Faxi - 01.10.1956, Side 7

F A X I
95
Nætur- og helgidagslæknar í Keflavíkur-
héraði frá 27. okt. til 24. nóv. 1956.
27. okt. til 3. nóv., héraðslæknir.
3.—10. nóv., Bjarni Sigurðsson.
10.—17. nóv., Guðjón Klemenzson.
17.—24. nóv., Björn Sigurðsson.
Lætur af starfi.
Karl G. Magnússon, sem verið hefir héraðs-
læknir hér um 15 ára skeið lætur nú af því
starfi, sakir aldurs og flytzt til Reykjavíkur.
Eftirmaður hans í embættinu verður Einar
læknir Ástráðsson, og er hann um þessar
mundir að setja sig niður hér í Keflavík.
En Guðjón Klemenzson læknir hefir sinnt
sjúklingum héraðslæknis meðan þessi lækna-
skipti fóru fram.
Knattspymunámskeið í Kcflavík.
Axel Andrésson sendikennari í. S. I. var
hér frá 1. júlí til 6. ágúst í sumar og kenndi
knattleika hjá I. B. K. Nemendur voru stúlkur
og drengir á aldrinum frá 4—17 ára, alls
203. Kennslan fór fram bæði úti og inni og
var áhugi nemenda mikill. Seinasta sunnu-
dag námskeiðsins fóru fram sýningar á
Axelskerfinu í húsi U. M. F. K., var húsið
fullskipað áhorfendum og sýndu þar alls 160
börn á 2 sýningum, telpur og drengir.
íþróttafrömuður.
Eins og allir vita, hefir Axel gert það að
lífsstarfi sínu, að kenna ungu fólki fyrstu
leikreglur og þjálfun í handknattleik og
knattspyrnu um land allt. Hefir hann áður
verið hér við slík kennslustörf og náð ágæt-
um árangri. Axel hefir byggt upp sitt eigið
kerfi, sem auk þrautmiðaðra leikreglna felur
í sér fágun í framkomu, og skilning á góðri
þjónustu við aðra, drengilegum leik og hefir
þannig almennt uppeldislegt gildi fyrir hið
unga fólk og kemur viðkomandi mönnum
og samfélagi þeirra að góðu gagni síðar
meir. Á Axel því þjóðarþökk fyrir hið mikla
og góða starf í þágu æsku þessa lands.
Gagnfræðaskólinn í Kcflavík
var settur 1. okt s.l. í Keflavíkurkirkju.
Skólastjórinn, Rögnvaldur Sæmundsson, setti
skólann og ávarpaði nemendru en sóknar-
presturin, sr. Björn Jónsson flutti bæn.
I skólanum verða að þessu sinni 200 nem-
endur í 9 bekkjardeildum. Fastir kennarar
eru 8 og auk þess stundakennarar.
Fyrsta kjörbúðin í Kcflavík.
Þann 14. sept. í sumar opnaði Kaupfélag
Suðurnesja sína fyrstu kjörbúð í Keflavík.
Búðin er í nýju vistlegu húsi, að Hringbraut
55. Við opnun búðarinnar bauð félagið blaða-
mönnum, iðnmeisturum og öðrum gestum
ásamt starfsfólki kaupfélagsins, að skoða
þessa nýtízkulegu verzlun, sem er búin full-
komnustu tækjum kjörbúða eftir nýjustu
fyrirmyndum, en búðin er sú fimmta þeirrar
tegundar, er kaupfélögin hafa stofnsett á
árinu. Er hún teiknuð í teiknistofu S. í. S.
og innréttingar allar eru gerðar hérlendis.
Meistarar er sáu um byggingu hússins voru:
Þórarinn Olafsson byggingarmeistari, Valdi-
mar Gíslason múraram., Guðbjörn Guð-
mundsson rafv.m., Jón Ásmundsson rörl.m.
og Guðni Magnússon málaram. í búðinni er
fullkominn kæliútbúnaður fyrir hina ýmsu
vöruflokka. Eru tveir kæliklefar fyrir mjólk
og kjöt og auk þess frystihólf fyrir ýmsar
matvörur. Þessi kjörbúð, sem er í nýju hverfi
í vesturbænum, þar sem engin matvörubúð
var fyrir á stóru byggðu svæði, bætir úr
brýnni þörf, enda hefir mikið verið verzlað
þar síðan hún tók til starfa og þykja hinir
nýju verzlunarhættir vera til fyrirmyndar.
Björgunarbáturinn Gísli J. Johnscn
heimsótti Keflavík laugardaginn 15. sept.
s.l. Stjórnir slysavarnadeildanna hér í Kefla-
vík tóku á móti bátnum og skoðuðu hann
ásamt fjölda bæjarbúa. Luku allir miklu lofs-
orði á þetta litla en vel búna björgunarskip,
enda er það í alla staði mjög vandað og því
veglegt framlag til björgunarstarfseminnar í
landinu, og þó alveg sérstaklega kærkomið
verstöðvunum hér við Faxaflóa. Við þetta
tækifæri í kaffiboði slysavarnadeildanna hér,
fluttu ræður formenn beggja deildanna, þau
Jóna Guðjónsdóttir og Jón G. Pálsson. Auk
þeirra tóku til máls Henry Hálfdánarson og
Helgi S. Jónsson. Einkenndust ræðurnar af
baráttuhug fyrir auknum slysavörnum og
þakklæti til gefenda björgunarskipsins og var
skrifstofustjóra S. V. F. í. falið að koma þakk-
læti Keflvíkinga á framfæri.
Ljósviti.
Nýjum ljósvita var í sumar komið fyrir
í toppi vatnsgeymisins á flugvellinum í
Keflavík í stað gamla vitans, er var af ófull-
komnari gerð og var auk þess orðinn ótrygg-
ur. En vitar þessir hafa mikla þýðingu fyrir
aðflug á völlinn. Vitinn mun vera í 40 m
hæð frá jörðu og ber hann tvö ljós, er snúast
í hring, og senda leiftur sín um langa vegu.
Bifreiðastjórafélagið Fylyir.
Þann 11. okt. s.l. hélt bifreiðastjórafélagið
Fylkir í Keflavík fund, þar sem rædd voru
ýms félagsmál. Á fundinum var m. a. sam-
þykkt áskorun til lögreglu Keflavíkur, að
hún sjái um, að mönnum sé bannað að hjóla
á ljóslausum reiðhjólum um götur bæjarins,
eftir lögskilinn ljósatíma ökutækja. Hafa að
undanförnu verið mikil brögð að þessu og
telur fundurinn, að af því stafi mikil slysa4
hætta.
Þá skorar fundurinn einnig á lögreglu
Keflavíkur, að hún fyrirbyggi að börn og
unglingar geri sér að leik, að hanga aftan
í ökutækjum manna, sem í mörgum tilfellum
getur valdið slysum. Er alveg sérstök þörf
á góðu eftirliti, þegar skammdegið fer j
hönd og snjór og hálka er á götunum. í þessu
sambandi vill fundurinn benda öllum for-
svarsmönnum barna, lögreglu, kennurum og
foreldrum á þá geigvænlegu slysahættu sem
felst í þeim Ijóta leik, sem því miður allt of
mörg börn iðka, að neiða bifreiðastjóra til
að hægja á sér, með því að látast ætla að
stökkva fyrir ökutækið, með þann eina til-
gang fyrir augum, að ná taki á afturstuðara
bifreiðarinnar, um leið og hún strýkst fram
hjá, og láta hana svo draga sig eftir götunni.
Bifreiðastjórinn sér ekki hvað er að gerast
fyrir aftan bifreið hans, en í mörgum tilfell-
um sem þessu, missa börnin af takinu, liggja
hjálparvana eftir á götunni og geta þá
auðveldlega orðið undir næstu bifreið, sem
kemur brunandi eftir hálli götunni. Væntir
bifreiðastjórafélagið þess, að þessari aðvörun
verði sinnt og að lögreglan taki forustuna í
málinu. Þá beinir fundurinn ennfremur
þeirri áskorun til viðkomandi aðila, að nú
þegar sé fullkominni götulýsingu komið
upp á veginum milli Keflavíkur og svo
kallaðra Landshafnarhúsa, og þyrfti þó lýs-
ingin helzt að ná alla leið inn að flugvallar-
hliði. Mun ekki ofsögum sagt, að þetta sé
einhver fjölfarnasti vegarspotti landsins,
enda fjölsótt samkomuhús á leiðinni og því
oít mikið um gangandi vegfarendur í alla
vega ástandi innan um ökutækin. Er því
mjög mikil slysahætta á þessari leið, þegar
skyggja tekur og þarf því að bæta úr þessu
hið bráðasta.
Bifreiðastjórafélagið Fylkir, sem er stétta-
félag bifreiðastjóra við fólksflutninga, var
stofnað 2. nóv. 1951 og er það því 5 ára nú
um þessar mundir. Formaður þess er
Ingólfur Magnússon.
Skemmtiferð.
Kaupfélag Suðurnesja efndi til skemmti-
ferðar fyrir félagskonur sínar dagana 22.—
23. ágúst í sumar. Var ferðast um Borgar-
fjörð í yndislegu veðri, báða dagana, skoð-
aðir merkustu sögustaðir hins fagra hér-
aðs og gist á samvinnuheimilinu, Bifröst.
Að þessu sinni tóku 58 konur þátt í förinni
og var sú elzta 81 árs. Rómuðu konurnar
mjög þetta ferðalag, sem þótti takast með
ágætum.
Fjárrétt.
í haust tóku bændur á Vatnsleysuströnd
nýja fjárrétt í notkun. Réttin er í landi
Hlöðunesshverfis, skammt frá samkomu-
húsinu Kirkjubóli og er af kunnugum talið
mikið mannvirki. Þórður Kr. Jónsson bóndi
á Stóru-Vatnsleysu gerði frumdrætti að fyrir-
komulagi réttarinnar og annaðist byggingu
hennar. Þykir réttin mjög hagkvæm og þægi-
leg og er bændum sveitarinnar til sóma.
I