Faxi - 01.01.1980, Page 4

I Sólbrekkum. Skammarleg umgengni. Ljbsm : jón Tómasson
hreinlega upp þegar ávöxtur
iðju þeirra er upp étinn eða stór-
skemmdur ár eftir ár og ávallt
bótalaust.
Þaö er því ekki að ófyrirsynju
að Skógræktarfélagiö hefur
beint tilmælum sínum til bæjar-
félaga um aö veita mönnum að-
stoð til að laga og fegra um-
hverfi sitt og koma upþ göröum.
Og þau eiga afar auðvelt með
þaö, ef það er einlægur vilji aö
fegra bæina. Meðal annars
verður að setja mjög þröngar
skoröur við húsdýrahaldi í þétt-
býli, þannig að lausaganga bú-
fjár sé úr sögunni. Með þessu
móti má leggja niður dýrar girð-
ingar umhverfis lóðir en láta
gróðurinn, limgeröi, afmarka
þær, og við það sparast óhemju
mikið fé. ( öðru lagi ættu bæjar-
félögin að eiga birgðir af frjórri
gróðurmold sem húseigendur
gætu fengiö eftir þörfum viö
vægu verði eða engu. Ekkert
verður ræktaö án jarðvegs, en
víða er erfitt fyrir einstaklinga að
ná í hann nema með ærinni fyrir-
höfn. Og jarðvegurinn verðurað
vera frjór og myldinn til aö fólk
hafi erindi sem erfiöi Þessvegna
ættu öll bæjarfélög að koma upp
moldarbirgðastöövum. Slíkt
myndi flýta ótrúlega fyrir því að
þorp og bæir yrðu vistlegri en
nú er. Og loks má benda á, aö
víða skortir leiöbeinendur í
garðrækt, en því verða bæjarfé-
lögin einnig að sjá fyrir.
Þegar farlfi er um sveitlr
landsins má vfða sjá
garða og trjálundl vlð b«i
En alltof víða hefur trjánum
verið plantaö ofan í gömlu kál-
garöana sunnan við bæjarvegg-
inn, og nú skyggja trén á sumar-
sólina, sem sjaldan er of mikiö
af. Samt trássast menn viö eða
tíma ekki að fella trén eða grisja
þau, svo lengi situr viö það
sama. En það gilda allt önnur
sjónarmið við skipulag garða í
sveitum en í þéttbýli, þar sem
hvert húsið tekur við af öðru. (
framtíöinni ættu menn að haga
garð- ogtrjáræktinni þannig, að
upp kæmu góð og þéttskjólbelti
að minnsta kosti á tvo vegu við
íbúðarhúsin, þannig að þau
girtu fyrir aðalvindáttirnar.
Innan við þau mætti svo rækta
ýmislegt, svo sem runna og
garðávexti, allt aö húsi heim.
Næg reynsla er komin á rækt-
un skjólbelta til þess aö
mönnum sé óhætt að hefjast
handa. En allur undirbúningur
að ræktun þeirra veröur að vera
svo góður sem framast má. Og
þaö er brýn nauösyn að hirða
þau vel fyrstu 3-5 árin, en úr því
ættu þau ekki aö þurfa mikla
umönnun. Til eru leiöbeiningar
um þetta, svo óþarfi er að fara
fleiri orðum um það. Þegar
skjólbeltin eru komin (
mannhæö má fara að merkja
skjóliö hið næsta þeim, og úrþví
eiga þau aö vaxa allhratt.
Þar sem skjólbeltum er hag-
anlega fyrir komið í hæfilegri
fjarlægö frá íbúðarhúsum eiga
þau að geta sparaö allt að þriðj-
ung hitunarkostnaðar sam-
kvæmt bandarískum mæling-
um. Og samkvæmt dönskum
mælingum eykst sumarhitinn
um hálfa til heila gráðu í skjóli
þeirra. Munar um minna í okkar
köldu sumrum. Ýmsum hefur
vaxiö í augum aö þurfa að bíða í
allt að 10 ár eftir fyrstu skjólverk-
ununum, en menn skyldu muna
aö þegar þau eru upp komin
veita þau skjól um marga tugi
ára.
Á Jótlandi eiga skjólbelti sér
alllanga sögu. Þegar farið er um
landið blasa þau hvarvetna við
augum nema á þeim fáu heiða-
löndum, sem nú eru friðuð. Það
væri alveg óhugsandi og út í hött
aö stunda landbúnaö um miöbik
og vesturhluta Jótlands svo
ábati væri af, nema með því að
girða löndin skjólbeltum meö
hæfilegum millibilum. Skjólbelt-
in eru vaxin upp af elju,
þrautseigju og nægjusemi
Jótans í marga ættliði, og fyrir
skjólbeltin er landið orðið gjöf-
ult og frjótt, þar sem áður voru
lyngheiöar og mýrardrög. Af
þessu mættum við læra, því
okkur er kannski meiri þörf á
skjóli en hinum, sem sunnar búa
á hnettinum.
Hvert er hlutverk
bæjarfélaga I
skógræktarmálum?
Að endingu vil ég aðeins
benda á, að það er í verkahring
bæjarfélaga að koma upp
stórum görðum eða útivistar-
svæöum í nánd við bæi og
þorp. I þeim efnum hefur
Reykjavíkurborg riðið á vaöið og
tekið mannlegast á þeim málum
með friöun Heiðmerkur með
aðstoð Skógræktarfélags
Reykjavíkur. Og þaö sakar ekki
að geta þess, að það var stjórn
Skógræktarfélags (slands sem á
sínum tíma hratt þessu máli af
stað og barðist fyrir friöuninni
uns hún komst á. Nú á Akureyr-
arbær stórt útivistarsvæöi í
Kjarnalandi, sunnan og ofan við
bæinn, sem veröur bæjarbúum
til hvíldar og gleði í framtíðinni,
og ýmis önnur bæjarfélög, svo
sem Húsavík, Sauöárkrókur,
Hafnarfjöröur og ef til vill fleiri,
eru að vinna að þessum málum,
og munu skógræktarfélögin
hvert á sínum stað hafa verið
ötulustu liösmenn bæjarstjórn-
anna.
Ár trésins á aðeins að vera
upphaf að fleiri ræktunarárum,
það á að vera hvatning til aö
menn hefjist nú handa, standi
aö nýrri ræktun þar sem enn er
ekki að gert, bæti og auki viö þá
ræktun trjáa og skóga, sem
þegar er byrjuö. þetta ár á að
vera afmælisgjöf Skógræktar-
félags (slands og allra þeirra,
sem með því vinna til framtíðar
þjóðarinnar. En munum það, að
góöur vilji endist skammt nema
að athafnir fylgi.
Hákon Bjarnason
Leiguíbúðir fyrir
aldraða
Bæjarráð Keflavíkur auglýsir hér með eftir um-
sóknum um leiguíbúðir við Suðurgötu 12-14.
Ibúðirnar eru af stærðunum 54m2, 56m2 og
66m2. Aætlaður afhendingartími er í júní n.k.
Um úthlutun íbúða þessara gilda eftirfarandi
reglur:
1. Þeir einir koma til greina sem náð hafa elli-
lífeyrisaldri (heimilt er þó að lækka aldurs-
mörk, ef um örorku er að ræða).
2. Leiguréttur er bundinn við búsetu með lög-
heimili í Keflavík sl. 10 ár.
3. Að öðru leyti skal tekið tillit til heilsufars
umsækjanda, húsnæðisaðstöðu, efnahags og
annarra félagslegra aðstæðna.
4. Umsóknir skulu hafa borist fyrir 1. marz
n.k. og skulu sendar á þar til gerðum eyðu-
blöðum sem liggja frammi á skrifstofu Kefla-
víkurbæjar, Hafnargötu 12, Keflavík.
FAXI - 4