20. maí - 20.05.1937, Side 1

*
Þó ekki séu liðin nema 30 ár
írá stofnun skátahreyfingarinnar,
hefir hún borist óðfluga út um
heiminn, og starfa nú um 2?r milj.
skáta í 49 ríkjum. Ástæðan fyrir
þessari hraðfara sigurför skáta-
hreyfingarinnar er sú, að hún á
erindi til allra unglinga í heimin-
um. Hún er sniðin af svo miklum
skilningi á hugarfari þeirra, miðar
að því að auka gáfur þeirra og
þroska og gera þá að góðum og
nýtum mönnum; enda er hún all-
staðar viðurkennd sem hin bezta
uppeldisaðferð. Hvert atriði er þar
svo grandgæfilega hugsað og
meistaralega niðurraðað, að ó-
mögulegt er að gera það betur,
énda er hugsjónin, sem liggur til
grundvallar þessari hreyfingu, ein
sú fegursta, sem finnst.
Stofnandi skátahreyfingarinnar,
sir Robert Baden Powell, er fædd-
ur í London 22. febrúar 1857. —
Hann var yfirforingi í her Eng-
lendinga; var hann hraustur og
hugrakkur hermaður og ávann sér
ást og virðingu allra þeirra, sem
kynntust honum. — Hann stýrði
enskri hersveit í Búastríðinu um
siðustu aldamót. — Varð hann
heimsfrægur fyrir að verjast fá-
mennur ofurefli liðs í þorpinu
Mafeking. — Árið 1903 kom hann
svo heim til Englands. Sá hann
fljótt ýmsa þjóðfélagsgalla, sem
nútímamenningunni fylgja, en
náttúrubörn þau, er hann hafði
kynnst í Afríku, höfðu ekkert eða
lítið af að segja. Eigingirni, sið-
leysi og allskonar óregla voru al-
menn, en drengskapur, hugrekki
og aðrar fagrar dygðir virtust
hrundar til grunna. — Baden
Powell tók nú að hugsít ráð'sitt,
er mætti verða til endurbóta. —
Fann hann fljótt þá þjóðfélags-
veilu, sem er undirrót þessara ó-
heilinda að miklu leyti. — Fjöidi
nglinga nær aðeins litlum hluta
áskapaðs þroska, vegna þess að
skynfæri þeirra, vilji og dómgreind
fá ekki nógu mikla og of einhliða
æfingu í æsku. — Unglingar hafa
fjölda tómstunda, sem oft, sértak-
lega í borgum og bæjum, er 'eytt
á götum úti í verra en ekki neitt.
Við það venjast þeir á iðjuleysi,
sem aldrei getur haft nema illt
eitt í för með sér.
Þegar Baden Powell var kominn
að þessari niðurstöðu, fór hann
fyrir alvöru að hugsa ráð sitt. —
Hugðist hann sjá unglingum fyrir
verkefnum, er væru þeim svo
geðfeld, að þeir verðu til þeirra
tómstundum sínum, en væru jafn-
framt til þess fallin, að æfa gáfur
þeirra og þroska.
Árið 1907 safnaði hann svo
saman nokkrum drengjum, lét
þá hafast við í tjöldum úti á víða-
vangi og að öllu leyti hugsa um
sig sjálfir. — Árið e|tir gaf hann
út handbók fyrir skáta, »Scouting
for boys«. — Er það ný uppeldis,-
aðferð, sniðin mjög eftir lundarfari
unglinga og reist á sjálfstamningu.
Á reglum þeim, er Baden Powell
gefur í bókinni, er skátafélags-
skapurinn reistur. — Árið 1910
hætti hann að starfa sem hermað-
ur til þess að geta varið öllum
kröftum sínum i þágu skátaregl-
unnar. — Árið 1920 var hann
kjörinn alheimsskátaforingi, og á
heimsjamboree 1929 var honum
veitt lávarðstign og heitir nú Lord
of Gillwel).
Baden Powell er gæddur þeim
gáfum og eldheitum áhuga fyrir
hugsjónum sínum, að allir góðir
skátar elska hann og virða, og
heimurinn dáist að honum og ber
lotningu fyrir honum, enda hefir
komið til tals að veita honum
friðarverðlaun Nobels fyrir stofnun
skátahreyfingarinnar.
Skátaheit og lög eru þau söniu
um allan heim, þó ýmsum
regluin sé breytt eftir staðháttum
í hinum mismunandi löndum.
pnginn getur talist til bræðra-
lags skáta nema vinna þetta heit:
»Ég lofa að gera það, sem í mínu
valdi stendur til þess: Að gera
skyldu mína við guð og ættjörð-
ina. —
Að hjálpa öðrum.
Að halda skátalögin.
Af skátaheitinu, -lögum og kjör-
orði sést, hvers krafist er af þeim,
sem vilja verða skátar; að hugar-
far og framkoma auðkenna skát-
a n n miklu frekar en ytri ein-
kenni.
Skátalögin eru svo ströng, að
þau getur enginn haldið fyr en
eftir rækilega tamningu; þau miða
öll að því að auka andlegan
þroska og eru þessvegna ólík öll-
um öðrum lögum. — Þau eru á
þessa leið:
1. gr. Skáti segir ávallt satt og
gengur aldrei á bak orða sinna.
2. gr. Skáti er tryggur.
3. gr. Skáti er hæverskur í
hugsunum, orðum og verkum.
4. gr. Skáti er hlýðinn.
5. gr. Skáti er glaðvær.
6. gr. Skáti" er þarfur öllum og
hjáipsamur.
7. gr. Skáti er drenglyndur í
allri háttsemi.
8. gr. Skáti er sparsamur.
9. gr. Skáti er dýravinur.
10. gr. Allir skátar eru góðir
lagsmenn.
Kjörorð skáta er: »Vertu viðbú-
inn!« — Góður skáti er ávallt við-
búinn að uppfylla loforð sitt á
hverjum tíma og hvernig sem á
stendur. Hann er viðbúinn undir öll-
um kringumstæðum að hjálpa
bæði sér og öðrum, í hverskonar
vanda.
Af þessu sést að skátahugsjónin
er fögur og verð þess, að sem
flestir skipi sér undir merki henn-
ar. — Hún laðar fram allt það
fegursta og bezta, sem býr í sál
mannsins og lyftir honum hátt
yfir dapurleika hversdagslífsins.
Og að endingu: — Þið æsku-
menn, sem unnið hafið skátaheit!
Hvert sem leiðir ykkar kunna að
liggja, og hvernig sem lífskjör
ykkar kunna uð verða, þá gleym-
ið aldrei skátaheitinu ykkar. Það
á að vera ykkur örugg hjálp í
baráttunni fyrir hinu góða, sanna
og rétta. — Missið ekki sjónar á
hugsjóninni, en berið merki henn-
ar — liljuna — hátt og látið ekki
hugfallast, þótt örðugt kunni að
þykja, og jafnvel þótt þið heyrið
háðsglósur að baki ykkar,- Munið,
að þið eruð þáttur í þeirri alþjóða-
hreyfingu, sem vinnur að alheims-
friði og bræðralagi mannkynsins —
eða eins og skáldið segir;
»Láttu aldrei fánann falla
fram til heiðurs stigið er.
Hver sem vill má hrópa og kalla
hæðnisorð að baki þér.
Seinna á þínum herðum hvíla
heill og forráð þessa lands.
Þegar grónar grafir skýla
gráum hærum nútímans«.
Skátar! Verum viðbúnir!
Hrefna Tynes.