði aftur
aftan á kríggið, men hesi
seinni árini hava tær
aftur verið fyri stórum
vøkstri, eisini her hjá
okkum.
MS
Marran
Eg líði av marra, havi
gjørt tað, síðan eg var
litil smádrongur. Hetta
er ógvuliga óhugnaligt
at líða av. Nú vil eg
spyrja tygum, um nøkur
hjálp fæst fyri hetta
brek.
Eg eri 47 ára gamal og
livi væl.
Tað er oftast á tann
hátt, at marran kemur
tiðliga á náttini, við tað
at eg stríðist við at
vakna, men eri ikki
mentur at røra so mikið
sum ein fingur, og tað
kennist sum eg fái ikki
andað, síggi alt ið inni er
og veit væl, hvar eg eri.
Er eingin, ið kann vekja
meg, vísir tað seg at
vera ein drúgv tið, áð-
renn eg vakni, úttikin og
trongur.
Eitt kvøldið nú herfyri
fekk eg vitjan av marr-
uni á sama hátt sum
frammanundan nevnt.
Børnini vóru í kamari
við síðuna av, tey hoyrd-
u rópið, men vaktu meg
ikki, vistu ikki hvat tað
var. Tey hildu, at tað
vardi umleið átta min-
uttir, áðrenn konan kom
upp á loft og fekk vakt
meg. Tá var eg ógvuliga
bleikur í andlitinum, tað
sá út sum blóðið var sett
frá hjartanum, sum tikið
verður til. Tá kendi eg
met úttiknan og líkasum
eitt sindur ræddan, tá ið
eg vaknaði. Soleiðis
kennist tað hvørja ferð.
Tey gomlu heimaráð-
ini hjálpa einki — sum
knív undir koddan, lata
skógvarnar venda frá
songini og at hava hest-
askógv oman fyri hurð-
ina.
Er nøkur hjálp fyri
hetta brek?
Marmennil
Hjá mær er ógjørligt at
svara uppá, hvat marra
er, tí tað er ein stórur og
fløktur spurningur.
Hettaáttu tygumat tos-
að við sálarfrøðing ella
sálarlækna um. Marran
má helst vera eitt slag av
dreymi, og tey gomlu
heimaráðini tygum
nevna, munnu ikki hava
nakað størri virði, uttan
so at ein trýr fult og fast
upp á, at tað skal hjálpa.
MS
Tey bæði pípuorglini, sum Verland hevur í gerð, eru 4.
og 5. orglið, sum hann hevur bygt
Orglið til Argjar
er liðugt skjótt
Hetta seinasta árið hevur
Verland Johansen bygt tvey
pípuorgul
Træpipurnar ger Verland sjálvur, meðan tinpípurnar
koma hálvt liðugtgjørdar úr útlondunum
Umframt orglið, sum verð-
urbygt til kirkju- og miss-
iónshúsið á Argjum, hevur
Ver.land Johansen eisini
eitt orgul til kirkjuna á
Eiði í gerð. Orglið til Argj-
ar kostar 70.000 kr., með-
an orglið til Eiðis kemur at
kosta 200.000 kr. Hetta
seinna orglið verður liðugt
í summar.
Byggingin verður
gjørd eftir sáttmála, sigur
Verland Johansen, og uppi
í hesum sáttmála er eisini
tilfarið til byggingina. Tað
er serliga tinpípurnar og
tað mekaniska, sum kostar
nógv.
- Tað era fimm ár síðani
eg av álvara fór undir org-
ulbygging. Tað var orglið
til Sands kirkju. Hetta var
fyrsta orglið, sum er bygt í
Føroyum. Tey bæði orgl-
ini, sum nú vera bygd til
Argjar og Eiðis, era tað
fjórða og tað fimta. Eingin
sáttmáli er enn gjørdur um
onnur arbeiði, men eg
vænti, at okkurt orgul
verður bygt aftrat. Enn
verði eg ikki arbeiðsleysur,
tí um einki orgul verður at
byggja, so kann eg altíð
gera okkurt annað, sigur
Verland Johansen.
- Orglið til kirkjuna á
Eiði hevur tíggju røddir
við tveimum manualum og
pedal. í hesum orgli vera
umleið 600 pipur, harav
era 40 træpípur, meðan
restin eru tinpipur. Tinpíp-
urnar koma hálvt liðugt-
gjørdar úr útlondum sam-
an við einum parti av mek-
anikkinum, meðan restin
verður gjørd her. Orglið til
kirkju- og missiónshúsið á
Argjum er minni, tað hev-
ur fýra røddir og pedal.
Pipurnar eru millum 250
og 300 í tali. Orglini vera
flutt á staðið í pørtum, og
har verður eisini ein stórar
partur av monteringsar-
beiðinum gjørt, sigur Ver-
land Johansen.
Umframt Verland ar-
beiðir sonur hansara Poul
eisini við orgulbyggingina.
Neistin
Ársaðalfundurin verður i B 36-húsinum leygar-
dagin 1. mars kl. 15.
Dagsskrá sambært lógina.
Nevndin
♦
*
4